Վարդան Կարապետեան` Կլենտէլի Նոր Քաղաքապետ

Մայիս 1-ին, Կլենտէլի քաղաքային խորհուրդի անդամները քուէարկութեամբ միաձայն նոր քաղաքապետ ընտրեցին քաղաքային խորհուրդի ներկայիս անդամ Վարդան Կարապետեանը: Խօսելով յառաջիկայ գործունէութեան մասին` Կարապետեան նշեց, որ գործընկերներուն հետ միասին պիտի աշխատին քաղաքն առաւել բարեկեցիկ եւ ապահով  դարձնելու ուղղութեամբ, հետամուտ պիտի ըլլան ընթացիկ նախագիծերու իրականացման` յայտարարուած ժամկէտներու մէջ:

«Ասպարէզ»-ի հետ զրոյցին Կլենտէլի նոր քաղաքապետն ամփոփ անդրադարձաւ իր առաջնահերթ ծրագիրներուն. «Մեր քաղաքացիներուն ամենամեծ անհանգստութիւն պատճառող խնդիրներէն է բնակարաններու վարձերու բարձրացումը, որ յաճախ տեղի կ’ունենան տարուան ընթացքին  քանի մը անգամ` տանտիրոջ եւ վարձակալի միջեւ պայմանագիրի բացակայութեան պատճառով: Այս հարցը կարգաւորելու համար կը նախատեսեմ առաջարկել վարձերու կայունացման մասին նոր օրէնք, ըստ որուն` տանտէրը պարտաւոր կ’ըլլայ վարձը բարձրացնելու մասին տեղեկացնել չորս ամիս առաջ, եւ վարձակալի համաձայնութան պարագային` պարտադիր պայմանագիր կնքել մէկ տարուան ժամկէտով: Առաջնահերթ յաջորդ հարցը` բարձր աշխատավարձով նոր աշխատատեղերու ստեղծումն է: Այս նպատակով կը նախատեսուի գրաւիչ առաջարկներ ընել գործարարներուն` Կլենտէլի մէջ գործ ծաւալելու համար: Յառաջիկայ տարուան ընթացքին պիտի կառուցուի նաեւ 70 մատչելի բնակարան տարեցներու համար: Բնակելի շէնքերու հարեւանութեամբ ալ կը նախատեսեն կառուցել կայանատեղիներ²:

Վարդան Կարապետեան նաեւ տեղեկացուց, որ կ’աշխատի երկու հրշէջ մեքենայ Հայաստան ուղարկելու համար համապատասխան ֆինանսական միջոցներ հայթայթելու ուղղութեամբ:

 Յիշեցնենք, որ Կլենտէլի քաղաքապետ կ’ընտրուի քաղաքային խորհուրդի անդամներուն կողմէ` մէկ տարի պաշտօնավարման ժամկէտով:

Մայիս 1-ին Կլենտէլի քաղաքապետարանին մէջ պաշտօնները ստանձնեցին քաղաքային խորհրդին մէջ  վերընտրուած Զարեհ Սինանեանն ու Արա Նաջարեանը, ինչպէս նաեւ առաջին անգամ ընտրուած Վրէժ Աղաջանեանը եւ Արդի Քասախեանը, որ կը շարունակէ գործունէութիւնը որպէս քաղաքապետարանի քարտուղար, եւ Րաֆֆի Մանուկեանը` որպէս գանձապահ:

Քաղաքապետարանին մէջ տեղի ունեցաւ նաեւ Կլենտէլի Համայնքային քոլեջի հոգաբարձուներու խորհուրդին մէջ ընտրուած անդամներ Արմինէ Յակոբեանի, Իւետ Վարդանեան-Տեւիսի, Էն Ռասֆորդի, ինչպէս նաեւ Կլենտէլի Միացեալ Կրթաշրջանի խորհրդին մէջ վերընտրուած Արմինա Կարապետեանի, Կրեկ Գրիգորեանի, եւ նոր ընտրուած` Շանթ Սահակեանի երդմնակալութեան արարողութիւնը:

 

ԿԸՀ–ն Հրապարակեց Նորընտիր Խորհրդարանի Ամբողջական Կազմը. ԱԺ Առաջին Նիստը Կը Կայանայ Մայիս 18-ին

Հայաստանի Կեդրոնական ընտրական յանձնաժողովը հրապարակած է այն թեկնածուներուն անունները, որոնք ապրիլ 2-ին կայացած խորհրդարանական ընտրութիւններու արդիւնքներով պատգամաւորական հրամանագրեր կը ստանան:

Հայաստանի Հանրապետական կուսակցութեան տարածքային ցուցակներով պատգամաւորի հրամանագիր  կը ստանան հետեւեալ անձիք.

Թիւ 1 ընտրական տարածք` Սարգսեան Ռոբերտ Գուրգէնի, Պօղոսեան Միհրան Սուրէնի

Թիւ 2 ընտրական տարածք` Սարգսեան Արտակ Սամուէլի, Գէորգեան Արթուր Սամուէլի

Թիւ 3 ընտրական տարածք` Ալեքսանեան Սամուէլ Լիմինդրի, Յովհաննիսեան Արայիկ Ռաֆայէլի, Նահապետեան Կորիւն Գառնիկի

Թիւ 4 ընտրական տարածք` Բեգլարեան Յակոբ Բեգլարի,  Կարապօղոսեան Յարութիւն Կարապետի

Թիւ 5 ընտրական տարածք` Գրիգորեան Արայիկ Թեմուրի, Մուրադեան Մուրադ Սահակի, Սարգսեան Ալիկ Սարգսի

Թիւ 6 ընտրական տարածք` Գէորգեան Նահապետ Բագրատի, Սարոյեան Սեդրակ Ֆիրդուսի

Թիւ 7 ընտրական տարածք` Սահակեան Նաիրի Արտաշէսի

Թիւ 8 ընտրական տարածք` Գրիգորեան Ռաֆիկ Խորէնի, Յակոբեան Յակոբ Ռաֆիկի

Թիւ 9 ընտրական տարածք` Կարապետեան Կարէն Սարգսի, Բաղդասարեան Վահրամ Վաղինակի, Համբարձումեան Արկադի Ստանիսլավի

Թիւ 10 ընտրական տարածք` Յարութիւնեան Անդրանիկ Ալբերտի, Յարութիւնեան Արամ Խաչիկի

Թիւ 11 ընտրական տարածք` Սահակեան Արման Սօսի, Ցոլակեան Ֆելիքս Խոստեղի

Թիւ 12 ընտրական տարածք` Արսէնեան Աշոտ Եղիշի, Սարգսեան Աւետ Լաւրենտի

Թիւ 13 ընտրական տարածք` Աւալեան Գրիգոր Սերոժի:

ՀՀԿ ցուցակով պատգամաւորական հրամանագրեր  ստացած են նաեւ ազգային փոքրամասնութիւններու հետեւեալ ներկայացուցիչները` Մահմուդեան Ռուստամ, Միխայլով Արսէն, Հասանով Կնեազ:

ՀՀԿ համամասնական ցուցակէն պատգամաւորի հրամանագրեր ստացած են հետեւեալ անձիք

Յովհաննիսեան Արփինէ Աշոտի
Բաբլոյեան Արա Սաենի
Աշոտեան Արմէն Գէորգի
Շարմազանով Էդուարդ Յովսէփի
Եսայեան Մարգարիտ Հենրիկի
Ֆարմանեան Սամուէլ Ժորայի
Աւագեան Կարէն Կառլենի
Սահակեան Գալուստ Գրիգորի
Նաղդալեան Հերմինէ Միքայէլի
Մինասեան Գագիկ Ենգիբարի
Նիկոյեան Սամուէլ Պարգեւի
Թովմասեան Հրայր Վարդանի
Պետրոսեան Շուշան Սամուէլի
Գրիգորեան Մանուէլ Սեկտորի
Գեղամեան Արտաշէս Մամիկոնի
Յարութիւնեան Խոսրով Մելիքի
Սարդարեան Շուշան Ալբերտի
Բաբուխանեան Հայկ Բորիսի
Յարութիւնեան Վահան Միխաիլի
Բաղդասարեան Ջեմմա Սամուէլի
Կոստանեան Գէորգ Սուրիկի
Յակոբեան Միհրան Տարօնի

 Սաղաթելեան Արման Արմէնի

 Մուրադեան Ռուզաննա Կարապետի
Մելիքեան Գագիկ Վաղինակի
Բեքարեան Կարէն Մանուկի
Թորոսեան Շիրակ Արտեմի
Աճեմեան Կարինէ Խաչիկի :

«Ծառուկեան» դաշինքի տարածքային ցուցակով պատգամաւորական հրամանագրեր ստացան հետեւեալ անձիք.

Թիւ 1 ընտրական տարածք` Ծառուկեան Արտեոմ Ռաֆայէլի

Թիւ 2 ընտրական տարածք` Կարապետեան Վահան Գուրգէնի

Թիւ 3 ընտրական տարածք` Ղարագեոզեան Յարութիւն Արփիարի

Թիւ 4 ընտրական տարածք` Ազիզեան Նապոլէոն Սուրէնի

Թիւ 5 ընտրական տարածք` Աբրահամեան Արգամ Յովիկի, Ստեփանեան Տիգրան Վաչիկի

Թիւ 6 ընտրական տարածք` Աղաբաբեան Արայիկ Ռազմիկի

Թիւ 7 ընտրական տարածք` Մանուկեան Խաչիկ Վաղինակի

Թիւ 8 ընտրական տարածք` Մադափթեան Հրանը Ռոբերտի

Թիւ 9 ընտրական տարածք` Ասատրեան Վանիկ Խաչիկի

Թիւ 10 ընտրական տարածք` Մանուկեան Դաւիթ Անդրանիկի,. Մանուկեան Մելիք Սարիբէկի

Թիւ 11 ընտրական տարածք` Գրիգորեան Վարդեւան Ֆաբրիցուսկի, Ղուկասեան Վարդան Կոլեայի

Թիւ 12 ընտրական տարածք` Սիմոնեան Մերուժան Համլէտի

Համապետական ցուցակի երկրորդ մասէն (ազգային փոքրամասնութիւններ) պատգամաւորի հրամանագիր կը  ստանայ Տատեանա Միքայէլեան:

«Ծառուկեան» դաշինքի համապետական ցուցակի առաջին մասէն պատգամաւորի հրամանագրեր կը  ստանայ հետեւեալ անձիք

Ծառուկեան Գագիկ Կոլեայի

Զաքարեան Իշխան Սերժիկի

Զոհրաբեան Նաիրա Վահանի

Բոստանջեան Վարդան Բաբգէնի,

Մելքումեան Միքայէլ Սերգեյի

Զուրաբեան Արարատ Անոյշաւանի

Ուրիխանեան Տիգրան Խաչատուրի

Տօնոյեան Իւետա Սասունի

Մանուկեան Արթուր Աբարահամի

Սարգսեան Լուիզա Աշոտի

Էնֆիաջեան Վահէ Սարգսի

Պօղոսեան Կարինէ Համլէտի

Բագրատեան Սերգեյ Պապաշի,

Մարգարեան Մարինա Միտուշի

Իսայեան Շաքէ Ռոբերտի:

«Ելք» դաշինքի տարածքային ցուցակներով պատգամաւորական հրամանագիր ստացած են հետեւեալ անձիք.

թիւ 1 ընտրատարածք` Մանէ Վանեայի Թանդիլեան,

թիւ 2 ընտրական տարածքէն` Գէորգ Սամուէլի Գորգիսեան,

թիւ 3 ընտրական տարածքէն` Արարատ Սամուէլի Միրզոյեան,

թիւ 4 ընտրական տարածքէն` Նիկոլ Վովայիւ Փաշինեան,

Դաշինքի համապետական ցուցակէն պատգամաւորի հրամանագրեր կը ստանան Էտմոն Հրաչիկի Մանուկեան, Արամ Զաւէնի Սարգսեան, Սասուն Մեխակի Միքայէլեան, Արտակ Հայկազի Զեյնալեան, Լենա Ռաֆայէլի Նազարեան:

ՀՅԴ-ի տարածքային ցուցակներէն պատգամաւորի հրամանագրեր  ստացած են հետեւեալ անձիք.

Թիւ 6 ընտրական տարածք` Կարապետեան Անդրանիկ Կարապետի

Թիւ 11 ընտրական տարածք`Մանուկեան Ռոմիկ Շաւարշի

Թիւ 13 ընտրական տարածք` Մանուկեան Սուրէն Սերժիկի

Կուսակցութեան համապետական ցուցակի առաջին մասէն պատգամաւորի հրամանագիր  ստացած են Արմէն Եզնակի Ռուստամեան, Աղուան Արշաւիրի Վարդանեան, Արմէնուհի Ստեփանի Կիւրեղեան, Արմէն Կառլոսի Բաբայեան:

Տիգրան Մուկուչեան նիստին աւարտին հրապարակեց նաեւ նորընտիր Ազգային ժողովի առաջին նիստի օրը: Կեդրոնական ընտրական յանձնաժողովը, ղեկավարուելով ԱԺ կանոնակարգ օրէնքով, կ’որոշէ ՀՀ Ազգային ժողովի 2017թ. ապրիլ 2-ի ընտրութիւներու արդիւնքներով ընտրուած նորընտիր Ազգային ժողովի առաջին նիստի օր յայտարարել մայիս 18-ը: Նիստը կը կայանայ ժամը 10:00-ին:

 

Թուրքիոյ Խորհրդարանի Հայ Երեսփոխան՝ Յարգարժան Տիար Կարօ Փայլանը Կ՛այցելէ Գանատահայոց Առաջնորդարանը

Մայիս 02, 2017-ին, Թուրքիոյ Խորհրդարանի Հայ Երեսփոխան՝ Յարգարժան Տիար Կարօ Փայլանն այցելեց Գանատահայոց Առաջնորդարանը, ուր Գանատահայոց Թեմի Առաջնորդ Գերշ. Տ. Աբգար Եպս. Յովակիմեանն ու Մոնթրէալի եւ Լավալի Հայաստանեայց Առաքելական Եկեղեցւոյ Արժանապատիւ Քահանայ Հայրերը ջերմ դիմաւորեցին Պարոն Փայլանին։

Սրբազան Հայրը՝ Պարոն Փայլանին ներկայացուց Մոնթրէալի Ս. Գրիգոր Լուսաւորիչ Առաջնորդանիստ Եկեղեցին ու անոր հանդիպումի հրաւիրեց եկեղեցւոյ Հոգեւոր Հայրերուն ու Մոնթրէալի Հայ համայնքի ղեկավարներուն հետ։

Տիար Փայլանի Գանատայ այցը կազմակերպուած է՝ Քեպեքի Հայ Համայնքի Միացեալ Մարմնի, ինչպէս նաեւ Թորոնթոյի Հայ Համայնքի Միացեալ Մարմնի համագործակցութեամբ։

«Գնահատանքի Խօսքը, Որ Հայրենիքէն Կու Գայ, Աւելի Թանկ Է». Սիւզան Խարտալեան

Մայիս 3-ին ՀՀ սփիւռքի նախարար Հրանոյշ Յակոբեան ընդունեց շուէտահայ ճանչցուած լրագրող, կինոգործիչ Սիւզան Խարտալեանը:

Նախարարը ողջունեց սփիւռքահայ գործիչը, կարեւոր համարեց անոր հայանպաստ գործունէութիւնը` միջազգային հանրութեան ուշադրութիւնը գրաւելուն Հայ դատի խնդիրներուն վրայ, նաեւ համամարդկային թեմաներու միջոցով հայկական հարցերը աշխարհի ուշադրութեան կեդրոնին մէջ պահելու ուղղութեամբ: Ան մասնաւորապէս նշեց. «Հայոց ցեղասպանութեան թեման եղել եւ շարունակում է մնալ եւ՛ պատմութեան, եւ՛ հոգեբանութեան, եւ՛ արուեստի կիզակէտում: Պարտաւոր ենք պատմական յիշողութիւնը փոխանցել յաջորդ սերունդներին այնքան ժամանակ, քանի դեռ չի լուծուել Հայ Դատի խնդիրը, քանի դեռ չի կատարուել հայ ժողովրդի արդար պահանջը: Սիւզան Խարտալեանը Ցեղասպանութեան ամենազգայուն թեմաներից մէկին է անդրադարձել` հայ կնոջ տառապանքներին, պայքարին ու դժուարին ճակատագրին: Իր ողջ կեանքը նա նուիրել է Հայ դատի պաշտպանութեանը, եւ արել է համոզմունքով, հաւատով: Հայ դատի մարտիկները մեր ժողովրդի սերուցքն են եւ արժանի են մեր երախտագիտութեանը, դրուատանքին, սիրուն: Սիրով ուզում եմ այդ սէրն ու երախտագիտութիւնը փոխանցել Սիւզան Խարտալեանին եւ պարգեւատրել նրան մեր նախարարութեան բարձրագոյն պարգեւով` Ոսկէ մետալով»:

Սիւզան Խարտալեան շնորհակալութիւն յայտնեց ջերմ խօսքերուն ու բարձր գնահատանքին համար եւ աւելցուց. «Գնահատանքի խօսքը, որ Հայրենիքէն կու գայ, աւելի թանկ է: Շնորհակալ եմ: Կրնամ բան մը խոստանալ, որ գործս պիտի շարունակեմ, իմ էութիւնս  ասիկա է : Պատմութիւնը տղամարդիկ կը գրեն, եւ ատոր համար ալ քիչ կը նշուին կանանց հերոսութիւնները: Կանանց հետ կապուած թեմաները զգայուն են, եւ տղամարդիկ կը խուսափին արծարծել Եղեռնի տարիներուն կանանց տառապանքներուն առնչուող թեմաները»:

Այնուհետեւ յայտնի լրագրողն ու կինոգործիչը պատասխանեց ներկաներու հարցերուն:

Սիւզան Խարտալեան կրթութեամբ լրագրող է, ուսանած է Պէյրութի ու Փարիզի համալսարաններուն մէջ: Ան աւելի քան 3 տասնեակ ֆիլմերու հեղինակ է, ներառեալ` «Կ’ատեմ շուները», «Երիտասարդ Ֆրոյտը Կազայէն», «Մեծ մօրս դաջուածքները» «Վերադարձ դէպի Արարատ»:

Անոր վերջին ֆիլմերէն «Մեծ մօրս դաջուածքները» ֆիլմը անդրադարձ է Հայոց ցեղասպանութեան, որուն մէջ կ’արծարծուի ցեղասպանութիւնը վերապրած, ամօթի ու տառապանքներու միջէն անցած կանանց թեման: Ֆիլմը ցուցադրուած է աշխարհի բազմաթիւ երկիրներու մէջ, նաեւ` Եւրոխորհրդարանին մէջ, եւ մեծ հնչեղութիւն ստացած հասարակութեան լայն շրջաններուն մէջ: «Մեծ մօրս դաջուածքները» դիտած է 300 միլիոն մարդ:

unnamed-1unnamed

Խաչքարի բացում Ռէն քաղաքին մէջ

Ուրբաթ, Ապրիլ 28-ին Պրըթանեի Հայոց ընկերակցութեան նախաձեռնութեամբ տեղի ունեցած է Ռէն քաղաքին մէջ Հայոց ցեղասպանութեան նուիրուած խաչքարին բացումը:
Կիյոմ Լըժան եւ Տանթոն փողոցներու խաչմերուկին գտնուող յուշակոթողին բացումը կատարած են դեսպան Վիգէն Չիտեչեան, թեմիս առաջնորդ Վահան եպիսկ. Յովհաննէսեան եւ Ռէնի եպիսկոպոս Նիքոլա Սուշիւ: Խաչքարին օծումը կատարած է Աւետիս ա. քհնյ. Պալըգեան:
Այնուհետեւ, համախմբուած շուրջ 150 հոգիի առջեւ ճառեր արտասանած են Սուշիւ եպիսկ. եւ դեսպան Չիտեչեան:
Խաչքարը ստեղծագործութիւնն է Ռուբէն Նալբանդեանի, որ այս առթիւ յատկապէս եկած է Հայաստանէն եւ ներկայ գտնուած՝ արարողութեան: 2011-ին քանդակուած խաչքարին վրայ կը յատկանշուի «Ռ» տառը, որ կը խորհրդանշէ Ռէն քաղաքը: Յուշակոթողը այս նպատակով շուրջ վեց տարի առաջ պատրաստուած ըլլալով հանդերձ, վարչական խոչընդոտներու բախած էր եւ պահ դրուած:
Յայտագրին իր մասնակցութիւնը բերած է տեղւոյն հայ համայնքի մանուկներու պարախումբը, որ ներկայացուցած է ժողովրդական պարեր:
Աղբիւր՝ ՀՐԱՆԴ ՆՈՐՇԷՆ

Նոր Յառաջ

Ապրիլեան ոգեկոչում ՝ «Երգ աքսորեալ» ֆիլմին ցուցադրութեամբ

Սփիւռքի մէջ ապրիլեան ոգեկոչումները մեծամասնաբար հանրային ցոյցերու ձեւաչափով կը կատարուին։ Տարիներէ ի վեր «Անաքօ» տափանաւը եւ «Երկիր եւ Մշակոյթ» կազմակերպութիւնը աւանդութիւն դարձուցած են նահատակ գրողներու եւ բանաստեղծներու երկերու ընթերցումի ձեւին տակ ոգեկոչել մեր նահատակներուն յիշատակը։ Այս տարի ցեղասպանութեան 102-րդ տարելիցին առիթով Ապրիլ 25-ին ոգեկոչումը կատարուեցաւ «Երգ աքսորեալ» (Chœurs en exil) ֆիլմին ցուցադրութեամբ, բեմադիր Նաթալի Ռոսեթիի եւ «Երկիր եւ Մշակոյթ»-ի ատենապետ, պատմաբան Գեղամ Գեւոնեանի մասնակցութեամբ։

Գեղամ Գեւոնեան ամփոփելով Ֆրանսայի մէջ Ցեղասպանութեան ոգեկոչման տարբեր հանգրուանները, որոնք թափ առած էին 50-ամեակէն սկսեալ՝ հասնելով մինչեւ մեր օրերու պահանջատիրութեան եւ հատուցման ժամանակաշրջանը, անդրադարձաւ «Երգ աքսորեալ» շարժանկարին։ Ըսաւ որ ան ուղղակի կապ ունի Ցեղասպանութեան հետ, նկատի ունենալով որ 1915-ին մեր ժողովուրդը ո՛չ միայն միլիոնաւոր զոհեր տուաւ, այլ նաեւ՝ հոգեւոր եւ մշակութային սպանդի ենթարկուեցաւ։ Յայտնեց թէ 100-ամեակին առիթով պատրաստուած այս վաւերագրական բարձրորակ ֆիլմը, արուեստի բացառիկ ստեղծագործութիւն մըն է։ Կամուրջ մըն է արդարութեան պահանջքին եւ հոգեւոր հատուցման միջեւ։ «Ժապաւէնին մէջ հնչած երգերը իրարու կը կապեն երկինքն ու երկիրը, Հայն ու Թուրքը, դահիճին եւ զոհին զաւակները…»։

Ժապաւէնի ցուցադրութենէն ետք տեղի ունեցաւ վիճարկումի եւ հարցում-պատասխանի հետաքրքրական բաժին մը։

***

«Երգ աքսորեալ» ժապաւէնին մասին «Նոր Յառաջ» լայնօրէն անդրադարձած էր (տե՛ս. «ՆՅ»-ի 2016 Դեկտ. 8-ի թիւը [1001] – «Հայկական հոգեւոր եւ աւանդական երաժշտութեան խաչակիրները»)։ Յիշեցումի համար ըսենք, որ այս ժապաւէնը կը խօսեցնէ քսաներորդ դարու աննկարագրելի ողբերգութիւններէն առաջինին վկաները։ Դերակատարները կը քալեն Հայոց ցեղասպանութեան մոռցուած հետքերու ուղղութեամբ, կը հանդիպին անցեալի վկաներուն, հոգեւոր շինութիւններուն, այն ծննդավայրերը՝ եկեղեցի, մատուռ, տաճար, վանք, որոնք կը յիշեն, կը յիշեցնեն կորուսեալ շարականներն ու երգերը, հոգեւոր կեանքի ժառանգութիւն մը, որ իրենց ծնունդ տուած է, իսկ անոնք իրենց կարգին անոր տուն ու տեղ տուած են։ Անոնք այսօր իսկական բեկորներ են մշակութային ցեղասպանութեան, ծարաւի են ուշադրութեան, վերականգնումի, յիշողութեան, շարականներու ձայնին, հնչողութեան, աքսորեալ երգչախումբերուն։

Շարժանկարը կը մեկնի «Ակն» երգչախումբի ղեկավար Արամ Քերովբեանի փորձէն, որ կը ձգտի հայ աւանդական ու հոգեւոր երգերու աւանդութիւնը ուսումնասիրել՝ իբրեւ մշակութային ժառանգութիւն։ Ժառանգութիւն մը, որ բարեբախտաբար դեռ կարգ մը երկիրներու եկեղեցական արարողակարգի մէջ ունի ծիսական գործադրութիւն…։ Իսկ այլուր հետզհետէ աւելի նուազ կը հնչէ հայկական եկեղեցիներուն մէջ։ Նոր սերունդը հոգեւոր ժառանգութեան լծելու նոր յենարաններու պէտք ունի։ Փոխանցումի գործը անհրաժեշտութիւն է։ Փարիզի, Պոլսոյ եւ թերեւս ալ այլ վայրերու մէջ փոքրամասնութիւն մը տակաւին կը շարունակէ հաւատալ սերունդներու միջեւ կամուրջ հանդիսանալու «իտէալ»-ին։
Թ.Շ.

Պատարագ Իտալական Եկեղեցւոյ ՄԷջ` Նուիրուած Հայոց Ցեղասպանութեան Սրբադասուած Նահատակներուն

Ապրիլ 24-ին Իտալիոյ Թորինօ քաղաքի Ս. Ամպրոճիօ Տի Թորինօ աւանի Սան Վինչենսօ Ճիովաննի եկեղեցւոյ մէջ Հայոց ցեղասպանութեան սրբադասուած նահատակներու յիշատակին նուիրուած պատարագ  մատուցուած է: Ոգեկոչման պատարագին մասնակցած են նաեւ Աւիլիանա ապրող  քանի մը հայ ընտանիք:

Ինչպէս «Հայերն այսօր»-ին կը տեղեկացնէ նախաձեռնութեան հեղինակ, թորինաբնակ Խորէն Բողիկեան, եկեղեցւոյ հոգեւոր հովիւ Հայր Ռոմէօ Զուպպան մեծ սիրով ընդունած է պատարագ մատուցելու առաջարկը: Մէկ ժամ տեւած արարողութեան ժամանակ հոգեւորականը իր խօսքին մէջ եկեղեցւոյ մէջ գտնուող իտալացիներուն բացատրած է օրուան խորհուրդին մասին` յոյս յայտնելով, որ Օսմանեան կայսրութեան կողմէ իրականացուած Հայոց ցեղասպանութեան փաստին վաղ թէ ուշ արդարացի լուծում պիտի տրուի: Իտալացիները շատ  ազդուած են` պատարագի աւարտէն ետք  իրենց զօրակցութիւնը  յայտնելով  հայ ժողովուրդին:

Աւելցնենք նաեւ, որ աւարտին հայ ընտանիքները մոմերով շարժուած են Հայոց ցեղասպանութեան զոհերու յիշատակին նուիրուած խաչքարին մօտ եւ ծաղիկներ խոնարհած:

%d5%ab%d5%bf%d5%a1%d5%ac%d5%ab%d5%a11

 

 

 

 

Սպանիոյ Գույերա Քաղաքը Ճանչցած Է Հայոց Ցեղասպանութիւնը

Սպանիոյ Գույերա քաղաքի Քաղաքային խորհուրդի նիստին չորս կուսակցութիւնները միաձայն ճանչցան Հայոց Ցեղասպանութիւնը` դատապարտելով մարդկութեան դէմ յանցանքը, յորդորելով Սպանիոյ այլ իշխանութիւններուն եւ յատկապէս կեդրոնական կառավարութեան ու Թուրքիոյ` հետեւելու իրենց օրինակին:

Ինչպէս «Հայերն այսօր»-ին կը հաղորդեն Վալենսիոյ «Արարատ» միութենէն, քաղաքապետ Ճորտի Մայորն իր խօսքին մէջ մասնաւորապէս նշեց, որ իրերը պէտք է կոչել իրենց անուններով, եւ այն, ինչ տեղի ունեցաւ հայ ժողովուրդին հետ 20-րդ դարասկիզբին, միայն մէկ անուն ունի`ցեղասպանութիւն:

Յատկապէս լաւ ելոյթ ունեցաւ Փոտեմոս կուսակցութեան խօսնակը, ով նշեց, որ Թուրքիան ոչ միայն պիտի ճանչնայ ցեղասպանութիւնը, այլեւ հատուցէ վնասները եւ յատկապէս վերադարձնէ հայերու պատմական հողերը:

Նիստին ներկայ էին հայ համայնքի ներկայացուցիչներ, որոնց անունէն Արարատ Ղուկասեան շնորհակալութիւն յայտնեց քաղաքապետարանին` նշելով, որ Գույերան դարձաւ Սպանիոյ 27-րդ քաղաքը,  որ կը ճանչնայ Հայոց Ցեղասպանութիւնը, որ սա պատմական օր է ոչ միայն սպանահայութեան, այլ նաեւ քաղաքի համար:

Միջնորդագիրը քաղաքապետարանին ներկայացուցած էր Արարատ հայկական միութեան Գույերայի ներկայացուցիչ Հերմինէ Աբրահամեան:

%d5%af%d5%b8%d6%82%d5%b5%d5%a5%d6%80%d5%a1 %d5%af%d5%b8%d6%82%d5%b5%d5%a5%d6%80%d5%a11 %d5%af%d5%b8%d6%82%d5%b5%d5%a5%d6%80%d5%a13

 

 

 

 

 

Լիբանանեան Գանատական Համալսարանին Կազմակերպութեամբ Ծաղկեպսակի Զետեղում` Այնթուրայի Հայ Որբ Մանուկներու Դամբարանին Եւ Պաշտօնական Ոգեկոչում

Հայոց Ցեղասպանութեան 102-ամեակին առիթով Լիբանանեան գանատական համալսարանը նախաձեռնեց ոգեկոչման ձեռնարկի մը, որուն շրջագիծին մէջ հայկական դպրոցներու աշակերտներ հրաւիրուեցան Այնթուրայի դպրոցը, որուն շրջափակին մէջ գտնուող հայ որբերու յատուկ դամբարանին զետեղուեցաւ ծաղկեպսակ մը, ինչպէս նաեւ ներկայացուեցան Այնթուրայի հայ որբերուն մասին պատմական տուեալներ` Այնթուրայի Սեն Ժոզեֆ դպրոցի պատմութեան դասատու Շարլ Հայեքի կողմէ:

Ըստ «Ազդակ»-ի՝ Հայեք աշակերտներուն ծանօթացուց այս առիթով համալսարան հրաւիրուած ծերունիի մը` Մոալլեմ Տումեթ, որ օրին Այնթուրայի դպրոցին մէջ աշխատանքի պահուն բացայայտած է հայ մանուկներուն հաւաքական գերեզմանը եւ իմացուցած պատասխանատուները, որոնք անմիջապէս կասեցուցած են աշխատանքները եւ սկսած պեղումներու ու կառուցած որբերուն դամբարանը:

Ապա աշակերտները ուղղուեցան այն վայրը, ուր Այնթուրայի հայ որբերը լուսանկարուած էին, եւ հոն ստացան իրենց խմբային լուսանկարը: Ապա համալսարանին սրահին մէջ տեղի ունեցաւ պաշտօնական ձեռնարկ մը, որուն ներկայ գտնուեցան ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի, երեսփոխան Սերժ Թուրսարգիսեան, Լիբանանի հայոց թեմի առաջնորդ Շահէ եպս. Փանոսեանի ներկայացուցիչ` Պիքֆայայի դպրեվանքի տեսուչ Պօղոս վրդ. Թինքճեան, Հայ կաթողիկէ պատրիարքական թեմի օգնական եպիսկոպոս Գէորգ եպս. Ասատուրեանի ներկայացուցիչ հայր Սեպուհ Կարապետեան, Մերձաւոր Արեւելքի Հայ աւետարանական եկեղեցիներու միութեան Կեդրոնական մարմինի ատենապետ վեր. դոկտ. Փոլ Հայտոսթեանի ներկայացուցիչ վեր. Սեպուհ Թերզեան, Լիբանանեան գանատական համալսարանի նախագահ դոկտ. Ռոնի Ապի Նախլէ, Կեդրոնական դրամատան փոխկառավարիչ Յարութիւն Սամուէլեան, գնդապետ-զօր. Մանուէլ Գրաճեան, պաշտօնական հիւրեր, դասախօսներ, ուսանողներ եւ աշակերտներ:

Ձեռնարկը սկսաւ Լիբանանի, Հայաստանի եւ համալսարանի քայլերգներով, որմէ ետք հայր Ապտօ Իտ եւ հայր Սեպուհ Կարապետեան մատուցեցին աղօթք մը` Հայոց Ցեղասպանութեան նահատակներուն յիշատակին:

Աղօթքին յաջորդեց համալսարանի տեղեկատուական հարցերու պատասխանատու Իւկեթ Սալամէի բացման խօսքը, որուն մէջ անդրադարձ կատարուեցաւ 24 Ապրիլ 1915-ին հայ ժողովուրդին դէմ գործուած բռնարարքներուն: Ան ողջունեց նահատակներն ու անոնց յաջորդող սերունդները, որոնք պահպանեցին հայութեան ինքնութիւնն ու ազգային աւանդները` դառնալով նաեւ իրենց ապրած երկիրներուն մէջ օրինակելի քաղաքացիներ:

Սալամէ անդրադարձաւ նաեւ Լիբանանի մէջ Օսմանեան կայսրութեան գործած ոճիրներուն` հաստատելով, որ օսմանեան բռնութիւնը կը միացնէ հայն ու լիբանանցին:

Համալսարանի նախագահ դոկտ. Ռոնի Ապի Նախլէ հայերէնով արտասանեց ողջոյնի կարճ խօսք մը, որուն մէջ ան ընդգծեց Հայոց Ցեղասպանութեան մէկուկէս միլիոն նահատակներուն յիշատակին նկատմամբ իրենց տածած խոր յարգանքը:

Դոկտ. Ապի Նախլէ շեշտեց, որ Լիբանանեան գանատական համալսարանը իր ձայնը կը միացնէ հայ ժողովուրդի ձայնին` աշխարհէն պահանջելով ճանչնալ Հայոց Ցեղասպանութիւնը եւ հատուցել հայ ժողովուրդին:

Ապա երեսփոխան Յակոբ Բագրատունի անգլերէնով արտասանուած իր խօսքին մէջ անդրադարձաւ Հայոց Ցեղասպանութեան նահատակի թոռը ըլլալու իր անձնական օրինակին` ակնարկելով իր մեծ հօր` Պօղոս Բագրատունիի նահատակութեան սրտաճմլիկ պատմութեան, եւ հաստատելով, որ անիկա մեծ հօր վերաբերեալ իր գիտցած միակ պատմութիւնն է:

Յ. Բագրատունի դատապարտեց Թուրքիոյ եւ միջազգային ընտանիքին կողմէ ի գործ դրուած Հայոց Ցեղասպանութեան ուրացման քաղաքականութիւնը` շեշտելով, որ հայ ժողովուրդին դէմ Օսմանեան կայսրութեան գործած Ցեղասպանութիւնը ամբողջ ժողովուրդ մը ջնջելու միտում ունէր, եւ Թուրքիա` իբրեւ Օսմանեան կայսրութեան յաջորդը, պատասխանատու է այդ Ցեղասպանութեան գործադրութեան:

Երեսփոխան Բագրատունի անդրադարձաւ նաեւ 23 Ապրիլ 1915-ին հայ մտաւորականութիւնը գլխատելու օսմանեան որոշումին` զայն համեմատելով Լիբանանի դէմ Օսմանեան կայսրութեան ծրագրած սովին եւ 6 Մայիս 1916-ին լիբանանցի մտաւորականները կախաղան բարձրացնելուն հետ:

Յ. Բագրատունի մեղադրական ոճով մը ակնարկեց իր նահատակները անտեսող լիբանանեան պետութեան` շեշտելով, որ այլ երկիրներ կը հերոսացնեն իրենց նահատակները, որոնք զոհուած են երկրին անկախութեան համար: «Դժբախտաբար, Լիբանան իր նահատակները կ՛անտեսէ անձնական եւ քաղաքական շահերու, ինչպէս նաեւ Թուրքիոյ հետ իր յարաբերութիւնները պահպանելու նպատակով. յարաբերութիւններ, որոնք կը ծառայեն Թուրքիոյ շահերուն եւ ոչ թէ Լիբանանի», ըսաւ ան` աւելցնելով, որ 6 Մայիսի լիբանանցի նահատակներուն յիշատակը պիտի յաւերժանայ, ո՛վ որ ալ փորձէ, ի՛նչ ձեւերով ալ փորձէ անոնց յիշատակը փոփոխութեան ենթարկել եւ կամ փոխել այդ օրուան տարողութիւնը:

Յ. Բագրատունի ընդգծեց, որ հայը գաղթականէն վերածուեցաւ քաղաքացիի եւ յաջողեցաւ տարբեր մարզերու մէջ, սակայն թուրքը մնաց թուրք, որ ունի մէկ երազ` փանթուրանականութիւնը, որուն շօշափելի օրինակները բացայայտ են բոլորին համար` սուլթանի հանգամանք ցանկացող Էրտողանի եւ հայու արեան ծարաւ ունեցող Ատրպէյճանի օրինակներուն ընդմէջէն, փաստ ունենալով անցեալ ապրիլին Արցախի դէմ Ատրպէյճանի սանձազերծած պատերազմը, որուն նպատակը եւս փանթուրանական ընդհանուր ծրագիրին մաս կը կազմէր:

«Պատմութիւնը ինքզինք կը կրկնէ, երբ մարդկութեան դէմ ոճիր գործողը իր արդար պատիժը չի կրեր, հետեւաբար մեր պահանջն է, որ Թուրքիոյ նկատմամբ վարուելակերպը ըլլայ այնպէս, ինչպէս ոճրագործ պետութեան մը նկատմամբ ցուցաբերուող վարուելակերպը: Թուրքիոյ կողմէ նոր ցեղասպանութիւններ կազմակերպելու հաւանականութիւնը առկայ պիտի մնայ, այնքան ատեն որ մենք միասնաբար չենք յիշեր եւ չենք պահանջեր», եզրափակեց Յ. Բագրատունի:

Երեսփոխան Սերժ Թուրսարգիսեան անդրադարձաւ հայութեան դէմ Օսմանեան կայսրութեան գործած բռնարարքներուն, ցեղասպանութեան, տեղահանութեան` նշելով նաեւ Լեռնալիբանանի մէջ Օսմանեան կայսրութեան պարտադրած սովը:

Ան յիշեց իր մեծ հայրն ու մեծ մայրը, որոնք տեղահանուած էին իրենց հայրենի հողերէն եւ հասած Տէր Զօր, ապա Պեքաա եւ իրենց կեանքը շարունակած Լիբանանի մէջ:

«Այս պատմութիւնը կը պատմեմ ըսելու համար, որ Օսմանեան կայսրութեան գործադրածը կանխամտածուած ցեղասպանութիւն էր, որուն նպատակն էր բնաջնջել հայութիւնը», ըսաւ ան` աւելցնելով, որ հայ ժողովուրդը պիտի պահպանէ իր հաւաքական յիշողութիւնը եւ պիտի շարունակէ պահանջել իր արդար իրաւունքները:

Գեղարուեստական յայտագիրին ընթացքին «Սեն Ժոզեֆ» Այնթուրա դպրոցի աշակերտ Ռիքարտօ Հապիպ դաշնակի վրայ նուագեց Պեթհովենի «Ֆիւր Էլիզ»-ը եւ «Երկու կիթառներ»-ը:

Համազգայինի «Բարսեղ Կանաչեան» երաժշտական քոլեճի ուսուցիչներ Յովիկ Կարախանեան` ջութակ, եւ Նայիրի Ղազարեան` թաւջութակ, ընկերակցութեամբ Պեթի Սալխանեան-Քուրդեանի` դաշնակ եւ Հրաչ Իսահակեանի` սրինգ, ներկայացուցին փունջ մը երաժշտական կտորներ, որոնց շարքին էին «Պաղտասարեան Նոքթիւրն»-ը, Արամ Խաչատուրեանի «Մասքարատ»-ը եւ «Գայեանէ» պալէէն Սուրերու պար»-ը :

Համազգայինի «Բարսեղ Կանաչեան» երաժշտական քոլեճի ուսուցչուհի Քլարա Ալիխանեան (Մեցցօ Սոփրանօ) մեկնաբանեց «Կիլիկիա»-ն, Քաչինիի «Աւէ Մարիա»-ն եւ «Սուրբ սուրբ»-ը:

Ոգեկոչումի ձեռնարկի աւարտին Լիբանանեան գանատական համալսարանի նախագահը յուշանուէր յանձնեց երեսփոխաններ Յ. Բագրատունիին եւ Ս. Թուրսարգիսեանին, Պօղոս վրդ. Թինքճեանին, հայր Սեպուհ Կարապետեանին, վեր. Սեպուհ Թերզեանին, հայր Ապտօ Իտին, Համազգայինի գեղարուեստի դպրոցներու տնօրէն Յակոբ Հանտեանին, ԱՖՀԻԼ-ի իրերօգնութեան սնտուկի տնօրէն Յակոբ Լատոյեանին եւ հայկական դպրոցներու տնօրէններուն եւ պատասխանատուներուն:

Հայոց Ցեղասպանութեան 102-րդ Տարելիցին Նուիրուած Ձեռնարկ Նայմեխէնի ՄԷջ

Նայմեխէն քաղաքի «Միացեալ հայերը Հոլանտայի մէջ» միութիւնը նոյնպէս միացաւ աշխարհասփիւռ հայերուն կողմէ Հայոց ցեղասպանութեան 102-րդ տարելիցի առիթով կազմակերպուող ձեռնարկներուն`  ցոյցեր, դասախօսութիւններ, գրական-գեղարուեստական ցերեկոյթներ, ֆիլմերու ցուցադրութիւններ եւ այլն:

«Հայերն այսօր»-ի փոխանցմամբ` ապրիլ 30-ին «Միացեալ հայերը Հոլանտայի մէջ» միութիւնը կազմակերպած էր գրական-գեղարուեստական յուշ-ցերեկոյթ` նուիրուած Հայոց ցեղասպանութեան զոհերու ոգեկոչման: 102 տարիներուն ընթացքին աշխարհի միլիոնաւոր մարդիկ ու տասնեակ երկիրներ ճանչցած են Հայոց ցեղասպանութեան փաստը, բայց հայ ժողովուրդը կը շարունակէ պահանջել միւսներէն եւս, յատկապէս` Թուրքիայէն, ընդունել եւ ճանչնալ Հայոց ցեղասպանութիւնը:

Սրբացնելով 1. 500 000 զոհերուն, մենք մինչեւ վերջ պիտի շարունակենք պահանջատէր ըլլալ մեր իրաւունքներուն նկատմամբ ու Օսմանեան Թուրքիայէն պահանջել փոխհատուցել հայ ժողովուրդի ֆիզիքական, մշակութային ու նիւթական ցեղասպանութեան համար:

«Միացեալ Հայերը Հոլանտայի մէջ» միութիւնը, որդեգրելով կրթա-մշակութային հակուածութիւն, ամէն տարի Ապրիլ 24-ին, բացի այլ կազմակերպութիւններու ձեռնարկներուն մասնակցութենէն, իր ձեռնարկներուն մէջ  շեշտը կը դնէ Թուրքիոյ կողմէ հայ ժողովուրդի մշակոյթի ու նիւթական արժէքներուն նկատմամբ կատարած ցեղասպանութեան փաստին վրայ:

Միութեան ծրագիրը բացին Վան դպրոցի աշակերտներու  խումբ մը` խոնարհելով ու սպիտակ մեխակներ դնելով ցեղասպանութեան յուշարձանի նախագիծին, հնչեց Արեւմտեան Եւրոպայի Հայրապետական Պատուիրակ, Հոլանտայի փոխանորդ Հոգեշնորհ Տէր Առէն Վրդ. Շահինեանի եւ Հոլնատայի մէջ  ՀՀ դեսպան Ձիւնիկ Աղաջանեանի խօսքը, ասմունքեցին ու երգեցին կազմակերպութեան  քանի մը անդամներ. հնչեցին Վ. Դաւթեանի, Հ. Շիրազի, Գ. Էմինի, Պ. Սեւակի եւ այլ հեղինակներու ստեղծագործութիւններ: Ցուցադրուեցաւ վաւերագրական ֆիլմ, ելոյթ ունեցան Ամսդըրտամի «Անի» պարի խումբը` բեմադրուած պարեր ներկայացնելով Հայոց ցեղասպանութեան թեմայով:

Ձեռնարկին կը  մասնակցէին անդամներ Նայմեխէն քաղաքի քրտական, աֆղանական համայնքներէն,  հոլանտացիներ ու տարբեր ազգերու ներկայացուցիչներ:

Աւարտին  մատուցուեցաւ աւանդական հարիսան` ի յիշատակ 1,5 մլն զոհերու:

Յատուկ շնորհակալութիւն «Միացեալ Հայերը Հոլանտայի մէջ» միութեան խորհրդական Գայեանէ Աբրահամեանին:

 

%d5%b6%d5%a1%d5%b5%d5%b4%d5%a5%d5%ad%d5%a5%d5%b6%d5%b6%d5%a1%d5%b5%d5%b4%d5%a5%d5%ad%d5%a5%d5%b61%d5%b6%d5%a1%d5%b5%d5%b4%d5%a5%d5%ad%d5%a5%d5%b62%d5%b6%d5%a1%d5%b5%d5%b4%d5%a5%d5%ad%d5%a5%d5%b63%d5%b6%d5%a1%d5%b5%d5%b4%d5%a5%d5%ad%d5%a5%d5%b64 %d5%b6%d5%a1%d5%b5%d5%b4%d5%a5%d5%ad%d5%a5%d5%b65 %d5%b6%d5%a1%d5%b5%d5%b4%d5%a5%d5%ad%d5%a5%d5%b67