ՀՀ Սփիւռքի Նախարարութեան ՄԷջ Իրականացուեցաւ Խորհրդակցութիւն

Մայիս 16-ին ՀՀ սփիւռքի նախարարութեան մէջ նախարար Հրանոյշ Յակոբեանի ղեկավարութեամբ տեղի ունեցաւ խորհրդակցութիւն, որուն կը մասնակցէին նախարարի տեղակալներ Սերժ Սրապիոնեան եւ Վահագն Մելիքեան, կառուցուածքային ստորաբաժանումներու ղեկավարները:

Նախարարը ներկայացուց ՀՀ Նախագահի պատուիրակութեան կազմին մէջ Քաթարի Պետութիւն կատարած այցի արդիւնքները եւ հանդիպումը հայ համայնքին հետ:

Կառուցուածքային ստորաբաժանումներու ղեկավարները զեկուցեցին նախարարութեան ծրագիրներուն մասնակցութեան յայտերու, իրականցուցած ձեռնարկներուն, յառաջիկայ ընելիքներուն  մասին:

Նախարարը կարեւոր համարեց նախարարութեան ծրագիրներու նախապատրաստական աշխատանքներու իրականացումը, յառաջիկայ` «Վարդանանց հետքերով» խորագիրը կրող շաբթուան ծիրէն ներս իրականացուող հանդիպումներու ու ձեռնարկներու պատշաճ կազմակերպումն ու լայն լուսաբանումը:

Քննարկուեցան կազմակերպական եւ աշխատանքային այլ հարցեր:

ՀՀ Սփիւռքի Նախարար Հրանոյշ Յակոբեան Ընդունեց Գործարարներու Խումբ Մը

Մայիս 17-ին ՀՀ սփիւռքի նախարար Հրանոյշ Յակոբեան ընդունեց Պելճիգայէն, Քոնկոյէն ու Վիեթնամէն Հայաստան ժամանած  խումբ մը հայ եւ օտարազգի գործարարներու, որոնք պիտի մասնակցին Երեւանի մէջ կայանալիք «Բիզնեսը բիզնեսին» (B2B) ձեւաչափով ձեռնարկին:

 Հանդիպման կը մասնակցէին Հայ-պելճիգական առեւտրային պալատի նախագահ Վալերի Սաֆարեան եւ փոխնախագահ Ֆելիքս Փայտեան, Վիեթնամի մէջ ՀՀ արտակարգ եւ լիազօր դեսպան Ռաիսա Վարդանեան, Քոնկոյի մէջ  Պելճիգայի առեւտրային ներկայացուցիչ Ժերոմ Ռուն, Պելճիգական «Salmex» ընկերութեան գլխաւոր գործադիր տնօրէն Ալպերթ Գառազիւան, «SCS» ընկերութեան գլխաւոր գործադիր տնօրէն Ժան Ռոպերթ Իսիֆուան եւ առեւտրային կառավարիչ, նաեւ Քոնկոյի հայ համայնքի ներկայացուցիչ Կարօ Նանիկեան, «Zenufa group» ընկերութիւններու գլխաւոր գործադիր տնօրէն Վիշա Վիսանին, «Puratos Grand-Place Group» ընկերութեան տնօրէն եւ համասեփականատէր Գրիշա Սաֆարեան, դիւանագէտներ Վիեթնամէն եւ այլ հիւրեր:

Ջերմօրէն ողջունելով հիւրերը` նախարար Հրանոյշ Յակոբեան կարեւոր համարեց նման գործարար շփումները եւ նշեց. «Հայաստանն այն կարեւոր հարթակն է, որտեղ դուք կարող էք ներդրումներ կատարել եւ նոր գործ ստեղծել: Հայաստանը հնարաւորութիւնների երկիր է, օգտուէք այդ հնարաւորութիւններից: Մեր երկրում առկայ է բարերար քաղաքական, իրաւական, տնտեսական միջավայր` յաջող բիզնես սկսելու համար: Հայաստանը նպաստաւոր դիրք է գրաւում աշխարհում Doing business-ի տեսանկիւնից: Մեր կառավարութիւնը` վարչապետ Կարէն Կարապետեանի գլխաւորութեամբ, ակտիւ գործունէութիւն է ծաւալում, Հայաստանում օտարերկրեայ ներդրումների ակտիւացման ուղղութեամբ:

Ես տեղեակ եմ, որ դուք հետաքրքրուած էք մի շարք ոլորտներով: Մեր նախարարութեան կայքում տեղադրուած են անհրաժեշտ օրէնսդրութիւնը եւ շուրջ 100 մշակուած ծրագրեր, որոնք ուսումնասիրելով, դուք կարող էք ընտրութիւն կատարել: Թէեւ Հայաստանը փոքր շուկայ է, բայց այն լայն կամուրջ է, որի երեք վեկտորները տանում են դէպի Եւրասիական տնտեսական միութիւն եւ Իրան, Վրաստան, այնտեղից էլ` Եւրոպա, այստեղ առկայ է հրաշալի, գրագէտ մասնագիտական ներուժ: Վստահ եմ, որ եթէ դուք որոշէք ներդրում կատարել, կը յաջողէք»:

Նախարարն անդրադարձաւ Հայոց ցեղասպանութեան հետեւանքով ձեւաւորուած հայկական Սփիւռքին եւ նշեց, որ ամբողջ աշխարհի մէջ հայերը հրաշալի կերպով կը յարմարին, կը դառնան բնակութեան երկրի օրինակելի քաղաքացիներ, կայացած անհատականութիւններ ու փայլուն մասնագէտներ` մեծապէս նպաստելով քաղաքակրթութիւններու զարգացման:

Ալպերթ Գառազիւան շնորհակալութիւն յայտնեց ջերմ ընդունելութեան համար եւ նշեց, որ իր ղեկավարած «Salmex» ընկերութիւնը աւելի քան 40 երկրի մէջ կը զբաղի կենսաչափական անձնագիրներու տպագրութեամբ եւ կը ցանկայ գործունէութիւն ծաւալել նաեւ Հայաստանի մէջ:

,«SCS» ընկերութեան գլխաւոր գործադիր տնօրէն Ժան Ռոպերթ Իսիֆուան յայտնեց, որ նպատակ ունի Քոնկոյի մէջ հայկական արտադրանքներու վաճառքով զբաղուող գործարար ընկերութիւն հիմնադրել եւ կը ցանկայ հանդիպիլ հայ արտադրողներու ու արտահանողներու հետ եւ քննարկել ալքոհոլային խմիչքներ, չորացուած միրգեր, գործուածք արտադրանք, տեղեկատուական տեխնոլոգեաներ Քոնկօ ներմուծելու հետ կապուած հարցեր:

«Zenufa group» ընկերութիւններու գլխաւոր գործադիր տնօրէն Վիշա Վիսանին կը հետաքրքրէր հանքարդիւնաբերութեան ոլորտը:

Պելճիգահայ գործարար «Puratos Grand-Place Group» ընկերութեան տնօրէն եւ համասեփականատէր Գրիշա Սաֆարեան, վերջերս շոկոլադի գործարան  հիմնած է Վիեթնամի մէջ եւ վստահ է, որ շուտով պելճիգական շոկոլադի մէջ կը միաձուլուին նաեւ հայկական համերը, եւ այն կը դառնայ անգերազանցելի:

Քննարկուեցան Հայաստանի մէջ ներդրումներ կատարելուն առնչուող այլ հարցեր:

2 3 4

Պոլսահայ Պատմաբանը Կ՛արխիւացնէ Հայկական ֆեմինիզմի Պատմութիւնը

Պոլսահայ պատմաբան, Մասաչուսէթսի համալսարանի գիտաշխատող Լեռնա Էքմեքչիօղլու իր կայքին մէջ կ՛արխիւացնէ հայկական ֆեմինիզմի պատմութիւնը եւ ատոր առնչուող գիրքերը, ստեղծագործութիւնները:

Այս մասին տեղեկացնող «Gazetekarinca» լրատուական կայքը կը յայտնէ, որ արխիւացուող պատմութիւնը կ՛ընդգրկէ 1860-1960 թուականները:

Ներկացուած պիտի ըլլան Պոլսոյ մէջ սկիզբ առած շարժման ողջ պատմութիւնն ու պայքարը` 1860-ականներու սկզբէն մինչեւ 1960-ականները` Պէյրութի մէջ հրապարակուող «Երիտասարդ հայուհի» ամսագրի փակումը, կը հաղորդէ «Էրմէնի հապեր»-ը:

2016-ին Սթենֆորտի համալսարանը հրատարակած էր Էքմեքչիօղլուի առաջին մենագրութիւնը`  «Հայաստանի վերականգնումը. Պատկանելիութեան սահմանափակումները Թուրքիոյ մէջ ցեղասպանութենէն ետք»: Այժմ Լեռնա դասագիրք կը պատրաստէ Օսմանեան կայսրութեան եւ անոր անկումէն ետք աշխարհի մէջ հայ ֆեմինիստներու մասին:

kadın_ermeni

Երեւանի Տիկնիկային Թատրոնը` Պրահայի Փառատօնի Մրցանակակիր

Մայիս 14-ին Չեխիոյ մայրաքաղաք Պրահայի մէջ Pidifest միջազգային թատերական փառատօնի փակման Երեւանի Յովհաննէս Թումանեանի անուան պետական տիկնիկային թատրոնի «Մատնաչափիկը» ստուերային ներկայացումը արժանացած է «Լաւագուն ներկայացում ըստ հանդիսատեսի գնահատականի» մրցանակին, կը հաղորդում է թատրոնի ֆէյսպուքեան էջը:

«Մատնաչափիկը» ստուերային ներկայացումը հիմնուած է Էնտըրսենի համանուն հեքիաթի վրայ: Ներկայացման մէջ կ՛օգտագործուին ստուերային թատրոնի տարատեսակները եւ animated հատուածներ: Բեմադրիչը Սամսոն Մովսէսեանն է, նկարչական ձեւաւորման հեղինակը` Կարինէ Բաբայեան։

Հեքիաթը աղջկայ մը մասին է, որ կը ծնի ծաղիկէ ու, անցնելով բազմաթիւ փորձութիւններու ու արկածներու մէջէն, կը հասնի իր երազանքին:

Բակօ Սահակեան Այցելեց Թալիշ Գիւղ

Արցախի Հանրապետութեան նախագահ Բակօ Սահակեան Մայիս 16-ին այցելեց Մարտակերտի շրջանի Թալիշ գիւղ:

Արցախի Հանրապետութեան նախագահի աշխատակազմի տեղեկատուութեան գլխաւոր վարչութեան փոխանցմամբ` նախագահը ծանօթացաւ գիւղին մէջ իրականացուող աշխատանքներուն, համապատասխան ցուցումներ եւ յանձնարարականներ տուաւ շահագրգիռ մարմիններու ղեկավարներուն` աշխատանքներու պատշաճ իրականացման ուղղութեամբ:

Արեւմտահայերէնի Պահպանումը Հայաստանի ՄԷջ Հաստատուած Սուրիահայու Աչքերով. տեսանիւթ

Սուրիոյ հայ համայնքը Մերձաւոր Արեւելքի ամենահին ու աւանդական համայնքներէն մէկն է, ուր հայերը բնակած են վաղնջական ժամանակներէն: Սուրիահայ համայնքը մեծապէս համալրուեցաւ 1915թ. Հայոց ցեղասպանութենէն մազապուրծ գաղթականներով, որոնք չնայած սկզբնական ժամանակներու դժուարութիւններուն` կրցան յարմարիլ նոր երկրին, ժամանակի ընթացքին սկսան ինքնակազմակերպուիլ որպէս համայնք, որ կը ձգտէր ամէն կերպ պահպանել ազգային ինքնութիւնը:

2012 թուականի Սուրիական պատերազմը շատ բան փոխեց համայնքի կեանքին մէջ: Հայերը աստիճանաբար սկսան գաղթել տարբեր երկիրներ: Անոնցմէ շատերը նախընտրեցին ապաստան գտնել Մայր հայրենիքի մէջ: Հայաստանի մէջ, չնայած հարազատ միջավայրին, սուրիահայերը ունեցան ընդելուզման խնդիր եւ որոշ դժուարութիւններ:

Շատերուն համար ամենատեսանելին արեւելահայերէնի եւ արեւմտահայերէնի տարբերութիւնն է, որ պատճառ դարձած է 4 տարի առաջ Հայաստան հաստատուած Լիւսի Վանա Կարապետեանի համար խնդրիին նայիլ սեփական աչքերով` փոքրիկ տեսանիւթի միջոցով: «Ես Սուրիոյ հայկական համայնքի անդամ եմ, որ այսօր կ’ապրի Հայաստան, եւ նոյնպէս անցած է այն դժուարութիւններու միջով, որուն կը բախուին Հայաստան հաստատուած սուրիահայերը: Քանի որ ապագայ լրագրող եմ, «Կռունկ» խորագիրը կրող տեսանիւթին միջոցով փորձած եմ այս խնդիրը դիտարկել տարբեր տեսանկիւններէ»,-«Հայերն այսօր»-ի հետ զրոյցին ըսաւ  Լիւսի Վանա Կարապետեան: Վերջինս նշեց, որ տեսանիւթը անուանած է «Կռունկ», որովհետեւ կռունկը դարձած է  հայրենասիրութեան եւ հայրենիքի կարօտի խորհրդանիշ:

«Բաւական չէ ազգասէր ու հայրենասէր ըլլալ, պէտք է քիչ մըն ալ լեզուասէր ըլլալ, պէտք է սիրե՛լ, պաշտե՛լ, գգուե՛լ հարազատ մօր հարազատ լեզուն: Միայն այսպիսի սէրը կը բանայ մեր առջեւ մեր լեզուի անհատնում ճոխութիւնը, նրբութիւնը եւ քաղցրութիւնը»,-ըսաւ Լիւսի Վանա Կարապետեան ու աւելցուց. «Կը փափաքէի Հայաստանի մէջ, հայաստանեան եթերով լսել արեւմտահայերէն խօսք»:

Լուսանկարը` Սահակ Մուրադեանի

 

Պալաշիխայի Նորաստեղծ Հայկական Դպրոցը Մասնակցեցաւ «Անմահ Գունդ» Երթին

Մայիս 9-ին ՌԴ մերձմոսկովեան Պալաշիխա քաղաքի հայկական համայնքին կից գործող նորաստեղծ Մեսրոպ Մաշտոցի անուան հայկական կիրակնօրեայ դպրոցի ուսուցչական կազմն ու աշակերտները մասնակցեցան քաղաքի «Անմահ գունդ» երթին, որուն ժամանակ անոնք իրենց  ձեռքերուն բռնած էին Հայրենական մեծ պատերազմի մասնակից, յաղթանակած հայազգի զօրավարներու ու մարշալներու դիմանկարները:

Ինչպէս «Հայերն այսօր»-ին կը յայտնէ դպրոցի տնօրէն Սուսաննա Յովհաննիսեան, Պալաշիխայի Մեսրոպ Մաշտոցի անուան հայկական կիրակնօրեայ դպրոցի սաները  մեծ հպարտութեամբ կը տանէին օդային մարշալ Արմենակ Խանփերեանցի (Սերգէյ Խուդեակովի), բանակի զօրավար, յետագային` մարշալ Յովհաննէս Բաղրամեանի, նաւատորմի ծովակալ Յովհաննէս Իսակովի, բժշկական ծառայութեան զօրավար-գնդապետ Լեւոն Օրբելիի, հրասայլային զօրքերու զօրավար-մայոր Համազասպ Բաբաջանեանի, ճարտարապետական ծառայութեան զօրավար-մայոր Համօ Եոլեանի, հետախոյզ Գէորգ Վարդանեանի, Յունան Աւետիսեանի եւ շատ այլ փառապանծ հայորդիներու լուանկարները: Ասիկա, յատկապէս Սփիւռքի հայ երիտասարդներուն համար, ե՛ւ հպարտութեան, ե՛ւ դաստիարակութեան հրաշալի առիթ է:

%d5%a2%d5%a1%d5%ac%d5%a1%d5%b7%d5%ab%d5%ad%d5%a1%d5%a2%d5%a1%d5%ac%d5%a1%d5%b7%d5%ab%d5%ad%d5%a11%d5%a2%d5%a1%d5%ac%d5%a1%d5%b7%d5%ab%d5%ad%d5%a12%d5%a2%d5%a1%d5%ac%d5%a1%d5%b7%d5%ab%d5%ad%d5%a13%d5%a2%d5%a1%d5%ac%d5%a1%d5%b7%d5%ab%d5%ad%d5%a14 %d5%a2%d5%a1%d5%ac%d5%a1%d5%b7%d5%ab%d5%ad%d5%a15 %d5%a2%d5%a1%d5%ac%d5%a1%d5%b7%d5%ab%d5%ad%d5%a16 %d5%a2%d5%a1%d5%ac%d5%a1%d5%b7%d5%ab%d5%ad%d5%a18

 

Գուրգէն Դաբաղեան Տպաւորուած Է Պոլսահայերու Ընդունելութեամբ

Մայիս 10-ին ժողովրդական երգիչ Գուրգէն Դաբաղեան իր երաժշտախումբին հետ մենահամերգ  ունեցած է Պոլսոյ  հայկական համայնքէն ներս, ուր վերջին անգամ երգիչը հինգ տարի առաջ ելոյթ ունեցած էր:

«Հայերն այսօր»-իթղթակիցին հետ զրոյցին Գուրգէն Դաբաղեան ըսաւ, որ համերգը կայացած է Պոլսոյ հայկական «Վարդանանց» երգչախումբի հիմնադրման 85-ամեակին նուիրուած տօնակատարութիւններու ծիրէն ներս: Այն անցած է շատ ջերմ մթնոլորտի մէջ, կազմակերպչական առումով` ամէն ինչ բարձր մակարդակով  եղած է, տպաւորութիւններն աննկարագրելի են: Լեփ-լեցուն դահլիճին մէջ ամէնուր հայկական շունչն ու ոգին  թեւածած է, իսկ մարդիկ ոգեւորուած ձայնակցած են զինք` արժանացնելով բուռն ծափողջոյններու:

«Սթամպուլի հայկական համայնքը համախմբուած, հայրենասէր համայնքներէն մէկն է, իսկ սթամպուլահայերը միշտ աչքի կ’իյնան հայկական մշակոյթի հանդէպ հետաքրքրուածութեամբ: Յատկանշական է համայնքի ու եկեղեցւոյ` հայ երիտասարդներու ազգային ինքնութեան պահպանման, իրենց արմատներէն չհեռանալու  ուղղութեամբ ծաւալող աշխատանքները: Ամէն ջանք կը գործադրուի անոնց հայեցի կրթութիւն եւ դաստիարակութիւն տալու համար»,-զրոյցը ամփոփեց Գուրգէն Դաբաղեան:

18342496_1337552132989452_1149103311381723695_n 18425062_1338845099526822_1767056776714471566_n

Միջազգային Հանրութիւնը Պէտք է Պատասխանէ Պաքուին, Ոչ թէ Այնտեղ Համաեւրոպական Ձեռնարկներ Կազմակերպէ. Դաւիթ Բաբայեան

Ատրպէյճանի նախայարձակ աշխուժութեան մէջ որեւէ տարօրինակ բան տեղի չէ ունեցած:

Հակառակորդը, սովորաբար յանցագործ գործողութիւններու կը դիմէ, այս անգամ եւս իրականացուցած է նոյն քայլերը: Այս մասին, ըստ armenpress.am-ի, ըսած է Արցախի Հանրապետութեան նախագահի մամուլի խօսնակ Դաւիթ Բաբայեան:

«Բարեբախտաբար չունինք զոհեր եւ վիրաւորներ, չէ եղած նաեւ ռազմական կարեւոր սարքի կորուստ: Ատրպէյճանի գործողութիւնը ոչ միայն յարձակման դրսեւորում է Արցախի նկատմամբ, այլեւ ամբողջ քաղաքակիրթ աշխարհի: Նման յարձակողական պահուածքը Ատրպէյճան կը վարէ միջազգային հանրութեան նկատմամբ: Օրինակ` ԵԱՀԿ գրասենեակի փակումը: Միջազգային հանրութիւնը պէտք է համապատասխան քայլերով պատասխանէ, այլ ոչ թէ համաեւրոպական նշանակութեան ձեռնարկներ կազմակերպէ Պաքուի մէջ: Համտեսելով ատրպէյճանական խաւիարը` բազմաթիւ միջազգային կազմակերպութիւններ կորսնցուցած են իրենց դիմադրողական համակարգը: Ատոր համար այսպիսի իրավիճակ է»,- ըսած է Դաւիթ Բաբայեան:

Հակառակորդին աշխուժութիւնը Դաւիթ Բաբայեան կը կապէ Ատրպէյճանի տնտեսական լուրջ խնդիրներու հետ: Երկրին մէջ նիւթական ճգնաժամի դրսեւորումներ կան: Անոնք կը հարուածեն բազմաթիւ մարդոց շահերը, երկրին մէջ նիւթապէս ծանր իրավիճակ կը ստեղծուի: Ի՞նչ պէտք է ընել, ի հարկէ, վերնախաւը չ՝ուզեր իր ամենօրեայ թալանած միլիառները կորսնցնել, հետեւաբար, որպէսզի շեղէ ազգաբնակչութիւնը նիւթական հարցերէն, անպայման պէտք է դիմէ ահաբեկչական քայլերու: Անոնցմէ բացի, Թուրքիոյ հետ սերտ համագործակցութեան գործօնը կայ, ըստ Դաւիթ Բաբայեանի, Թուրքիոյ կողմէ եւս յորդորներ կան, որ Ատրպէյճանը դիմէ նման քայլերու:

Դաւիթ Բաբայեան ընդգծած է, որ հայկական կողմը ամէն ինչ կ՝ընէ` հակառակորդը զսպելու համար: Նման ահաբեկչութիւնները չեն փոխեր ռազմաքաղաքական հաւասարակշռութիւնը տարածաշրջանին մէջ, Արցախի պաշտպանական բանակը կը շարունակէ իր ձեռքերուն մէջ ամուր պահել ռազմավարական նախաձեռնողականութիւնը:

Հետեւանքներու Պատասխանատուութիւնը Պիտի Կրէ Ատրպէյճանի Ռազմաքաղաքական Ղեկավարութիւնը. ՀՀ ՊՆ-ը Կը Դատապարտէ Հակառակորդի Սադրիչ Գործողութիւնները

ՀՀ պաշտպանութեան նախարարութիւնը խստօրէն կը դատապարտէ ատրպէյճանական զինուած ուժերու սադրիչ գործողութիւնները, որոնց հետեւանքներու պատասխանատուութիւնը ամբողջութեամբ պիտի կրէ Ատրպէյճանի ռազմաքաղաքական ղեկավարութիւնը:

«Հայերն այսօր»-ի փոխանցմամբ` այս մասին ըսուած է ՀՀ ՊՆ հաղորդագրութեան մէջ:

ՊՆ-էն կը յիշեցնեն, որ մայիս 15-ին` ժամը 16:30-ի սահմաններուն, արցախա-ատրպէյճանական սահմանի արեւելեան ուղղութեամբ հակառակորդը դիմած է հերթական սադրանքի` կառավարուող հրթիռէ կրակ վարելով պաշտպանութեան բանակի ռազմական սարքերու ուղղութեամբ, որուն հետեւանքով մասնակի վնասուած է մէկ ռազմական սարք: Ատրպէյճանական զինուժի սադրանքէն ՊԲ-ը մարդկային կորուստ չէ ունեցած:

«Երաժշտութիւն. Պատմութիւն Եւ Տեսութիւն» Գիրքին Գինեձօնը Պէյրութի Մէջ

Հովանաւորութեամբ Համազգայինի Լիբանանի Շրջանային վարչութեան, կազմակերպութեամբ «Բարսեղ Կանաչեան» երաժշտական քոլեճին, Մայիս 15-ի երեկոյեան ժամը 7:30-ին, Համազգայինի «Լեւոն Շանթ» կեդրոնի «Գ. եւ Հ. Արմէնեան» սրահին մէջ տեղի ունեցաւ «Բարսեղ Կանաչեան» քոլեճի ուսուցիչ Նարդուհի Էքիզեան-Մարկոսեանի «Երաժշտութիւն. Պատմութիւն եւ տեսութիւն» գիրքին գինեձօնը: Այս մասին կը հաղորդէ Լիբանանի «Ազդակ» օրաթերթը։

Ներկաներուն բարի գալուստ մաղթեց Սեւան Կարապետեան-Ադամեան, ապա ողջոյնի խօսքով հանդէս եկաւ «Բարսեղ Կանաչեան» երաժշտական քոլեճի տնօրէն Վահրամ Էմմիեան, որ լուսարձակի տակ առաւ երաժշտութեան համամարդկային լեզու հանդիսանալու երեւոյթը` նշելով, որ անիկա եւս ունի իր պատմութիւնը: Արդարեւ, անոր արմատները կը հասնին մինչեւ մարդկութեան սկիզբ, կը պատմեն այն զարգացումին  մասին, որ երաժշտութիւնը ապրած է ու կ’ապրի մարդկութեան զարգացման զուգահեռ:  Անոր համաձայն, երաժշտութիւնը խօսքէն աւելի հին ու համամարդկային է:

Վահրամ Էմմիեան դիտել տուաւ, որ երաժշտութեան պատմութիւնը պարտադիր նիւթ է երաժշտութեան ոեւէ ուսանողի համար, սակայն անիկա նաեւ կը հետաքրքրէ ուրիշներ, որովհետեւ երաժշտութիւնը հասկնալու համար պէտք է ծանօթ ըլլալ անոր պատմութեան, որ շատ ընդարձակ է եւ մանրամասն: Այս առումով ան ողջունեց Խաչատուրեան ընտանիքին մեկենասութեամբ լոյս տեսած Նարդուհի Էքիզեան-Մարկոսեանի «Երաժշտութիւն. Պատմութիւն եւ տեսութիւն» գիրքը, որ 172 ընթեռնլի եւ գեղազարդ էջերու մէջ կը ներկայացնէ ընդարձակ պատմութիւնը` օգտակար ըլլալով թէ՛ երաժշտասէրին, թէ՛ ալ ընդհանուր զարգացմամբ ու գիտելիքներու հարստացմամբ հետաքրքրուած անհատին:

Գիրքը ներկայացուց արուեստաբանութեան դոկտոր Թամար Յովհաննիսեան, որ գնահատեց անհրաժեշտութենէ ծնունդ առած, գունաւոր, գեղեցիկ, բարձր մակարդակի տպագրութեամբ լոյս տեսած այս ժողովածուն, որ իր էութեամբ եւ ոճով բացառիկ է, ինչ որ անոր առաւելութիւններէն մէկն է, մանաւանդ որ Պղատոնէն շատ օգտակար ու արժէքաւոր մէջբերումներ կատարուած են հոն:

Բանախօսը նաեւ խօսեցաւ երաժշտութեան եւ ձայնանիշերուն մասին` դիտել տալով, որ մոլորակները եւս ունին իրենց երաժշտական հնչիւնները` հաստատելով, որ այս բոլորը մարդուն փոխանցուած են Աստուծոյ կողմէ, տիեզերքէն: Ան ժողովածուին առանձնայատկութիւններէն   նկատեց այն, որ հեղինակը շատ հետաքրքրական եւ արժանի դիտարկումներ կատարած է, շատ բարձր մասնագիտական մօտեցումով ուղղութիւններ կու տայ ընթերցողին: Բանախօսին համաձայն, գիրքը կ՛ընդգրկէ նախաքրիստոնէական շրջանի երաժշտութենէն մինչեւ օրս առկայ երաժշտութիւնը` ժամանակագրական դիւրաւ ընկալելի բաժանումներով, փաստերով, իւրաքանչիւրին վերաբերող վերլուծութեամբ, պատմական տուեալներով:

Դոկտ. Թամար Յովհաննիսեան դիտել տուաւ, որ բոլոր ժամանակներու եւ ժողովուրդներու արուեստներու ներկայացումին զուգահեռ,  ժողովածուին մէջ կարեւոր տեղ կը գրաւէ հայ ազգային երաժշտութիւնը` հին ժամանակներէն սկսեալ, ներառելով աշուղական, գուսանական, կրօնական եւ այլ բնագաւառներ ու դարաշրջաններ` առանձնացնելով իւրայատուկ եւ կարեւոր դէմքեր ու դէպքեր: Անոր համաձայն, գիրքին աւարտին կան երաժշտութեան տեսութեան մասին կարեւոր տուեալներ: Ան շեշտեց, որ գիրքը կարեւոր է երիտասարդ սերունդներուն համար, ինչպէս նաեւ անիկա կը յատկանշուի իր բազմակողմանիութեամբ: «Ասիկա ո՛չ միայն ժողովածու է, ո՛չ միայն գիրք է, ո՛չ միայն դասագիրք է, այլեւ իւրայատուկ հանրագիտարան է, որուն նմանը, այս ոճով, գոյութիւն չունի: Նման գիրքի հրապարակումով բոլորս պէտք է հպարտանանք», եզրափակեց ան:

Աւարտին իր սրտի խօսքը արտասանեց Նարդուհի Էքիզեան-Մարկոսեան, որ անդրադարձաւ նման գիրքի մը ստեղծման մղիչ ուժին ու գաղափարին, տարուած աշխատանքին: Անոր համաձայն, նման աշխատութեամբ մը ան կը միտի  հակիրճ կերպով, մատչելի ու հասկնալի լեզուով տուեալներ ներկայացնել, կարելի եղածին չափ շատ երաժշտական հարցումներու պատասխաններ տալ, օժանդակել այս բնագաւառի ուսանողներուն եւ աշակերտներուն: Ան շնորհակալութիւն յայտնեց բոլոր անոնց, որոնք իրեն նեցուկ ու զօրակից հանդիսացան:

Գեղարուեստական յայտագիրին իրենց մասնակցութիւնը բերին Աւետիս Տագեսեան (ջութակ), Նարէ Աղասարգիսեան (դաշնակ), Հենրի Իշխանեան (դաշնակ) եւ Արին Մարգարեան (դաշնակ):

Արամ Ա. Կաթողիկոսութեան Երիտասարդ Վեց Միաբան Հայրերու Վարդապետական Լանջախաչ Կրելու Իրաւունք կը Շնորհէ

Ն.Ս.Օ.Տ.Տ. Արամ Ա. Կաթողիկոս Մեծի Տանն Կիլիկիոյ Կաթողիկոսութեան երիտասարդ հետեւեալ վեց միաբան հայրերուն շնորհեց վարդապետական լանջախաչ կրելու իրաւունք.-
Հոգշ. Տ. Տաճատ Վրդ. Աշըգեան,
Հոգշ. Տ. Նշան Վրդ. Լախոյեան,
Հոգշ. Տ. Պարոյր Վրդ. Շէրնէզեան,
Հոգշ. Տ. Գարեգին Վրդ. Շխրտմեան,
Հոգշ. Տ. Սմբատ Վրդ. Սապունճեան,
Հոգշ. Տ. Զարեհ Վրդ. Սարգիսեան։

Յիշեալ միաբան հայրերը քահանայական ձեռնադրութիւն եւ օծում ստացած են 2012 թուականին եւ իրենց վարդապետական աւարտաճառերը ներկայացնելէ ետք 2015-ին ստացած են վարդապետական աստիճան։ Ներկայիս Հայր Տաճատը հոգեւոր հովիւ է Ֆրէզնոյի մէջ եւ միաժամանակ կ՚ուսանի. Հայր Նշանը Կաթողիկոսարանի երիտասարդական բաժանմունքի վարիչն է. Հայր Պարոյրը հոգեւոր հովիւ է Սան Ֆրանսիսքոյի մէջ եւ միաժամանակ կ՚ուսանի. Հայր Գարեգինը ստանձնած է Դպրեվանքի փոխ-տեսուչի պաշտօնը եւ Կաթողիկոսարանի «Շնորհալի» երգչախումբին խմբավարութիւնը ու շուտով կը մեկնի Գանատա իր ուսումը շարունակելու եւ հովուական ծառայութեան լծուելու. Հայր Սմբատը հոգեւոր հովիւն է Թեսաղոնիկէի հայ համայնքին. իսկ Հայր Զարեհը կ՚ուսանի Նիւ Եորքի մէջ եւ շուտով պիտի վերադառնայ Մայրավանք։

Ֆրանսայի Խորհրդարանական Ընտրութիւններուն՝ Չորս Հայ Թեկնածու

Ֆրանսայի խորհրդարանական ընտրութիւնները տեղի պիտի ունենան զոյգ շրջաններով՝ Յունիս 11-ին եւ 18-ին:
Հրապարակուած ցանկերուն մէջ կայ չորս հայ թեկնածուի անուն: Անոնցմէ երկուքը կը ներկայանան Մաքրոնի նորաստեղծ «Les Républicains en Marche – LREM» կուսակցութեան, մէկը՝ ընկերավարական, մէկն ալ Պայրուի MoDem-ի ցանկէն: Այս մասին կը տեղեկացնէ Ֆրանսայի «Նոր Յառաջ» թերթը։
LREM-ի ցանկէն ներկայացող հայերէն մէկը ձեռնակատէր Տանիէլլ Ղազարեանն է, որ պիտի ըլլայ նշեալ կուսակցութեան թեկնածուն Ռոն նահանգի (69) 13-րդ ընտրատարածքին մէջ: Միւսը՝ Փասքալ Շամասեան, Պուշ-տիւ-Ռոն նահանգի (13) առաջին ընտրատարածքէն:
Ընկերվարականներու ցանկին մաս կազմող հայ միակ թեկնածուն է Ֆիլիփ Գիզիրեան, որ պիտի ներկայանայ Լուառ նահանգի (42) թիւ 3 ընտրատարածքէն:
Իսկ MoDem-ի ցանկէն ներկայացող հայանուն թեկնածուն Նատիա Եսայեանն է: Ան, ծագումով պաղեստինցի քրիստոնեայ մըն է, որ ամուսնացած է հայու հետ: Կը ներկայանայ Վիերզոնի մէջ (Շէր նահանգ – 18), 2-րդ ընտրատարածքէն:

Բարի Մտայղացումները` Բարի Աւարտով. Հայկական Մանկական Երգերու Մրցոյթ Հոլանտայի ՄԷջ

«Հայերն այսօր»– Սկիզբէն ի վեր ներքին համոզում մը ունէի, որ օտարութեան մէջ հայապահպանութեան  բոլոր ճանապարհներն ու մեթոտները պէտք է գործի դնել եւ ընել այն, ինչ կ’օգնէ այդ նպատակին հասնելու համար: Արդէն մէկ տարի յառաջացած մտայղացումը անդադար կը յիշեցնէր ու կը յուշէր, որ ժամանակն է զայն գործի վերածելու ու անցայ գործի: Մեր` Միացեալ հայերը Հոլանտայի մէջ (ՄՀՀ) միութեան անդամներուն հետ հարցը քննարկելէ յետոյ, յայտարարութիւն տարածեցինք ֆէյսպուք ընկերային ցանցին վրայ այն մասին, որ Հոլանտայի մէջ  գուցէ նաեւ Եւրոպայի) առաջին անգամ կ’իրականացուի Հայկական մանկական երգերու մրցոյթ, որուն կրնան մասնակցիլ 4-14 տարեկան երեխաները: Նպատակը պարզ էր. հայ մանուկներուն մէջ խթանել սէրը հայկական մանկական երգերու նկատմամբ, ճանչնալու հայ երգահանները, երաժիշտները, մանկագիրները:

Կարճ ժամանակ անց արդէն ունեցանք առաջին արձանագրուողները: Ցաւօք, այդ ցանկը մեծ չէր, ընդամէնը 9 մասնակից, բայց մրցոյթին պիտի լսէինք 18 հայկական մանկական երգեր: Ատիկա արդէն բաւական էր ոգեւորուելու եւ գործի անցնելու համար: Մասնակիցները պէտք է երգէին 2 հայերէն եւ 1 օտարալեզու երգ: Ատիկա  ամբողջ համերգ պիտի ըլլար,  ամբողջ օր մը միասին պէտք է անցնէին 9 երեխաներ` իրենց ընտանիքի անդամներուն, իրենց սատարող խումբին, ներկայացուցիչներուն հետ… Ես արդէն կը տեսնէի այդ օրն ու հրճուանք կ’ապրէի:

Մինչ մեր միութեան անդամները զբաղուած էին իրենց վրայ վերցուցած կազմակերպչական տարբեր աշխատանքներու նախապատրաստութեամբ, ես կազմեցի ժիւրիի կազմը` 4-ը Հոլանտայէն, մէկը` Հայաստանէն: Վերջինս Երեւանի «Մանուկներու մոլորակ» գեղագիտական կեդրոն հասարակական կազմակերպութեան գեղարուեստական ղեկավար ,մանկավարժ Զառա Սարիբէկեանն էր (ան մրցոյթին կը հետեւէր տեսակապի (skyp) միջոցով):

Վերջապէս մօտեցաւ մայիս 14-ը, եւ բոլորս վայելեցինք մեր ջանքերու արդիւնքը: Երեխաները, որոնք եկած էին Հաագայէն, Արնհեմէն, Ալմելոյէն, շատ արագ ընկերացան իրարու ու Նայմեխենի մասնակիցներուն հետ: Մինչ անոնց ուղեկցող մեծահասակները կը փորձէին ծանօթանալ իրար ու նոր միջավայրին հետ, երեխաները խմբուած` տաք-տաք կը զրուցէին: Աննկարագրելի էր այն փաստը, որ մրցոյթին ընթացքին նկատեցի. ինչպէս  մասնակիցները կ’ուղեկցէին ու կ’ընդունէին  իւրաքանչիւր ելոյթ ունեցողին` մէկ-մէկ, ափը ափին խփելով` կը խրախուսէին ու յաջողութիւն կը մաղթէին: Այդ տեսարանը օրուան ամենակարեւորը դարձաւ ինծի համար, քան բուն մրցոյթը:

Բոլորս սիրեցինք իրար, ինը երեխաներու 21 երգ լսեցինք ու վայելեցինք օրը: Իսկ թէ ինչպէս  անցած էր երեք ժամը, ոչ մէկը չէր նկատած: Բոլոր երեխաները ստացան գեղեցիկ յուշամետալներ` մասնակցութեան համար, որմէ յետոյ նաեւ` մրցանակներ. գլխաւոր, առաջին, երկրորդ, երրորդ: Վայրկեաններ ետք կը լսուէին առաջարկութիւններ մրցոյթը շարունակական դարձնելու ու նաեւ այլ ձեւաչափերով իրականացնելու մասին: Ես համոզուեցայ, որ մենք հասած ենք մեր նպատակին ու մրցոյթը կայացած էր: Ի դէպ, այն ամբողջ 3 ժամ, ուղիղ կապով կը հեռարձակուէր «Նիտերլանտական օրագիր» թերթի խմբագիր Աշոտ Կնեազեանի կողմէ: Շնորհակալութիւ’ն, պարոն Կնեազեան:

Իսկ կից ներկայացուող լուսանկարները կու գան ապացուցելու այդ յագեցած, գեղեցիկ ու երաժշտական օրուան մեծ յաջողութեան փաստը:

Սուետա Աբրահամեան

Աղբիւրը` «Հայերն այսօր»

%d5%a5%d6%80%d5%a3%d5%a5%d6%80%d5%a31%d5%a5%d6%80%d5%a33%d5%a5%d6%80%d5%a34%d5%a5%d6%80%d5%a35 %d5%a5%d6%80%d5%a36 %d5%a5%d6%80%d5%a37 %d5%a5%d6%80%d5%a38 %d5%a5%d6%80%d5%a39 %d5%a5%d6%80%d5%a310