Աւարտուեց Գերագոյն հոգեւոր խորհրդի ժողովը

Մայիսի 17-18-ին Ռուսաստանի եւ Նոր Նախիջեւանի հայոց թեմի առաջնորդարանում Գերագոյն հոգեւոր խորհուրդը, Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց Կաթողիկոսի բարձր նախագահութեամբ, շարունակեց իր աշխատանքը: Այս մասին «Հայերն այսօր»-ին յայտնում են Մայր Աթոռ Ս. Էջմիածնի տեղեկատուական համակարգից:

Ժողովի մնացեալ նիստերն ատենապետեց ԱՄՆ Հայոց Արեւմտեան թեմի առաջնորդ Գերաշնորհ Տ. Յովնան արքեպիսկոպոս Տէրտէրեանը:

Ժողովին Գերագոյն հոգեւոր խորհուրդը քննարկեց Ազգային-եկեղեցական ժողովի` 1945 թուականին գործադրութեան մէջ դրուած կանոնադրութեան լրամշակուած նախագիծը: Այս առնչութեամբ զեկոյց ներկայացրեց Կանոնադրութիւնների մշակման յանձնախմբի անդամ իրաւաբանական գիտութիւնների դոկտոր, պրոֆէսոր Գէորգ Դանիէլեանը: Լուսաբանութիւններ տրուեցին նաեւ յանձնախմբի անդամ, Մայր Աթոռի դիւանապետ Գերաշնորհ Տ. Արշակ եպիսկոպոս Խաչատրեանի կողմից:

Հանգամանալից քննութիւնից յետոյ Գերագոյն հոգեւոր խորհուրդն ընդունեց կատարուած աշխատանքը եւ թելադրեց Վեհափառ Հայրապետի օրհնութեամբ հաստատուած նախագիծը ներկայացնել յունիս ամսին գումարուելիք Եկեղեցական-ներկայացուցչական ժողովին:

2017 թ. յունիս 6-9-ը Մայր Աթոռ Ս. Էջմիածնում կայանալիք Եկեղեցական-ներկայացուցչական ժողովի նախապատրաստական աշխատանքների մասին տեղեկութիւններ հաղորդեց ժողովի կազմակերպիչ յանձնախմբի պատասխանատու Գերաշնորհ Տ. Նաթան արքեպիսկոպոս Յովհաննիսեանը: ԳՀԽ անդամները, գնահատանքով ընդունելով կատարուած աշխատանքը, նաեւ իրենց թելադրութիւնները կատարեցին ժողովի առնչութեամբ:

Ժողովին զեկոյցով հանդէս եկաւ Կոստանդնուպոլսի Հայոց Պատրիարքական տեղապահ Գերաշնորհ Տ. Գարեգին արքեպիսկոպոս Բեքչեանը` ներկայացնելով Պատրիարքութիւնում տիրող բարդ իրավիճակը: Գերագոյն հոգեւոր խորհուրդը մտահոգութիւն յայտնեց Հայոց Պատրիարքութիւնում ստեղծուած կացութեան  առնչութեամբ, երբ պատրիարքական ընտրեալ տեղապահը հնարաւորութիւն չունի ձեռնամուխ լինելու իր պարտականութիւնների իրականացմանը: Գերագոյն հոգեւոր խորհուրդը զօրակցութիւն յայտնեց Պատրիարքական տեղապահին` յորդոր ուղղելով, որպէսզի Պատրիարքութեան հոգեւոր դասի եւ ազգայինների հետ գործակցութեան խաղաղ մթնոլորտի մէջ ջանքեր ներդրուեն պետական պատկան կառոյցների հետ բարւոք լուծումներ գտնելու ստեղծուած կացութեանը:

Անդրադարձ կատարելով այս գործընթացում Տ. Արամ արքեպիսկոպոս Աթեշեանի դրսեւորած կեցուածքին`  գերագոյն հոգեւոր խորհուրդն անհրաժեշտ համարեց յորդորել նրան, առաջնորդուելով Հայ Եկեղեցու կարգերով եւ կանոններով, զօրավիգ լինելու Պատրիարքական ընտրեալ տեղապահին եւ ձեռնարկելու անհրաժեշտ քայլերը` Պատրիարքութեան բնականոն կեանքի վերականգնման համար:

Գերագոյն հոգեւոր խորհուրդը քննութեան առաւ նաեւ 2018 թուականին Երիտասարդութեան տարուայ տօնախմբութիւնների հետ առնչուած ծրագրերը: Դեռեւս 2016 թուականի ԳՀԽ նիւեորքեան ժողովի ժամանակ որոշում էր կայացուել 2018 թուականը հռչակել իբրեւ Երիտասարդութեան տարի:

Այս կապակցութեամբ տարուող աշխատանքների մասին զեկոյց ներկայացրեց Տ. Յովնան արքեպիսկոպոս Տէրտէրեանը: Տեղեկացուեց, որ այդ տարում առանձին տարածաշրջաններում նախատեսւում են երիտասարդական հաւաքներ ու միջոցառումներ, յուլիս ամսին աշխարհասփիւռ թեմերի երիտասարդների մասնակցութեամբ կը կազմակերպուի նաեւ եռօրեայ մեծ ուխտագնացութիւն դէպի Հայաստան եւ Մայր Աթոռ Ս. Էջմիածին: Եռօրեայ հաւաքը կ’աւարտուի Հայրապետական Ս. Պատարագով:

ԳՀԽ եռօրեայ ժողովի աւարտին Ռուսաստանի եւ Նոր Նախիջեւանի հայոց թեմի մասին զեկոյց ներկայացրեց թեմակալ առաջնորդ Տ․ Եզրաս արքեպիսկոպոս Ներսիսեանը` երախտագիտութիւն յայտնելով Ամենայն Հայոց Հայրապետին` Գերագոյն հոգեւոր խորհրդի հերթական նիստը  Ռուսաստանի եւ Նոր Նախիջեւանի հայոց թեմում անցկացնելու համար:

Եզրաս Սրբազանը, համառօտ պատմական ակնարկ կատարելով Ռուսաստանում հայոց թեմի հաստատման մասին, ներկայացրեց թեմի ներկայիս գործունէութիւնը: Սրբազան Հօր առաջնորդութեան տարիներին թեմում գրանցուել է 83 ծուխ, գործող եկեղեցիների թիւը 7-ից հասցուել է 41-ի,  հոգեւոր սպասաւորների թիւը 8-ից բարձրացուել է 34-ի: Կառուցման ընթացքի մէջ է 15 եկեղեցի, որոնցից  9-ի օծումն ու հանդիսաւոր բացումը նախատեսւում է կատարել 2017 թուականին` թեմի հիմնադրման 300-ամեայ յոբելեանի շրջանակներում:

Սրբազան Հայրն անդրադարձաւ թեմի հոգեւոր-մշակութային կեանքին, որին մեծապէս նպաստեցին 2013 թ. Մոսկուայի Ս. Պայծառակերպութիւն առաջնորդանիստ նոր եկեղեցու օծումը եւ եկեղեցական համալիրի բացումը: Հոգեւոր-քարոզչական գործունէութեան շրջագծում կազմակերպւում են ուխտագնացութիւններ դէպի Մոսկուայի առաջնորդանիստ տաճար եւ տարբեր համայնքներ, առաջնորդարանում կազմակերպւում են հոգեւոր զրոյցներ:

Թեմի գիտական-մշակութային կեանքին նպաստում է հայագիտութեան նորաստեղծ կենտրոնը, որը պարբերաբար կազմակերպում է գիտաժողովներ, գրքերի շնորհանդէսներ, բանախօսութիւններ: Հիմնուել են «Տապան» թանգարանը եւ նորագոյն սարքաւորումներով յագեցած գրադարանը: Հայաշատ քաղաքներում հրատարակւում է  4 երկլեզու ամսաթերթ,  լոյս են ընծայուել երկու տասնեակից աւելի գրքեր:

Մեծ ուշադրութիւն դարձնելով կրթութեան եւ հայեցի դաստիարակութեան գործին` գործում է Սանկտ Պետերբուրգի թիւ 259 միջնակարգ դպրոցը, աւելի քան 3000 երեխայ յաճախում է 18 հայորդեաց տուն, որոնց մէջ գործում են զանազան խմբակներ: 2006 թ. հիմնուած Մոսկուայի Հայորդեաց տանը անցնող 10 տարիների ընթացքում կրթուել է 8000 հայորդի: Առաջիկայում Մոսկուայի եկեղեցական համալիրի տարածքում կը բացուի «Սուրբ Գրիգոր Նարեկացի» գիմնազիան, կը կառուցուի նաեւ մանկապարտէզ-կրթարան: Սրբազանը տեղեկացրեց, որ բոլոր ծխերում գործում են երիտասարդաց միութիւններ, հանդիպումներ են կազմակերպւում Մոսկուայի Բուհ-երում սովորող հայ ուսանողների հետ:

Նշուեց, որ թեմը մասնակցում է Հայ Եկեղեցու բարեգործական ծրագրերին թէ՛ հայրենիքում եւ թէ՛ նրա սահմաններից դուրս, մեծ աջակցութիւն է ցուցաբերում Արցախին: Առաջնորդանիստ համալիրում գործում են սոցիալական օգնութեան  եւ իրաւաբանական անվճար խորհրդատուութեան բաժինները: Վերջինիս ծառայութիւններից օգտւում են ոչ միայն հայորդիները, այլեւ օտարազգիներ: Հիմնուել է նաեւ բժշկական երկու հաստատութիւն. ատամնաբուժարան Սանկտ Պետերբուրգում եւ բժշկական կենտրոն Մոսկուայում, որտեղ եւս անվճար ծառայութիւններ են մատուցւում կարիքաւորներին:

Գերագոյն հոգեւոր խորհրդի անդամները գոհունակութեամբ ընդունեցին ներկայացուած զեկոյցը` իրենց գնահատանքը յայտնելով թեմի կողմից իրականացուող բազմաբնոյթ ազգաշահ եւ եկեղեցանպաստ ծրագրերի կապակցութեամբ: Ժողովականները Աստծոյ զօրակցութիւնը հայցեցին առաջնորդ Սրբազան Հօրը եւ հոգեւոր դասին իրենց նուիրեալ եւ օգտաշատ ծառայութեան մէջ:

Ժողովն ամփոփուեց Ամենայն Հայոց Կաթողիկոսի օրհնութեան ու գնահատանքի խօսքով:

 

ՀՀ Սփիւռքի Նախարար Հրանոյշ Յակոբեան Ընդունեց Աւստրալիոյ Միաւորուած Եկեղեցւոյ Անդամները

Մայիս 18-ին ՀՀ սփիւռքի նախարար Հրանոյշ Յակոբեան ընդունեց Աւստրալիոյ Միաւորուած եկեղեցւոյ անդամները` Աւստրալիոյ Հայ Աւետարանական Ընկերակցութեան նախագահ եւ Լոնգուիլի Սուրբ Էնտրիւ Միաւորուած եկեղեցւոյ հոգեւոր հովիւ վերապատուելի Գրիգոր Եումաշճեկեանի գլխաւորութեամբ:

Ջերմօրէն ողջունելով հիւրերը` Սփիւռքի նախարարը կարեւոր նկատեց միջեկեղեցական կապերու դերը ժողովուրդներու փոխճանաչման եւ համագործակցութեան գործին մէջ, շնորհակալութիւն յայտնեց 2015թ. Միաւորուած եկեղեցւոյ համագումարին կողմէ Հայոց ցեղասպանութեան ճանաչման բանաձեւի ընդունման համար: Ան մասնաւորապէս ըսաւ. «Ուրախ եմ, որ այսպիսի մեծ խմբով այցելել էք առաջին քրիստոնեայ երկիր: Վերջին շրջանում Հայաստան տեղափոխուած սիրիահայերի խնդիրների լուծման ուղղութեամբ, մենք աւելի ակտիւ ենք համագործակցում Աւետարանական Եկեղեցու հետ, ինչպէս նաեւ կրթութեան եւ մշակոյթի ոլորտներում: Մեծ ուշադրութիւն ենք դարձնում սահմանային գիւղերին, եւ ուրախ եմ, որ դուք որդեգրել էք Չորաթանը եւ փորձում էք օգնել: Յուսով եմ, որ դուք շրջագայելով Հայաստանում եւ Արցախում` կը ճանաչէք եւ կը սիրէք մեր երկիրը, ձեր տպաւորութիւններով ու ոգեւորութեամբ կը վարակէք բազմաթիւ աւստրալացիների, որպէսզի նրանք ոչ միայն այցելեն Հայաստան, այլեւ գան եւ ներդրումներ կատարեն մեծ հնարաւորութիւնների ու հեռանկարների երկիր Հայաստանում»:

Շնորհակալութիւն յայտնելով ջերմ ընդունելութեան համար` Գրիգոր Եումաշճեկեան նշեց, որ Հայ Աւետրանական եկեղեցին Աւստրալիոյ մէջ Միաւորուած եկեղեցւոյ լիիրաւ անդամներէն է: Ան տեղեկացուց, որ այս այցելութիւնը դէպի Հայաստան կազմակերպուած է Լոնգուիլիի Սուրբ Էնտրիւ Միաւորուած եկեղեցւոյ միաբանութեան  անդամներու խնդրանքով: Ճամփորդութեան նպատակն է անմիջականօրէն առնչուիլ հայ ժողովուրդի մշակոյթին, այցելել Հայաստանի եւ Արցախի բոլոր մարզերու պատմամշակութային վայրերը: Ան եւս համոզմունք յայտնեց, որ  հետեւելով այս խումբի օրինակին` Հայաստան բացայայտելու ճանապարհը կը բռնեն բազմաթիւ աւստրալացիներ, եւ յատկապէս` հայ համայնքի ներկայացուցիչները:

img_5075 img_5101

Մելգոնեան Համաշխարհային Նախաձեռնութիւն

Մելգոնեան Կրթական հաստատութեան հիմնադրութեան 90ամեակին առիթով տեղի ունեցաւ աշխարհասփիւռ մելգոնեանցիներու հաւաք մը՝ Կիպրոսի մէջ, 2016ի Յուլիս 14-22, արժանավայել շուքով տօնախմբելու համար ազգային անզուգական բարերարներ Կարապետ եւ Գրիգոր Մելգոնեան եղբայրներուն թողած աւանդը: Մելգոնեանցի նախկին սաները, որոնք մասնակից էին այդ աննախընթաց հաւաքին, վերապրեցան իրենց աշակերտական օրերու հին ու քաղցր յուշերը: Անոնք այցելեցին «Մելգոնեան»ի իրենց երբեմնի դասարանները, ննջարանները, խաղավայրերը եւ այլ յիշատակելի վայրեր, խոնարհեցան անմահ բարերարներու դամբանին առջեւ՝ երախտագիտութեան իրենց տուրքը մատուցելու, եւ ուխտեցին վառ պահել «Մելգոնեան»ի երազը իրենց հոգիներուն մէջ:

Մելգոնեանցի բազմաթիւ սերունդներ, մինչեւ այսօր տակաւին ամուր կը պահեն «Մելգոնեան»ի աւանդը իրենց սիրտերուն մէջ, եւ անոր փակումէն ե՛տք իսկ «Մելգոնեան»ը կը շարունակէ ապրիլ իրենց հոգիներուն մէջ: 90ամեակի տօնախմբութիւններու յաջող ու փառաւոր աւարտը յայտնաբերեց այն ներուժը, որ կրնայ համախմբել մելգոնեանցիները եւ կազմել համաշխարհային կառոյց մը, շարունակելու համար բարերար եղբայրներուն ազնիւ գործը:

Եւ ահա՛ այդ մտասեւեռումէն մղուած, խումբ մը նուիրեալ մելգոնեանցիներ Լոս Անճելըսի մէջ սկսան յառաջ տանելու նոր շարժում մը՝ «Մելգոնեան համաշխարհային նախաձեռնութիւն» (Melkonian Global Overture, MGO) անուան տակ: Այս նախաձեռնութեան առաջին հրապարակային ներկայացումը կատարուեցաւ Յունուար 15, 2017ին, Մելգոնեան բարերարներուն նուիրուած յիշատակի ոգեկոչման առիթով, Փասատինայի Ս. Գրիգոր Լուսաւորիչ եկեղեցւոյ «Կիրակոս» սրահին մէջ, ուր ներկայ էին աւելի քան 200 մելգոնեանցիներ ու բարեկամներ: Հոգեճաշին յաջորդած հանդիսութեան ընթացքին գործադրուեցաւ գեղարուեստական յայտագիր մը, որուն եզրափակիչ մասով հրամցուեցաւ սահիկներու ցուցադրութիւն, որ կը ներկայացնէր անցեալ ամրան մելգոնեանցիներու համախմբումը Կիպրոսի մէջ: Տեսերիզը պատրաստուած էր Արսինէ Շիրվանեանի նախաձեռնութեամբ, որ մղիչ ուժն ու գլխաւոր կազմակերպիչն էր համախմբումին: Նկարներու ցուցադրութեան յաջորդեց Արսինէի ձայնագրուած պատգամը, ուր ան կը բացատրէր վերոնշեալ նախաձեռնութեան հիմնական նպատակները եւ զանոնք իրագործելու հնարաւորութիւնները:

Այս նախաձեռնութեան գլխաւոր նպատակն է սատարել հայ ինքնութեան ու մշակութային ժառանգութեան պահպանման՝ սփիւռքահայ ներկայ իրականութեան մէջ, ուր տարուէ տարի ականատես կը դառնանք մեր մայրենի լեզուի նահանջին, տոհմային արժէքներու տակաւ անհետացման եւ մեր ազգային գոյապայքարի տկարացման։ Մեր առաջնահերթ մտահոգութիւնն է Սփիւռքի հայկական գաղութներու վերաշխուժացումը, վերականգնումը եւ բարգաւաճումը: Այդ ուղղութեամբ, մենք պատրաստ ենք գործակցելու այն անհատներուն ու կազմակերպութիւններուն հետ, որոնք կը բաժնեն մեր տեսակէտները եւ կ՛աշխատին նպաստաւոր պայմաններ ստեղծել Սփիւռքի հայկական համայնքներուն տնտեսական, մշակութային, ընկերային եւ կրթական յառաջդիմութեան համար:

«Melkonian Global Overture»ի անմիջական ծրագիրներէն մէկն է կազմակերպել ուխտագնացութիւն մը դէպի Երուսաղէմ, Յուլիս 20-27, 2017ին: Մասնակիցները առիթ պիտի ունենան այցելելու քրիստոնէութեան օրրանը հանդիսացող այս քաղաքին պատմական սրբավայրերը: Անոնք պիտի տեսնեն մանաւանդ Երուսաղէմի հայկական թաղամասը եւ ծանօթանան անոր հայ բնակիչներուն ու անոնց դիմագրաւած մարտահրաւէրներուն, նաեւ պիտի այցելեն Հայոց բազմադարեան պատրիարքարանը՝ իր դարաւոր հարուստ ժառանգութեամբ: Մասնակիցները պիտի հանդիպին Երուսաղէմի Հայոց պատրիարք Նուրհան արք. Մանուկեանի հետ ու վայելեն անոր հիւրընկալութիւնը: Անոնք առիթը պիտի ունենան նաեւ այցելելու Ս. Գրային պատմական վայրերը, ինչպէս՝ Յիսուսի ծննդավայր Բեթղէհէմը, Մեռեալ ծովը, Գալիլիոյ լիճը, Յորդանան գետը եւ այլ տեսարժան վայրեր։

Երուսաղէմի շրջապտոյտին եւ յետագային կազմակերպուելիք ա՛յլ պտոյտներուն ու միջոցառումներուն գլխաւոր նպատակն է՝ ծանօթանալ սփիւռքահայ համայնքներու իրավիճակին, պայմաններուն ու կարիքներուն: Ասիկա առիթ կու տայ մշակելու ծրագիրներ, որոնք կրնան ծառայել վերաշխուժացնելու հայկական համայնքներուն կեանքը եւ պահպանելու մեր մշակութային հարստութիւնը: Վերոյիշեալ ձեռնարկներէն ու նուիրատուութիւններէն գոյացած հասոյթով պիտի հաստատուի մասնաւոր հիմնադրամ մը, կրթաթոշակներ յատկացնելու համար արժանաւոր հայ աշակերտներու համալսարանական ուսման:

Համաշխարհայնացումի (globalization) այս դարուն, եթէ իսկապէս կը հաւատանք հայ ինքնութեան գոյատեւման եւ մեր մշակութային ժառանգութեան պահպանման, ապա պէտք է պայքարինք կանգուն պահելու մեր դպրոցները, պատրաստելու համար նո՛ր սերունդներ եւ անոնց փոխանցելու այն ջահը, զոր մենք ստացանք մեր անզուգական Մելգոնեան բարերար եղբայրներէն ու մեր նուիրեալ դաստիարակներէն։

Ութ Հայորդիներ Ստացան «Էլիս Այլընտ» Պատուոյ Շքանշանը

Ասպարէզ-Միացեալ Նահանգներու Ազգային ազգագրական կազմակերպութիւններու համախմբումին կազմակերպած 2017ի «Էլիս Այլընտ» պատուոյ շքանշաններու տուչութեան պաշտօնական արարողութիւնը տեղի ունեցաւ Շաբաթ, Մայիս 13ին, Նիւ Եորքի Էլիս կղզիին վրայ, Ազատութեան արձանի շուքին տակ։

Այս տարի կային ութ հայ շքանշանակիրներ, որոնք էին՝ բարերար Վարանդ Ֆրենք Մելքոնեան, տոքթ. Կարօ Դերձակեան, արուեստներու ջատագով Ճօէն Աղաճանեան-Քուին, բարերար Ռութ Պետեւեան, երգիչ Էնտի Անդրանիկ Մատատեան, բժշկական կրթութեան դասախօս դոկտ. Արա Թէքեան, Լոս Անճելըսի Պոլսահայ միութեան կարկառուն անդամներէն Գուրգէն Եդուարդ Պերքսանլար եւ Օրլանտոյի (Ֆլորիտա) Ս. Յարութիւն եկեղեցւոյ ծուխի նուիրեալներէն Լուսին Մարտիրոսեան-Հարվի:

Շքանշանը կը նշէ ամերիկեան կեանքի այլազանութիւնը եւ կը մեծարէ այնպիսի անհատներ, որոնք կարելիութիւններ կ՛ընծայեն տարբեր ազգերու ներկայացուցիչներուն ինքնութիւնը պահպանելու եւ միաժամանակ զանոնք ամերիկեան կեանքին մէկ մասնիկը դարձնելու:

Նոպէլեան մրցանակակիրներ, Միացեալ Նահանգներու նախագահներ, ինչպէս նաեւ գործարարներ, ուսուցիչներ, արուեստագէտներ, մարզիկներ եւ զանազան պաշտօնատարներ ցարդ արժանացած են այս պատիւին:

Այս տարուան մեծարեալներուն մէջ եղած են նաեւ անջրպետագնաց Պազ Ալտրին եւ լրագրող Ֆերիտ Զաքարիա։ Այս տարի նաեւ յատուկ շքանշան մը շնորհուեցաւ Փաքիստանի մէջ աղջիկներու կրթութեան իրաւունքին համար պայքար տանող Մալալա Եուսէֆզային, որ Նոպէլեան խաղաղութեան մրցանակին եւս արժանացած էր։

Նախապէս, տասնեակներով հայեր արժանացած են այս մրցանակին, ներառեալ՝ Հերի Նաճարեան, Մայք Սարեան, Վահէ Կարապետեան, Էլիզապէթ Աղպապեան, Մարիա Միհրանեան, Տալիտա Քէօրօղլեան, Սիլվա Ագարակեան եւ Քրիսթոֆըր Ադամեան։

Արամ Ա. Կաթողիկոս Այցելեց Քուէյթի Նորակառոյց Սրբոց Վարդանանց Եկեղեցի Ու Ազգային Առաջնորդարան

Արամ Ա. վեհափառ հայրապետ Քուէյթ հասնելուն յաջորդ օրը` 16 մայիս 2017-ի առաւօտուն, այցելեց նորակառոյց Սրբոց Վարդանանց եկեղեցի եւ ազգային առաջնորդարան, ուր շինութիւններն ու նախապատրաստական աշխատանքները արդէն իսկ հասած էին իրենց վերջին փուլին: Վեհափառ հայրապետը իր գնահատանքը յայտնեց շրջանի առաջնորդին, Ազգային իշխանութեան անդամներուն եւ բարերարներուն, իրենց ղեկավարութեամբ կատարուած այս մեծ իրագործումին համար:

Յայտնենք, թէ Արամ Ա. կաթողիկոս 19 մայիս 2017-ի առաւօտեան ժամը 10:30-ին բացումը պիտի ընէ ազգային առաջնորդարանին, իսկ երեկոյեան ժամը 6:00-ին կաթողիկոսի ձեռամբ օծումը պիտի կատարուի նորակառոյց Սրբոց Վարդանանց եկեղեցւոյ:

ՀՀ Նախագահը Կարէն Կարապետեանը Նշանակած Է ՀՀ Վարչապետի Պաշտօնին

«Հայերն այսօրը»-ը կը ներկայացնէ Հայաստանի Հանրապետութեան Նախագահ Սերժ Սարգսեանի հրամանագիրը` Կարէն Կարապետեանը Հայաստանի Հանրապետութեան վարչապետ նշանակելու մասին.

«Ղեկավարուելով 2005 թուականի փոփոխութիւններով Հայաստանի Հանրապետութեան Սահմանադրութեան 55-րդ յօդուածի 4-րդ կէտով` ո ր ո շ ու մ ե մ.

Կարէն ԿԱՐԱՊԵՏԵԱՆԻՆ նշանակել Հայաստանի Հանրապետութեան վարչապետ:

 

«Մոնթրէալ՝ Իրաւունքներու Քաղաք» Ծրագիրը կը Ներառէ Ցեղասպանութեան Կանխարգիլման Քայլարշաւ

Գոնգորտիա համալսարանի Ցեղասպանութեան ու Մարդկային Իրաւանց Ուսումնասիրութեան Մոնթրէալ հիմնարկը‚ Միջազգային Ներում-Գանատան‚ Քեպէգի Հայկական Կազմակերպութիւններու Միացեալ յանձնախումբը եւ Մարդկային Իրաւանց Ռաուլ Ուալենպերկ կեդրոնը միասնաբար կը կազմակերպեն «Մոնթրէալ՝ մարդկային իրաւանց քաղաք» տօնակատարութիւնները, որոնք տեղի պիտի ունենան 26-27 Մայիսին՝ նշելու համար մարդկային իրաւանց ջատագովման մէջ Մոնթրէալի դերը։ Այս մասին կը հաղորդէ Գանատայի «Հորիզոն» շաբաթաթերթը։

Իբրեւ Հիւսիսային Ամերիկայի ամենէն հին քաղաքներէն մէկը՝ Մոնթրէալը բազմազանութեան‚ մարդկային իրաւանց պաշտպանութեան եւ հալածանքէ փախուստ տուող ժողովուրդներու, ներառեալ 1979-ին եւ 1980-ին համայնավար վարչակարգէն փախուստ տուող հազարաւոր վիէթնամցի «նաւու մարդոց» ապաստանի տրամադրման երկար պատմութիւն մը ունի։ Մոնթրէալ հիւրընկալած է պատերազմի եւ բռնաճնշումի զոհեր‚ ինչպէս հայեր‚ հրեաներ‚ ուքրանացիներ‚ հայիթիցիներ‚ ռուանտացիներ եւ վերջերս սուրիացիներ։

«Մոնթրէալ՝ իրաւունքներու քաղաք»ը տօնակատարութիւնները կը բաղկանան երեք կեդրոնական միջոցառումներէ՝ 26 Մայիսին Գոնգորտիա համալսարանին մէջ խորհրդաժողով‚ 27 Մայիսին, կէսօրէ ետք ցեղասպանութեան կանխարգիլման ամէնամեայ քայլարշաւ եւ Միջազգային Ներում կազմակերպութեան «Խղճի դեսպան» մրցանակաբաշխման արարողութիւն‚ ուր համամրցանակակիրներ Ալիշիա Քիզ եւ Գանատայի Բնիկներու Իրաւունքներու շարժումը պիտի պատուուին։

«Իրաւունքներու քաղաք» նախաձեռութիւնը մարդկային իրաւանց յարգման եւ պաշտպանման մէջ աշխարհը առաջնորդելու մեր հասարակաց համաշխարհային ձգտումին սկիզբն է»‚ կ’ըսէ Գոնգորտիա համալսարանի Ցեղասպանութեան եւ Մարդկային Իրաւանց Ուսումնասիրութեան ականաւոր աւագ անդամ եւ Ռուանտայի Ցեղասպանութեան ականատես նախկին զօրավար Ռոմիօ Տալեր։

Միջազգային ներում-Գանատայի անդամ Պիաթրիս Վոկրանթի համար՝ միասնաբար գործելը ներկայ սպառնալիքներուն դէմ մարդկային իրաւունքները պաշտպանելու հրամայականը կ՚ընդգծէ։ « Վախի‚ մեղադրութեան եւ ատելութեան խօսքերը կը վնասեն հաւասարութեան վրայ հիմնուած բաց հասարակութեան մը տեսլականին։ Սակայն միասնաբար կրնանք ընթացքը շրջել»։

«Արդի պատմութիւնը լի է բռնարարքներով‚ որոնք սկսած են մարդկային իրաւանց ոտնահարումներով եւ յանգած՝ զանգուածային հալածանքներու‚ ազգային մաքրագործումներու եւ ցեղասպանութիւններու»‚ կը նշէ Քեպէգի Հայկական Կազմակերպութիւններու Միացեալ յանձնախումբի ներկայացուցիչՄհեր Գարագաշեան‚ որ կ’աւելցնէ. «Դժբախտաբար‚ պատմութիւնը այսօր մեր աչքերուն առջեւ շարունակ ինքզինք կը կրկնէ։ Ահա թէ ինչո՛ւ պէտք է միացնենք մեր ուժերը եւ ցեղասպանութիւններուն դէմ յղենք յստակ պատգամ մը՝ «Երբե՛ք պիտի չկրկնուի»։

Ստորեւ «Մոնթրէալ՝ իրաւունքներու քաղաք» նախաձեռնութեան յայտագիրը.

«Մոնթրէալ՝ մարդկային իրաւանց քաղաք» խորհրդաժողով. 26 Մայիս, ժամը 12-էն 5։30, Գոնգորտիա համալսարանի Sir George Williams University Alumni Auditorium‚ Room H-110, Henry F. Hall Building,

1455 De Maisonneuve Blvd. W., Montreal

Մարդկայնականութեան եւ ցեղասպանութեան կանխարգիլման ամէնամեայ քայլարշաւ. 27 Մայիս‚ ժամը 12։30-էն 4։30։ Մոնթրէալի Արուեստից թանգարան Michal and Renata Hornstein Pavilion for Peace, 2075 Bishop St.-էն մինչեւ Փլաս տիւ Գանատա Corner of Peel St. and René-Lévesque Boul. West

Միջազգային Ներում կազմակերպութեան «Խղճի դեսպան» ամէնամեայ մրցանակաբաշխութիւն. 27 Մայիս, երեկոյեան ժամը 7։30-ին‚ L’Astral‚ 305 Saint-Catherine St. W., Montreal

Յաւելեալ տեղեկութեանց համար այցելեցէ՛ք «Մոնթրէալ՝ մարդկաիյն իրաւանց քաղաք»ի կայքը։

Արցախի Պետական Համալսարանին ՄԷջ Դասախօսութեամբ Հանդէս Եկած Է Սփիւռքահայ Գրող Յովսէփ Նալպանտեան

Արցախի պետական համալսարանին մէջ մայիս 17-ին հիւրընկալուած եւ դասախօսութեամբ հանդէս  եկած է լոսանճլըսաբնակ հայ գրականագէտ, մատենագէտ, թարգմանիչ, հրապարակախօս, Հայաստանի գրողներու միութեան անդամ, ազգային-հասարակական գործիչ Յովսէփ Նալպանտեան:

«Արցախփրէս»-ի հաղորդմամբ` Յ. Նալպանտեան իր դասախօսութեան ընթացքին անդրադարձած է սփիւռքահայութեան ներկայիս վիճակին, հայապահպանութեան խնդիրներուն` կարեւոր համարելով ազգային մշակոյթի եւ հայ գիրքի ու գրականութեան դերը առհասարակ այդ գործին մէջ:

«Բոլորս մեր անձնական շահերը պաշտպանելէ զատ, պէտք է ձգտինք զարգացնել եւ ամրապնդել մեր ազգային հաւաքական գիտակցութիւնը: Այսօր Սփիւռք ապրող 8 միլիոն հայութեան մէկ երրորդը հայ չէ, քանի որ անոնք կապ չունին հայկականութեան եւ հայկական արմատներուն հետ: Այս ուղղութեամբ հսկայական աշխատանք ունինք ընելու, ուրեմն` միասին կերտենք մեր ապագան, որպէսզի սերունդները ոչ միայն հպարտանան, այլեւ հզօրանան»,- ըսած է սփիւռքահայ գործիչը:

Հանդիպման ներկայ էին գրականագէտներ, հայոց լեզուի եւ գրականութեան մասնագէտներ, ուսանողներ, հիւրեր:

 

 

Հայուհիին Ani and Alex Jewelry-ին Կրնայ Աշխարհի Առաջատարներէն Դառնալ. Forbes

Ամերիկեան Forbes-ի յունիսեան թիւի շապիկին ամերիկեան Ani&Alex ոսկերչական ապրանքանիշի հիմնադիր Քերոլայն Ռաֆայէլեանն է:

Ամերիկահայ ձեւաւորող, բարերար եւ գործարար Քերոլայն Ռաֆայէլեան ներառուած է Միացեալ Նահանգներու ամենահարուստ կանանց Forbes-ի ցանկին մէջ, որոնք ինքնուրոյն վաստակած են իրենց կարողութիւնը:

Ռաֆայէլեան տարեկան 10 միլիոն տոլար կը վաստակէ` 33 դոլարնոց ապարանջաններ վաճառելով: Յօդուածին մէջ կ՛ըսուի, որ ընկերութեան եկամուտին 80%-ը առանձնայատուկ ապարանջաններն են, որոնց ձեւաւորումներուն վրայ աշխատած է ինքը՝ Ռաֆայէլեանը:

Forbes կը նշէ, որ 50-ամեայ հայուհիին կը պատկանիո ոսկերչական ապրանքանիշի բաժնետոմսերուն 80 տոկոսը, որոնք կը գնահատուին առնուազն 1,2 միլիառ տոլար:

Ըստ կանխատեսումներու, 2020-ին Ռաֆայէլեանի հիմնած ապրանքանիշը կրնայ լուրջ մրցակից դառնալ յայտնի Pandora ապրանքանիշին, որ ոսկերչական զարդերու համաշխարհային շուկայի առաջատարն է:

Ռաֆայէլեան նաեւ ընդգրկուած է «Աշխարհի ամենաուժեղ 50 կանանց» ցանկին մէջ, ըստ ամերիկեան Working Together ամսագիրին: Անոր կարողութիւնը 700 միլիոն տոլար է: Ան կը համարուի աշխարհի ամենահարուստ հայուհին:

2004-ին Ռաֆայէլեան հիմնած է Alex&Ani ընկերութիւնը, անուանելով զայն իր դուստրերուն պատուին եւ ստանձնելով Ռոտ Այլընդի մէջ գործող հօր ոսկերչական գործարանի զարգացումը: Ան սկսած է կենդանակերպի նշաններով ապարանջաններու արտադրութիւն, որ դարձած է անոր ապրանքանիշին հիմնական արտադրութիւնը: 2010-ին ընկերութեան եկամուտը կազմած է մօտ $4.5 միլիոն: 2015-ին վաճառքի ծաւալները հասած են $500 միլիոնի, որուն շնորհիւ 49-ամեայ գործարարը յայտնուած է Forbes-ի ամենայաջողակ գործարար կիներու ցանկին մէջ:

Հայ Վիրաւոր Հերոսներու Ֆոնտը Արցախի Ուժերուն Կը Յանձնէ Զինուորական բժշկական 3000 Կազմած

205 հազար ամերիկեան տոլար արժողութեամբ կազմածներ կը բաժնուին Արցախի երկու ռազմավարական շրջաններու մէջ։ Այդ կազմածները մարտական վնասուածքներու խնամքի համակարգեր են‚ որոնց Իրաքի եւ Աֆղանիստանի մէջ ամերիկեան բանակին շարքերուն մէջ մարտական մահերու կանխարգիլման մէջ 100 առ հարիւր ազդու ըլլալը փաստուած է։ Այս տարուան Մայիսէն ի վեր‚ Հայ վիրաւոր հերոսներու ֆոնտը (ՀՎՀՖ) ՀՀ կառավարական առչնակից իշխանութիւններուն հետ աշխատեցաւ այս ռազմավարական կարողականութիւնը ներմուծելու Հայաստանի մէջ եւ արդիականացնելու վիրաւորներու խնմաքի համակարգը։

Այս կազմածները պիտի կիրարկուին տեղակայմանը կողքին Բանակային բժշկական դպրոցի առաջին շրջանավարտներուն‚ որոնք Հոկտեմբերէն ի վեր ամերիկեան ոճի մարզումի կ’ենթարկուէին։

Միացեալ Նահանգներու Հայ բժշկական ֆոնտը արատաձեռն նուիրատուութեամբ մը մասնակից դարձաւ ծրագիրին՝ ֆինանսաւորելով կազմածներու առաքման գրեթէ կէսը։ Նաեւ Հայ օգնութեան ֆոնտը եւ Հայաստանի մէջ IDeA հիմնարկը իրենց նպաստը բերին կազմածները շփման գիծին վրայ զինուորներուն յանձնման օժանդակութեամբ։

Ըստ նախատեսութեանց‚ մարտական գործողութեանց ընթացքին մահերուն 90 առ հարիւրը կարելի է կանխարգիլել‚ եթէ զինուորներու տրամադրութեան տակ կը գտնուին անմիջական օժանդակութեան կազմածներ։ Յատկանշականօրէն այլապէս կանխարգիլելի մահերու երեք պատճառներ կան՝ մարմնի ծայրամասերու արիւնահոսութիւն‚ փնէօմոթորաքս ճնշում (պատռուած թոք) եւ շնջառութեան խողովակներու խցում։

Անմիջական օժանդակութեան որակը կրնայ կանխարգիլել‚ որ առատ արիւնահոսութեան‚ թոքերու գործունէութեան խափանման կամ այլ պատճառներով վերապրելի կամ դարմանելի վէրք մը վերածուի աւելի մնայուն վէրքի‚ անդամահատութեան կամ նոյնիսկ մահուան պատճառի։ Ահա թէ ինչու ամերիկեան բանակը բժիշկներուն եւ հիւանդանոցներուն բարձր որակի կազմածներ տրամադրելու կողքին իւրաքանչիւր զինուորի կը տրամադրէ բարձրորակ անմիջական խնամքի կազմած։ Ներկայիս Հայաստանի մէջ կազմակերպութիւններու հետ ՀՎՀՖ կ’աշխատի այս համակարգը տրամադրելու ճակատին վրայ հակամարտութեան ազդեցութեան ենթակայ ոեւէ անհատի։ Նաեւ անձնակազմի պաշտպանութեան ամերիկացի եւ իսրայէլացի մասնագէտներու հետ կը բանակցի ճշդելու համար լաւագոյն գործելաոճերը‚ վարձելու մարզիչներ եւ Հայաստանին ապահովելու մարտական վէրքի դարմանման յատուկ կազմածներ։

Այս կազմածին կարեւոր մէկ սեղմօղակ վիրակապն (tourniquet) է‚ որ հարիւրաւոր տարիներ օգտագործուած է մարմնի անդամներու արիւնահոսութիւնը զսպելու համար։ Այսօր սեղմօղակ վիրակապերու կը վերագրուի Իրաքի եւ Աֆղանիստանի մէջ ամերիկացի զինուրներու կեանքերու եւ մարմինի անդամներու փրկութիւնը։

Հայ վիրաւոր հերոսներու ֆոնտը ոչ շահաբեր կազմակերպութիւն մըն է‚ որուն նպատակը հայ զինուոր հերոսներու ծառայութիւնն է‚ դժուար ժամանակներուն անոնց կողքին կանգնիլը։

Horizon Weekly Newspaper

Էրտողանի Թիկնապահները Ուաշինկթընի Մէջ Դաժան Յարձակում Գործած է Քիւրտերու, Հայերու Եւ Եզտիներու վրայ․ Էտըմ Շիֆ

Էրտողանի ղեկավարած Թուրքիոյ մէջ սովորական դարձած են խօսքի, մամուլի եւ հաւաքներու ազատութեան վրայ յարձակումները: Այս մասին յայտարարած է ԱՄՆ քոնկրեսական Էտըմ Շիֆ` մեկնաբանելով Ուաշինկթընի մէջ Թուրքիոյ դեսպանատան մօտ տեղի ունեցած դէպքը:

Անոր խօսքով` Թուրքիոյ  նախագահին հետ հանդիպման ժամանակ Տանըլտ Թրամփ «գովեստներ շռայլեց աւելի ու աւելի միապետ դարձող առաջնորդին»: «Սպիտակ տան հանդիպումէն ընդամէնը քանի մը ժամ անց տեղեկութիւններ ստացանք այն մասին, որ Էրտողանի անվտանգութեան ծառայողները Թուրքիոյ դեսպանի նստավայրին մօտ դաժանօրէն յարձակած են այնտեղ խաղաղ ցոյց կատարող քիւրտերուն, հայերու, եզիտիներուն վրայ: Մինչ մենք դեռ կը հետազօտենք դէպքին մանրամասնութիւնները, տագնապայարոյց հոլովակին մէջ պատկերուած է, թէ Էրտողանի անվտանգութեան ծառայողները ինչպէս կը յարձակին ցուցարարներուն վրայ»,- Facebook-ին մէջ գրած է Շիֆ:

Ան նշած է, որ վարչակազմը մինչեւ այսօր կը լռէ այս դէպքին առնչութեամբ, սակայն յարձակումը չի կրնար անպատասխան մնալ, եւ անհրաժեշտ է միջոցներ ձեռնարկել այն անձերուն դէմ, որոնք յարձակած են իրենց իրաւունքները իրականացնող ցուցարարներուն վրայ: «Անհրաժեշտ է զանոնք պարզել եւ հարցաքննել մինչեւ երկրէն հեռանալը: Էրտողանի Թուրքիոյ մէջ սովորական բան դարձած են խօսքի, մամուլի եւ հաւաքներու ազատութեան վրայ յարձակումները: Մենք պէտք է համոզուած ըլլանք, որ մեր տան մէջ երբեք նման բան պիտի չկատարուի»,- ընդգծած է քոնկրեսականը:

Արա Բաբլոյեան Ընտրուեցաւ Ազգային Ժողովի Նախագահ

Վեցերորդ գումարման Ազգային ժողովի նախագահ ընտրուեցաւ Արա Բաբլոյեան: Այս մասին Ազգային ժողովի նիստին ընթացքին յայտնեց ժամանակաւոր հաշուիչ յանձնաժողովի նախագահ Գագիկ Մելիքեան:

 «105 պատգամաւորներից քուէարկութեանը մասնակցել է 100-ը: Արա Բաբլոյեանի օգտին քուէարկել է 88 պատգամաւոր: 12 պատգամաւոր քուէարկել է Էդմոն Մարուքեանի օգտին»,- նշեց Մելիքեան:

Ազգային ժողովի նորընտիր նախագահն ընդգծեց, որ ﬔծ պատասխանատուութեամբ կ’ընդունի զինք տրուած բարձր վստահութիւնը: «Ստանձնելով այս պաշտօնը յանուն համազգային նպատակների իրականացման եւ հայրենիքի հզօրացման` երդւում եմ բարեխղճօրէն կատարել ժողովրդի առաջ ունեցած պարտաւորութիւնները, նպաստել Հայաստանի ինքնիշխանութեան եւ շահերի պաշտպանութեանը: Աւելացնելու ոչինչ չունեմ»,- եզրափակեց Բաբլոյեան:

Մայիս 18-ին ﬔկնարկեց վեցերորդ գումարման Ազգային ժողովի առաջին նիստը: Նիստը կը վարէ Հայաստանի քրտական համայնքի ղեկավար Կնեազ Հասանովը, որ նորընտիր խորհրդարանի աﬔնատարեց պատգամաւորն է: Նիստին ներկայ էին ՀՀ նախագահ Սերժ Սարգսեանն ու Աﬔնայն Հայոց Գարեգին Բ կաթողիկոսը:

 

Արժանթինահայերը Կարեւոր Համարած Են «Դուն Ի՞նչ Կ’ընես Արցախի Համար» Համահայկական Շարժումը

Մայիս 4-ին Արժանթինի մայրաքաղաք Պուէնոս Այրէսի մէջ, իսկ մայիս 6-ին` Քորտոպայի, տեղի  ունեցած են ՀԲԸՄ-ի Արժանթինի մասնաճիւղի համերգային ծրագիրները` նուիրուած ՀՀ սփիւռքի նախարարութեան «Դուն ի՞նչ կ’ընես Արցախի համար» համահայկական շարժման:

Երաժշտական կատարումներով հանդէս  եկած են «YANNI» նուագախումբի ջութակահար Սամուէլ Երուինեան, արժանթինաբնակ երաժիշտ, ՀԲԸՄ-ի Արժանթինի մասնաճիւղի պատուաւոր անդամ Գագիկ Գասպարեան, դաշնակահար Արմէն Կուզիկեան, իսկ Քորտոպայի մէջ հայկական պարերու կատարումներով միացած է «Արարատ» պարախումբը (ղեկավար` Վերոնիքա Կարադախեան):

Համերգներուն ժամանակ ցուցադրուած է ՀՀ սփիւռքի նախարար Հրանոյշ Յակոբեանի ողջոյնի տեսաուղերձը, որ զուգահեռաբար թարգմանուած է սպաներէն: ՀԲԸՄ կեդրոնական վարչութեան պատուաւոր անդամ Անոթնիօ Սարաֆեան հանգամանալիօրէն ներկայացուցած է համահայկական շարժման մանրամասնութիւնները` խօսելով այդ ուղղութեամբ կատարուած աշխատանքներուն ու յետագայ ընելիքներուն մասին:

Ինչպէս «Հայերն այսօր»-ին կը տեղեկացնէ Գագիկ Գասպարեան, համերգները անցած են շատ ջերմ մթնոլորտի մէջ: Արժանթինահայերը ոգեւորուած ընդգծած են այն փաստը, որ նմանօրինակ նախաձեռնութիւնները կը նպաստեն Սփիւռքը Հայաստանի շուրջ համախմբուելուն:

 Պուէնոս Այրէսի մէջ կայացած համերգին ներկայ  եղած են համայնքային կառոյցներու ներկայացուցիչերը, մասնաւորապէս`  ՀԲԸՄ-ի կեդրոնական վարչութեան անդամ, Հարաւային Ամերիկայի ՀԲԸՄ-ի պատասխանատու եւ պատուոյ  ատենապետ  Ռուբէն Քեշիշեան, ՀԲԸՄ-ի Արժանթինի մասնաճիւղի ատենապետ Համբարձում Հալաջեան, Պուէնոս Այրէսի Հայ տիկնանց միութեան ատենապետուհի Մարտա Պալեան, Հայ Առաքելական եկեղեցւոյ Արժանթինի եւ Չիլիի Հայոց թեմի առաջնորդ Գերաշնորհ Տէր Գիսակ արքեպիսկոպոս Մուրադեան, Պուէնոս Այրէսի Սուրբ Գրիգոր Լուսաւորիչ եկեղեցւոյ հոգեւոր հովիւ Տէր Մաղաքիա վարդապետ Ամիրեան եւ այլազգի հիւրեր: Պուէնոս Այրէսի մէջ իր օրհնութեան խօսքը  ըսած է Գիսակ Սրբազան եւ բարի ընթացք մաղթած ազգանպաստ գործին:

Քորտոպայի մէջ կայացած համերգին նոյնպէս մասնակցած են համայնքային կառոյցներու ղեկավարներ, Քորտոպայի Սուրբ Գէորգ հայկական եկեղեցւոյ հոգեւոր հովիւ Արժանապատիւ Տէր Յարութիւն քահանայ Սեփանեան, օտարազգի հիւրեր: Իբրեւ յատուկ հիւր` հրաւիրուած  եղած է Արժանթինի մէջ մեծ ճանաչում ունեցող քաղաքական լրագրող, միջազգային մեկնաբան, փրոֆէսոր, գրող եւ դասախօս Մարիանօ Սարաւիան: Վերջինս քաջալերանքի խօսք  յղած է հայ ժողովուրդին` մէկ անգամ եւս շեշտելով իր այն համոզմունքը, որ Արցախը եղած է եւ կը մնայ միայն հայկական տարածք: ՀԲԸՄ-ի կողմէ բոլոր մասնակիցները շնորհակալագիրներ եւ յուշանուէրներ ստացած են:

Աւելցնենք, որ նախատեսուած է համերգներէն գոյացած ողջ հասոյթով երաժշտական գործիքներ գնել Արցախի երաժշտական դպրոցներուն համար: Համերգները, որոնց նպատակը նաեւ Արցախը օտարազգիներու մօտ ճանաչելի դարձնելն է, կը կազմակերպուին նաեւ Արժանթինի այլ քաղաքներու եւ Պրազիլիոյ մէջ:

Հարաւային Ամերիկայի մէջ իրականացուող ձեռնարկները պիտի  ամփոփուին Հայաստանի եւ Արցախի մէջ` սեպտեմբեր ամսուն:

Գէորգ Չիչեան

23 4 5

56 7 8

911 12 13

1415 16 17

1819 20 21

25 Տարի Առաջ Այս Օրը Ազատագրուեցաւ Բերձորը (տեսանիւթ)

1992 թուականի այս օրը` Մայիս 18-ին, հայկական բանակները ազատագրեցին Հայաստանը Արցախին կապող կենսական նշանակութիւն ունեցող Բերձոր (Լաչին) քաղաքը:

Քաղաքին միջէն անցնող ճանապարհը` Լաչինի միջանցքը, մինչեւ հիմա կը համարուի հայկական երկու պետութիւնները իրար կապող ամենայարմար «երակ»-ը, իսկ այն ժամանակ անիկա «կեանք»-ի միջանցք էր Արցախի համար: Քաղաքի ազատագրումով սկսաւ նաեւ ամբողջ շրջանի` Քաշաթաղի շրջանի ազատագրումը: Այս մասին կը հաղորդէ Artsakhpress.am-ը։

ԼՂՀ-ն ծանրագոյն վիճակի մէջ էր` չկար ելեկտրականութիւն եւ կազ: Զինամթերքի, սննդամթերքի, դեղորայքի, վառելիքի անհրաժեշտ նուազագոյն քանակը կը տեղափոխուէր քաղաքացիական թռիչքուղիներու ուժերով:

Մայիս 13-ին շարունակուեցաւ հայկական ուժերու կեդրոնացումը Զարասլի գիւղին մօտ, որ կը գտնուի Շուշիի ու Լաչինի միջեւ: Այստեղ կեդրոնացուած էին զինամթերքի տասնեակ միաւորներ եւ մեծաքանակ կենդանի զինուժ: Լաչինի հետ կապը խզուած էր, այնտեղ աւերուած էին հիւանդանոցը, դպրոցը, տեղական կառավարման մարմնի շէնքը:

Մայիս 15-ին հայկական ջոկատները գրոհեցին բարձունքի վրայ գտնուող Աղդամի շրջանի Գիւլաբլու գիւղը: Ատրպէյճանական զօրքերը, ունենալով քանակային եւ դիրքային առաւելութիւն, ետ մղեցին գրոհը: Գիւլաբլիի բարձունքէն հակառակորդը կը գնդակոծէր Ստեփանակերտի եւ հայկական այլ բնակավայրերու քաղաքացիական բնակչութիւնը: Մայիս 17-ին հայկական ուժերը ետ մղեցին ատրպէյճանական բանակին գրոհը Շուշիի ուղղութեամբ, որուն մասնակցեցաւ շուրջ 1000 զինուոր` 20 հրասայլերու եւ այլ զրահամեքենաներու մասնակցութեամբ:

ԼՂՀ ինքնապաշտպանութեան ուժերու շտաբին տուեալներով, Լաչինի մէջ փոխհրաձգութիւն կ՝ընթանար ատրպէյճանցիներու զինուած ուժերուն եւ տեղաբնակ քիւրտերուն միջեւ: Սակայն, երբ վերսկսաւ երթեւեկութիւնը Բերձորէն Գորիսի շրջան՝ շրջանցիկ ճանապարհով, ատրպէյճանական ջոկատները, տեղի բնակչութեան հետ միասին, սկսան շտապ հեռանալ Լաչինէն:

Մայիս 18-ին, ՀՀ խորհրդարանի առաւօտեան նիստին, պաշտպանութեան նախարար Վազգէն Սարգսեան յայտնեց, որ բացուած է Լեռնային Ղարաբաղը Հայաստանի հետ կապող ճանապարհը: Օրուան երկրորդ կիսուն, Ատրպէյճանի ՊՆ ներկայացուցիչը խոստովանեցաւ Լաչինի անկումը: