×

Արեւմտահայերէն լուրեր Ապրիլ | 6 |2021

06.04.2021

Հայաստան միտուած է Ռուսաստանի Դաշնութեան հետ լայն եւ երկարաժամկէտ ռազմական համագործակցութեան, որը կը բխի երկու պետութիւններու ռազմավարական շահերէն: Հայաստան խիստ շահագրգռուած է Ռուսաստանէն մատակարարումներու հարցին մէջ, որպէսզի ունենայ ժամանակակից , նախ եւ առաջ` Ռուսաստանի Դաշնութեան եւ ՀԱՊԿ միւս դաշնակիցներուն հետ համատեղելի սպառազինութիւն եւ զինամթերք»,-ըսած է վարաչպետ Նիկոլ Փաշինեան, Ապրիլ եօթին Մոսկուա կատարելիք այցի նախաշեմին, իր տուած հարցազրոյցին մէջ «Ինտերֆաքս» գործակալութեան։

Ինը ամսուան ընթացքին Թուրքիան Ատրպէյճանի հետ արդէն 4-րդ զօրավարժութիւնն է, որ կը կատարէ: Այսօրուընէ կը սկսի կապի զօրքերու համատեղ մարտավարական յատուկ զօրավարժութիւնները՝ ատրպէյճանցի և թուրք զինծառայողներուն մասնակցութեամբ: Պիտի տեւէ մինչեւ Ապրիլ 8-ը:

Ուքրանիոյ սահմանին ռուսական ռազմական տեղաշարժերու մասին հաղորդագրութիւնները ըստ Ամերիկայի «հաւաստի» են , եւ Մոսկուայէն կը պահանջեն բացատրել «սադրանքները»: Այս մասին կը գրէ Reuters գործակալութիւնը, կը հաղորդուի, որ ռուսական զօրքերու կուտակումերն ու շարժերը Ուքրանիոյ արեւելեան սահմանին Ամերիկայի նախագահ Ճօ Պայտընի պաշտօնավարումէն երեք ամիս չանցած դարձան Ամերիկա-Ռուսաստան «սառած» յարաբերութիւններուն լարուածութեան վերջին կէտը: