Միշտ Ըլլանք Արթուն, Համախմբուած, Կազմակերպուած Եւ Իմանանք Զէնքի Տեղը. Զաքար Քեշիշեան

Պատմութեան ընթացքին  երբ ալ նեղը ինկած ենք, յաղթած ենք միայն, երբ միասնական  եղած ենք:

Այս մասին «Արցախփրէս»-ի թղթակիցին հետ զրոյցին ըսած  է «Վարանդա» մանկապատանեկան, երիտասարդական պետական երգչախումբի հիմնադիր Զաքար Քեշիշեան:

«Արցախեան շարժման առաջին իսկ օրերէն ողջ աշխարհասփիւռ հայութիւնը  բռունցք մը դարձաւ: Մեր քաջարի նահատակներէն մենք սորվելու բան ունինք եւ անոնց թափած արիւնը իրաւունք չունինք վատնելու: Մենք պէտք է կարենանք արժանի կերպով շէնացնել մեր երկիրը, որպէսզի գալիք սերունդները նաեւ մեզմէ` ապրողներէս, սորվելու եւ հպարտանալու բան ունենան,-ըսած է Զ. Քեշիշեան եւ աւելցուցած,- սրտանց կը շնորհաւորեմ բոլորիս` մայիսեան եռատօնի առթիւ: Միշտ ըլլանք արթուն, համախմբուած, կազմակերպուած եւ իմանանք զէնքին տեղը»:

 

Շահան Արք. Սարգիսեանն Ու Կարօ Իւզպաշեանը Հոլանտայի Առնհէմ Քաղաքի Հայութեան Ներկայացուցին Սուրիահայութեան Խնդիրները

Հովանաւորութեամբ Արեւմտեան Եւրոպայի հայրապետական պատուիրակի փոխանորդ Հոգեշնորհ Տէր Առէն Վրդ. Շահինեանի, Շաբաթ, 6 Մայիսի երեկոյեան ժամը 4:00-ին, Հոլանտայի Առնհէմ քաղաքին մէջ տեղի ունեցաւ Հայոց Ցեղասպանութեան 102-ամեակի ոգեկոչման հանդիսութիւն:

Հանդիսութեան ներկայ էին  ՀՀ Արտակարգ եւ Լիազօր Դեսպանուհի Ձիւնիկ Աղաջանեան, ՀՅԴ Ֆրանսայի եւ Արեւմտեան Եւրոպայի Կեդր. Կոմիտէի անդամներ՝ Մուրատ Արսլանեան եւ Տիգրան Շահմիրեան, ՀՅԴ Հոլանտայի կոմիտէի անդամներ, ՀՄԸՄ-ի եւ ՀԲԸՄ-ի վարչութիւններու կազմեր, Ծխական Խորհուրդի անդամներ, ինչպէս նաեւ Հալէպէն ժամանած Բերիոյ Հայոց Թեմի Առաջնորդ Շահան Արք. Սարգիսեան եւ սուրիահայ համայնքի ներկայացուցիչ Կարօ Իւզպաշեան։

Յայտագիրի աւարտին ներկաներուն ցուցադրուեցաւ պատերազմի հետեւանքով հալէպահայութեան կրած բազում վնասները ներկայացնող եւ հայկական թաղերու ինքնապաշտպանութեան նուիրեալներուն աշխատանքը ամփոփող տեսերիզը, որմէ ետք սուրիահայութեան տագնապի ծալքերն ու գաղութի վերականգնումի նախապատրաստական աշխատանքները ներկայացնելու համար հերթաբար խօսք առին Բերիոյ Հայոց Թեմի Առաջնորդ Գերշ. Տ. Շահան Սրբ. Արք. Սարգիսեանն ու սուրիահայ համայնքի ներկայացուցիչ Կարօ Իւզպաշեանը:

Այս մասին կը յայտնէ Գանձասար:

holland-1holland-2

Բակօ Սահակեան եւ Սերժ Սարգսեան Այցելած են «Պէյզ Մեթըլզ» Ընկերութեան Կաշենի Լեռնահանքային Համալիր

Արցախի Հանրապետութեան Նախագահ Բակօ Սահակեան Հայաստանի Հանրապետութեան Նախագահ Սերժ Սարգսեանի հետ միասին, Մայիս 10-ին, այցելած է «Բէյզ Մեթըլս» ընկերութեան Կաշենի լեռնահանքային համալիր: Այս մասին կը յայտնեն ԱՀ նախագահի մամուլի վարչութենէն։

Հայկական երկու պետութիւններու ղեկավարները ծանօթացած են գործարանի աշխատանքներուն եւ հեռանկարային ծրագիրներուն:

Հայուհիի Խոհարարական Գիրքը Յայտնուած է Աշխարհի Լաւագոյններու Եռեակին Մէջ

Գայեանէ Պրէիովայի «Խոհանոց Գայեանէ-ջան» գիրքը ընդգրկուած է համաշխարհային խոհարարական գիրքերու հեղինակաւոր «Gourmand 2017» մրցոյթի ցուցակին մէջ:

Ըստ Armday.am-ի՝ խոհարարական գիրքերու Gourmand մրցոյթը կ՝իրականացուի 22 տարիէ ի վեր` խոհարարական աշխարհի մէջ համարուելով «Օսգար» մրցանակաբաշխութիւն։

Մրցոյթի հիմնադիրը Գուանդրօ ընտանիքն է (յայտնի լիքէոր եւ շամփայն): Մրցանակաբաշխութիւնը տեղի կ՝ունենայ ամէն տարի:

«Անկեղծ խօսքով, նոյնիսկ չէի գիտեր, որ գոյութիւն ունի «կարճ-ցուցակ» հասկացութիւնը, սակայն գիրքը, ժիւրիի կարծիքով, յայտնուած է աշխարհի խոհարարական երեք լաւագոյն գիրքերու շարքին եւ ես պէտք է մեկնիմ Չինաստան. մտքովս անգամ չէր անցներ, ուռա»,- իր ուրախութիւնը յայտնած է  Գայեանէն:

Նշենք, որ Գայեանէն ծնած է Երեւան: 1994 թուականէն ի վեր կը բնակի Մոսկուա:

Իր ասպարէզը սկսած է իբրեւ մատուցողուհի, իսկ որոշ ժամանակ ան ստիպուած եղած է դուրս գալ ճաշարանային գործարարութենէն, սակայն, 1998-ին կրկին վերադարձած է իբրեւ կազմակերպող: Ան իր ամենամեծ հպարտութիւնը կը համարէ հայկական խոհանոցի ճաշատեսակներով Gayane’s. ճաշարանը:

Ֆրանսահայ Բեմադրիչը Արցախի ՄԷջ Ֆիլմ Պիտի Նկարահանէ

Այսօր Արցախի պետական համալսարանին մէջ  տեղի  ունեցած է հանդիպում ֆրանսահայ բեմադրիչ Ռոպերթ Քեշիշեանի հետ:

Հանդիպման բացման խօսքով հանդէս եկած է ԱրՊՀ ուսանողներու հետ տարուող աշխատանքներու գիծով փոխ տնօրէն Վիտիա Եարամիշեան, որ հակիրճ ներկայացուցած է բեմադրիչի գործունէութիւնը եւ նշած, որ վերջինիս ընտանիքը եւս վերապրած է Ցեղասպանութեան ծանր օրերը:

Հանդիպման ցուցադրուած է Ռոպերթ Քեշիշեանի «Արամ» ամերիկա-ֆրանսական համատեղ ֆիլմը, որ կը պատմէ հայ տղու մը ընտանեկան ողբերգութեան մասին. այն նկարահանուած է 2002 թուականին:

«Արցախպրես»-ի թղթակիցին հետ զրոյցին Ռ. Քեշիշեան ըսած է, որ «Արամ» ֆիլմը 2004 թուականին ներկայացուած է հայկական «Ոսկէ ծիրան» միջազգային ֆիլմի փառատօնին. այն ցուցադրուած է Ֆրանսայի, Գերմանիոյ, Ամերիկայի, Գանատայի, Մեքսիկայի, Թորոնթոյի եւ շատ այլ երկիրներու մէջ:

«Ճանաչողական այցով եկած եմ Արցախ: Լսելով անցած տարուան ապրիլեան պատերազմին մասին ես ցանկացայ  Արցախ այցելել ու ծանօթանալ այս երկրին եւ այստեղի մարդոց: Անցած տարի Ֆրանսայի մէջ մենք բողոքի ցոյցեր  կազմակերպած ենք եւ անով փորձած ենք ինչ-որ կերպ օգնել մեր հայրենակիցներուն: Ես Արցախի մէջ շատ լաւ կը զգամ, բաւականին տպաւորուած եմ: Մարդոց հետ ծանօթացած ու զգացած եմ արցախցիներու մարդկային ջերմ ու բարի վերաբերմունքը: Հպարտ եմ, որ Արցախի մէջ կը տեսնեմ գրագէտ ու բանիմաց երիտասարդներ: Նպատակ ունիմ նոր ֆիլմ նկարահանելու Արցախի մէջ»,- մասնաւորապէս ըսած է Ռ. Քեշիշեան:

Հանդիպման ներկայ էին համալսարանի դասախօսներ եւ ուսանողներ:

%d6%86%d5%ab%d5%ac%d5%b41%d6%86%d5%ab%d5%ac%d5%b42%d6%86%d5%ab%d5%ac%d5%b43

Այցելութիւն Ղազախստան Թաղուած Խորհրդային Միութեան Հերոս Իշխան Սարիբէկեանի Շիրիմին

Մայիս 9-ին Ղազախստանի մայրաքաղաք Ասթանայի, Աքմոլայի մարզի եւ Քոկչետաւ քաղաքի խումբ մը  մեր հայրենակիցներէն այցելեցին Աքմոլայի մարզի Եսիլ քաղաքի գերեզմանատուն, ուր կը հանգչի Խորհրդային Միութեան հերոս Իշխան Սարիբէկեան:

Ինչպէս «Հայերն այսօր»-ին կը  յայտնեն Ղազախստանի մէջ ՀՀ դեսպանատունէն, հերոսի շիրմաքարին  ծաղիկներ  դրած են Ղազախստանի մէջ ՀՀ դեսպան Արա Սահակեան, դեսպանութեան 1-ին քարտուղար Մհեր Բադալեան, Եսիլի շրջանի ակիմ Ամանբեկ Գալժանովը, հայկական համայնքներու ղեկավար Նորիկ Մագլամեան (Քոկչետաւ), Սահակ Սալումեան (Ասթանա) եւ այլք:

Այս կապակցութեամբ կայացած հանդիպման ժամանակ դեսպան Արա Սահակեան իր ելոյթին մէջ յատուկ ընդգծեց հայ ժողովուրդի զաւակներու անձնուրաց մասնակցութիւնը 2-րդ Համաշխարհային եւ Հայրենական մեծ պատերազմի ռազմաճակատներուն մէջ ու թիկունքին, կոչ ըրաւ վառ պահել Յաղթանակը կռած հերոսներու յիշատակը եւ առողջութիւն մաղթեց բոլոր վեթերաններուն:

Դեսպանը եւ ուղեկցող հիւրերը հանդիպումներ ունեցան տեղի բնակիչներուն հետ, որոնք յայտնեցին, որ մինչ օրս կը յիշեն հայ Հերոսը` որպէս աշխատասէր, բարի ու համեստ անձնաւորութիւն:

Եսիլի մեր հայրենակիցները Ն․Մագլամեանի հովանաւորութեամբ բարեկարգած ու պատշաճ տեսքի  բերած են Հերոսի շիրիմը:

Իշխան Սարիբէկեան ծնած է 1912թ. Հայաստանի Տաւուշի մարզի Ոսկեւան գիւղին մէջ: Հերոսի կոչման  արժանացած է 1944թ. ապրիլին` Սեւաստոպոլի Սապուն գորա անառիկ համարուող ամրութիւնները գրաւելուն ցուցաբերած  բացառիկ արիութեան համար: Պատերազմէն յետոյ ապրած եւ աշխատած է Ղազախստանի տարբեր քաղաքներու մէջ: Մահացած է 1990թ., Եսիլի մէջ (հեռաւորութիւնը` Ասթանայէն, 400 քմ ):

%d5%a9

Նորակառոյց Մատուռի Օրհնութիւն Հայոց Բանակի Մարտական Յենակէտին ՄԷջ. լուսանկարներ

Շուշիի ազատագրման օրը Արարատ զօրամասին  համար նշանաւորուած է նաեւ Սուրբ Խաչ մատուռի օրհնութեամբ: Սուրբ Մատուռը կառուցուած է Արարատ զօրամասի յենակէտերէն մէկուն մէջ`  բոլոր զինծառայողներու անշահախնդիր մասնակցութեամբ:

Օրհնութիւնը իրականացուած է Արարատի Սուրբ Յակոբ եկեղեցւոյ հոգեւոր հովիւ Տէր Դաւիթ քահանայ Սահակեանի կողմէ` մասնակցութեամբ զօրամասի գունդերէն Նարեկ սարկաւագ Պետրոսեանի եւ ճեմարանի սան Ռոբերտ Զէյնալեանի: Այս մասին «Հայերն այսօր»-ը կը տեղեկանայ Արարատի Սբ. Յակոբ եկեղեցւոյ ֆէյսպուքեան էջէն:

Օրհնութենէն յետոյ Տէր Հայրը դիմած է ներկաներուն. «Այսօր յաղթական օր է բոլորիս համար, եւ այդ կարեւոր յաղթանակը ձեռք բերուեցաւ Աստուծոյ անմիջական օգնութեամբ, իսկ ձեր կեանքին մէջ այս օրը կը դաջուի նաեւ` որպէս ձեր ձեռքերով վեր յառնուած մատուռի օրհնութեան օր»:

Ան կոչ ըրած է  նաեւ հետեւելու մեր քաջ նախնեաց աւանդոյթներուն` ձեւաւորելու քրիստոնեայ ու անվախ զինուորականի կերպար եւ դառնալու վերջիններուս արժանի հետեւորդներն ու ժառանգները:  Մարտական դիրքը պաշտպանող զինծառայողներուն կողմէ կազմակերպուած էր նաեւ մատաղ եւ փոքրիկ հիւրասիրութիւն:

%d5%b0%d5%a5%d5%b6%d5%a1%d5%af%d5%a5%d5%bf%d5%b0%d5%a5%d5%b6%d5%a1%d5%af%d5%a5%d5%bf1%d5%b0%d5%a5%d5%b6%d5%a1%d5%af%d5%a5%d5%bf2%d5%b0%d5%a5%d5%b6%d5%a1%d5%af%d5%a5%d5%bf5%d5%b0%d5%a5%d5%b6%d5%a1%d5%af%d5%a5%d5%bf6 %d5%b0%d5%a5%d5%b6%d5%a1%d5%af%d5%a5%d5%bf7 %d5%b0%d5%a5%d5%b6%d5%a1%d5%af%d5%a5%d5%bf8

Հայաստան Մասնակցեցաւ Թեհրանի Գիրքի 30-րդ Միջազգային Ցուցահանդէսին

Թեհրանի գիրքի 30-րդ միջազգային ցուցահանդէսին, որ մկենարկած է Մայիս 2-ին, իր մասնակցութիւնը բերած է նաեւ Հայաստանը` ներկայացնելով տարբեր լեզուներով տպագրուած գիրքեր:

ՀՀ արտաքին գործոց նախարարութեան մամուլի, տեղեկատւութեան եւ հասարակայնութեան հետ կապի վարչութեան փոխանցած տեղեկութիւններով՝ Մայիս 4-ին Իրանի Իսլամական Հանրապետութեան մէջ ՀՀ դեսպան Արտաշէս Թումանեան այցելած է հայկական տաղաւար եւ հանդիպում ունեցած տաղաւարի պատասխանատու Կարօ Վարդանեանի հետ:

Դեսպան Թումանեան նաեւ հանդիպած է «Շահր-է Աֆթաբ» ցուցահանդէսներու կեդրոնի ղեկավար Մ. Սէյիտիի հետ, որոնք միասնաբար քննարկած են դեսպանութեան ու ցուցահանդէսներու կեդրոնին միջեւ յետագայ գործակցութեան առնչուող հարցեր:

«Աւետիս» Պարախումբի Ելոյթը` Նուիրուած Մայիսեան Յաղթանակներուն

Մայիս 7-ին Աթէնքի «Աւետիս» մանկապատանեկան պարախումբը մասնակցած է Յունաստանի ռուսահայ համայնքի մշակութային միութեան կողմէ արդէն երկրորդ անգամ կազմակերպուած ձեռնարկին` նուիրուած Հայրենական մեծ պատերազմի յաղթանակի 72-րդ տարեդարձին: Պարախումբը ներկայացուցած է «Օրօրոցային» եւ «Քոչարի» պարերը: Նախաձեռնութեան մասնակցած են ազգային փոքրամասնութիւններ` հայեր, վրացիներ, պելոռուսներ, մոլտովացիներ եւ այլք:

«Մայիսը հայերուն համար յաղթանակներու ամիս է` Շուշիի ազատագրում, Սարդարապատի հերոսամարտ:  Մեր  մասնակցութիւնը նուիրեցինք այս պանծալի յաղթանակներուն, որպէսզի օտարութեան մէջ ապրող հայ երիտասարդները չմոռնան իրենց պատմութիւնը եւ իմանան, որ այս յաղթանակները բազմաթիւ հայորդիներու կեանքի գինով ձեռք բերուած է»,-«Հայերն այսօրի» հետ զրոյցին ըսաւ պարախումբի գեղարուեստական ղեկավար ու պարուսոյց Շուշանիկ Սեմերջեան:

Աւելցնենք, որ մայիս 28-ին «Աւետիս»-ը  պիտի մասնակցի  ձեռնարկին, որ նուիրուած պիտի ըլլայ  պատերազմներէն մազապուրծ եղած եւ աշխարհի տարբեր անկիւններու մէջ հաստատուած գաղթականներուն, որոնք կը փորձեն պահպանել ազգային դիմագիծը, մշակոյթն ու աւանդոյթները:

23 45

 

 

 

 

Ն.Ս.Օ.Տ.Տ Արամ Ա. Կաթողիկոս Ընդունեց Լիբանան Տեղակայուած ՖԻՆԻՒԼ-Ի Խաղաղապահ Ուժերուն Մաս Կազմող Հայկական Ջոկատը

Լիբանանի հարաւը տեղակայուած ՖԻՆԻՒԼ-ի միջազգային խաղաղապահ ուժերուն մաս կազմող հայկական ջոկատը` գլխաւորութեամբ ջոկատի հրամանատար քափիթեն Կարէն Աթոյեանի, այսօր՝ Երեքշաբթի, 9 Մայիս 2017-ի առաւօտուն այցելեց Անթիլիասի Մայրավանք եւ Վեհարանին մէջ հանդիպում ունեցաւ Ն.Ս.Օ.Տ.Տ Արամ Ա. Կաթողիկոսին հետ` ներկայութեամբ Լիբանանի մէջ Հայաստանի դեսպան՝ Սամուէլ Մկրտչեանի։

Հրամանատար քափիթեն Կարէն Աթոյեան ընդհանուր գիծերու մէջ անդրադարձաւ ջոկատի անդամներուն առաքելութեան` նշելով, որ անոնք մասնակցած են տարբեր զօրավարժութիւններու, ինչպէս նաեւ պաշտպանողական գործողութիւններու։

Վեհափառ Հայրապետը ողջունեց հայոց բանակի քաջ զինուորները, որոնք հպարտութիւն կ՚առթեն հայրենիքին ու համայն հայութեան եւ կը հանդիսանան հայրենիքի հզօրութեան ու յաւերժութեան երաշխիքը։ Ան հաստատեց, որ բանակը հայրենիքին առանցքն է, հզօրութեան աղբիւրը, անսասանութեան երաշխիքը: Այսօր Հայաստանն ու Արցախը կը գտնուին բազմաթիւ մարտահրաւէրներու դէմ յանդիման, ունին բազում կարիքներ. հայոց բանակը կոչուած է զօրեղ ու կենսունակ պահել հայրենիքը։ Արամ Ա. Կաթողիկոս ուրախութիւն յայտնեց եւ փառք տուաւ Աստուծոյ, որ հայութիւնը ունի հզօր բանակ, որ որակ է քանակ ըլլալէ առաջ, եւ հայկական բանակին որակը անպայման արդիական սպառազինութիւն, մասնագիտական զէնքեր ունենալով չի բնորոշուիր, այլ ծառայութեան ոգիով, նուիրումով, հաւատքով, վճռականութեամբ եւ պարտականութեան գիտակցութեամբ։

Նորին Սրբութիւնը յիշեցուց Վարդանանց ճակատամարտը, ուր փիղերու ներկայութիւնը վտանգ կը հանդիսանար եւ սարսափ կ՚ազդէր` դիտել տալով, որ այսօր չկան փիղեր, սակայն կայ սպառնալիքը, կայ դաւադիր թշնամին, որուն դէմ մղուած պայքարը եւ հայրենիքը անկէ պաշտպանելը սրբազան առաքելութիւն է ու կոչում։ Վեհափառ Հայրապետը հաստատեց, որ Հայաստանն ու հայութիւնը միշտ ենթակայ եղած են տարբեր տեսակի պատերազմներու, սակայն միշտ ալ հայոց բանակը իր արեան գնով պաշտպանած է հայրենիքն ու անոր անկախութիւնը։ Այսօր եւս նման կացութեան դիմաց կը գտնուի մեր ժողովուրդը, այս պայքարին մէջ իւրաքանչիւր հայ զինուոր է, իսկ հայկական բանակի իւրաքանչիւր անդամ` յառաջապահ։

Անդրադառնալով հայ զինուորներուն` Լիբանանի մէջ խաղաղապահ առաքելութիւն կատարելու հանգամանքին, Նորին Սրբութիւնը իր ուրախութիւնը յայտնեց այս գծով, որովհետեւ հայութիւնը խաղաղութիւն սիրող եւ խաղաղութեան հաստատման մասնակից դարձող ազգ է, բացի երբ փորձ կատարուած է խլելու իր իրաւունքները։ Ան իր գոհունակութիւնը յայտնեց, որ ՖԻՆԻՒԼ-ի միջազգային խաղաղապահ ուժերուն մաս կազմող հայկական ջոկատը ամենայն պատասխանատուութեամբ եւ գիտակցութեամբ կատարած է իր առաքելութիւնը` յոյս յայտնելով, որ Լիբանանի մէջ իրենց աշխատանքը աւարտելէ ետք զինուորները Հայաստան կը վերադառնան վերանորոգ կամքով ու կորովով։

Վեհափառ Հայրապետը նաեւ իր ուրախութիւնը յայտնեց, որ հայկական ջոկատին այցելութիւնը Անթիլիասի Մայրավանք կը զուգադիպի Շուշիի ազատագրութեան 25 ամեակին։ Ան շեշտեց, թէ Շուշին ազատագրութեան խորհրդանիշ է, ինչպէս նաեւ հայ ժողովուրդի հաւաքական կամքին ու հայրենիքին համար իր արիւնը թափելու յանձնառութեան։

Նորին Սրբութիւնը կոչ ուղղեց, մեր ժողովուրդի զաւակները իրենց կարելին կատարեն մասնակցելու հայոց բանակին առաւել հզօրացման աշխատանքին, եզրակացնելով՝ թէ հզօր բանակ կը նշանակէ հզօր հայրենիք, հզօր հայրենիք կը նշանակէ հզօր Սփիւռք։

Լիբանանի մէջ Հայաստանի դեսպան Սամուէլ Մկրտչեան շնորհակալութիւն յայտնեց Վեհափառ Հայրապետին` ընդունելութեան, քաջալերական ու գօտեպնդիչ խօսքերուն համար։ Ան վստահեցուց, որ քաջարի զինուորները ո՛ւր ալ գտնուին նոյն ոգիով ու պատասխանատուութեամբ պիտի շարունակեն իրենց առաքելութիւնը` հաստատելով, որ Վեհափառ Հայրապետին պատգամն ու օրհնութիւնը տարբեր խորհուրդ ու կարեւորութիւն պիտի ունենայ անոնց համար։

Աւարտին վեհափառ հայրապետը խաչեր ու աղօթագիրքեր նուիրեց իւրաքանչիւր զինուորի։

Շուշիի Ազատագրութեան 25-Ամեակը՝ Եունիֆիլի Հայ Խաղաղապահ Զինուորներուն Հետ

9 Մայիսը կը համարուի հայ ժողովուրդի պատմութեան ամէնէն փայլուն էջերէն մէկը: Շուշիի ազատագրումը բեկումնային եղած է եւ նախանշած՝ յետագայ յաղթանակներու ուղին: Հայ ժողովուրդի պատմութիւնը պայքարի ու պատերազմի պատմութիւն է: Այդ պատճառով ալ Շուշիի ազատագրումով կերտուած է հայոց բաղձալի յաղթանակը:

Հայ Կաթողիկէ Պատրիարքութեան Ս. Խաչ-Հարպոյեան վարժարանին մէջ 9 Մայիս 2017 թուականը երկակի ուրախութեան եւ հպարտութեան օր էր: Վարժարանս առիթը ունեցաւ հիւրընկալելու ԵՈՒՆԻՖԻԼ-ի մէջ ծառայող հայ խաղաղապահ խումբ մը զինուորներ, գլխաւորութեամբ հրամանատար Կարէն Ատոյեանի:

Վարժարանի դրան մուտքին Ծաղիկ դասարանի աշակերտներուն կողմէ աղ ու հացով դիմաւորուելէ ետք, զինուորները՝ «Մեր Անունն է Հայկական Բանակ» երգի կշռոյթին տակ մուտք գործեցին բակ, ուր դպրոցի բոլոր աշակերտութիւնը խմբուած էր վարժարանիս շրջափակին մէջ գտնուող Ծիծեռնակաբերդի մանրակերտ յուշարձանին շուրջ:

Տնօրէնուհի Տիկ. Ռիթա Պոյաճեան բարի գալուստ մաղթեց եւ ըսաւ, որ այսօր մեզի համար անսահման ուրախութեան եւ հպարտութեան օր է, որովհետեւ մենք առիթը ունինք պատուելու ա՛յն զինուորները, որոնք յանձնառութիւնը ստանձնած են պաշտպանելու Լիբանանի սահմանները: Ան ըսաւ. «Հայրենիք պաշտպանելը իւրաքանչիւր բանակի պարտականութիւնն է, եւ զինուորին՝ վեհագոյն նպատակը: Բայց ուրիշին հայրենիքը պաշտպանելը կ’ենթադրէ յաւելեալ գնահատանք, որուն համար բաւարար խօսքեր չկան պատշաճ կերպով շնորհակալութիւն յայտնելու»: Ան նաեւ ըսաւ, թէ մեր վարժարանը կրկնապատիկ ուրախութիւն կը զգայ Շուշիի ազատագրութեան փառահեղ տարեդարձը նշելու հայ զինուորներուն ընկերակցութեամբ, որոնցմէ շատեր նաեւ պատերազմած են Արցախի սահմաններուն վրայ, անոնց մաղթելով Լիբանանի սահմաններուն անվտանգ ծառայութիւն եւ յաջողութիւն:

Տիկ. Պոյաճեան յուշանուէրով մը պատուեց հայկական ջոկատին հրամանատարը, որ խօսք առնելով բոլորին անունով ուրախութիւն յայտնեց հայ երիտասարդներուն մէջ ներկայ գտնուելով, որովհետեւ, ըսաւ ան, իրենք կը հաւատան, թէ երիտասարդներն են վաղուան ապագան, որոնք պիտի պաշտպանեն հայրենիքը եւ բարձր պիտի պահեն անոր անունը:

Սերժիօ Ահարոնեանի «Պիտի Գնանք Վաղ Թէ Ուշ» եւ «Գետաշէն» երգերու կատարողութեան ընկերակցեցան հայ զինուորները եւ ոգեւորութեամբ երգեցին նաեւ այլ երգեր: Այնուհետեւ, հայրենի զինուորները ծաղիկներ զետեղեցին Ծիծեռնակաբերդի մանրակերտ յուշարձանին, խանդավառ մթնոլորտի մէջ շաղուեցան մեր աշակերտներուն հետ, ապա յուզումով ու երջանկութեան արցունքներով մեկնեցան՝ իրենց հետ տանելով մեր աշակերտներուն իրենց նուիրած վարդերը, որոնք դրսեւորումն էին մեր ազգային արդար հպարտութեան, պարծանքի, գնահատանքի եւ երախտագիտութեան զգացումներուն:

Փառք ու պատի՛ւ հայ զինուորին:

ԼՐԱՏՈՒԱԿԱՆ ՄԱՐՄԻՆ

ՀԱՅ ԿԱԹՈՂԻԿԷ Ս. ԽԱՉ-ՀԱՐՊՈՅԵԱՆ ԲԱՐՁՐԱԳՈՅՆ ՎԱՐԺԱՐԱՆԻ

%d5%b0%d5%a1%d6%80%d5%ba%d5%b8%d5%b5%d5%a1%d5%b61%d5%b0%d5%a1%d6%80%d5%ba%d5%b8%d5%b5%d5%a1%d5%b62%d5%b0%d5%a1%d6%80%d5%ba%d5%b8%d5%b5%d5%a1%d5%b63%d5%b0%d5%a1%d6%80%d5%ba%d5%b8%d5%b5%d5%a1%d5%b64%d5%b0%d5%a1%d6%80%d5%ba%d5%b8%d5%b5%d5%a1%d5%b65 %d5%b0%d5%a1%d6%80%d5%ba%d5%b8%d5%b5%d5%a1%d5%b66 %d5%b0%d5%a1%d6%80%d5%ba%d5%b8%d5%b5%d5%a1%d5%b67

Վիրահայոց Թեմի «Սուրբ Մովսէս Խորենացի» Նախակրթարանի Սաները` Հայկական Դպրոցի Աշակերտներ

Վիրահայոց թեմի «Սուրբ Մովսէս Խորենացի» նախակրթարանը այս տարի կ’ունենայ 18 շրջանաւարտ, որոնք քաղաքի տարբեր հանրային դպրոցներու մէջ կը լրացնեն առաջին դասարանցիներու շարքերը, կը գրէ akhaltskha.net-ը: Ուրախալի է, որ նախակրթարանի շրջանաւարտներէն 11-ը ուսում կը ստանան մայրենիիով` հայկական դպրոցին մէջ. 10-ը` Թիֆլիսի թիւ 104 հայկական, իսկ մէկը` թիւ 103 վրացական-հայկական հանրային դպրոցին մէջ:

«Սուրբ Մովսէս Խորենացի» նախակրթարանին մէջ գոյութիւն ունի  գեղեցիկ աւանդոյթ մը. շրջանաւարտներուն հանդիսաւոր կերպով ուղեկցիլ իրենց ապագայ կրթօճախ, ներկայացնել դպրոցի տնօրինութեան եւ յանձնել ապագայ դպրոցականներու փաստաթուղթերու փաթեթը:

2017 թուականի մայիս  4-ին Վիրահայոց թեմի կրթութեան բաժինի տնօրէն, «Սուրբ Մովսէս Խորենացի» նախակրթարանի ղեկավար Եւգենեայ Մարկոսեանի եւ Վիրահայոց թեմի մշակոյթի բաժնի տնօրէն Լեւոն Չիդիլեանի առաջնորդութեամբ ու ապագայ դպրոցականներու ծնողներու ուղեկցութեամբ նախակրթարանի 10 սաները այցելեցին թիւ 104 դպրոց եւ հանդիսաւոր կերպով անցան առաջին դասարան ընդունուելու ցանկին մէջ:

Երեխաներուն դիմաւորեցին դպրոցի տնօրէն Իրինա Ժամկոչեան եւ ուսմասվար Ալմարի Սիրադեղեան: Ապագայ դպրոցականներուն հետ կայացած զրոյցին ժամանակ դրսեւորուեցան երեխաներու պատշաճ գիտելիքները ինչպէս հայերէնի, այնպէս ալ թուաբանութեան նախնական իմացութենէն, երեխաները ցոյց տուին Վրաստանի եւ Հայաստանի Հանրապետութեան դրօշները, կատարեցին երկու երկիրներու պետական օրհներգները: Դպրոցի ղեկավարներն իրենց գոհունակութիւնը յայտնեցին նախակրթարանի տնօրէնին եւ «Հայարտուն» կեդրոնի ղեկավարին նախակրթարանի պահանջները գերազանց բաւարարող եւ բազմակողմանի պատրաստուած սաները դպրոց ուղղորդելու համար եւ բոլոր երեխաներուն նուիրեցին փուչիկներ:

Նախակրթարանի տնօրինութեան կողմէ մանրակրկիտ եւ ճշգրիտ պատրաստուած փաստաթուղթերու եւ ծնողներու դիմումներու հիման վրայ Վիրահայոց թեմի «Սուրբ Մովսէս Խորենացի»  նախակրթարանի 11 շրջանաւարտ 2017-2018 ուսումնական տարին կը սկսին հայոց դպրոցին  մէջ` ստանալով հայեցի կրթութիւն:

%d5%b6%d5%a1%d5%ad%d5%a1%d5%af%d6%80%d5%a9%d5%a1%d6%80%d5%a1%d5%b6 %d5%b6%d5%a1%d5%ad%d5%a1%d5%af%d6%80%d5%a9%d5%a1%d6%80%d5%a1%d5%b61%d5%b6%d5%a1%d5%ad%d5%a1%d5%af%d6%80%d5%a9%d5%a1%d6%80%d5%a1%d5%b62

Ռումանիոյ Հայերու Միութիւնը Նոր Կայքէջ Ունի

Ռումանահայոց միութեան (ՌՀՄ) տարեկան ժողովի ծիրէն ներս անցեալ շաբաթ տեղի ունեցաւ ՌՀՄ պաշտօնական կայքէջի`www.uniuneaarmenilor.ro շնորհանդէսը, որ ներկայացուեցաւ կայքէջի հեղինակ, Պուխարեստի համալսարանի դոկտորանտուրայի շրջանաւարտ Արսէն Արզումանեանի կողմէ:

Ինչպէս «Հայերն այսօր»-ին կը  յայտնեն միութենէն, կայքէջը առայժմ միայն ռումաներէն է. այն ռումանահայ ու ռումանացի հասարակութեան կը ներկայացնէ հայկական տարաբնոյթ թեմաներ. ՌՀՄ հիմնադրումն ու գործունէութիւնը, ռումանահայ համայնքի պատմութիւնն ու կարկառուն դէմքերը, Ռումանիոյ պատմական չորս շրջաններու բացառիկ արժէք ունեցող բոլոր հայկական տեսարժան վայրերը, հայոց պատմութիւն, հայ համաշխարհային յայտնի դէմքերը, Հայաստանի տեսարժան վայրերը եւ Հայաստանի մասին զբօսաշրջիկներուն համար կարեւոր տեղեկութիւններ, ՀՀ քաղաքացի դառնալու ընթացակարգը եւ Հայաստան-Սփիւռք ծրագիրները:

Կայքէջը  կը ներկայացնէ նաեւ հայ գրականութիւնը,  քանի մը գրական գործեր ռումաներէն եւ հայերէն, հայ աշխարհահռչակ երգահաններն ու անոնց գործերը, հայկական պարեր եւ շուրջ 50 հայերէն հին եւ ժամանակակից հայրենասիրական, սիրային եւ այլ երգեր` հայատառ եւ ռումաներէնին յարմարեցուած տառադարձութեամբ,  զգալի մաս մըն ալ` ռումաներէնի  թարգմանուած: Կայքէջը կ´ընդգրկէ նաեւ Ռումանիոյ հայկական տարբեր հաստատութիւններու կապի տուեալները եւ այլն:

 

Սփիւռքի Նախարար Հրանոյշ Յակոբեան Մասնակցած Է Լեհաստանի Հայերու Երկրորդ Համաժողովին

Մայիս 8-ին Վարշաւայի Գիւղատնտեսութեան ազգային գրադարանի մեծ դահլիճին մէջ տեղի ունեցաւ Լեհաստանի հայերու երկրորդ համաժողովը (Լեհաստանի հայերու առաջին համաժողովը տեղի ունեցած է 2016 թուականի մայիս 8-ին), որուն կը մասնակցէր նաեւ աշխատանքային այցով Լեհաստանի մէջ գտնուող ՀՀ սփիւռքի նախարար Հրանոյշ Յակոբեան: Համաժողովի կազմակերպիչներն էին ՀՀ սփիւռքի նախարարութիւնը եւ Լեհաստանի մէջ ՀՀ դեսպանութիւնը: Համաժողովի գործընկերներն էին Լեհահայոց մշակութային ժառանգութեան հիմնադրամը, Քրաքովի հայկական մշակութային ընկերակցութիւնը, Լեհ-հայկական հիմնադրամը, Լեհաստանի հայկական հիմնադրամը, Վրոցլաւի Լեհաստանի հայերու միութիւնը, Հայ-լեհական կապերու զարգացման կեդրոնը, Հայ դատի Լեհաստանի գրասենեակը, Հայ-լեհական հասարակական կոմիտէն, Կլիւիցէի Եուզեֆ Թէոդորովիչի անուան հայկական համայնքը, Լեհ-հայկական առեւտրաարդիւնաբերական պալատը, Հայ-լեհական համագործակցութեան կազմակերպութիւնը, «Ջուլիայի Սկիւռիկներ» բարեգործական հիմնադրամը, Լեհաստանի շարք մը քաղաքներու համայնքային կազմակերպութիւններ:

Ինչպէս «Հայերն այսօր»-ին կը յայտնեն Լեհաստանի մէջ ՀՀ դեսպանատունէն, համաժողովը մեկնարկեց Լեհաստանի Հանրապետութեան եւ Հայաստանի Հանրապետութեան պետական օրհներգներով: Համաժողովին իր ուղերձը յղած էր Լեհաստանի Սէյմի նախագահ (մարշալեկ) Մարեկ Քուխչինսկին: Համաժողովին ներկայ ԼՀ Սենատի անդամ Եան Մարիա Եակովսկին համաժողովի մասնակիցներուն փոխանցեց ԼՀ Սենատի նախագահ (մարշալեկ) Սթանիսլաւ Քարչեւսկի ողջոյնը:

Համաժողովի բացման պաշտօնական արարողութեան ժամանակ ելոյթներով հանդէս եկան ՀՀ սփիւռքի նախարար Հրանոյշ Յակոբեան, Լեհաստանի մէջ ՀՀ դեսպան Էդգար Ղազարեան եւ ԼՀ կառավարութեան Ազգային ու էթնիկ փոքրամասնութիւններու համատեղ յանձնաժողովին հայ փոքրամասնութեան ներկայացուցիչ Էդուարդ Միեր-Ենդժեյովիչը:

Այնուհետեւ համաժողովին ընթացքին տեղի ունեցան թեմատիկ քննարկումներ: Լեհաստանի հայ համայնքի կազմակերպման եւ համայնքային կեանքին վերաբերող թեմատիկ քննարկումը կը վարէր ԼՀ կառավարութեան Ազգային ու էթնիկ փոքրամասնութիւններու համատեղ յանձնաժողովին մէջ հայ փոքրամասնութեան ներկայացուցիչ Էդուարդ Միեր-Ենդժեյովիչը, իսկ բանախօսներն էին Լեհահայոց մշակութային ժառանգութեան հիմնադրամի նախագահ Եան Աբգարովիչը, Հայ Կաթողիկէ եկեղեցւոյ Վարշաւայի եւ Կեդրոնական Լեհաստանի հոգեւոր հովիւ Եուզեֆ Նաումովիչը, Կլիւիցէի Եուզեֆ Թէոդորովիչի անուան հայ համայնքի ներկայացուցիչ Պոկտան Գասպրովիչը եւ Լեհ-հայկական հիմնադրամի նախագահ Արսէն Յովսէփեան:

Համաժողովի ամփոփիչ քննարկման թեման հայապահպանութեան խնդիրներն էին, որ կը վարուէր Լեհաստանի մէջ ՀՀ դեսպան Էդգար Ղազարեան: Հիմնական զեկուցողներն էին ՀՀ սփիւռքի նախարար Հրանոյշ Յակոբեան, Հայ Առաքելական սուրբ եկեղեցւոյ Լեհահայոց հոգեւոր հովիւ Տաճատ Վարդապետ Ծատուրեան եւ Քրաքովի հայկական դպրոցի տնօրէն Գոհար Խաչատրեան:

Իր ելոյթին մէջ նախարար Հրանոյշ Յակոբեան մանրամասն անդրադարձ կատարեց Սփիւռքի հետ տարուող աշխատանքներուն Հայաստանի որդեգրած քաղաքականութեան, ներկայացուց Հայկական սփիւռքի կառուցուածքը, անդրադարձաւ Լեհաստանի հայ համայնքին: Նախարարը ներկայացուց համահայկական նշանակութիւն ունեցող խնդիրները, ՀՀ սփիւռքի նախարարութեան կողմէ իրականացուող ծրագիրները, նոր սպասուող նախաձեռնութիւնները` կարեւորելով Լեհաստանի հայկական կազմակերպութիւններու եւ հայ համայնքի աշխոյժ մասնակցութիւնը:

Համաժողովի ընդմիջումներու եւ հիւրասիրութեան ընթացքին նախարար Հրանոյշ Յակոբեան  շարք մը հանդիպումներ  ունեցած է Լեհաստանի հայ համայնքի աշխոյժ գործիչներուն, հայկական կազմակերպութիւններու ներկայացուցիչներուն հետ` ծանօթանալով անոնց գործունէութեան եւ պատասխանելով անոնց յուզող հարցերուն:

Համաժողովի ծիրէն ներս Վարշաւայի Գիւղատնտեսութեան Ազգային գրադարանի ճեմասրահին մէջ կազմակերպուած էր Լեհաստան բնակող հայազգի գեղանկարիչ Գրիգոր Ասլանեանի նկարներու ցուցահանդէսը:

Համաժողովի ընթացքին տեղի  ունեցած է նաեւ Սպանիա բնակող հայազգի գործիչ Արարատ Ղուկասեանի «Փնտռտունքերու ճանապարհին» բանաստեղծութիւններու ժողովածուի լեհաստանեան շնորհանդէսը, որուն ներկայ  եղած են ՀՀ սփիւռքի նախարար Հրանոյշ Յակոբեան եւ Լեհաստանի մէջ ՀՀ դեսպան Էդգար Ղազարեան:

1%d5%b6%d5%a1%d5%ad%d5%a1%d6%80%d5%a1%d6%80-%d5%b0%d5%a1%d5%b4%d5%a1%d5%aa%d5%b8%d5%b2%d5%b8%d5%be%d5%b6%d5%a1%d5%ad%d5%a1%d6%80%d5%a1%d6%80-%d5%b0%d5%a1%d5%b4%d5%a1%d5%aa%d5%b8%d5%b2%d5%b8%d5%be2%d5%b6%d5%a1%d5%ad%d5%a1%d6%80%d5%a1%d6%80-%d5%b0%d5%a1%d5%b4%d5%a1%d5%aa%d5%b8%d5%b2%d5%b8%d5%be3%d5%b6%d5%a1%d5%ad%d5%a1%d6%80%d5%a1%d6%80-%d5%b0%d5%a1%d5%b4%d5%a1%d5%aa%d5%b8%d5%b2%d5%b8%d5%be4%d5%b6%d5%a1%d5%ad%d5%a1%d6%80%d5%a1%d6%802