Խմբավար Չէքիճեան Պոլսոյ ՄԷջ Պարգեւատրուած Է Օրմանեանի Ոսկի Շքանշանով

ԽՍՀՄ ժողովրդական արուեստգէտ, ՀՀ արուեստի վաստակաւոր գործիչ, խմբավար, Հայաստանի ազգային ակադեմական երգչախումբի գեղարուեստական ղեկավար եւ գլխաւոր խմբավար Յովհաննէս Չէքիճեանի բազմաթիւ պարգեւներու թիւը աւելցած է եւս մէկով:

 ՀՀ մշակոյթի նախարարութեան հաղորդմամբ, մայեսթրոն, որ իր ծննդեան 90-ամեակին առիթով հրաւիրուած է ծննդավայր` Սթամպուլ, Պոլսոյ Պատրիարքարանի Վարդանանց դպրաց դաս երգչախումբի նախագահ Ծ.Վրդ Թաթուլ Անոյշաւանի կողմէ Սուրբ Վարդանանց եկեղեցւոյ մէջ պարգեւատրուած է Մաղաքիա Պատրիարք Օրմանեանի անուան ոսկի շքանշանով:

Յովհաննէս Չէքիճեան ծնած է 1928 թուականին Պոլսոյ մէջ: 1951 թ. աւարտած է Սթամպուլի երաժշտանոցը, 1953 թ. Փարիզի «Էկոլ-Նորմալը», ուր սորված է Ֆուրնէի մօտ, իսկ 1961 թուականին` Սթամպուլի երաժշտանոցի ասպիրանտուրան: 1946-1960 թթ. (1951-1954 ընդմիջմամբ) Սթամպուլի պետական երգչախումբի գլխաւոր ղեկավարի տեղակալն էր, միաժամանակ 1958-1961 թթ. Սթամպուլի օփերայի երաժշտական ղեկավարը:

1961 թուականէն կ’ապրի Հայաստանի մէջ, այդ թուականէն  ալ ՀԽՍՀ պետական ակադեմական երգչախումբի գլխաւոր ղեկավարն է: Անոր ղեկավարութեամբ խումբը մեծ վարպետութեամբ կը կատարէ դասական եւ ժամանակակից հայ երգահաններու ստեղծագործութիւնները, հայկական ժողովրդական երգեր, օփերաներէն հատուածներ: Կը ղեկավարէ նաեւ սիմֆոնիկ համերգներ: Հիւրախաղերով հանդէս կու գայ արտասահմանի մէջ: Հեղինակ է երաժշտական ստեղծագործութիւններու, ներառեալ եւ «Գարնանային անուրջներ», «Տօնական ձօն» վոկալ-սիմֆոնիկ գործերու: 1973-1977 թթ. դասաւանդած է Երեւանի Ռոմանոս Մելիքեանի անուան երաժշտական ուսումնարանին, 1975 թուականէն Երեւանի երաժշտանոցին մէջ (1982 թուականէն փրոֆէսոր է):

 

 

ՀՀ Սփիւռքի Նախարարութեան ՄԷջ Իրականացուեցաւ Խորհրդակցութիւն

Մայիս 15-ին ՀՀ սփիւռքի նախարարութեան մէջ նախարարի տեղակալ Սերժ Սրապիոնեանի ղեկավարութեամբ տեղի ունեցաւ խորհրդակցութիւն, որուն կը մասնակցէին նախարարի տեղակալ Վահագն Մելիքեան, աշխատակազմի ղեկավար Ֆիրդուս Զաքարեան, կառուցուածքային ստորաբաժանումներու ղեկավարները:

Կառուցուածքային ստորաբաժանումներու ղեկավարները զեկուցեցին նախարարութեան ծրագիրներուն մասնակցութեան յայտերու, իրականցուցած ձեռնարկներու, յառաջիկայ ընելիքներու մասին, ներկայացուցին նոր առաջարկներ:

Նախարարի տեղակալը Սերժն Սրապիոնեան կարեւոր համարեց Առաջին Հանրապետութեան 100-ամեակին նուիրուած համապետական ձեռնարկներու կազմակերպման գործընթացին մէջ նախարարութեան աշխոյժ մասնակցութիւնը եւ յառաջիկայ` «Վարդանանց հետքերով» խորագիրը կրող շաբթուան ծիրէն ներս իրականացուող հանդիպումներու ու ձեռնարկներու պատշաճ կազմակերպումն ու լայն լուսաբանումը:

Աշխատակազմի ղեկավար Ֆիրդուս Զաքարեան ներկայացուց նախարարութեան պաշտօնական կայքի համապատասխան բաժիններու պատասխանատուներու նշանակման վերաբերեալ Սփիւռքի նախարարի հրամանը եւ յանձնարարեց հետեւիլ եւ   ժամանակին տեղադրել անհրաժեշտ նիւթերը:

Քննարկուեցան կազմակերպական եւ աշխատանքային այլ հարցեր:

10-05-2017

 

Կեդրոնական Դրամատունը Շրջանառութեան Մէջ Դրած է 1000 Դրամ Անուանական Արժէքով Արծաթէ Յուշադրամ

Արժոյթի միջազգային հիմնադրամին եւ Համաշխարհային դրամատան Հայաստանի Հանրապետութեան անդամակցութեան յոբելեանին առիթով Հայաստանի կեդրոնական դրամատունը շրջանառութեան մէջ դրած է 1000 դրամ անուանական արժէքով արծաթէ յուշադրամ:

Ինչպէս կը տեղեկացնէ Կեդրոնական դրամատան մամլոյ ծառայութիւնը, յուշադրամի մէկ կողմը ՀՀ զինանշանն է եւ «Հայաստանի Հանրապետութիւն», «REPUBLIC OF ARMENIA», «2017», «1000 դրամ» մակագրութիւնները: Յուշադրամի միւս երեսին պատկերուած է Արժոյթի միջազգային հիմնադրամի եւ Համաշխարհային դրամատան տարբերանշանները` Հայաստանի Հանրապետութեան անդամակցութեան 25-­ամեայ յոբելեանի նշումով: Ստորին եւ վերին շրջագիծերով «Հայաստանի ԱՆԴԱՄԱԿՑՈՒԹԵԱՆ Յոբելեան», «ARMENIA’S MEMBERSHIP ANNIVERSARY» հայերէն եւ անգլերէն մակագրութիւններն են:

Յուշադրամի բնութագիրը

Անուանական արժէքը 1000 դրամ

Մետաղը եւ յարգը արծաթ 9250

Կշիռը 33,6 կ

Տրամագիծը 40,0 մմ

Որակը պրուֆ

Դրամաշուրթը ատամնաւոր

Քանակը 300 հատ

Էսքիզներու հեղինակ` Յարութիւն Սամուէլեան:

Յուշադրամը հատուած է Լիթվայի դրամահատարանին մէջ:

«Մայրերու Օր»-ուան հանդիսաւոր նշում Պէյրութի Վահան Թէքէեան Վարժարանէն ներս

                                  «Մօրս սրտի հետ աշխարհն եմ չափել՝

                                     Էլի մեծ էր նա,մեծ էր ու անգին,

                                     Արեւ աչքերի լոյսն է նա թափել՝՝

                                     Լոյսնեակ դառնալով՝ որդոց օրոցքին…»

                                                                                                         Յովհաննէս Շիրազ

Մայիսեան այս գեղեցիկ ամսուն,բերկրութիւն է Պէյրութի Վահան Թէքէեան վարժարանի հոգաբարձութեան,տնօրէնութեան,ուսուցչակազմին եւ ծնողաց յանձնախումբի ժրաջան տիկիններուն հրաւիրել վարժարանիս  բոլոր մայրերը,պատուելու համար զանոնք գեղեցիկ յայտագիրով մը:

Երեքշաբթի,9 Մայիս 2017-ին,Յակոբ Պարսամեան սրահը լեցուն էր հոծ բազմութեամբ:

Յայտագիրը սկսաւ տեսերիզի ցուցադրութեամբ որուն ընթացքին վայելեցինք Ազունիէի Հայ Ազգային բուժարանէն ներս տեղի ունեցած  «Մայրերու օր»ուան արժանաւոր նշումը, մասնակցութեամբ 6-րդ, 7-րդ, 8-րդ եւ 9-րդ դասարաններու աշակերտներուն,ապա 5-րդ դասարանի աշակերտուհի՝ Ռիթա Մարտիրոսեան դաշնակի վրայ նուագեց Լիբանանի, Հայաստանի և Վարժարանիս քայլերգները, որմէ ետք վարժարանիս տնօրէնուհի՝ Տիկ.Կալինա Նաճարեան հանդէս եկաւ բացման խօսքով: Ան այդ օրուան ձեռնարկը նուիրեց նաեւ
Արցախի  մեր բոլոր մայրերուն, որոնք  ծնունդ  տուած են ու  դաստիարակած ազատամարտիկներ, քաջարի հերոսներ եւ անձնուրաց հրամանատարներ, որոնք իրենց ողջ կեանքը նուիրաբերած  են ու կը շարունակեն զոհաբերել յանուն Հայ դատի եւ հարազատ Հայ ժողովուրդի իրաւունքներու պաշտպանութեան, համազգային նպատակներու  եւ իղձերու իրականացման վեհ գործին, անողորմ պայքար մղելով թշնամիին դէմ եւ նահատակուելով որպէս իսկական հերոսներ:  Ապա, ան յատուկ շնորհակալութիւնյայտնեց Վարժարանս հովանաւորող Թէքէեան Մշակութային Միութեան Հիմնադիրներու Մարմինին, հոգաբարձութեան, ուսուցչակազմին, վարժարանիս Ծնողաց յանձնախումբի ժրաջան տիկիններուն,սանուց միութեան,բարերարներուն, բարեկամներուն եւ ծնողներունորոնք բնաւ ջանք չեն խնայէր վարժարանիս հայապահպանման և հայակերտման նուիրական բորոր աշխատանքներուն: Ան խօսքին մէջ յատուկ շնորհակալութիւն յայտնեց վարժարանիս հոգաբարձութեան գործօն անդամուհի՝ Տիկ.Անի Պոտրումեանին,ու պատուեց զինք յուշանուէրով մը:

Ապա յայտագիրը շարունակուեցաւ 3-րդ եւ 4-րդ դասարանի «Մամա» խմբային պարով, 8-րդ դասարանի աշակերտուհի Վարդի Սալխանեան ասմունքեց «Մօր ձեռքերը», մանկապարտէզի աշակերտներըտողանցելով մուտք գործեցին սրահ ու երգեցին «Ամենալաւ Մայրիկը», 5-րդ դասարանի աշակերտները հանդէս եկան խմբային արտասանութեամբ՝ «Մօր ժպիտը» ու յայտագրիաւարտին Ա-էն 3-րդ դասարանի աշակերտները երգեցին «Իմ Մայրիկիս»:

Յայտագիրը շարունակուեցաւ ուրախեւ մտերմիկ մթնոլորտով, տեղի ունեցաւ վիճակաձգութիւն, ուր արժէքաւոր նուէրներ տրամադրուած էր որպէսմեծ պարգեւPolo Travel-ի՝ Տէր ու տիրական Պրն. Փօլ Տեմիրճեանի, ինչպէս նաեւ Տէր և Տիկ. Միսակ եւ Լենա Գրաճեաններու կողմէ:

Ապրի’ն հայ մայրերը ու մեծ մայրերը, ապրի’ն Պէյրութի Վահան Թէքէեան վարժարանի մեծ ընտանիքիբոլոր մայրերը:

Պէյրութի  Վահան  Թէքէեան   վարժարանի

Լրատուական Գրասենեակ

%d5%b4%d5%a1%d5%b5%d6%80%d5%a5%d6%80%d5%b8%d6%82-%d6%85%d6%801%d5%b4%d5%a1%d5%b5%d6%80%d5%a5%d6%80%d5%b8%d6%82-%d6%85%d6%802%d5%b4%d5%a1%d5%b5%d6%80%d5%a5%d6%80%d5%b8%d6%82-%d6%85%d6%803%d5%b4%d5%a1%d5%b5%d6%80%d5%a5%d6%80%d5%b8%d6%82-%d6%85%d6%804%d5%b4%d5%a1%d5%b5%d6%80%d5%a5%d6%80%d5%b8%d6%82-%d6%85%d6%805 %d5%b4%d5%a1%d5%b5%d6%80%d5%a5%d6%80%d5%b8%d6%82-%d6%85%d6%806

Եգիպտոս-Երեւան Ուղիղ Չուերթներ Պիտի Իրաանացուին

ՀՀ կառավարութեան առընթեր քաղաքացիական թռիչքուղիներու գլխաւոր վարչութիւնը «AMC Airlines» ընկերութեան արտօնութիւն տուած է Հուրկատա-Երեւան-Հուրկատա, Շարմ էլ-Շէյխ-Երեւան-Շարմ էլ-Շէյխ, ինչպէս նաեւ` Հուրկատա-Երեւան-Շարմ էլ-Շէյխ ուղիներով թռիչքներ իրականացնելու:

ՀՀ ԿԱ քաղաքացիական թռիչքուղիներու մամուլի ծառայութեան տեղեկութիւններով՝ Հուրկատա-Երեւան-Հուրկատա ուղղութեամբ թռիչքները պիտի մեկնարկեն այս տարուան Յունիս 18-ին, Շարմ էլ-Շէյխ-Երեւան-Շարմ էլ-Շէյխ ուղղութեամբ թռիչքները` Սեպտեմբեր 24-ին: Հուրկատա-Երեւան-Շարմ էլ-Շէյխ ուղիով թռիչքը պիտի իրականացուի Սեպտեմբեր 17-ին:

«Air Qahira» թռիչքուղիներու ընկերութեան արտօնութիւն տրուած է 2017 թուականի ամառնային բուռն շրջանին, մասնաւորապէս` Յունիս 20-Հոկտեմբեր 28 ժամանակատուածին, շաբաթական մէկ անգամ յաճախականութեամբ` իւրաքանչիւր Երեքշաբթի, թռիչքներ իրականացնել Հուրկատա-Երեւան- Հուրկատա ուղղութեամբ։

Ընկերութիւնը, Յունիս 22-Հոկտեմբեր 28 ժամանակահատուածին թռիչքներ կը նախատեսէ նաեւ Շարմ էլ-Շէյխ-Երեւան-Շարմ էլ-Շէյխ ուղղութեամբ։ Թռիչքները պիտի իրականացուին շաբաթական մէկ անգամ` իւրաքանչիւր Հինգշաբթի։

Հայաստանի Մէջ Կը Նախատեսուի Կառուցել «Նոյեան Տապան»

Հայաստանի մէջ կը նախատեսուի կառուցել «Նոյեան տապան» պատմամշակութային, գիտակրթական համալիր: Այդ նպատակով ստեղծուած է հիմնադրամ, որ կը կրէ «Կառուցենք ազգովի» խորագիրը:

Հիմնադրամի հասարակայնութեան հետ կապերու բաժինէն կը յայտնեն, որ կ՛առաջարկուի մէկտեղել «հայութեան հնարաւորութիւնները համաշխարհային նշանակութեան այս ձեռնարկը իրականութիւն դարձնելու համար»:

Տապանը պիտի կառուցուի Արարատին դիմահայեաց բարձունքին վրայ: Պիտի ունենայ այն տեսքն ու այն չափերը, ինչ  որ նկարագրուած է Աստուածաշունչին մէջ․ երկարութիւնը 300 կանգուն (132 մեթր), լայնութիւնը 50 կանգուն (22 մեթր), բարձրութիւնը 30 կանգուն (13.2 մեթր): Պիտի կառուցուի երկաթ-կրաձոյլէ, երեսը պիտի պատուի փայտով:

«Տապանը պիտի յիշեցնէ, որ մարդկութեան նախահայրենիքը Հայաստանն է: Համաշխարհային ջրհեղեղէն ետք հայոց աշխարհէն սկիզբ առաւ անոր փրկութիւնը: Ուստի պատմամշակութային, գիտակրթական այս համալիրը պիտի ունենայ համամարդկային նշանակութիւն: Անիկա փաստացի պիտի ըլլայ մարդկութեան` իր տեսակին մէջ աշխարհի մէջ եղած միակ սրբավայրը, որ չ՛ենթադրեր կրօնական խտրականութիւն, ուր կ’իշխէ խաղաղութիւնն ու հանդուրժողականութիւնը: Գտնուելով Հայաստան, իբրեւ համամարդկային արժէք, պիտի պատկանի ամբողջ մարդկութեան, պիտի դառնայ ուխտատեղի բոլոր ազգութիւններու համար»,- ըստ «Փանարմինըն»-ի՝ ըսուած է հաղորդագրութեան մէջ:

Տապանին մէջ պիտի կառուցուի 200 տաղաւարներ, որոնցմէ իւրաքանչիւրին մէջ պիտի տեղադրուին առանձին ազգերու, ժողովուրդներու կամ պետութիւններու դրօշներն ու զինանշանները, անոնց ազգային մշակոյթն արժեւորող տարբեր ցուցանմուշներ:

Համալիրը պիտի ունենայ նաեւ գործառնական նշանակութիւն. իր 40 առանձնասենեակը պիտի առաջարկէ ուխտաւորներուն ու զբօսաշրջիկներուն: Անոր մէջ պիտի ըլլան թանգարան, պատկերասրահ, գրադարան: Միաժամանակ պիտի ապահովէ պետական-պաշտօնական գործառոյթ. Պիտի ունենայ համաժողովներու  դահլիճներ, կառավարութեան ընդունելութիւններու, ինչպէս նաեւ պետական նշանակութեան հանդիսութիւններու սրահներ:

Արդէն ձեւաւորուած է հիմնադրամի հոգաբարձուներու խորհուրդը: Հիմնադրամի գործադիր տնօրէն հաստատուած է «Ֆեղարուեստի կոմբինատ»-ի տնօրէն Մարտուն Յարութիւնեան:

Ծրագիրը պիտի ներկայացուի Կառավարութիւն: Համապատասխան հողատարածքը յատկացուելէ ետք պիտի սկսին կառոյցի նախագծման եւ շինարարական աշխատանքները:

Ամփոփուեցան Երեւանի Աւագանիի Ընտրութիւններուն Նախնական Արդիւնքները

Հայաստանի կեդրոնական ընտրական յանձնաժողովի նախագահ Տիգրան  Մուկուչեան  յայտարարեց Մայիս 14–ի ընտրութիւններու նախնական արդիւնքները`  հաստատելով  Երեւանի աւագանիի ընտրութիւններուն նախնական արդիւնքներու վերաբերեալ արձանագրութիւնը:

Նախնական տուեալներով` Երեւան քաղաքին մէջ 842 հազար 151 ընտրողէն ընտրութեան մասնակցած է 345 հազար 158 ընտրող:

Ձայները բաշխուած են հետեւեալ կերպով.

Հայաստանի Հանրապետական կուսակցութիւն – 71,25 տոկոս, կամ` 240036 քուէ:

«Ելք» կուսակցութիւններու դաշինք-  21 տոկոս, կամ` 70731 քուէ:

«Երկիր ծիրանի» կուսակցութիւն – 7,75 տոկոս, կամ` 26109 քուէ:

Անճշտութիւններու թիւը կազմած է 46:

Քաղաքապետի պաշտօնը պիտի շարունակէ ղեկավարել  Երեւանի գործող քաղաքապետ Տարօն Մարգարեան:

Նախնական արդիւնքներով՝ ընտրական գործընթացին մասնակից բոլոր երեք քաղաքական ուժերն ալ աւագանիի մէջ իրաւագիր կը ստանան: Ընտրութիւններուն արդիւնքներով Հայաստանի Հանրապետական կուսակցութիւնը կը ստանայ 46 իրաւագիր, «Ելք» դաշինքը կը ստանայ 14, իսկ «Երկիր ծիրանի» կուսակցութիւնը` 5 իրաւագիր:

Իմ Գործունէութեանս Ոլորտը Երկու Թեւ Ունի` Թատրոն Եւ Գրականութիւն. Անոյշ Ասլիբեկեան

Թատերարուեստի, աշխատանքային գործունէութեան եւ գրականութեան արդի խնդիրներուն մասին  է «Հայերն այսօր»-ի հարցազրոյցը գրող, ՀՀ գրողներու միութեան անդամ, թատերագէտ Անոյշ Ասլիբեկեանի հետ:

Անո՛ւշ, ստեղծագործական ի՞նչ ուղի  անցած էք:

-Ամէն բան սկսաւ համալսարանի ընտրութենէն, ընդունուեցայ Երեւանի թատրոնի եւ կինոյի պետական ինստիտուտ, թատերագիտական բաժանմունքը աւարտելէ յետոյ` հրաւիրուեցայ դասաւանդելու նոյն ինստիտուտի Արուեստի պատմութեան եւ տեսութեան ամպիոնին մէջ: Միաժամանակ Հայաստանի գիտութիւններու ազգային ակադեմիոյ Արուեստի ինստիտուտի գիտաշխատող եմ: Իսկ գրականութիւնը իմ հետս է մանկութենէս: 2009թ. առաջին` «Բարի գալուստ իմ հեքիաթ» (պատմուածքներ եւ մէկ պիես) ժողովածուիս լոյս ընծայումէն յետոյ` առաջին քայլերս ըրի նաեւ դրամատուրգի ոլորտին մէջ: 2010թ. գիրքին մէջ զետեղուած «Թռիչք քաղաքի վրայով» ներկայացումը բեմադրուեցաւ Յովհ. Թումանեանի անուան տիկնիկային թատրոնի բեմին վրայ (բեմադրիչ` ՀՀ վաստակաւոր արուեստագէտ Նարինէ Գրիգորեան): Ներկայացումը մասնակցած է 10-է աւելի միջազգային թատերական փառատօններու` ստանալով շարք մը գլխաւոր մրցանակներ:

2015 թուականին Երեւանի պատանի հանդիսատեսի թատրոնին մէջ բեմադրուեցաւ  իմ «Մերսեդես» ներկայացումը, որ նուիրուած էր Հայոց ցեղասպանութեան 100-րդ տարելիցին (բեմադրիչ` Յակոբ Ղազանչեան): Գլխաւոր դերին համար ԱՄՆ-էն յատուկ հրաւիրուեցաւ սփիւռքահայ դերասանուհի Նորա Արմանին:

Ներկայացումը անմիջականօրէն Հայոց ցեղասպանութեան իրադարձութիւններու մասին չէ, այլ` հայ ժողովուրդի յետագայ ճակատագրին վրայ ձգած հետեւանքներուն: Կը ներկայացուի 1948 թուականի մեծ ներգաղթի ժամանակ Հայաստան եկած Զարուհիին եւ իր ընտանիքին պատմութիւնը:

Ներկայացման երաժշտութիւնը գրած է ամուսինս` երաժիշտ Վահան Արծրունին, որ 2015 թուականին արժանացաւ Ազգային թատերական ամէնամեայ «Արտաւազդ» մրցանակին` «Ներկայացման համար գրուած լաւագոյն երաժշտութիւն» անուանակարգին մէջ: «Արտաւազդ» մրցանակին արժանացաւ նաեւ երիտասարդ դերասանուհի Նառա Սարգսեան` «Տարուան լաւագոյն երիտասարդ դերասանուհի» անուանակարգին մէջ: 2016-ին «Մերսեդես» ներկայացումը հրաւիրուեցաւ մասնակցելու «Գահիրէի ժամանակակից եւ փորձարարական ներկայացումներու 23-րդ միջազգային թատերական փառատօնին», ուր, չնայած լեզուական խոչընդոտին, ներկայացումը մեծ յաջողութիւն ունեցաւ: Ներկայացման ներկայ  գտնուած են նաեւ Եգիպտոսի մէջ ՀՀ դեսպան Արմէն Մելքոնեան եւ Եգիպտոսի Հայոց թեմի առաջնորդ Տ.Աշոտ եպիսկոպոս Մնացականեան, որոնց հրաւէրով «Մերսեդեսը» խաղցուած է տեղի հայկական մշակութային կեդրոնին մէջ. երկու երեկոյ լեփ-լեցուն դահլիճներով` հայ համայնքին համար:

2015 թուականին Ս. Փեթերսպուրկի հայկական համայնքին կողմէ առաջարկ  ստացած եմ գրելու Կոմիտաս վարդապետի կեանքն ու գործունէութիւնը ներկայացնող ներկայացում` նուիրուած Հայոց ցեղասպանութեան 100-րդ տարելիցին: «Կոմիտաս. Լոյս բարեբեր» ներկայացումը հայ-ռուսական համատեղ նախագիծ էր, բեմադրիչներն էին Իւան Լատիշեւը եւ Ս. Փեթերսպուկ բնակող բեմադրիչ Համլէտ Հայրապետեանը: Ներկայացման մէջ Վահան Արծրունին ոչ միայն երաժշտական ձեւաւորման հեղինակն էր, այլեւ` երգչուհի Յասմիկ Բաղդասարեանի հետ գործող անձ էր եւ կատարող:

Ս. Փեթերսպուրկաբնակ հայերը հնարաւորութիւն ունեցան Վարդապետի կեանքի ամենակարեւոր, շրջադարձային իրադարձութիւններուն մասին ներկայացում դիտելէ բացի, լսել նաեւ Վահան Արծրունիի երգերը` «Կոմիտաս. Տասը յայտնութիւն» շարքը` գրուած Կոմիտասի բանաստեղծութիւններու հիման վրայ:

Լրագրողական ասպարէզին մէջ ալ աշխատանքային փորձ ունիմ: Թատրոնի եւ կինոյի պետական ինստիտուտին մէջ  ուսանելու տարիներուս զգալով, որ ուսանողական մամուլի կարիք կայ` հիմնադրեցի եւ ուսումնառութեան տարիներուն խմբագրեցի «Արուեստ» ուսանողական ամսագիրը:

2014 թուականին լոյս  տեսած է իմ երկրորդ` «Մոյրաներու նօթատետրից» ժողովածուն (խմբագիր` Դաւիթ Մուրադեան): Բացի այդ, նշեմ, որ ստեղծագործութիւններս ներկայացուած են  քանի մը լեզուներով` տեղի ու արտերկրի գրական մամուլին եւ շարք մը գրական անթոլոկիաներու մէջ (ծաղկաքաղ):

Վերջերս գերմանաբնակ գրող Ագապի Մկրտչեանի թարգմանութեամբ Գերմանիոյ մէջ լոյս տեսաւ հայ ժամանակակից գրողներու ծաղկաքաղը: Գերմանական յայտնի հրատարակչութեան (Grփշenwahn Verlag Frankfurt am Main, 2017) պատուէրով տպագրուած հայ ժամանակակից բանաստեղծներու «Հայաստանի սիրտը»(«Armeniens Herz») ժողովածուին մէջ,  ի ուրախութիւն ինծի` ընդգրկուած են նաեւ իմ բանաստեղծութիւններս:

–«Մերսեդես» ներկայացումը գրելուն` ի՞նչ աղբիւրներէ  օգտուած էք:

-Ականջալուր ըլլալով Հայաստան հաստատուած Հայոց ցեղասպանութեան վերապրածներու շառաւիղներու պատմութիւններուն` հարուստ նիւթ քաղեցի ներկայացման համար:

Ինծի շատ օգնած են լուսահոգի կեսրոջս` Նարիս Արծրունիի պատմած պատմութիւններն իր հայրենադարձ ընկերներուն մասին: Ծաղկաքաղ ընելով այդ պատմութիւնները`  օր մը անոր գիրքի տեսքով անակնկալ մատուցեցի: Այս  է պատճառը, որ գիրքը նուիրեցի իրեն:

 – Հե՞շտ է երաժիշտի կին ըլլալը:

-Ես կ’ըսէի հաճելի է երաժիշտի, արուեստագէտի, ազնիւ մտաւորականի կին ըլլալը: Իրար հետ կը համագործակցինք ու կ’ոգշնչուինք: Մեր գործունէութիւնը հպման  կէտ մը ունի` թատրոնը: Ներկայացումներուս բեմադրութիւններու երաժշտութիւնը հիմնականին մէջ Վահան Արծրունին կը գրէ: Նշեմ նաեւ, որ համատեղ ամուսնութենէն երկու երեխայ ունինք`Անայիսը եւ Անտրէասը:

%d5%a1%d5%b6%d5%b8%d6%82%d5%b73

Սփիւռքի հայկական համայնքներուն հետ համագործակցութիւնը ինչպէ՞ս կըլլայ:

-Ի տարբերութիւն ամուսնուս` Սփիւռքի հետ հաստատուած բազմամեայ ստեղծագործական կապին, իմ կապս հայկական համայնքներուն հետ տեղի ունեցաւ Կոմիտասին նուիրուած վերոնշեալ բեմադրութենէն յետոյ միայն: Ցաւօք, միւս բեմադրութիւնները Սփիւռքի մէջ ներկայացնելու առիթ դեռեւս չէ եղած, միայն, երբ որեւէ երկրի միջազգային թատերական փառատօնին մասնակցելու հրաւէր կ’ունենանք, այդ առիթէն օգտուելով` հայ համայնքները կը դիմեն մեզի` նաեւ իրենց համար խաղալու առաջարկով: Եւ սա ամենամեծ խնդիրն է:

Կոմիտասի երաժշտութիւնը միշտ կ’ուղեկցի՞ Ձեզի:

-Անշուշտ: Ոչ միայն երաժշութիւնը, այլեւ անոր անձը` որպէս մեծ հայրենասէր, արուեստի իսկական մշակ, կ’ուղեկցի զիս: Ապշեցուցիչ է. ան կրցած է իր լուռ, անդադրում, նպատակասլաց աշխատանքով բիւրեղացնել հայկական մշակոյթը, ակունքները մաքրել եւ փոխանցել մեզի` ապագայ սերունդներուս` որպէս անգնահատելի պարգեւ ու գանձ: Առհասարակ, կոմիտասեան բոլոր ստեղծագործութիւնները հոգեհարազատ են ինծի:

Վերջերս հանդիպած էք ՀՀ սփիւռքի նախարար Հրանոյշ Յակոբեանին: Ին՞չ թեմաներու շուրջ  քննարկում ծաւալած էք:

-Քանի որ Սփիւռքի մէջ հայկական թատերագրութիւնը լաւ չէ ներկայացուած, ՀՀ սփիւռքի նախարար Հրանոյշ Յակոբեանի հետ քննարկեցինք զայն աշխարհասփիւռ հայերու շրջանին մէջ տարածելու հետ կապուած հարցեր: Նախարարը պատրաստակամօրէն համաձայնեցաւ համապատասխան քայլեր ձեռնարկելու եւ համագործակցութեան մէջ ըլլալու: Սփիւռքեան համայնքներուն մէջ պէտք է  հայ ժամանակակից դրամատուրգներուն ճանաչելի դարձնել:

Արուեստի տարբեր ճիւղերով  զբաղուած էք: Չէք ըսեր, թէ ո՞ր մէկը  յատկապէս Ձեզի հոգեհարազատ է:

-Առհասարակ, իմ գործունէութեանս ոլորտը երկու թեւ ունի` թատրոն եւ գրականութիւն: Մասնագիտութեամբ թատերագէտ եմ, բայց հոգիս, էութիւնս ու կենսակերպս` գրականութիւնն է, գրող եմ` անկախ ժանրային բազմազանութենէն:

Ինչ կը վերաբերի թատրոնին, սկսած 1998թ., թատերախօսականներս ու գիտական յօդուածներս պարբերաբար կը տպագրուին մամուլի մէջ: Այժմ կը պատրաստեմ «Ուիլեամ Սարոյեանի դրամատուրգիայի բեմականութեան հարցը» թեմայով գիտական թեզը: Ասիկա թեզի  թեմա մըն է, որ մինչեւ այժմ լիարժէքօրէն չէ ներկայացուած:

Ուիլեամ Սարոյեանի մասին մենք շատ քիչ բան գիտենք, մեր իրականութեան մէջ Սարոյեան իբրեւ արձակագիր ուսումնասիրուած է, սակայն, որպէս դրամատուրգ` ոչ այնքան: Իմ նպատակս է գիտականօրէն հետազօտել, գտնել այն կարեւոր հենքը, որն ալ բեմական կը դարձնէ այս դրամատուրգիան եւ կ’ուղղորդէ բեմադրիչները, ընթերցողները: Ընդունուած է համարել, թէ Սարոյեան շուրջ 15 ներկայացումներու հեղինակ է, սակայն ան մօտ 250 ներկայացում ունի, որոնց մեծ մասը թարգմանուած չէ, մէկ մասն ալ անտիպ են:

Ժամանակակից գրողներուն մասին ի՞նչ կ’ըսէք:

-Սա նոյնպէս խնդիր է, կը կարծեմ` ժամանակակից հայ գրողները լաւ չեն ներկայացուած: Այսօր ալ անոնց կողմէ կը ստեղծուի փառահեղ գրականութիւն,  ունինք հրաշալի գրողներ, սակայն պէտք է անոնց ներկայացնել ոչ միայն մեր ընթերցողներուն, այլեւ թարգմանաբար` դուրսը: Ժամանակն է նաեւ դասագիրքերուն մէջ ընդգրկել ժամանակակից գրողներու ստեղծագործութիւնները, անոնց հետ պարբերաբար հանդիպումներ կազմակերպել` վերականգնելով նախկին աւանդոյթը:

Համացանցը նոյնպէս քիչ դեր չունի գրողի հանրահռչակման գործին մէջ, օրինակ` Ֆէյսպուքի մէջ գրականագէտ Անի Փաշայեան ստեղծած է «Գրականութիւն» փակ խումբը, որ կը գործէ 2014 թուականէն: Այս բովանդակալից խումբին մէջ ամէն օր օգտատէրերը կրնան կարդալ ժամանակակից գրողներու ստեղծագործութիւնները, ծաւալել բանավէճ գրականութեան եւ արուեստի շուրջ, ազատօրէն մասնակցիլ տեղադրուած նիւթերուն շուրջ ծաւալած բանավէճերուն: Էջը նպատակ ունի յայտնաբերել եւ ներկայացնել գրական նոր անուններ:

Որ՞ն է Ձեր սեղանի գիրքը:

-Այս պահուն յիշեցի գրասեղանս, որ ծանրաբեռնուած է հիմնականին մէջ մասնագիտական, թատերագիտական, տեսական գրականութեամբ, նաեւ` Ուիլեամ Սարոյեանի գիրքերով` կապուած իմ գիտական թեզիս հետ:

Կրկին պէտք է ըսեմ, որ իմ սիրելի գրողը Ուիլեամ Սարոյեանն է` իր հրաշալի ներկայացումներով, «Մարդկային կատակերգութիւն» վէպով: Առհասարակ, իմ նախապատուութիւնս գրականութեան հարցով շատ լայն է: Սեղանիս գիրքերէն է նաեւ Կոմիտասի բանաստեղծութիւններու ժողովածուն, որ ժամանակին հրատարակած են Վահան Արծրունին եւ Այտին Մօրիկեանը:

Զրուցեց Գէորգ Չիչեան

 

Տարօն Մարգարեան Պիտի Շարունակէ Ղեկավարել Երեւանը․Ամփոփուեցան Երեւանի Աւագանիի Ընտրութիւններուն Նախնական Արդիւնքները

Հայաստանի կեդրոնական ընտրական յանձնաժողովի նախագահ Տիգրան  Մուկուչեան  յայտարարեց Մայիս 14–ի ընտրութիւններու նախնական արդիւնքները`  հաստատելով  Երեւանի աւագանիի ընտրութիւններուն նախնական արդիւնքներու վերաբերեալ արձանագրութիւնը:

Նախնական տուեալներով` Երեւան քաղաքին մէջ 842 հազար 151 ընտրողէն ընտրութեան մասնակցած է 345 հազար 158 ընտրող:

Ձայները բաշխուած են հետեւեալ կերպով.

Հայաստանի Հանրապետական կուսակցութիւն – 71,25 տոկոս, կամ` 240036 քուէ:

«Ելք» կուսակցութիւններու դաշինք-  21 տոկոս, կամ` 70731 քուէ:

«Երկիր ծիրանի» կուսակցութիւն – 7,75 տոկոս, կամ` 26109 քուէ:

Անճշտութիւններու թիւը կազմած է 46:

Քաղաքապետի պաշտօնը պիտի շարունակէ ղեկավարել  Երեւանի գործող քաղաքապետ Տարօն Մարգարեան:

Նախնական արդիւնքներով՝ ընտրական գործընթացին մասնակից բոլոր երեք քաղաքական ուժերն ալ աւագանիի մէջ իրաւագիր կը ստանան: Ընտրութիւններուն արդիւնքներով Հայաստանի Հանրապետական կուսակցութիւնը կը ստանայ 46 իրաւագիր, «Ելք» դաշինքը կը ստանայ 14, իսկ «Երկիր ծիրանի» կուսակցութիւնը` 5 իրաւագիր:

Ս.Խաչ-Հարպոյեան Վարժարանի 30-ամեակի Հունձքը

Շաբաթ, 6 Մայիսի երեկոյեան ժամը 8:00-ին, Ս. Խաչ եկեղեցւոյ «Պետողլեան» սրահին մէջ տեղի ունեցաւ Հայ Կաթողիկէ Պատրիարքութեան Ս. Խաչ-Հարպոյեան Բարձրագոյն Վարժարանի շրջանաւարտից հանդէսը, հովանաւորութեամբ՝ Հայ Կաթողիկէ Պատրիարքական Պէյրութի թեմի օգնական եպիսկոպոս՝ արհիապատիւ Տէր Գէորգ Ասատուրեանի, նախագահութեամբ՝ NDU համալսարանի նախագահ Հայր Ուալիտ Մուսայի,  ներկայութեամբ հոգեւոր հայրերու, պետական երեսփոխան Շանթ Չինչինեանի, պաշտօնական հիւրերու, ծնողներու, հարազատներու եւ բարեկամներու:

34 շրջանաւարտներու մուտքին յաջորդեց Լիբանանի, Հայաստանի եւ Ս. Խաչ-Հարպոյեանի քայլերգներու ունկնդրութիւնը: Բացման խօսքին մէջ Էլիզապէթ Կիւզէլեան շնորհակալութիւն յայտնեց Ս. Խաչ-Հարպոյեան վարժարանին, որ «օժտեց մեզի ազգային ու մարդկային արժանիքներով, եւ դարձուց՝ հայ գիրի ու այբուբենի զինուորներ»:

Յայտագրին գեղարուեստական բաժնով խումբ մը աշակերտներ հանդէս եկան լատինական «Չա Չա» պարով, իսկ խմբերգով ներկայացուեցաւ «Հերոսների Կենացը» եւ «Անա Պըթնաֆֆաս Հուրրիյէ» երգերը:  Ասատուր Պասմաճեան՝ հայերէն, Ռիթա Համալեան՝ արաբերէն, Ժագ Ճիզմէճեան՝ անգլերէն, եւ Լիւսի Ղարիպեան՝ ֆրանսերէն ուղերձներով փոխանցեցին իրենց սրտի խօսքը, այնուհետեւ, անոնք յուշանուէրով պատուեցին իրենց ծնողները:

Շրջանաւարտներ Ասատուր Պասմաճեան եւ Կրէյս Նէտըր դպրոցի վահանը փոխանցեցին 11-րդ դասարանի երկու աշակերտներու՝ Թամար Կանիմեանին եւ Կրէյս Հալէպլեանին, որպէսզի գալիք սերունդը շարունակէ վարժարանին գոյերթը:

Տնօրէնութեան խօսքը փոխանցելով Տիկ. Ռիթա Պոյաճեան ըսաւ, թէ արժեւորում կատարելով անցնող ինն ամիսներու աշխատանքին, կը տեսնենք, որ վարժարանս, իր տնօրէնութեամբ եւ ուսուցչակազմով, ոչինչ խնայեց եւ ամէն կարելին ի գործ դրաւ իր աշակերտները օժտելու գիտութեան բոլոր զէնքերով, քաջ գիտնալով, որ անոնք ալ իրենց կարգին պիտի արդարացնեն իրենց վրայ դրուած յոյսերը, եւ իրենց յաջողութիւններով հպարտութիւն ու բերկրանք պիտի պարգեւեն իրենց անձի՛ն, ծնողքի՛ն եւ վարժարանի՛ն:

Ապա ան իր խօսքը աշակերտներուն ուղղելով ըսաւ. «Այս նուիրական յարկին տակ կայծ առաւ ձեր գիտութեան կանթեղը, որուն լոյսը տարուէ տարի բոցավառելով լուսաւորեց ձեր միտքը, ձեզի տալով տգիտութեան խաւարը եւ կեանքի բազմաբնոյթ դժուարութիւնները շրջանցելու բոլոր միջոցները: Ձեր կեանքին նպատակը թող ըլլայ ամէն գնով պահել քրիստոնէական, մարդկային ու ազգային ոգին, ձեր էութիւնը, որպէսզի ըլլաք լաւ անհատներ, պարկեշտ քաղաքացիներ եւ մեր ամբողջական հայրենիքին կառչած հայորդիներ, հպարտանալով մեր մշակութային փառաւոր պատմութեամբ, հզօր Հայաստանով ու հերոսական Արցախով, որուն նուիրուած տարուան հունձքը ըլլալու պատիւն ունիք անկասկած»:

Օրուան նախագահ հայր Ուալիտ Մուսա իր խօսքին մէջ աշակերտները որակեց Լիբանանի ապագան. լուսաւոր, մաքուր կենսոլորտի եւ օրէնքը յարգող Լիբանանի ապագան, եւ թէ իրենք կը ներկայացնեն մեր երազները, որովհետեւ չեն փճացած յարանուանական թոյներով: Ան ըսաւ, թէ ճիշդ է որ լաւ է մեռնիլ հայրենիքին համար, բայց աւելի լաւ է ապրիլ անո՛ր համար, եւ հայ ժողովուրդը մեզի սորվեցուցած է նահատակութեան դասը, ուստի, ըսաւ ան, անոր պատգամը տարէք ձեզի հետ ու ամբողջ աշխարհին մէջ ցանեցէք սիրոյ, բարեկամութեան եւ եղբայրասիրութեան ծաղիկը: Հայր Մուսա աշակերտները խրախուսեց անվախօրէն կերտելու ապագան, որովհետեւ «ապագան ճակատագիր չէ, այլ՝ կերտուածք. դուք կերտեցէք ձեր ապագան եւ թոյլ մի տաք, որ ուրիշը կերտէ զայն»: Ան շնորհաւորեց շրջանաւարտներուն ծնողները, որոնք իրենց ամբողջ սրտէն տուին եւ այսօր հպարտ են իրենց զաւակներով:

Ս. Խաչ-Հարպոյեանի տնօրէնուհին յուշանուէրով մը պատուելէ ետք հայր Ուալիտ Մուսան, հրաւիրեց գերյարգելի Տէր Եղիա Ծ. Վրդ Եղիայեանը, որպէսզի երեքով կատարեն վկայականաց բաշխումը: Տնօրէնութեան կողմէ գնահատանքի յուշանուէրով մը պարգեւատրուեցան աւարտական դասարանի գերազանց աշակերտները: Այնուհետեւ, տեղի ունեցաւ 12-րդ դասարանի լաւագոյն երեք միջիններ ապահոված աշակերտներուն պարգեւատրումը՝ «Յարութիւն եւ Արաքսի Պոյաճեան» Ֆոնտին կողմէ, ձեռամբ պարոն Շահէ Պոյաճեանի: Պարգեւատրուեցան նաեւ հայերէն լեզուի մէջ բարձր միջին ունեցող շրջանաւարտները:

Գերյարգելի Եղիայեան խօսք առնելով ըսաւ, թէ այս պահուն ինք կը յիշէ 1987-ի Փետրուար ամիսը, երբ Զմմառեան վարժարանը փոխադրուեցաւ Զալքա եւ օրին իր անձին վիճակուեցաւ տնօրինել նորակառոյց  Ս. Խաչ-Հարպոյեան վարժարանը: Ան շնորհաւորեց շրջանաւարտ աշակերտները, անոնց ծնողները, ինչպէս նաեւ տնօրէնութիւնը, որ այս դպրոցը հասցուց այն բարձր մակարդակին, որ պատիւ կը բերէ թէ՛ հայ համայնքին եւ թէ Հայ Կաթողիկէ Պատրիարքութեան:

Աւարտին, տնօրէնուհին շնորհակալութիւն յայտնեց եւ ծաղկեփունջով շնորհաւորեց հանդիսութիւնը պատրաստող ուսուցչուհիները, եւ բոլորը հրաւիրեց դպրոցին բակը, ուր շրջանաւարտները շնորհաւորութիւններ ընդունեցին, ինչպէս նաեւ տեղի ունեցաւ հիւրասիրութիւն:

ԼՐԱՏՈՒԱԿԱՆ ՄԱՐՄԻՆ

ՀԱՅ ԿԱԹՈՂԻԿԷ Ս. ԽԱՉ-ՀԱՐՊՈՅԵԱՆ ԲԱՐՁՐԱԳՈՅՆ ՎԱՐԺԱՐԱՆԻ

%d5%b0%d5%a1%d6%80%d5%ba%d5%b8%d5%b5%d5%a1%d5%b61%d5%b0%d5%a1%d6%80%d5%ba%d5%b8%d5%b5%d5%a1%d5%b62%d5%b0%d5%a1%d6%80%d5%ba%d5%b8%d5%b5%d5%a1%d5%b63

Մաէսթրօ Յովհաննէս Չեքիճեան Կը Պարգեւատրուի Իր 90-Ամեայ Յոբելեանին Առթիւ

Ֆէ­րի­գիւ­ղի ըն­տա­նի­քը ար­տա­սո­վոր օ­րեր կ՚ապ­րի՝ թա­ղի Վար­դա­նանց երգ­չա­խում­բի հիմ­նադ­րու­թեան 85-ա­մեա­կի յո­բե­լե­նա­կան ներ­կայ շրջա­նին։ Զու­գա­հե­ռա­բար հա­մայն­քի ա­րուես­տա­սէր­ներն ալ կը վա­յե­լեն այս յո­բե­լեա­նը թէ՛ կազ­մա­կեր­պուած ձեռ­նարկ­նե­րով եւ թէ մա­նա­ւանդ ա­նոնց մի­ջո­ցաւ այս յո­բե­լեա­նի ի­մաս­տին հա­ղորդ դառ­նա­լով։ Վար­դա­նանց երգ­չա­խում­բը այ­սօր ե­րե­կո­յեան հա­մեր­գով մը հան­դէս կու գայ՝ իր յո­բե­լեա­նին առ­թիւ։ Այս ձեռ­նար­կը կը ծա­ռա­յէ նաեւ մե­ծա­րե­լու մեր հա­մայն­քի ծո­ցէն հա­սած ե­րախ­տա­շատ ու բազ­մա­վաս­տակ ա­րուես­տա­գէտ մը՝ Հա­յաս­տա­նի Պե­տա­կան ա­կա­դե­մա­կան երգ­չա­խում­բի խմբա­վար Յով­հան­նէս Չե­քի­ճեա­նը։ Այս վեր­ջի­նը ներ­կայ կ­­՚ըլ­լայ այ­սօ­րուան հա­մեր­գին՝ որ­պէս պա­տուոյ հիւր։ Ար­դա­րեւ, Յով­հան­նէս Չե­քի­ճեան ար­դէն թե­ւա­կո­խած է 90-ա­մեա­կը, ինչ որ ամ­բողջ հա­յաշ­խար­հէն ներս ստեղ­ծած է լայն ար­ձա­գանգ։ Նոյն առ­թիւ Հա­յաս­տա­նի իշ­խա­նու­թիւ­ններն ալ հեր­թա­կան ան­գամ բարձր գնա­հա­տան­քի ա­ռար­կայ դար­ձու­ցած են զին­քը։ Այս յո­բե­լեա­նը ան­շուշտ յատ­կան­շա­կան է իս­թան­պու­լա­հա­յու­թեան տե­սա­կէ­տէ, ո­րով­հե­տեւ Չեքիճեան հա­սած է մեր հա­մայն­քէն։ Ուս­տի, Վար­դա­նանց երգ­չա­խում­բի 85-ա­մեա­կը տե­ղին մտայ­ղա­ցու­մով ու կար­գադ­րու­թեամբ կ­­՚օգ­տա­գոր­ծուի քա­ղա­քիս մէջ նշե­լու հա­մար մաէսթրօ Յով­հան­նէս Չե­քի­ճեա­նի 90-ա­մեա­կը։ Այս հան­գա­ման­քը յա­ւե­լեալ ի­մաստ մը կը վե­րագ­րէ Ֆէ­րի­գիւ­ղի ըն­տա­նի­քի յո­բե­լեա­նին։ Տօ­նա­կան տրա­մադ­րու­թիւնն բազ­մա­պատ­կուած է եր­կու ա­ռիթ­նե­րու հա­մա­տե­ղու­մով։

Ե­րէկ, հա­ճոյքն ու­նե­ցանք խմբագ­րա­տանս մէջ հիւ­րըն­կա­լե­լու մաէսթ­րօ Յով­հան­նէս Չե­քի­ճեա­նը, ո­րուն կ­­՚ըն­կե­րա­նա­յին Վար­դա­նանց երգ­չա­խում­բի խմբա­վար Ատ­րու­շան Հա­լա­ճեան, եր­գե­հո­նա­հա­րու­հի Լիւ­սի Գահ­վէ­ճիօղ­լու եւ վար­չա­յին­նե­րէն Նու­պար Կիւ­զել­տեւ­լե­թեան։ Հա­ճե­լի զրոյ­ցի ը­նթաց­քին հիւ­րե­րը տե­ղե­կա­ցու­ցին, որ երգ­չա­խում­բը մեծ ե­ռան­դով պատ­րաս­տուած է այ­սօ­րուն հա­մեր­գին, որ կը հա­մա­տե­ղէ եր­կու յո­բե­լեան­ներ։

Վար­դա­նանց երգ­չա­խում­բը՝ հա­յոց սփիւռ­քի նման­նե­րուն շար­քին ա­մե­նա­յա­ւակ­նոտ­նե­րէն մին է եւ եր­կար տա­րի­նե­րէ ի վեր մեր ե­րաժշ­տա­կան կեան­քի ջա­հա­կիրն է, թէ՛ հո­գե­ւոր եւ թէ աշ­խար­հիկ գետ­նի վրայ ար­ձա­նագ­րած անկրկ­նե­լի յա­ջո­ղու­թիւն­նե­րով։ Իս­թան­պու­լա­հայ գե­ղա­րուես­տա­սէր­նե­րուն հա­մար Վար­դա­նանց երգ­չա­խում­բի իւ­րա­քան­չիւր հա­մերգ կը նշա­նա­կէ տօն, ուս­տի այ­ս օրն ալ տօ­նա­կան է ա­նոնց հա­մար։

Միւս կող­մէ, կը տե­ղե­կա­նանք, որ այս շա­բա­թա­վեր­ջին Յով­հան­նէս Չե­քի­ճեան կը պար­գե­ւատ­րուի Պատ­րիար­քա­կան Ա­թո­ռին կող­մէ։ Հա­շուի առ­նե­լով իր 90-ա­մեակն ու քա­ղաքս այ­ցե­լու­թեան շար­ժա­ռի­թը՝ Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան տե­ղին կար­գադ­րու­թիւ­նով մը ո­րո­շած է յո­բե­լեար մաէսթ­րո­յին շնոր­հել շքան­շան մը։ Ինչ­պէս ար­դէն ծա­նու­ցուած է, Յով­հան­նէս Չե­քի­ճեա­նի պար­գե­ւատ­րու­մը այս Կի­րա­կի տե­ղի կ­­՚ու­նե­նայ Ֆէ­րի­գիւ­ղի Ս. Վար­դա­նանց ե­կե­ղեց­ւոյ մէջ։

Այս մասին կը յայտնէ Ժամանակ:

Հայագիտութեան Նուիրուած Գիտաժողով Զալցպըրկի Համալսարանին ՄԷջ

Մայիս 12-ին Զալցպըրկի համալսարանի Աստուածաբանութեան բաժանմունքին մէջ տեղի ունեցաւ «Հայագիտութեան օր» խորագիրով գիտաժողով, որուն մասնակցեցաւ Աւստրիոյ մէջ ՀՀ դեսպանութիւնը: Այն կազմակերպած էր Զալցպըրկի համալսարանի քրիստոնէական Արեւելքի ուսումնասիրութեան կեդրոնը` հայագիտութեան ամպիոնի վարիչ Եասմին Տում-Թրագուտի գլխաւորութեամբ եւ Աւստրիոյ մէջ ՀՀ դեսպանութեան հետ գործակցութեամբ: Այս մասին «Հայերն այսօր»-ին կը յայտնեն ԱԳՆ մամլոյ ծառայութենէն:

Գիտաժողովը նուիրուած էր Հայաստանի եւ Աւստրիոյ միջեւ դիւանագիտական յարաբերութիւններու հաստատման 25-ամեակին:

Համալսարանի տնօրէնի անունէն բացման խօսքով հանդէս եկաւ փոխ տնօրէն Ֆաթմա Ֆերէյրա-Պրիզման, որ ողջունեց գիտաժողովի մասնակիցներն ու ունկնդիրները եւ ներկայացուց Զալցպըրկի համալսարանին կողմէ քրիստոնէական Արեւելքի ուսումնասիրութեան եւ, մասնաւորապէս, հայագիտութեան ուղղութեամբ տարուող հետեւողական քաղաքականութիւնը:

Այնուհետեւ, ՀՀ դեսպանութեան ներկայացուցիչը ներկաներուն փոխանցեց Աւստրիոյ մէջ ՀՀ դեսպան Արման Կիրակոսեանի ուղերձը, որուն մէջ ՀՀ դեսպանը շնորահակալութիւն  յայտնած էր ինչպէս համալսարանի ղեկավարութեան` հայագիտութեան նկատմամբ յատուկ ուշադրութիւն ցուցաբերելուն, այդպէս ալ այդ գիտական հաւաքն իր հիւրընկալ տանիքին տակ ընդունելու համար: ՀՀ դեսպանը յատուկ առանձնացուցած էր հայագիտութեան ոլորտին մէջ բազմաբովանդակ գիտական նախագիծերու մէջ առանձնայատուկ աշխուժութեամբ աչքի ինկող փրոֆէսոր Եասմին Տում-Թրագուտի` եւրոպական հայագիտութեան մէջ ունեցած մեծ ներդրումը:

Գիտաժողովին զեկուցումներով հանդէս եկան գիտնականներ, հետազօտողներ Աւստրիոյ եւ եւրոպական այլ երկիրներու տարբեր համալսարաններէ, ԱՄՆ-էն (Միչիկանի համալսարան), Աւստրալիայէն (Սիտնէյի համալսարան), ինչպէս նաեւ Զալցպըրկի համալսարանին մէջ գտնուող ԵՄ «Erasmus+» դասախօսներու փոխանակման ծրագիրով ԵՊՀ-ի գործուղուած արեւելագիտական բաժանմունքի դասախօսներ, որոնք իրենց ելոյթներուն մէջ արծարծեցին հայագիտական թեմաներու լայն շրջանակ:

Գիտական քննարկումներու աւարտէն ետք աստուածաբանական բաժանմունքի մատուռին մէջ Վիեննայի Սուրբ Հռիփսիմէ եկեղեցւոյ քահանայ տէր Անդրէաս Իսախանեան մատուցեց հայկական ժամերգութեան կարգ` հայկական հոգեւոր երգերու ուղեկցութեամբ:

Գիտաժողովի մասնակցիներուն եւ ունկնդիրներուն համար Աւստրիոյ մէջ ՀՀ դեսպանութեան անունէն կազմակերպուեցաւ ընդունելութիւն:

%d5%b0%d5%a1%d5%b5%d5%a1%d5%a3%d5%ab%d5%bf%d5%b8%d6%82%d5%a9%d5%b5%d5%b8%d6%82%d5%b61 %d5%b0%d5%a1%d5%b5%d5%a1%d5%a3%d5%ab%d5%bf%d5%b8%d6%82%d5%a9%d5%b5%d5%b8%d6%82%d5%b62 %d5%b0%d5%a1%d5%b5%d5%a1%d5%a3%d5%ab%d5%bf%d5%b8%d6%82%d5%a9%d5%b5%d5%b8%d6%82%d5%b64

Սլաւի Աւիկ Յարութիւնեանի «Անթռչուն Երկինք» Ժողովածուի Սպաներէն Թարգմանութեան Շնորհանդէսը Վալենսիոյ ՄԷջ

Օրերս Վալենսիոյ «Արարատ» հայկական միութեան, «Կարէնա» հրատարակչութեան եւ FNAC գրախանութներու ցանցի նախաձեռնութեամբ, Վալենսիոյ մէջ տեղի ունեցաւ բանաստեղծ Սլաւի Աւիկ Յարութիւնեանի «Անթռչուն երկինք» ժողովածուի սպաներէն թարգմանութեան շնորհանդէսը:

Ինչպէս «Հայերն այսօր»-ին կը յայտնեն Վալենսիոյ «Արարատ» հայկական միութենէն, հեղինակն ու գիրքը ներկայացուց Միսլատայի մշակութային շարժում կազմակերպութեան նախագահ, «Հայ ժողովուրդի լաւագոյն բարեկամ» մրցանակի դափնեկիր Սալուատոր Կարսիա տէ լա Մօտան, որ հանգամանալից հանդիսատեսին հրամցուց հեղինակի խոհափիլիսոփայական, հայ ժողովուրդի աննկուն պայքարի եւ կարօտալից սիրոյ անկրկնելի մտքերը:

Բանաստեղծի ելոյթը թարգմանեց Հայկական միութեան ներկայացուցիչ Մովսէս Մխիթարեան:

Հեղինակը խօսեցաւ իր ստեղծագործական ուղիին մասին, մասնաւորապէս, մէջբերումներ ընելով «Սասունցի Դաւիթ» վիպերգութենէն, փորձեց յատուկ շեշտադրումներով կարեւոր համարել հայ ժողովուրդի հաւաքական կերպարը մարմնաւորող առաջնորդի դերը յատկապէս այսօր, երբ Հայոց աշխարհը կ’ապրի պատերազմական տագնապալից իրավիճակի մէջ:

Ելոյթի աւարտին բանաստեղծը պատասխանեց ներկաներու հարցերուն:

Շնորհանդէսի ընթացքին ելոյթներ ունեցան Սպանիոյ մէջ անուանի ջութակահարուհի Տաթեւիկ Խաչատրեան, տաղանդաշատ երգիչներ Էտկար Աբրամեան, Աննա Ասոյեան եւ Էտկար Մարտիրոսեան:

Հեղինակի հայերէն ստեղծագործութիւնները ներկայացուց «Արարատ» միութեան փոխնախագահ Գայեանէ Ղազարեան:

%d5%be%d5%a1%d5%ac%d5%a5%d5%b6%d5%bd%d5%ab%d5%a11%d5%be%d5%a1%d5%ac%d5%a5%d5%b6%d5%bd%d5%ab%d5%a12%d5%be%d5%a1%d5%ac%d5%a5%d5%b6%d5%bd%d5%ab%d5%a13%d5%be%d5%a1%d5%ac%d5%a5%d5%b6%d5%bd%d5%ab%d5%a14 %d5%be%d5%a1%d5%ac%d5%a5%d5%b6%d5%bd%d5%ab%d5%a15 %d5%be%d5%a1%d5%ac%d5%a5%d5%b6%d5%bd%d5%ab%d5%a16

Նամակ Զինուորին. Կը Գրեն Լոնտոն Ապրող Հայ Փոքրիկները

«Հայերն այսօր»-ն իր ընթերցողներուն կը ներկայացնէ Լոնտոնի հայկական շաբաթօրեայ վարժարանի աշակերտներու նամակ-բացիկները՝ ուղղուած Հայոց բանակի զինուորներուն:

%d5%b6%d5%a1%d5%b4%d5%a1%d5%af_page_01 %d5%b6%d5%a1%d5%b4%d5%a1%d5%af_page_02 %d5%b6%d5%a1%d5%b4%d5%a1%d5%af_page_03 %d5%b6%d5%a1%d5%b4%d5%a1%d5%af_page_04 %d5%b6%d5%a1%d5%b4%d5%a1%d5%af_page_05 %d5%b6%d5%a1%d5%b4%d5%a1%d5%af_page_06 %d5%b6%d5%a1%d5%b4%d5%a1%d5%af_page_07 %d5%b6%d5%a1%d5%b4%d5%a1%d5%af_page_08 %d5%b6%d5%a1%d5%b4%d5%a1%d5%af_page_09 %d5%b6%d5%a1%d5%b4%d5%a1%d5%af_page_10 %d5%b6%d5%a1%d5%b4%d5%a1%d5%af_page_11 %d5%b6%d5%a1%d5%b4%d5%a1%d5%af_page_12 %d5%b6%d5%a1%d5%b4%d5%a1%d5%af_page_13 %d5%b6%d5%a1%d5%b4%d5%a1%d5%af_page_15 %d5%b6%d5%a1%d5%b4%d5%a1%d5%af_page_16 %d5%b6%d5%a1%d5%b4%d5%a1%d5%af_page_17 %d5%b6%d5%a1%d5%b4%d5%a1%d5%af_page_18 %d5%b6%d5%a1%d5%b4%d5%a1%d5%af_page_19 %d5%b6%d5%a1%d5%b4%d5%a1%d5%af_page_20 %d5%b6%d5%a1%d5%b4%d5%a1%d5%af_page_21