×

Ուկրաինայում ՀՀ դեսպանությունը վերսկսել է աշխատանքը Կիևում

13.05.2022

Ուկրաինայում Հայաստանի դեսպանությունը վերսկսել է իր բնականոն աշխատանքը Կիևում։ Այդ մասին ասված է դեսպանության Ֆեյսբուքի էջում:

«Հյուպատոսական բաժինը քաղաքացիների ընդունելությունը կրկին կիրականացնի Կիևի Սիչովիխ Ստրիլցիվ փողոցի 51/50 հասցեով մայիսի 23-ից»,- նշված է գրառման մեջ:

Հիշեցնենք՝ անվտանգության նկատառումներից ելնելով՝ Ուկրաինայում ՀՀ դեսպանության աշխատակիցները Կիևից տեղափոխվել էին Լվով և Ուժգորոդ, որտեղից շարունակում էին ամբողջ ծավալով աշխատել ու սպասարկել ՀՀ քաղաքացիներին։