ԵՄ առաքելությունը ՀՀ համար կարևոր գործիք է խաղաղության գործընթացը հավելյալ կերպով ամրապնդելու համար. ԱԳ նախարար
22.03.2023
Հայաստանում Եվրամիության քաղաքացիական առաքելությունը երկրի համար ևս մեկ կարևոր գործիք է, որը պետք է ծառայեցվի խաղաղության գործընթացին:
Միրզոյանը տեղյակ է՝ հնչում են նաև մեկնաբանություններ, թե հայկական կողմը, այսպես ասած, թաքնվելով ԵՄ առաքելության թիկունքում, ինչ-որ սադրանքներ է անում:
«Նախ՝ հայկական կողմն ընդհանրապես սադրանքներ չի անում: Եվ երկրորդ՝ ԵՄ առաքելությունը ՀՀ-ի համար միայն ու միայն գործիք է, որը պետք է հավելյալ կերպով ամրապնդի խաղաղության գործընթացը, տարածաշրջանում կայունությունը, ինչպես նաև օբյեկտիվ իրականության գնահատումն ու փոխանցումը ԵՄ գործընկերներին»,-ասաց Միրզոյանը:
ԵՄ քաղաքացիական առաքելությունը Հայաստան է եկել փետրվարի 20-ին: