Սարգիս Նաճարեանի «Ֆրանչիսկոս. Աղօթեցէ՛ք Ինծի Համար» Գիրքի Շնորհահանդէս

Հովանաւորութեամբ Հայ կաթողիկէ համայնքի Պէյրութի պատրիարքական թեմի օգնական եպիսկոպոս Գէորգ եպս. Ասատուրեանի եւ կազմակերպութեամբ Հայ կաթողիկէ համալսարանականներու միութեան (ՀԿՀՄ), երէկ` ուրբաթ, 5 մայիս 2017-ի, երեկոյեան ժամը 8:30-ին,  Հայ կաթողիկէ Մեսրոպեան բարձրագոյն վարժարանի «Ֆարաճեան» սրահին մէջ տեղի ունեցաւ լիբանանահայ անուանի լրագրող, Հայ կաթողիկէ պատրիարքութեան «Մասիս» պարբերաթերթի գլխաւոր խմբագիր Սարգիս Նաճարեանի «Ֆրանչիսկոս. աղօթեցէ՛ք ինծի համար» գիրքին շնորհահանդէսը:

Ներկաներուն բարի գալուստի խօսք ուղղեց եւ ձեռնարկին յայտագիրը ներկայացուց Ռուբինա Թովմասեան: Ապա ՀԿՀՄ-ի անունով ձեռնարկին բացման խօսք արտասանեց Արամ Գարատաղլեան, որ ներկայացուց լրագրող Սարգիս Նաճարեանը: Ան ըսաւ, որ ՀԿՀՄ-ը այս ձեռնարկով փափաքեցաւ մեծարել Նաճարեանը` կազմակերպելով անոր երկրորդ գիրքին շնորհահանդէսը: Անոր առաջին հատորը լոյս տեսած է 2010 թուականին` «Դէմ առ դէմ» խորագիրով: Գարատաղլեան այս առիթով շնորհակալութիւն յայտնեց ձեռնարկին հովանաւորութիւնը ստանձնած Գէորգ եպս. Ասատուրեանին, ինչպէս նաեւ բոլոր անոնց, որոնք իրենց նպաստը բերին ձեռնարկին յաջողութեան:

Այնուհետեւ Սարգիս Նաճարեանի թոռները` Սարգիս եւ Փաթիլ Նաճարեաններ, գեղարուեստական յայտագիրի ծիրին մէջ երգեհոնի վրայ նուագեցին զոյգ կտորներ: Լիւսի Մազմանեան կարդաց գիրքէն հատուած մը:

Մեսրոպ Ծ. վրդ. Թոփալեան ընդգծեց, որ Սարգիս Նաճարեան լիովին համոզուած է իր գրութիւններուն նպատակին եւ անոնց մէջ արտայայտած գաղափարներուն: Այս համոզուածութիւնը եւ նուիրուածութիւնը կը բխին Ֆրանչիսկոս քահանայապետին նկատմամբ Նաճարեանի ունեցած գիտակցական առինքնումէն, որ գոյացած է պապին պարզութեան, համեստութեան, խոնարհութեան եւ զուարթախոհութեան առաքինութիւններուն շնորհիւ, զորս սրբազան քահանայապետը կը կիրարկէ իր ընտրութեան թուականէն մինչեւ այսօր: Արդարեւ, Սարգիս Նաճարեան իր գիրքին ընդմէջէն ցոյց կու տայ, թէ ինք հմայուած է այն իրողութեամբ, որ յանձինս Ֆրանչիսկոս պապին աշխարհը տեսաւ ճշմարտութեան, խաղաղութեան, արդարութեան, իրաւունքի եւ ազատութեան յառաջաւոր պաշտպան մը:

Հայր Մեսրոպ Թոփալեան անդրադարձաւ նաեւ գիրքին մէջ Սարգիս Նաճարեանի մատնանշած այն իրողութեան, որ Ֆրանչիսկոս պապի ընտրութեան առաջին տարուընէ արդէն միջազգային լրատուամիջոցները ուշադրութեան կեդրոն դարձուցին անոր գործունէութիւնը, իսկ աշխարհահռչակ «Թայմ» պարբերականը իր դեկտեմբեր 2013-ի թիւին մէջ զայն նկատեց «Տարուան մարդ»-ը:

Հայր Մեսրոպ նշեց, որ, ըստ Սարգիս Նաճարեանին արժանթինցի քահանայապետը` «մարդկայնութեան առաքեալ»¬ը, յոյժ հայասէր էր Հռոմի քահայանապետ ըլլալէն դեռ շատ առաջ, իսկ իր ընտրութենէն ետք ան առաւել եւս հայասէր եւ հայանպաստ դարձած է: Սարգիս Նաճարեանի այս համոզումը արդիւնք է Ֆրանչիսկոս պապի գործին եւ դաւանումին, որոնք կեանքի կոչուեցան երկու գերպատմական իրադարձութիւններու ընթացքին: Առաջինը Վատիկանի Ս. Պետրոս մայր տաճարին մէջ 12 ապրիլ 2015-ին` Հայոց ցեղասպանութեան 100-ամեակին առիթով մատուցուած Ս. պատարագն էր, իսկ երկրորդը` 24-26 յուլիս 2016-ին սրբազան քահանայապետին «Առաջին քրիստոնեայ երկիր» տուած երկօրեայ այցելութիւնը:

«Ստոյգ եմ, որ կրնաք զգալ Սարգիս Նաճարեանի ներաշխարհը, երբ ան հոգիով, աչքով ու ականջով ապրեցաւ հայուն եւ կաթողիկէին գերագոյն ժամերը մեր երկրագունդի մեծագոյն եկեղեցիին գեղազարդ պատերուն ներքեւ ու հոյակերտ կամարներուն տակ», ըսաւ հայր Թոփալեան` մէջբերելով Նաճարեանի տպաւորութիւնները Վատիկանի նշանաւոր պատարագէն: Ըստ Սարգիս Նաճարեանի, 12 ապրիլ 2015-ին Ֆրանչիսկոս պապը ազդանշանը տուաւ հայոց պահանջատիրութեան նոր սկիզբին, առանց վերապահութեան եւ աւելի շեշտակիօրէն յիշեցնելով, որ Մեծ եղեռնը ուրիշ բան չէր, եթէ ոչ «20-րդ դարու առաջին ցեղասպանութիւնը»:

Հայր Մեսրոպ Թոփալեան անդրադարձաւ նաեւ Ֆրանչիսկոս պապին Հայաստան տուած այցելութեան առիթով Սարգիս Նաճարեանի գրած երկար յօդուածին, որ կը կրէ «Ֆրանչիսկոս պապին ուխտագնացութիւնը առաջին քրիստոնեայ երկիր հանդիսացաւ մեծագոյն ներդրումը Հայաստանի վերելքին» խորագիրը:

Այնուհետեւ տուտուկի վրայ նուագեց Գէորգ Քէշիշեան, որմէ ետք ձեռնարկի արարողապետ Սեպուհ վրդ. Կարապետեան, Գէորգ եպս. Ասատուրեան, Մեսրոպ Ծ. վրդ. Թոփալեան եւ տէր եւ տիկին Սարգիս Նաճարեան հրաւիրուեցան գիրքին գինեձօնն ու օծումը կատարելու:

Եզրափակիչ խօսքը արտասանեց Հայ կաթողիկէ համայնքի Պէյրութի պատրիարքական թեմի օգնական եպիսկոպոս Գէորգ եպս. Ասատուրեան, որ նշեց, թէ կասկած չկայ, որ Վատիկանի սրբազան քահանայապետը թէեւ զէնք ու զինամթերք չունի, բայց անուրանալի է անոր բարոյական հեղինակութիւնը Հայաստանի եւ հայ ժողովուրդի պաշտպանութեան առումով: Գերապայծառը նաեւ ըսաւ, որ Սարգիս Նաճարեանի այս գիրքով կը հարստանայ Հայ կաթողիկէ եկեղեցւոյ արխիւը:

Ձեռնարկի աւարտին Հայ կաթողիկէ Մեսրոպեան վարժարանի շրջափակին մէջ Սարգիս Նաճարեան ներկաներուն համար մակագրեց գիրքէն օրինակներ:

Այս մասին կը յայտնէ Ազդակ:

1

Արուեստագէտ Գօգօ Կարապետի Հետ

Հինգշաբթի 4 Մայիս 2017ի երեկոյեան, ժամը 7:30-ին, Լիբանանի ՀՀ դեսպանատան մէջ տեղի ունենաւ իւրայատուկ ցուցահանդէս մը:

Ցուցահանդէսը կազմակերպուած էր Լիբանան-Հայաստան Բարեկամութեան Ընկերակցութեան (LAFA) կողմէ, զորս կը վայելէր երկուստեք հովանաւորութիւնը Լիբանանի մէջ ՀՀ դեսպան Պրն. Սամուէլ Մկրտչեանին եւ Լիբանանի մէջ Իտալիոյ դեսպան Պրն. Մասսիմօ Մարոթթիի:

Ցուցադրուեցան ծագումով լիբանանահայ նաեւ իտալահպատակ ծանօթ արուեստագէտ Գօգօ Կարապետի գործերը:

Գօգօ Կարապետ ծնած է Այնճար։ Հինգ տարի յաճախած է Պէյրութի Թորոս Ռոսլին արուեստի ուսումնարանը, այնուհետեւ մեկնած է Իտալիա եւ մասնագիտացած է արուեստի բնագաւառին մէջ: Աւարտած է Վենետիկի կերպարուեստի ուսումնարանը: Մասնակցած է շարք մը հաւաքական ցուցահանդէսներու, իսկ վերջին տարիներուն՝ արդէն կը ներկայանայ անհատական ցուցահանդէսներով:
Առիթը ունեցանք «Զարթօնք»ի խմբագրատան մէջ հիւրընկալելու յարգելի արուեստագէտը, որուն հետ ունեցանք հետեւեալ շահեկան զրոյցը.

«Զ.» -Ե՞րբ եւ ինչպէ՞ս ծագեցաւ այս ցուցահանդէսին գաղափարը:

«Գ. Կ.» – Ցուցահանդէսին գաղափարը ծնաւ Լիբանան-Հայաստան Բարեկամական Ընկերակցութթեան նախաձեռնութեամբ եւ Հայաստանի դեսպանատան աջակցութեամբ: Դեսպանատունը հաւանութիւն տուաւ, որ այդպիսի մշակութային ձեռնարկ մը մատուցուի դեսպանատան մէջ, որուն նաեւ միացաւ Իտալիոյ դեսպանատունը, որովհետեւ ես այնտեղ ուսանած եմ եւ նաեւ Իտալիոյ քաղաքացի եմ:

«Զ.» -Ի՞նչ թեմա ընտրած էք այս ցուցահանդէսին համար:

«Գ. Կ.» – Ցուցահանդէսի իբրեւ հիմնական միտք՝ հայու, լիբանանցիի եւ իտալացիի ինքնութիւնն է, որ ինծի համար ամենահետաքրքրական երեւոյթներէն մէկն է: Ցուցահանդէսին պիտի ներկայացնեմ զանազան չափերով եւ օգտագործուած նիւթերով 37 աշխատանք այս թեմային շուրջ :

Ես կը կարծեմ, որ հայու կեանքի պատմութեան մէջ կարեւոր կէտ մըն է ինքնութեան գիտակցութիւնը: Ասիկա ուսումնասիրութեան շատ հարուստ նիւթ է, հարուստ գրականութիւն՝ ոեւէ հայու կեանքի պատմութեան մէջ: Ես, անձնապէս, ինքզինքս ծառայեցնելով իբրեւ օրինակ, այսինքն, ես հայ եմ, լիբանանցի եւ իտալացի եւ ինքզինքս շատ հարուստ կը զգամ: Եթէ մենք հանդիպինք մարդու մը, որ կը պատկանի մէկ ինքնութեան, այսինքն մէկ երկրէ է, ծանօթ է մէկ երկրի մշակոյթին ու կեանքին, ուրեմն ան մէկ հոգի է: Ես ինքզինքս երեք հոգի կը համարեմ: Այս բազմերես ինքնութեան պարագան ըստ ինծի բացառիկ հարստութիւն է: Երբ ամէն հայ գիտակցի եւ ճանչնայ այս հարստութիւնը, կարենայ օգտագործել եւ գործածել, կը պարզուի շատ հետաքրքրական երեւոյթ մը: Ցուցահանդէսի հիմնական գաղափարն ալ այս է, այս ինքնութիւնները մէկ տեղ բերելը:

Ես այնճարցի գիւղացի եմ, որ եկած եմ Պէյրութ, ուսում ստացած եմ, արուեստ ուսումնասիրած եմ, յետոյ տեղափոխուած եմ Իտալիա: Հետեւաբար ունիմ եռակողմանի ինքնութեան գիտակցութիւն, որ ինչպէս ըսի զայն կը համարեմ իմ մշակութային հարստութիւնը:

Նշենք, որ ցուցահանդէսը բաց պիտի մնայ Ուրբաթ 5 եւ Շաբաթ 6 Մայիսի առաւօտեան ժամը 10:00-էն մինչեւ երեկոյեան ժամը 4:00, որուն հրաւիրուած են մշակութասէր հանրութիւնը:

«Խմբ.»

Զարթօնք

%d5%a1%d6%80%d5%be%d5%a5%d5%bd%d5%bf%d5%a1%d5%a3%d5%a5%d5%bf1

Տեղի Ունեցաւ «Նաիրի» Համահայկական երաժշտական Փառատօնի Մեկնարկի Հանդիսաւոր Արարողութիւնը

Մայիս 6-ին Հանքաւանի «Նաիրի սպա ռեզորթս» հիւրանոցային համալիրի տարածքին մէջ ՀՀ սփիւռքի եւ մշակոյթի նախարարութիւններու նախաձեռնութեամբ մեկնարկած «Նաիրի» համահայկական երաժշտական փառատօնի ծիրէն ներս  կայացաւ «Նաիրի» երաժշտական այգիի հիմնադրման հանդիսաւոր արարողութիւնը:

Փառատօնի գլխաւոր հովանաւորն է ռուսաստանաբնակ գործարար Գրիգոր Ղուկասեան:

Ձեռնարկին մասնակցեցան ՀՀ սփիւռքի նախարար Հրանոյշ Յակոբեան, ՀՀ մշակոյթի նախարար Արմէն Ամիրեան, Հայաստանի երգահաններու  միութեան նախագահ Արամ Սաթեան, «Նաիրի» համահայկական երաժշտական փառատօնի ղեկավար Սամուէլ Հարոյեան, փառատօնի գեղարուեստական խորհուրդի անդամներ` Ալինա Փահլեւանեան, Երուանդ Երզնկեան, Նորայր Դաւթեան, Թովմաս Պօղոսեան, Մարտին Վարդազարեան, Դաւիթ Ղազարեան, նաեւ` Ռուբէն Մաթեւոսեան, Անժէլա Աթաբէկեան, Մեդէա Աբրահամեան  եւ այլք:

Ողջոյնի խօսքով հանդէս եկաւ ՀՀ սփիւռքի նախարար Հրանոյշ Յակոբեան: Ան շնորհաւորեց ներկաները` համահայկական մշակութային փառատօնի մեկնարկին առիթով, կարեւոր համարեց երկրորդ համահայկական մշակութային փառատօնի ծնունդը` որպէս հայապահպանութեան հզօր ազդակ:

Ողջունելով ներկաները`  ՀՀ մշակոյթի նախարար Արմէն Ամիրեան նշեց, որ համահայկական մշակութային ձեռնարկները հսկայական ներդրում են հայ մշակոյթի զարգացման գործին մէջ` փոխանցելով ազգային շունչն ու ոգին:

Փառատօնը մեկնարկեց «Նաիրի» երաժշտական այգիի հիմնադրման արարողութեամբ եւ  անուանական ծառատունկով: Կաղնիի անուանական ծառեր տնկեցին ՀՀ սփիւռքի նախարար Հրանոյշ Յակոբեան, ՀՀ մշակոյթի նախարար Արմէն Ամիրեան, Հայաստանի երգահաններու միութեան նախագահ Արամ Սաթեան, «Նաիրի» համահայկական երաժշտական փառատօնի ղեկավարը, գեղարուեստական խորհուրդի անդամներ` յայտնի երգահաններ, երաժիշտներ, արուեստագէտներ, մտաւորականներ: Տեղի ունեցաւ այգիի հիմնադրման ամսաթիւով սափորի ամփոփման արարողութիւն: «Նաիրի» երաժշտական այգիին մէջ յետագային պիտի տեղադրուին հայ երաժշտութիւնը, նուագարանները, երգարուեստը խորհրդանշող բրոնզաձոյլ պատկերաքանդակներով արձաններ, պիտի կառուցուի հայ երաժշտութեան պատմութիւնը ներկայացնող թանգարան:

%d5%b6%d5%a1%d5%ab%d6%80%d5%ab6%d5%b6%d5%a1%d5%ab%d6%80%d5%ab7%d5%b6%d5%a1%d5%ab%d6%80%d5%ab%d5%b6%d5%a1%d5%ab%d6%80%d5%ab1%d5%b6%d5%a1%d5%ab%d6%80%d5%ab2%d5%b6%d5%a1%d5%ab%d6%80%d5%ab3%d5%b6%d5%a1%d5%ab%d6%80%d5%ab4 %d5%b6%d5%a1%d5%ab%d6%80%d5%ab5

Ռուսաստանաբնակ Բարերարին Աջակցութիւնը` Արցախի Բազմազաւակ Եւ Կարիքաւոր Ընտանիքներուն

Արցախի Հանրապետութեան վարչապետ Արայիկ Յարութիւնեան մայիս 6-ին Մարտունի քաղաքին մէջ մասնակցած է շրջանի բազմազաւակ շուրջ 80 ընտանիքներու համար կազմակերպուած բարեգործական ձեռնարկին:

Ինչպէս «Հայերն այսօր»-ին կը յայտնեն ԱՀ կառավարութեան   աշխատակազմի տեղեկատուութեան եւ հասարակայնութեան հետ կապերու բաժինէն, ռուսաստանաբնակ բարերար, ծագումով Արցախէն Համլէտ Վաչենանցի նախաձեռնութեամբ` Մարտունիի շրջանի բազմազաւակ ու կարիքաւոր շուրջ 80 ընտանիքներու, որպէս աջակցութիւն, տրամադրուած է հագուստ, կահոյք, կենցաղային տեխնիկա եւ այլ անհրաժեշտ ապրանքներ:

Արցախի կառավարութեան ղեկավարը բարձր գնահատած է բազմազաւակ եւ կարիքաւոր ընտանիքներու սոցիալական հիմնախնդիրներու նկատմամբ բարերարի ցուցաբերած ուշադրութիւնը: Ա. Յարութիւնեան կարեւոր համարած է ծրագիրը, յատկապէս,սոցիալական առկայ խնդիրներու նկատմամբ անհատական եւ յատուկ մօտեցման առումով:

Իր հերթին Հ. Վաչենանցը նշած է, որ անցած տարի նոյեմբեր 19-ին մեկնարկած ծրագիրէն  արդէն օգտուած է 108 ընտանիք: Անոր պնդմամբ` այն շարունակական  պիտի ըլլայ, եւ պիտի փորձեն փուլ առ փուլ լուծել Արցախի շրջաններուն մէջ ապրող բոլոր բազմազաւակ ու կարիքաւոր ընտանիքներու ունեցած խնդիրները: Յաջորդ փուլին շուրջ 130 նոր ընտանիքներու աջակցութեան ծրագիրը կ’ամփոփուի արդէն այս տարուան նոյեմբեր 19-ին:

%d5%b4%d5%a1%d6%80%d5%bf%d5%b8%d6%82%d5%b6%d5%ab1

 

 

Ֆրանսայի Հայոց Թեմի Առաջնորդն Այցելեց Պելճիգա

Ապրիլ 29-ին Պելճիգայի Լիեժ քաղաք  այցելած էին Արեւմտեան Եւրոպայի հայրապետական պատուիրակ, Ֆրանսայի Հայոց թեմի առաջնորդ Գերաշնորհ Տ․Վահան Յովհաննիսեան եւ  խումբ մը ֆրանսահայեր: Նոյն օրը` ժամը` 16:00-ին, Լիեժի Սուրբ խաչի քոյրերու մատուռին մէջ մատուցուեցաւ Սուրբ պատարագ, որուն ընթացքին Վահան Սրբազան իր պատգամը փոխանցեց ուխտաւորներուն եւ ներկայ հաւատացեալ ժողովուրդին:

Ինչպէս «Հայերն այսօր»-ին կը յայտնէ Լուսինէ Ներսիսեան, պատարագէն ետք  Ներսէս Շնորհալի ծխական խորհուրդին եւ Մեսրոպ Մաշտոց միութեան համատեղ ջանքերով տեղի ունեցաւ ճաշկերոյթ:

Յաջորդ օրը Ֆրանսայի Հայոց թեմի առաջնորդ Վահան Յովհաննիսեան եւ անոր ուղեկցողները մասնակցեցան Պանոյի Սուրբ Աստուածամայր ուխտատեղիին մէջ մատուցուած Սուրբ պատարագին, որմէ ետք Պանոյի Ազգերու պուրակին մէջ գտնուող հայկական խաչքարին մօտ աղօթելէ ետք` խումբը վերադարձաւ Ֆրանսա:

%d5%a2%d5%a5%d5%ac%d5%a3%d5%ab%d5%a1%d5%a2%d5%a5%d5%ac%d5%a3%d5%ab%d5%a12%d5%a2%d5%a5%d5%ac%d5%a3%d5%ab%d5%a13%d5%a2%d5%a5%d5%ac%d5%a3%d5%ab%d5%a14

Համերգ` Նուիրուած Հայոց Բանակի Կազմաւորման 25-Ամեակին

«Հայերն այսօր»-ի փոխանցմամբ` ապրիլ 29-ին Նիւ Եորքի Պէյսայտ շրջանի Սրբոց Նահատակաց հայկական եկեղեցւոյ մէջ տեղի ունեցաւ եկեղեցւոյ «Շնորհալի» հայկական երգչախումբի «Սիրով` Հայաստանին» խորագիրով համերգը, որ նուիրուած էր Հայոց բանակի կազմաւորման 25-ամեակին:

Համերգին սկիզբը երգչախումբը կատարեց «Հայր մեր»-ը` մայեստրօ, երգեհոնահար, «Շնորհալի» եւ «Արեգակ» երգչախումբերու ղեկավար-խմբավար Վաղարշակ Օհանեանի նուագակցութեամբ, ապա օրհնութեան խօսք ըսաւ Հայ Առաքելական եկեղեցւոյ ԱՄՆ Արեւելեան թեմի առաջնորդ Գերաշնորհ Խաժակ արքեպիսկոպոս Պարսամեան: Համերգին միացան մենակատարներ Անահիտ Զաքարեան, Ալվարդ Մայիլեան, Կարինէ Մալխասեան եւ Համազգային հայ կրթական եւ մշակութային միութեան «Արեգակ» մանկական երգչախումբը:

Անահիտ Զաքարեանի, Ալվարդ Մայիլեանի, Վաղարշակ Օհանեանի եւ «Արեգակ»-ի փոքրիկ երգիչներու` Հայաստանին եւ Երեւանին նուիրուած բազմաթիւ երգերը, ինչպէս նաեւ երգչախումբի ընդգրկուն երգացանկի յայտնի եւ նոր երգերու կատարումներն արժանացան հանդիսատեսի բուռն ծափահարութիւններուն, իսկ Կարինէ Մալխասեան դահլիճին մէջ գտնուող աղջիկներուն ծաղիկներ բաժնեց: Համերգին ընթացքին հնչեց Տիգրան Չուխաջեանի օփերայէն «Հոր-հոր Աղայի» քայլերգը:

 Հայոց ցեղասպանութեան սրբադասուած նահատակներու յիշատակին նուիրուած «Կիլիկիա» երգի կատարման ընթացքին շատերը կարօտի ու թախիծի զգացումներով  համակուեցան. յուզուած էին բոլորը: Մայեստրօ Օհանեանի առաջարկութեամբ համերգն աւարտեցաւ բոլորին կողմէ սիրուած «Երեւան-Էրեբունի» երգի կատարմամբ, որուն  ձայնակցեցան դահլիճին մէջ ներկայ գտնուողները: Համերգէն յետոյ եկեղեցւոյ ընդունելութիւններու դահլիճին մէջ տեղի ունեցաւ հանդիպում, որուն ընթացքին հանդիսատեսն իր անկեղծ շնորհաւորանքը յղեց Նիւ Եորքի «Շնորհալի» հայկական երգչախումբին, խումբի գեղարուեստական ղեկավարին, գործադիր յանձնաժողովին եւ բոլոր անոնց, որոնք օգնած էին` իրականացնելու այս հիանալի ծրագիրը:

12

Կարելի Չէ Կեանքի Ճշմարտութիւնը Թաքցնել

ԴՈԿՏ. ՀՐԱՅՐ ՃԷՊԷՃԵԱՆ

22 մարտ 2017. Ուիթընպերկ` այսպէս ըսած նախկին արեւելեան Գերմանիոյ գեղեցիկ քաղաքներէն մէկը: Հոն, ուր Մարթին Լուտեր ապրեցաւ եւ ստեղծագործեց, հիմը դնելով նաեւ եկեղեցւոյ ու ընդհանրական կեանքի բարեկարգումի գործընթացին: Այս տարի կը զուգադիպի այս բարեկարգումի շարժումին հինգ հարիւր ամեակին: Գերմանիան եւ շարք մը այլ երկիրներ մեծ հանդիսութիւններով պիտի յիշատակեն այս տարեդարձը: Գերմանիան այս իմաստով ծրագրած է ձեռնարկներու շարք մը` ոգեկոչելու համար այս իրադարձութիւնը:

Քաղաքին տարբեր շրջանները ու տակաւին պատմական հիմք ունեցող ամէն կոթող ու թանգարան այցելելով կարելի էր տեսնել բարեկարգումի շարժումին բերած հոգեւոր մեծ նպաստը` եկեղեցական, կրթական ու ընկերային շատ մը ոլորտներու մէջ: Բարեկարգումի շարժումը սկսաւ գլխաւորաբար Աստուածաշունչի թարգմանութեամբ եւ զայն ժողովուրդին տրամադրելի դարձնելու միտումով: Ան նաեւ կրթական-ակադեմական մեծ վերելք մը ստեղծեց` վերածուելով ներշնչումի եւ մարդկային, ընկերային ու հաւաքական կեանքերուն տուաւ մեծ սլացք: Այս սլացքն էր, որ շատ յստակ կերպով սկսայ տեսնել երբ կը շրջագայէի պատմական այս քաղաքին մէջ:

Բայց այս քաղաքին ու բարեկարգումի «լուսաւոր» կեանքին մէջ կար «տխուր» եւ «խաւար» երես մը: Ուիթընպերկ քաղաքին կեդրոնական եկեղեցիներէն մէկուն պատին վրայ զետեղուած էր միջին դարերէն մնացած «խոզի» նկար մը ու հրեայ պզտիկներ, որոնք նոյն խոզին կաթէն կը խմէին: Նկարը տեսնողը կը հասկնար, թէ պզտիկները դասուած էին համահաւասար սերունդ եւ պատկանելիութիւն` նոյնինքն խոզին:

Հակասեմական տրամադրութիւնները, բայց նաեւ ատելութիւնը ու անոր մթնոլորտը Գերմանիոյ հաւաքական կեանքին մէջ տիրական դարձած են միջին դարերէն սկսեալ, եւ ըստ երեւոյթին բարեկարգումի շարժումն ալ որեւէ ձեւով չէ կրցած «բարեկարգել» այս մթնոլորտը: Իսկ պատմութեան տուեալները աւելիով կ՛ապացուցէին, թէ բարեկարգման շարժումը նաեւ «հրահրած» է այս զգացումները, հասնելով մինչեւ քսաներորդ դարու ողջակիզումին:

Նոյն եկեղեցւոյ կից գտնուող յուշակոթող մը գրաւեց ուշադրութիւնս: Երբ գերմանական պետութիւնը ընդունած է իր գործած քստմնելի ոճիրները` առաջարկուած է անոր  եկեղեցիի ճակատէն վերցնել այդ նկարը: Տեղւոյն հրեայ հաւաքականութիւնը մերժած է այդ առաջարկը եւ որոշած է այդ նոյն նկարին կողքին զետեղել այլ յուշարձան մը` նոյն եկեղեցիին կից, բայց գետինը: Այս պարագային գետինը ունի խորհրդանշական իր պատգամը: Կոթողը կը ներկայացնէր` խորհրդանշական ձեւով` կիսով բացուած գետինը` եւ կարծես գերբնական ուժով մը կը փորձէր դուրս ժայթքեցնել ճշմարտութիւնը: Կոթողին միտք բանիին մէջ չեն մոռցած յիշատակելու թէ` «կարելի չէ կեանքի ճշմարտութիւնը թաքցնել»:

Մարդկային կեանքին ու անոր պատմութեան մէջ գործադրուած քստմնելի մէկ ոճիրին ու  ողջակիզումի իրականութիւնն էր, որուն դէմ յանդիման կանգնած էի: Կանգնած էի յուզումով եւ յուսախաբութեամբ: Հարց կու տայի, թէ ինչպէ՞ս մարդկային միտքն ու բանականութիւնը կրնան այսքան ոճիր հանդուրժել: Այս երկու կոթողներուն մօտ` նաեւ ցանած էին Մայրիի ծառ մը: Անզգալաբար անցայ Մայրիի ծառին տակը, որովհետեւ զգացի հարազատ. վերջապէս իմս էր` լիբանանեանը: Ուիթընպերկի մէջ Մայրիի ծառը իր կարգին ունէր խորհրդանշական այլ պատգամ: Կեանքին պատգամն էր այդ. անիկա կեանքին շարունակականութեան հաւատալու եւ անոր վերապրելու իրականութեան ամուր կառչելու գրաւականն էր: Իբրեւ լիբանանահայ ապրած էի կեանքին ու անոր շարունակականութեան նկատմամբ հաւատքը, որովհետեւ Լիբանանի երկար տարիներու պատերազմին արհաւիրքն ու անոր դժուար փորձարութիւնները առկայ էին, ինչպէս որ այդ դժուար փորձարութեան մէջ վերապրելու հրամայականը ինքզինք կը փաստէր:

Ճիշդ է, որ Մայրիի ծառին տակ հանգիստ զգացի եւ ապահով` բայց անպայմանօրէն սկսայ ապրիլ իմ` հայուն ցաւը: Հայոց ցեղասպանութեան ցաւը ու այդ ահաւոր ատելութիւնը (իմա` խոզի կերպարը), որ օսմանեան Թուրքիան գործադրեց հայուն դէմ: Մէկ կողմէ հայուն նահատակութիւնն ու տեղահանումը, իսկ միւս կողմէ` հայոց լեզուին, մշակոյթին եւ հաւատքին դէմ գործուած չարիքն ու ամբողջ ժողովուրդի մը արմատախիլ ըլլալը` իր պապենական հողերէն. այս բոլորը օսմանեան կայսրութիւնը գործեց հայոց ժողովուրդին դէմ ու տակաւին ան ցայսօր կը փորձէ թաքցնել, իր` Թուրքիոյ եւ մեր` հայուն կեանքերուն ճշմարտութիւնը:

7 ապրիլ 2017. Նիկոսիոյ խորհրդարան: Կիպրահայ պետական ներկայացուցիչ Վարդգէս Մահտեսեան` կը խօսի Կիպրոսի խորհրդարանին եւ Հայոց ցեղասպանութեան յիշատակին մասին: Մինչ կը լսէի Վարդգէսը, մտքիս մէջ կը փորձէի Նիկոսիոյ մէջ ունեցած այս իր ելոյթը կամրջել այն պահուն, որ ապրեցայ Ուիթընպերկի մէջ: Վ. Մահտեսեան խօսեցաւ քսաներորդ դարու առաջին ցեղասպանութեան համար. ան անդրադարձաւ հայուն նահատակութեան, չարչարանքին, հայոց ինչքերուն եւ  կալուածներուն կողոպուտին, անոր ենթարկուած թալանին, կրած ահաւոր տանջանքին եւ տեղահան դառնալուն: Վ. Մահտեսեան իր երախտագիտական խօսքը յայտնեց նաեւ կիպրական կառավարութեան, որ աշխարհի երկրորդ երկիրն էր` հայուն այս «կեանքի ճշմարտութիւնը» ճանչցող, ինչպէս նաեւ Ցեղասպանութեան ժխտումը իբրեւ քրէական օրէնք հաստատող պետութիւն:

Վ. Մահտեսեանի երախտագիտական խօսքին անմիջապէս յաջորդեց եզրափակիչ խօսք մը, որ անոր սրտին ու մտքին արտայայտութիւնն էր: Ինչպէս ամէն հայ Վ. Մահտեսեան եւս սորված էր կեանքին պատմութիւնը կամրջել սրտով ու մտքով:

Ճիշդ է, որ Հայոց ցեղասպանութենէն մէկ դար անցած է, սակայն հայը կը շարունակէ պայքարը` հասնելու համար իր պատմութեան ճշմարտութեան, կառչած մնալով իր իրաւունքներուն եւ  պահանջատիրութեան:

Վարդգէսին խօսքը ունեցաւ իր համոզիչ գրաւականը, այն իմաստով, որ հայը պիտի շարունակէ պայքարիլ, առանց թաքցնելու կեանքի ճշմարտութիւնները:

Ճշմարտութիւնն է, որ պիտի ճեղքէ պատմութեան բոլոր հոլովոյթները (իմա գետինները) եւ ճշմարտութեան ուժով է, որ պիտի ժայթքեցնէ իր արդար պահանջը` իրաւունքը:

Ուիթընպերկէն մինչեւ Նիկոսիա ապրեցայ ցաւը, բայց նաեւ ճշմարտութիւնը եւ այն իրականութիւնը, թէ կեանքի մէջ ճշմարտութիւնը կարելի չէ թաքցնել:

Մինչեւ օրս հայուն պատմութիւնը կը  շարունակեն խեղաթիւրել, բայց անոր դիմաց կայ պատմութեան ճշմարտութիւնը եւ ճշմարտացիութիւնը:

Հայը ունի իր այսօրը եւ այսօրէն կը նայի դէպի վաղուան:

Հայը չէ յուսահատած իր իրաւունքը պահանջելէ, որովհետեւ հաւատացած է ու տակաւին կը հաւատայ, թէ «կարելի չէ կեանքի ճշմարտութիւնը թաքցնել»: Եւ իբրեւ այդպիսին, հայը կը յիշէ ու կը պահանջէ. ան պիտի շարունակէ յիշել եւ պահանջել, որովհետեւ հաւատացած է, թէ իր «կեանքին ճշմարտութիւնը» անպայման պիտի պարտադրուի:

Այս ճշմարտութեան եւ արդարացիութեան նկատմամբ հայուն հաւատքն է, որ կը ծառայէ պատմութիւնը նենգափոխելու եւ խեղաթիւրելու բոլոր փորձերուն դէմ պայքարելու իբրեւ իւրայատուկ ուժ: Այդ հաւատքը երբեք կարելի չէ հարուածել կամ պարտութեան մատնել:

Հայը պիտի շարունակէ հաւատալ, թէ այսօր կեանքի ճշմարտութեան ուժը պիտի հաստատուի, իբրեւ արդար ու ապրող իրաւունք: Ահա այս հաւատքով է, որ հայը պիտի շարունակէ աշխատիլ` կերտելու համար այս արդար ու ապրող իրաւունքը:

2 unnamed-2

«Հայկական Մշակոյթի Շաբաթ»ը Մեծ Հետաքրքրութիւն Ստեղծեց

Հո­վա­նա­ւո­րու­թեամբ Հա­լէ­պի Պե­տական Հա­մալ­սա­րա­նի կու­սակ­ցա­պետ դոկտ. Նա­յէֆ ալ Սալթիի, կազ­մակեր­պու­թեամբ Քրիս­տա­փոր Ու­սա­նո­ղա­կան Միու­թեան, Հա­յոց Ցե­ղաս­պա­նու­թեան 102-րդ տա­րե­լի­ցին առի­թով Հա­լէ­պի Պե­տա­կան Հա­մալ­սա­րա­նին մէջ տե­ղի ու­նե­ցաւ «Հայ­կա­կան Մշա­կոյ­թի Շա­բաթ»ը, որուն բա­ցու­մը կա­տար­ուե­ցաւ Երեք­շաբ­թի, 25 Ապ­րիլ 2017-ի  կէ­սօր­ուան ժա­մը 12:30-ին Բժշ­կա­կան Հա­մալ­սա­րա­նի շր­ջա­փա­կին մէջ, ՀՄԸՄ-ի փո­ղե­րա­խում­բին հայ­րե­նա­սի­րա­կան եր­գե­րու կա­տա­րո­ղու­թեամբ, ներ­կա­յու­թեամբ Բեր­իոյ Հա­յոց Թե­մի Բա­րե­ջան Առաջ­նորդ Գե­րաշ­նորհ Տ. Շա­հան Սրբ. Արք. Սար­գիս­եա­նի, Սուր­իոյ  խորհր­դա­րա­նի ան­դամ Ժի­րայր Րէ­իս­եա­նի, Պատ­կան Մարմ­նի ներ­կա­յա­ցու­ցիչ­նե­րուն, Հա­լէ­պի Պե­տա­կան Հա­մալ­սա­րա­նի նա­խա­գահ Մուս­թա­ֆա Աֆիունիի, հա­մալ­սա­րա­նի  քա­ղա­քա­կան-տն­տե­սա­կան գրա­սեն­եա­կի կուս­ա­կցու­թեան պա­տաս­խա­նա­տու դոկտ. Լուէի Շա­շաթիի, հա­մալ­սա­րա­նի մշա­կու­թա­յին ձեռ­նարկ­նե­րու կու­սակ­ցու­թեան պա­տաս­խա­նա­սու Ֆա­թի­մա Աճու­րի, պե­տա­կան պա­տաս­խա­նա­տու­նե­րու, հա­մալ­սա­րանի դա­սա­տու­նե­րու, Ազգ. Վար­չու­թեան եւ մար­մին­նե­րու ան­դամ­նե­րուն ու հոծ բազ­մու­թեան:

Բժշ­կա­կան հա­մալ­սա­րա­նի «Ալ Ռա­զի» սրահ անցնե­լէ ետք, մի­ջո­ցա­ռու­մը  բաց յայ­տա­րար­ուե­ցաւ սուր­ի­ա­կան քայ­լեր­գով, որ­մէ ետք խօսք առաւ սր­բա­զան հայ­րը: Ան անդ­րա­դար­ձաւ «Հայ­կա­կան Մշա­կոյ­թի Շա­բաթ»ի տա­րե­կան հեր­թա­կա­նութ­եամբ նոյն թուա­կա­նին կազ­մա­կերպ­ման, որ յի­շե­ցում մըն է 102 տա­րի առաջ Թուրք­իոյ կա­տա­րած Հայ­կա­կան Ցե­ղաս­պա­նու­թեան, որուն ոճ­րա­գոր­ծը մին­չեւ օրս կը մնայ ան­պա­տիժ ու կը մեր­ժէ ըն­դու­նիլ ու հա­տու­ցում կա­տա­րել:

Ան շա­րու­նա­կեց. «Նոյն ցե­ղաս­պա­նը կազ­մա­կեր­պեց նման ջար­դեր Սուր­իոյ մէջ, հա­զա­րամ­եայ անոր մշա­կոյ­թը քան­դե­լու նպա­տա­կով: Այս մի­ջո­ցա­ռու­մը կու գայ ըսե­լու այո՛, փոր­ձե­ցին ոչն­չաց­նել հա­յու­թիւնն ու անոր մշա­կոյ­թը, բայց ձա­խո­ղե­ցան»: Հուսկ ան շնոր­հա­կա­լու­թիւն յայտ­նեց հո­վա­նա­ւոր կող­մի աջակ­ցու­թեան: Ապա խօսք առաւ Ֆա­թի­մա Աճուր: Ան բա­րի գա­լուստ մաղ­թեց ներ­կա­նե­րուն, անդ­րա­դար­ձաւ այս ձեռ­նարկ­նե­րուն կազ­մա­կերպ­ման առի­թին` օս­ման­ցի թուր­քին ի գործ դրած Հայ­կա­կան Ցե­ղաս­պա­նու­թեան, որ պատ­ճառ դար­ձաւ հա­զա­րա­ւոր զո­հե­րու եւ թա­փա­ռա­կան գաղ­թա­կան­նե­րու ցրուու­մին` աշ­խար­հի չորս կող­մե­րը: Ան շա­րու­նա­կեց ըսե­լով. «Սուր­ի­ան իր դռ­նե­րը բա­նա­լով գր­կա­բաց ըն­դու­նեց  տե­ղա­հան եղած ու ջար­դէն ճո­ղոպ­րած հա­յե­րը, սուր­ի­ա­ցի ժո­ղո­վուր­դը բաժ­նե­կից դար­ձուց զինք իր հա­ցին ու ջու­րին, մին­չեւ որ անոնք դար­ձան ան­բա­ժան մաս­նի­կը սուր­ի­ա­կան ըն­կե­րու­թեան հիւս­ուած­քին, երե­ւոյթ մը որ­մով այ­սօր կը հպար­տա­նանք»:

Ան շա­րու­նա­կեց ըսե­լով. «Էր­տո­ղան կը փոր­ձէ պատ­մու­թիւնը կրկ­նել` գոր­ծա­դիր հիմ­նա­կան կողմ ըլ­լա­լով Սուր­իոյ տագ­նա­պի ծնուն­դին ու սր­ման: Ամօ՛թ մի­ջազ­գա­յին ատ­եան­նե­րուն ու հա­մայն աշ­խար­հին, որ զինք կ՛ըն­դու­նին իբր նա­խա­գահ, երբ ինք պա­տաս­խա­նա­տու է հա­զա­րա­ւոր հա­յե­րու եւ սուր­ի­ա­ցի­նե­րու մահ­ուան ու տա­րագ­րու­թեան ու կը մեր­ժէ նե­րո­ղու­թիւն խնդ­րել հայ ժո­ղո­վուր­դին իր գոր­ծած ցե­ղաս­պա­նու-թ­իւնը»:

Ան իր խօս­քը փա­կեց ող­ջու­նե­լով սուր­ի­ա­կան բա­նա­կը, Սուր­իոյ վսե­մա­շուք նա­խա­գա­հը, շնոր­հա­կա­լու­թիւն յայտ­նե­լով այս ձեռ­նարկ­նե­րու կազ­մա­կերպ­ման բո­լոր նպաս­տող­նե­րուն: Այ­նու­հե­տեւ  ներ­կա­նե­րը ուղղ­ուե­ցան ցու­ցա­հան­դէ­սի սրահ` ար­ուես­տա­գէտ Զա­ւէն Պար­տաքճ­եա­նի Հայ Դա­տի ու Հա­յոց ցե­ղաս­պա­նու­թեան նիւ­թով գե­ղան­կար­նե­րու եւ հայ հե­ղի­նակ­նե­րու կող­մէ Հա­յոց Ցե­ղաս­պա­նու­թեան արա­բե­րէն թարգ­ման­ուած գիր­քե­րու ցու­ցա­հան­դէ­սը դի­տե­լու:

Երկ­րորդ օր­ուան` Չո­րեք­շաբ­թի, 26 Ապ­րիլ 2017-ի յայ­տա­գի­րը տե­ղի ու­նե­ցաւ Ճար­տա­րա­պե­տա­կան Հա­մալ­սա­րա­նի սրա­հէն ներս, կէ­սօր­ուան ժա­մը 1:00-ին, ներ­կայ էին Ճար­տա­րա­պե­տա­կան Հա­մալ­սա­րա­նի նա­խա­գա­հը, դոկտ. Լուէի Շա­շա­թի եւ Ֆա­թի­մա Աճուր, որոնք նոյնպէս ներ­կայ եղան յա­ջորդ օր­ուան յայ­տագ­րին: Սուր­ի­ա­կան քայ­լեր­գէն ու մէկ վայրկ­եան յոտն­կայս նա­հա­տակ­նե­րուն յար­գան­քի մա­տու­ցու­մէն ետք, օր­ուան բե­մա­վար­ներ` Սա­միկ Պա­րի­խան եւ Դա­լար Փուշ­ման­եան ձեռ­նար­կը բաց յայ­տա­րա­րե­ցին ու հրա­ւի­րե­ցին Հա­մազ­գա­յի­նի «Զուարթ­նոց» երգ­չա­խում­բը, խմ­բա­վա­րութ­եամբ  Գայ­ի­ա­նէ Սի­մոն­եան-Տէր­եա­նի, դաշ­նա­մու­րի ըն­կե­րակ­ցու­թեամբ Ռու­զան Պար­սում­եա­նի: Երգ­չա­խում­բը հան­դէս եկաւ  արա­բե­րէն եւ հա­յե­րէն եր­գե­րով, մե­նա­կա­տար­ներ Գրի­գոր Տէր Վար­դան­եան մե­ներ­գեց «Ար­ժա­նի» եր­գը, ռու­սե­րէն «Մոսկ­ուա­յի Գի­շեր­նե­րը», իսկ Քրիստ Դա­ւիթ­եան ռու­սե­րէն «Սեւ Աչե­րը»:

Այ­նու­հե­տեւ  ելոյթ ու­նե­ցաւ Հա­մազ­գա­յի­նի «Շու­շի» ման­կա­պա­տա­նե­կան պա­րա­խում­բը, գե­ղար­ուես­տա­կան ղե­կա­վա­րու­թեամբ Գար­մէն Էֆէեա­նի եւ Անի Գրատ­եա­նի: Պա­րա­խում­բը ներ­կա­յա­ցուց հայ­կա­կան պար մը, որ­մէ ետք աս­մուն­քեց Ան­նա Պար­սում­եա­նը ու ձեռ­նար­կը փակ­ուե­ցաւ «Շու­շի» ման­կա­պա­տա­նե­կան պա­րա­խում­բի արա­բա­կան պա­րով:

Քրիս­տա­փոր Ու­սա­նո­ղա­կան Միու­թեան կազ­մա­կեր­պած «Հայ­կա­կան Մշա­կոյ­թի Շա­բաթ»ը շա­րու­նակ­ուե­ցաւ Հինգ­շաբ­թի, 27 Ապ­րիլ 2017-ին, ժա­մը 13:00-ին, Ճար­տա­րա­պե­տա­կան Հա­մալ­սա­րա­նի սրա­հէն ներս: Ելոյ­թին պատ­ւոյ հիւ­րերն էին Ֆա­թի­մէ Աճուր, Լուէի Շա­շա­թի, ինչ­պէս նա­եւ ռուս սպա­ներ: Յայ­տա­գի­րը բաց­ուե­ցաւ սուր­ի­ա­կան քայ­լեր­գով: Նա­թա­լի Տէր Ներ­սէս­եան  բաց­ման խօսք ար­տա­սա­նեց, լու­սար­ձա­կի տակ առ­նե­լով մշա­կոյ­թի կա­րե­ւո­րու­թիւնն ու դե­րը մեր կեան­քին մէջ:

Մեղ­րի Նա­զար­եան-Քէ­շիշ­եան արա­բե­րէն եր­գեր մեկ­նա­բա­նեց, ապա բեմ բարձ­րա­ցաւ Համ­բիկ Հէ­քիմ­եան, որ հա­յե­րէն, արա­բե­րէն, ռու­սե­րէն, անգ­լե­րէն եւ սպա­նե­րէն եր­գե­րով մեծ խան­դա­վա­ռու­թիւն  ստեղ­ծեց: Ելոյ­թի վեր­ջա­ւո­րու­թեան բեմ բարձ­րա­ցաւ Վա­հէ Յով­հան­նէս­եան մեկ­նա­բա­նե­լով արա­բե­րէն եր­գեր: Եր­գիչ­նե­րուն ըն­կե­րակ­ցե­ցան «Սպի­տակ» նուա­գա­խում­բէն տոքթ. Ռաֆ­ֆի Ապէճ­եան (եր­գե­հոն), Ռաֆ­ֆի Չուլճ­եա­նը (ելեկտ­րա­կան կի­թառ) եւ Ժան Գավլագեա­նը (պաս կի­թառ), որոնք իրենց բա­ցա­ռիկ նուա­գով հմա­յե­ցին ներ­կա­նե­րը: Ելոյ­թի ըն­թաց­քին ակ­նե­րեւ էր ջերմ մթ­նո­լոր­տը: Կողք-կող­քի ծա­ծա­նե­ցան սուր­-ի­ա­կան եւ հայ­կա­կան դրօշ­նե­րը, որոնք ան­գամ մը եւս ապա­ցու­ցե­ցին եր­կու եր­կիր­նե­րու մի­աս­նու­թիւնն ու աջակ­ցու­թիւնը:

Սեւանայ Հալլաճեան

Պէթի Մարգէեան

Գանձասար

«Պէտք Է Համընթաց Քալենք Ժամանակին Հետ». Լեւոն Արամեան

ՀՀ սփիւռքի նախարարութեան նախաձեռնութեամբ կազմակերպուած արդիւնաբերութեան ոլորտին մէջ սփիւռքահայ ներդրողներու արտադրանքի ցուցահանդէս-վաճառքին ընթացքին բոլոր ցուցասեղաններէն  կ’առանձնանար  տաղաւար մը, Երկիր-մոլորակ յիշեցնող   գնդաձեւ վրան մը, որուն շուրջ խմբուած երեխաներու աղմուկը ակամայէն կը գրաւէր բոլորին ուշադրութիւնը: Այդ  իւրօրինակ «մոլորակի»  հեղինակի` Լեւոն Արամեանի հետ ալ  զրուցեցի «Հայերն այսօր»- ի համար:

-Լեւո՛ն, ի՞նչ կը ներկայացնէ երեխաներուն գլխուն դրուող  այդ տարօրինակ ակնոցը  եւ Ձեր այս «մոլորակը»,  որուն շուրջ  շատ մարդիկ խմբուած են եւ առաւելապէս` երեխաներ:

– Ես  մասնագիտութեամբ աստղաֆիզիկոս եմ, սակայն, տարբեր գաղափարներ ունենալով, ընդլայնած եմ գործունէութեանս սահմաններն ու այսպիսի  հետաքրքիր կրթական դաշտ մը  ստեղծած, որ, ինչպէս կը տեսնէք, անոնց այնչափ շատ կը հետաքրքրէ: Այս համակարգը կրթութիւնը անոնց համար շատ հետաքրքիր ու տեսանելի  դարձուցած է: Օրինակ` այս ակնոցը վիրթուալ իրականութեան սարքաւորում է, որ, դնելով աչքերուն, երեխաները կը յայտնուին այն միջավայրին մէջ, որուն թեմաներուն մասին իրենք կը սորվին: Հիմա թեման աստղագիտութիւնն է, եւ անոնք այս պահուն յայտնուած են տիեզերքի մէջ: Երեխաներու աշխուժութենէն, աղմուկէն ու  պահուածքէն, արձագանքէն կարելի է հասկնալ, թէ անոնք ինչ կը զգան:

-Միայն այս  տարբերա՞կը  ունիք…իսկ ի՞նչ կը կատարուի գնդաձեւ վրանին ներսը:

-Մենք ունինք երկու տարբերակ` մէկն  ակնոցով, միւսը` թատրոնի տարբերակն է, որ Ձեր ըսած գնդաձեւ վրանին ներսն է, ուր կրնայ մտնել  ամբողջ դասարան մը եւ այնտեղ իրականացնել դասը, տուեալ կրթական ծրագիրը:

-Արա՛մ, միայնա՞կ  իրականացուցած էք այս ծրագիրը. որքա՞ն  տեւած է գաղափարն իրականութեան վերածելու ընթացքը:

-Բնականաբար, միայնակ չեմ եղած: Այս նախագիծն իրականութիւն դարձնելու աշխատանքներուն ներգրաւուած են  տարբեր մասնագէտներ` մանկավարժներ, հոգեբաններ, ձեւաւորողներ, ճարտարագէտներ, animator-ներ, ծրագրաւորողներ…այսպիսի աշխատանք միայնակ հնարաւոր չէ իրականացնել: Գաղափարէն մինչեւ առաջին ֆիլմի ցուցադրութիւնը տեւած է մէկ տարի:  Մենք ամբողջական ֆինանսական աջակցութիւն կը ստանանք TSD-էն, որ յայտնի է հայկական առաջին պլանշետներու ու սմարթֆոններու արտադրութեամբ:

-Քանի՞ ցուցահանդէսի  մասնակցած էք,  ո՞ր երկիրներուն մէջ,  ովքե՞ր   կը ճանչնան Ձեզի:

-Նախապէս մասնակցած ենք քանի մը ցուցահանդէսներու, մեզի կը ճանչնան նաեւ Հայաստանէն դուրս` Միացեալ Նահանգներուն մէջ. անցեալ տարի ԱՄՆ-ի պետական բաժանմունքին կողմէ մեր այս նախագիծն աշխարհի 135 երկիրներու 1100  յայտատուներէն համարուած է 15  լաւագոյններէն  մէկը: Երթալով` աւելի շատ բան ունինք ցուցադրելու:

-Միայն փոքրե՞րը հետաքրքրուած են:

-Ոչ, հետաքրքրուած են տարիքային տարբեր խումբեր: Մենք ֆիլմեր կը պատրաստենք տարբեր տարիքի մարդոց համար: Փոքրերու համար կը պատրաստենք մուլտային տարբերակով: Ըսեմ Ձեզի, որ հետաքրքրուած են անգամ աստղաֆիզիկոսները, աստղագէտները: Ժամանակը նորագոյն արհեստաբանութիւններունն է. պէտք է համընթաց քալենք ժամանակին հետ:

Զրուցեց Կարինէ Աւագեան

 

«Խոստումը» Հալէպի Մէջ

Նախաձեռնութեամբ եւ կազմակերպութեամբ Սուրիոյ Հայ Դատի Յանձնախումբին, Հալէպի մէջ «Խոստումը» շարժանկարի առաջին ցուցադրութիւնը տեղի ունեցաւ «Զահրաա» պատկերասրահէն ներս, Հինգշաբթի, 4 Մայիսի երեկոյեան, ներկայութեամբ Սուրիոյ խորհրդարանի երեսփոխաններու, Հալէպի պետական համալսարանի պատասխանատուներու, ՀՀ Հալէպի գլխաւոր հիւպատոս Տիգրան Գէորգեանի, պետական բարձրաստիճան պատասխանատուներու, արաբ հասարակական գործիչներու, քրիստոնեայ համայնքապետներու, հայկական եւ արաբական լրատուամիջոցներու ներկայացուցիչներու։

Արաբերէն բացման խօսքով, Սուրիոյ պետական պատկերասփիւռի կայանի լրագրող Ֆուատ Իզմիրլի յայտնեց, թէ շարժանկարները միջոցներ են ժողովուրդներու դատը ներկայացնելու եւ պատմութենէն դասեր քաղելու համար։ Հայոց Ցեղասպանութեան մասին մէկէ աւելի շարժանկարներ պատրաստուած են, վերջինը «Խոստումը»ն է, որ պատրաստուած է Սպանիա, խիստ գաղտնի պայմաններու մէջ՝ զերծ մնալու համար նման ծրագիրներու ուղղուած թրքական ճնշումներէն։

Ապա Իզմիրլի ներկայացուց «Խոստումը» շարժանկարը, դիտել տալով որ ան կը միտի Հայոց Ցեղասպանութիւնը միջազգային հանրութեան ներկայացնել։ Աւարտին ան ըսաւ. «Եկէ՛ք միասնաբար դիտենք եւ պահենք մեր խոստումը։ Խոստում, որ նահատակներու արիւնը ի զուր պիտի չանցնի, խոստում՝ դատապարտելու ոճրագործները, մինչեւ որ դադրեցնեն իրենց ցեղասպանական արարքները եւ մանաւանդ արդար հատուցում կատարեն։ Մենք, մեր խոստումով, թոյլ պիտի չտանք որ աշխարհը լուռ մնայ որեւէ ցեղասպանական արարքի դիմաց, յատկապէս որ 102 տարի վերջ ականատեսը դարձանք անոր կրկնութեան, այս անգամ Սուրիոյ մէջ»։

«Խոստումը» Հալէպի մէջ պիտի շարունակուի ցուցադրուիլ 15 յաջորդական օրերու ընթացքին։

Այս մասին կը Յայտնէ Գանձասար:

%d5%b0%d5%a1%d5%ac%d5%a5%d5%ba

Հայոց Ցեղասպանութեան յիշատակի ոգեկոչման ձեռնարկ այ Աւետարանական Էմմանուէլ եկեղեցւոյ Տիկնանց Վարչութեան կազմակերպութեամբ

Հայոց Ցեղասպանութեան յիշատակի ոգեկոչման ձեռնարկներու շրջագիծէն ներս, Հայ Աւետարանական Էմմանուէլ եկեղեցւոյ Տիկնանց Վարչութեան կազմակերպութեամբ, Չորեքշաբթի, 4 Մայիս 2017-ին, «Հայ Դատի Հետապնդման Հարիւրեամեայ Հանգրուանները» խորագիրով դասախօսութիւն ներկայացուեցաւ:
Դասախօս` մեթր Մարիա Գաբրիէլեան, ընթանալով պատմական ժամանակագրական կարգով, ներկայացուց Հայ Դատի անցած ուղին սկսելով 19-րդ դարու վերջին քառորդէն մինչեւ մեր օրերը:

Դասախօսութենէն ետք տիկին Անժէլ Պօշկեզէնեան ասմունքեց «Քիչ Ենք, Բայց Հայ Ենք» բանաստեղծութիւնը:

Այս մասին կը յայտնէ Գանձասար:

Սփիւռքի Նախարարութիւնը Մեզի Միշտ Ուշադրութեան Կեդրոնին ՄԷջ Կը Պահէ. Սուրիահայ Հայրենադարձ

Ստեփան Մահշիկեան ընտանիքին հետ 2012 թուականին  Սուրիոյ Քեսապ բնակավայրէն Հայաստան եկած է: «Հայերն այսօր»-ի հետ զրոյցին Ստեփանը նշեց, որ Հայաստանի մէջ իրենք լաւ կը զգան, լիարժէք ընդելուզուած են հայաստանեան կեանքին, նոյնիսկ տուն կը կառուցեն, որպէսզի մշտապէս հաստատուին հայրենի հողին վրայ: Շատ  տպաւորուած են մարդոց ջերմ ու անկեղծ վերաբերմունքէն, որոնք սկզբնական շրջանին տարբեր հարցերու մէջ անոնց միշտ աջակցած են:

Ստեփան կ’աշխատի «Աուտիզմ» կեդրոնին մէջ, իսկ կինը` Գարմէնը, ձեռագործութեամբ կը զբաղուի, հիմնականին մէջ շարֆեր եւ ձեռագործ այլ իրեր տան պայմաններուն մէջ կը պատրաստէ: Կտորը երեւանեան խանութներէն ձեռք բերելէ յետոյ` աշխատանքի կ’անցնի եւ տարբեր նախշերով շարֆեր կը կարէ, որոնք նաեւ Վրաստան կ’արտահանեն:

«ՀՀ սփիւռքի նախարարութիւնը հետեւողական է Հայաստանի մէջ հաստատուած սուրիահայերուն աջակցելու հարցով. մեզի միշտ ուշադրութեան կեդրոնին մէջ կը  պահէ: Այս նախաձեռնութիւններն ալ կը խթանեն, որ նոր յաճախորդներ ունենանք, ճանաչում ձեռք բերենք, որուն համար շնորհակալ ենք շատ»,-ըսաւ «Հայերն այսօր»-ի զրուցակիցը:

Աւելցնենք, որ Ստեփան Մահշիկեան կնոջ հետ մայիս 5-ին կը մասնակցէր  ՀՀ սփիւռքի նախարարութեան նախաձեռնութեամբ, Երեւանի քաղաքապետարանի եւ Հայաստանի զարգացման հիմնադրամի աջակցութեամբ «Երեւան Էքսպօ» կեդրոնին մէջ տեղի ունեցած Հայաստանի մէջ արդիւնաբերութեան ոլորտին մէջ սփիւռքահայ ներդրողներու արտադրանքներու ցուցահանդէս-վաճառքին:

Գէորգ Չիչեան

%d5%bd%d5%ab%d6%80%d5%ab%d5%a1%d5%b0%d5%a1%d5%b51

 

«Մեր Շոքոլադով Կ’ապահովենք Նաեւ Բարձր Տրամադրութիւն». Սփիւռքահայ Ներդրողներ` Մարալ Իսգէնեան, Մակի Պաղտասարեան

ՀՀ սփիւռքի նախարարութեան նախաձեռնութեամբ, Երեւանի քաղաքապետարանի եւ Հայաստանի զարգացման հիմնադրամի աջակցութեամբ «Երեւան-Էքսպօ» կեդրոնին մէջ տեղի ունեցաւ Հայաստանի մէջ արդիւնաբերութեան ոլորտին մէջ սփիւռքահայ ներդրողներու արտադրանքի ցուցահանդէս-վաճառքի բացումը, որուն ներկայ էր ՀՀ սփիւռքի նախարարը, նախարարութեան աշխատակազմը, ինչպէս նաեւ` լրագրողներ, քաղաքացիներ: Ցուցահանդէսներ շատ  կազմակերպուած են, որոնք լուսաբանուած են տարբեր լրատուամիջոցներով. ատոնք մեր շնորհալի, ոսկեձեռիկ հայրենակիցներու աշխատասիրութեան, ստեղծագործ մտքի թռիչքներու խօսուն վկաներն են, որոնցմով միշտ եղա՛ծ են, կան ու կ’ըլլա՛ն հիացողներ: Ցուցահանդէս-վաճառքի մասնակիցներէն  քանի մը հոգիի հետ «Հայերն այսօր»-ի համար ունեցած հարցազրոյցի ընթացքին ամէնէն առաւել կ’ընդգծուէր մեր հայրենակիցներու լաւատեսութիւնն ու գոհունակութիւնը: Այդպիսին էին նաեւ իմ զրուցակիցներս` մասնագիտութեամբ մանկավարժ ու դեղագէտ երկու երիտասարդ սուրիահայ կանայք` Մարալ Իսգէնեանն ու Մակի (Մարգարիտ) Պաղտասարեանը:

Մարալ Իսգէնեան – 5-րդ ցուցահանդէսին կը մասնակցինք: Գոհ եմ արդիւնքներէն: Մեր պատրաստած փոքրիկ շոքոլադիկները կը հետաքրքրեն յաճախորդներուն. անոնց կը գերեն մեր արտադրանքի արտաքին տեսքը, համայն յատկանիշները: Արտաքին ձեւաւորումն ալ պակաս կարեւոր չէ համէն, բաղադրութենէն: Մենք ընկերուհիիս` Մակիին հետ կ’աշխատինք: Ընդհանրապէս, այս քաղցրաւենիքի բաղադրութեան մէջ օգտագործուող նիւթերը կը ստանանք դուրսէն, որովհետեւ շատ նիւթեր այստեղ չկան, իսկ որոշ պարագաներ` հիմնականին մէջ արտաքին ձեւաւորման հետ կապուած, այստեղէն ձեռք կը բերենք: Կ’աշխատինք, որ համն ու արտաքին տեսքը ներդաշնակ ըլլան: Շատերը, հէնց միայն, արտաքին տեսքով  կը հրապուրուին: Մեր արտադրանքը կը վաճառուի նաեւ տարբեր խանութներու մէջ, նաեւ  քանի մը երկիրներու մէջ:  Շուտով կ’ունենանք նաեւ մեր սեփական խանութը:

Մակի Պաղտասարեան– առտուն կանուխէն սկսած` հրաշալի մթնոլորտ կը տիրէ այստեղ, բարձր տրամադրութիւն ունինք, արդիւնքներէն ալ գոհ ենք: Ի հարկէ, մենք սնունդի տեխնոլոգներ չենք, սակայն կը համագործակցինք համապատասխան մասնագէտներու հետ, կը խորհրդակցինք: Ձեւաւորման մասը մեր ուժերով, միայնակ կ’ապահովենք: Համային առումով երբեք դժգոհութիւններ չեն եղած, յաճախորդները նաեւ արտաքին տեսքը կը սիրեն, սակայն մենք անով չենք գոհանար, կը շարունակենք պրպտել, նորութիւններ գտնել, նոր ձեւաւորում ստեղծել: Միշտ պէտք է առաջ նայիլ. ժամանակն այնքա՜ն արագ կը սուրայ, աշխարհն այնպիսի՜ մեծ քայլերով առաջ կ’ընթանայ, ուստի պէտք է համաքայլ երթանք: Միշտ կարելի է սորվիլ ու կատարելագործուիլ, որմէ կը շահի մեր արտադրանքը, կը շատնայ մեր յաճախորդներու թիւը: Քաղցրաւենիքը, յատկապէս` շոքոլադը, տրամադրութիւն կը բարձրացնէ. մենք կ’ապահովենք նաեւ բարձր տրամադրութիւն:

Յաջողութիւն մաղթենք այս շնորհալի հայուհիներուն` հաւատալով, որ անոնց ձեւաւորած նրբահամ շոքոլադիկներն, իրօք, բարձր տրամադրութիւն կը պարգեւեն, որ այդ ինքնատիպ ապրանքանիշը օր մը անպայման կը յայտնուի նաեւ միջազգային  բոլոր  յայտնի շուկաներուն մէջ:

Կարինէ Աւագեան

1

Մայիսեան Յաղթանակներուն Նուիրուած Համերգային Ծրագիր Պրիւքսէլի ՄԷջ

«Հայերն այսօր»-ի փոխանցմամբ` Մայիս 27-ին, ժամը` 19:00-ին, Պրիւքսէլի «Փոքր Հայք» պարախումբը եւ «Հայ տան» Սեւան դպրոցը պիտի ներկայացնեն համերգային-թատերական ծրագիր`  նուիրուած Մայիսեան յաղթանակներուն: