Տեղի Ունեցաւ Գիտական Եւ Ստեղծագործական Լաւագոյն Աշխատանքներու «Մրցանակաբաշխութիւն 2016»-ի Արդիւնքներու Ամփոփման Հանդիսաւոր Արարողութիւնը

Մայիս 2-ին Երեւանի մէջ մոսկովեան մշակութա–գործարարական «Մոսկուայի տուն» կեդրոնին մէջ տեղի ունեցաւ համաշխարհային հայկական կոնգրէսի, Ռուսաստանի հայերու միութեան եւ ՀՀ սփիւռքի նախարարութեան կողմէ յայտարարուած գիտական եւ ստեղծագործական լաւագոյն աշխատանքներու «Մրցանակաբաշխութիւն 2016»-ի արդիւնքներու ամփոփման եւ վկայականներու յանձնման հանդիսաւոր արարողութիւնը, որուն մասնակցեցան ՀՀ սփիւռքի նախարար Հրանոյշ Յակոբեան եւ համաշխարհային հայկական կոնգրէսի եւ Ռուսաստանի հայերու միութեան  նախագահ Արա Աբրահամեան, ՀՀ գիտութիւններու ազգային ակադեմիոյ նախագահ Ռադիկ Մարտիրոսեան, Հայաստանի գրողներու, երգահաններու, լրագրողներու, նկարիչներու, ֆիլմ արտադրողներու միութիւններու նախագահները, անուանի գիտնականներ, գրողներ, արուեստագէտներ, մտաւորականներ, հիւրեր:

Ողջունելով ներկաները` ՀՀ սփիւռքի նախարար Հրանոյշ Յակոբեան մասնաւորապէս նշեց. «Պատմութեան հոլովոյթում հայ գիտութիւնը եւ մշակոյթը քննութիւն են բռնել` արժանանալով ամենաբարձր գնահատականների, եւ այսօր իւրովի են ներկայացնում աշխարհին մեր 25 ամեայ երկիրը: Մինչեւ մեր նախարարութեան ստեղծումը Ռուսաստանի հայերի միութիւնը ակտիւ համագործակցել է ստեղծագործական միութիւնների հետ: Իսկ երբ մրցանակաբաշխութիւնը սկսեցինք համատեղ կազմակերպել, նրան համահայկական բնոյթ հաղորդեցինք: Եւ այսօր ուրախութեամբ արձանագրում ենք, որ մրցանակակիրների թւում քիչ չեն սփիւռքի մեր հայրենակիցները»:

Ռուսաստանի հայերու միութեան  փոխնախագահ Վլատիմիր Աղայեան ներկայացուց մրցանակաբաշխութեան ստեղծման պատմութիւնը, եւ ընթացքը, շեշտեց, որ անցած 10 տարիներուն ընթացքին կրկնապատկուած է մրցանանակիրներու թիւը, 2016թ.-ին մրցանակի  արժանացած է 62 մասնակից:

Վկայականներու  յանձնման հանդիսաւոր արարողութենէն ետք ելոյթ ունեցան ՀՀ գիտութիւններու ազգային ակադեմիոյ նախագահ Ռադիկ Մարտիրոսեան, Հայաստանի գրողներու միութեան նախագահ Էդվարդ Միլիտոնեան, Հայաստանի երգահաններու միութեան նախագահ Արամ Սաթեան, Հայաստանի լրագրողներու միութեան նախագահ Աստղիկ Գէորգեան, Հայաստանի նկարիչներու միութեան նախագահ Կարէն Աղամեան: Մրցանակակիրները շնորհակալութիւն յայտնեցին գնահատման եւ խրախուսանքի համար:

Աւարտին տեղի ունեցաւ տօնական համերգ:

«Մրցանակաբաշխութիւն 2016»-ն այս տարի թեմատիկ էր եւ կ’իրականացուէր «Համազգային միասնութիւնը որպէս հաւաքական ուժի, հզօրութեան գրաւական» նշանաբանով` նուիրուած Հայաստանի հանրապետութեան 25-ամեայ յոբելեանին: Մրցանակաբաշխութեան հիմնական նպատակն է նպաստել 21-րդ դարու մարտահրաւէրներուն դիմակայելու գործին մէջ գիտութեան, գրականութեան եւ մշակոյթի դերի բարձրացման, Հայաստանի գիտական եւ ստեղծագործական մտաւորականութեան գործունէութեան աշխուժացման, աջակցած երկրի մտաւոր կեանքի աշխուժացման:

img_4188img_4153img_4217unnamed-1unnamed-2unnamed-3unnamed-4unnamed

«Եղիցի Լոյս» Արեւային Ուժի Օգտագործման Նախագիծի Հեղինակն Այցելեց Սփիւռքի Նախարարութիւն

Մայիս 2-ին ՀՀ սփիւռքի նախարար Հրանոյշ Յակոբեան ընդունեց «Եղիցի լոյս» արեւային ուժի օգտագործման նախագիծի հեղինակ, Սինկափուր բնակող հայ գործարար Աշոտ Թունեանը, Մեանմարէն Վիքթոր Մայնասը, որուն հայրը եւ մեծհայրը հայ  եղած են` Մինասեան ազգանունով:

Ողջունելով հիւրերը` նախարարը հետաքրքրուեցաւ, թէ Վիքթորի ընտանիքը քանի հոգիէ բաղկացած են եւ ինչով կը զբաղին, Ովկիանիա գտնուող այդ փոքրիկ երկրին մէջ քանի հայ կայ: Նախարարը կարեւոր նկատեց աշխարհով մէկ սփռուած փոքրիկ երկիրներու հաշուառումը , խառնամուսնութիւններէն ծնած սերունդներու հայադարձութիւնը: Վիքթորի հայրը 1890 ական թթ. եղած է Մեանմար պետութեան քրիստոնէական հնագոյն սրբավայրի` Ռանկունի Սբ Յովհաննէս Մկրտիչ հայկական եկեղեցւոյ հոգաբարձուներու խորհուրդի անդամ:

Սփիւռքի նախարարը արժեւորեց Աշոտ Թունեանի ազգասիրական գործունէութիւնը, հայապահպանութեան ուղղուած անոր ջանքերը, ինչպէս նաեւ` արեւի ուժի օգտագործան «Եղիցի լոյս» նախագիծը:

Հարաւ-արեւելեան Ասիոյ մէջ հայերը բնակութիւն  հաստատած են դեռեւս 16-17-րդ դարերէն: Օտար հողի վրայ հաստատուելով եւ հայ համայնքներ ձեւաւորելով, ինչպէս այօրուան տեղաբնակ հայերուն, այնպէս ալ ժամանակին հայերուն համար կեանքի առաջնային նպատակը  եղած է պահպանել սեփական լեզուն, հաւատքը եւ մշակոյթը: Հին ժամանակներէն հայերը Մալիզիա  եկած են հիմնականին մէջ Հնդկաստանէն եւ Հին Ջուղայէն ու արմատաւորուած են Մալաքա թերակղզիին մէջ, որ Հարաւ-արեւելեան Ասիոյ թերակղզիներէն է` Հնդկաչին թերակղզիի հարաւային մասը: Այն ներկայիս բաժնուած է Մեանմարի, Մալիզիոյ եւ Թայլանտի միջեւ: Հայերը հաստատուած են Փենանգ նահանգի Ճորճթաուն քաղաքին մէջ եւ շատ կարճ ժամանակուան մէջ վճռորոշ դեր  ունեցած են նահանգի տնտեսական, մշակութային կեանքին  եւ ճարտարապետութեան պատմութեան մէջ:

 

2

Արժանթինի Ֆութպոլի Առաջնութեան Ժամանակ Ոգեկոչած Են Հայոց Ցեղասպանութեան 102-րդ Տարելիցը

Ապրիլ 30-ին, ֆութպոլի Արժանթինի առաջնութեան «Պոկա Խունիորս»-«Արսենալ» խաղի մեկնարկէն առաջ խաղադաշտին մէջ յիշատակուած է Հայոց ցեղասպանութիւնը` 102-րդ տարելիցին նուիրուած մեծ պաստառի միջոցով:

Ինչպէս կը յայտնէ Prensa Armenia-ն, «Պոկա Խունիորս»-ի «Պոմպոներա» մարզադաշտին մէջ Հայոց ցեղասպանութեան յիշատակի արարողութիւն  տեղի կ’ունենայ արդէն  քանի մը տարի շարունակ: Նախաձեռնութեան հեղինակը Հարաւային Ամերիկայի հայկական երիտասարդական միութիւնն  է:

Նախորդ տարի նման պաստառ  պահուած էր ֆութպոլի Արժանթինի առաջնութեան «Քլասիքօ»-ի մրցումներէն   մէկուն` «Պոկա Խունիորս»-«Ռիւեր Փլէյթ»- խաղէն առաջ:

 

«Սօսէ» Միջազգային Փառատօնը Պիտի Նպաստէ Հայաստանի եւ Արցախի Մէջ Ֆիլմարտադրութեան Զարգացման

«Սօսէ»-2017 միջազգային փառատօնը սկսած է ֆիլմերու դիմումներուն ընդունումը: Հիմնական մրցութային ծրագրով կրնան մասնակցիլ բոլոր ֆիլմերը` առանց թեմայի սահմանափակման (խաղարկային, երկարաժամ, կարճաժամ, վաւերագրական):

Ըստ Artsakhpress.am-ի՝ փառատօնը ունի երկու մրցութային ծրագիր եւ` «Բովանդակութիւնը` կին» եւ «Ուսանողական»: «Բովանդակութիւնը` կին» մրցութային ծրագիրին կրնան մասնակցիլ ֆիլմեր, որոնց մէջ կ՝արծարծուի կնոջ թեման: Լաւագոյն մեկնաբանութեան համար նախատեսուած է «Սօսէ Մայրիկ»-ի անուան մրցանակ: Իսկ «Ուսանողական» մրցութային ծրագիրին կը ներկայացուին աշխարհի տարբեր շրջաններու մէջ ուսանողներու աշխատանքները՝ առանց ժանրային կամ թեմայի սահմանապակման: Փառատօնը պիտի հովանաւորէ «Լաւագոյն ուսանողական աշխատանք» անուանակարգով յաղթող եւ Հայաստանի մէջ ուսանող բեմադրիչի մէկ տարուան ուսման վարձը, իսկ արտերկրի մէջ ուսանող բեմադրիչին պիտի տրուի պատուոգիր:

«Սօսէ» միջազգային փառատօնի ֆիլմերու նախնական ընտրութիւնը կ՝իրականացնէ միջազգային յանձնախումբը, որուն մէջ կան նաեւ հայ մասնագէտներ:

Դիմումներուն ընդունման վերջնաժամկէտը Մայիս 31-ն է: Ֆիլմերուն նախնական ընտրութեան արդիւնքները պիտի ամփոփուին Յուլիս 1-ին: Շարժանկարի դիտումները պիտի իրականացուին Օգոստոս 14-Հոկտեմբեր 2: Իսկ մրցանակաբաշխութիւնը պիտի կայանայ Հոկտեմբեր 14-ին:

«Սօսէ» միջազգային փառատօնին գլխաւոր նպատակն է նպաստել Հայաստանի եւ Արցախի մէջ շարժանկարի արտադրութեան զարգացման, ինչպէս նաեւ աջակցիլ համատեղ ֆիլմերու արտադրութեան, որպէսզի ստեղծուին հայ-իտալական, հայ-պուլկարակ, հայ-իրանական եւ այլ ֆիլմեր:

Դիմումներու ընդունման պայմաններուն մանրամասն կրնաք ծանօթանալ www.sosefestival.com կայքի ԿԱՆՈՆԱԿԱՐԳ բաժինով:

Արայի Լեռը Զբօսաշրջային Վայրի Կրնայ Վերածուիլ

Արայի լեռը կրնար զբօսաշրջային վայր դառնալ: Այս մասին յայտնած է ՀՀ Զբօսաշրջութեան պետական կոմիտէի նախագահ Զարմինէ Զեյթունցեանը PanARMENIAN.Net-ի հետ զրոյցի ընթացքին:

«Արայի լեռը զբօսաշրջային վայր դարձնելու հետաքրքրական ծրագիր ունինք. թէ ձմեռնային, թէ ամառնային վայրի վերածելու, բայց ծրագրի գործարկումը հսկայական ներդրումներ կը պահանջէ: Ծրագիրը պիտի ներկայացնենք ներդրումային հարթակին եւ պիտի սպասենք զարգացման: Անիկա մշակուած է դեռ 2007-ին, բայց մինչեւ այսօր դեռ չէ իրականացուած մեծ ներդրումներու պահանջքին պատճառով»,- ըսած է Զէյթունցեան:

Ան նշած է, որ օրինակ, գինիի, ուտելիքի, արկածային զբօսաշրջութեան զարգացման համար ներդրում պէտք չէ:

«Գինիի, ուտելիքի զբօսաշրջութեան մասին շատ կը խօսին, բայց ատոնք զբօսաշրջութեան առանձին ձեւեր չեն, քանի որ յատուկ երկիր մը չես երթար միայն ուտելու կամ գինիի համար, պարզապէս այդ ամէնը կը մտնէ երթուղիին մէջ: Միայն ատով Հայաստանը չի կրնար ներկայանալ: Մեր երկիրը կը ներկայացնենք իբրեւ չբացայայտուած Հայաստան` Armenia uncovered», – աւելցուցած է Զէյթունցեան:

Արա լեռ կամ Արայի լեռ ` կը գտնուի Կոտայքի եւ Արագածոտնի մարզերուն մէջ: Անոր լանջին կը գտնուի Ծաղկեվանքը: Լեռը ունի հարուստ բնաշխարհ, եւ Հայաստանի բուսականութեան 20%-ը կարելի է յայտնաբերել այնտեղ: Բարձրութիւնը (ԲԾՄ)` 2577 մեթր է:

Անոր արեւմուտքը կը գտնուին Աշտարակը եւ Քասաղ գետի կիրճը, իսկ Արարատեան դաշտը եւ Երեւանը ` լերան հարաւը:

Յայտնի Են «Աւրորա» Գեղարուեստական Մրցոյթի Յաղթողները

Յովհաննէս Թումանեանի թանգարանին մէջ Մայիս 1-ին ամփոփուեցան «Աւրորա» գեղարուեստական առաջին մրցոյթի արդիւնքները: 1107 աշխատանքներէն դատական կազմը ընտրեց երեք գլխաւոր մրցանակի արժանի գործեր, եւս երկու աշխատանքի հեղինակները ստացան յատուկ մրցանակ:

Գեղանկարի, քանդակի, փայտագործութեան խեցեգործական աշխատանքներու, բատիկայի, թուային գծանկարչութեան պատկերներու միջոցով մրցոյթի 7-14 տարեկան մասնակիցները արտայայտած են մարդասիրութեան, հերոսութեան, անձնուիրութեան եւ լուսաւոր ապագայի հանդէպ հաւատքի գաղափարները:

«Խաղաղութիւն» անուանումով գեղանկարի համար առաջին մրցանակը ստացաւ 7-ամեայ Արփի Ղազարեանը, որ կը յաճախէ Երեւանի Հ. Իգիթեանի անուան ազգային գեղագիտութեան կեդրոն: «Մեդիամաքս»-ին ան պատմած է, որ իր նկարին մէջ պատկերուած աղջկայ ձեռքին Փիքասոյի խաղաղութեան աղաւնին է:

«Խաղաղութիւնը պէտք է Հայաստանին, որ բոլոր մարդիկ ուրախ ըլլան»,-ըսած է Արփին:

Երկրորդ մրցանակը 13-ամեայ Սոֆիա Եաքովլեւայինն է Ռուսիայէն: Երեւանի «Գասպարեան» արթ-արհեստանոցի 11-ամեայ սան Աննա Կոստանեանի գեղանկարը արժանցաւ երրորդ մրցանակին:  Մասնագիտական ժիւրիի որոշմամբ, յատուկ մրցանակ ստացան նաեւ Ժասմինա Յովհաննիսեանը Ներքին Գետաշէնէն եւ 14-ամեայ Ռուտոլֆ Աւանեսեանը Երեւանէն:

Ժիւրիի անդամ, բեմադրիչ Հրանդ Վարդանեան ըսած է, որ բոլոր մասնակիցները արժանի են առաջին մրցանակին, դատական կազմը պարզապէս իր ենթակայական գնահատականով առանձնացուց քանի մը հատը:

middle_1493649220_9394665

«Հաւատացէ՛ք, մենք` դատական կազմի անդամներս, մեծ հաճոյք ստացանք, որովհետեւ տեսանք մեր երեխաներուն աշխարհը` վառ, գունեղ, կերպարները ունէին ըսելիք ու բնաւորութիւն: Այս երեխաներուն մէջ սերմանուած բարին եւ գեղեցիկը երբեք չեն կորսուիր, սա մեր ծագումն է, մեր մշակոյթին հիմքը: Ինչպէս շատ մարդոց օգնութեամբ 100 տարի առաջ մենք փրկուեցանք, այդպէս ալ մեր երեխաները պիտի փրկեն մեզ իրենց արուեստով, մշակոյթով, որովհետեւ գորշութիւն ու անտարբերութիւն չկան այս պատկերներուն մէջ: Միայն լաւատեսութիւն եւ բարութիւն»,- նշած է դատական կազմը գլխաւորող animater Գայիանէ Մարտիրոսեան:

middle_1493649220_8666703

«Աւրորա» գեղարուեստական մրցոյթին աշխատանքներ ներկայացուած էին Հայաստանի մարզերէն, սփիւռքէն: Մարդասիրութեան իրենց պատկերացումներով կիսուած են նաեւ այլազգի երեխաներ:

Գեղարուեստական մրցոյթներու միջոցով «Աւրորա»-ն կ՛ընդլայնէ մարդասիրութեան գաղափարները կիսողներու շրջանակը: Նախաձեռնութեան ղեկավար Արման Ջիլաւեան նշած է, որ «Աւրորա»-ն դարձած է միջազգային մարդասիրական շարժում, զոր սկսած են Ռուբէն Վարդանեանը, Նուպար Աֆէեանը եւ Վարդան Գրեգորեանը: Տարիէ տարի կ՛աւելնան նախաձեռնութեան աջակիցները:

Նկարչական նիւթերու տեսքով նուէրներ ստացած են մրցոյթի բոլոր մասնակիցները: Իսկ յաղթողներուն մրցանակներէն բացի բացառիկ հնարաւորութիւն տրուած է մասնակցելու Մայիս 28-ին Երեւանի մէջ կայանալիք 2017-ի «Աւրորա» մրցանակի շնորհման արարողութեան:

Մրցոյթին ներկայացուած 63 լաւագոյն աշխատանքները Յովհ. Թումանեանի թանգարանին մէջ կը ցուցադրուին մինչեւ Մայիսի վերջ` «Աւրորա» մրցանակի հիմնական ձեռնարկներու ամփոփումը:

Լուսինէ Ղարիբեան

Սենթ Գաթրինզի մէջ կայացած Հայոց Ցեղասպանութեան ոգեկոչման հանդիսութեան ներկայ գտնուեցան քաղաքապետն ու խորհրդարանի անդամներ

Հորիզոն-Կազմակերպութեամբ Հայոց Ցեղասպանութեան Սենթ Գաթրինզի միացեալ յանձնախումբին եւ համագործակցութեամբ Սենթ Գաթրինզի Ս. Գրիգոր Լուսաւորիչ եւ Ս. Պօղոս Հայաստանեայց Առաքելական Եկեղեցիներուն, Կիրակի 23 Ապրիլ, 2017-ին, տեղի ունեցաւ Հայոց Ցեղասպանութեան 102-րդ Ամեակի պաշտօնական ոգեկոչումը։ Յաւարտ Սուրբ եւ Անմահ պատարագի, հարիւրաւոր հայորդիներ հաւաքուեցան Սենթ Գաթրինզի նորակառոյց յուշարձանին առջեւ, ուր ձեռամբ Արժ. Տ. Միւռոն Քհն. Սարգիսեանի տեղի ունեցաւ հոգիհանգստեան պաշտօն եւ ծաղկեպսակներու զետեղում:

Պաշտօնական հանդիսութեան ներկայ կը գտնուէին Սենթ Գաթրինզի Քաղաքապետ՝ Ուալթըր Սենծիք, Դաշնակցային Խորհրդարանի անդամ՝ Քրիս Պիթլ, Նահանգային Խորհրդարանի անդամ եւ Օնթարիոյի նահանգային կառավարութեան ատենախօս՝ Ճիմ Պրատլի, Սենթ Գաթրինզի քաղաքապետական խորհուրդի անդամներ, մշակութային, քաղաքական, ընկերային եւ լրատուական այլ միութեանց անդամներ, ինչպէս նաեւ Հայ Կեդրոնի յարկին տակ գործող բոլոր միութեանց ներկայացուցիչները։

Յայտագրի հանդիսավար՝ Օրդ. Քարին Օհանեանի բացման խօսքէն ետք, ՀՕՄ-ի Շաբաթօրեայ «Յառաջ» Վարժարանի աշակերտները, ընկերակցելով գաղութի երիցագոյն անդամներէն՝ Ընկ. Սեպուհ Թոքաճեանի, միասնաբար վարեցին յաւերժութեան ջահը։ Ապա, Սենթ Գաթրինզի տեղական Հայ Դատի յանձնախոմբի անունով խօսք առաւ Ընկ. Միսակ Պէլեան: Ան յակիռճ տողերու մէջ փոխանցեց օրուան խորհուրդը եւ յատկապէս ընդգծեց Հայ ժողովուրդի պահանջատէր մնալու անհրաժեշտութիւնը: Ապա, յաջորդաբար խօսք առին Քաղաքապէտ Սենծիք, եւ Երեսփոխան Պիթլ, որոնք նմանապէս անհրաժեշտ նկատեցին նման դէպքերու նշումն ու անոնց նկատմամբ տարուող եւ դէռ տարուելիք հետեւողական աշխատանքնրու շարունակութիւնը։ Սենծիք եւ Պիթլ միանշանակ դրուատեցին Գանատահայութեան քաղաքական ջանքերը որոնք ի գործ կը դրուին ի խնդիր արդարութեան եւ ցեղասպանութեան ճանաչման։

Ընտրեալ պաշտօնատարներու խօսքերէն ետք, յայտագրի հանդիսավարը բէմ հրաուիրեց օրուան բանախօս եւ Հայ Դատի Շրջանային յանձնախումբի անդամ՝ Ընկ. Սիմոն Իզմիրեանը, որ յատկապէս հրաւիրուած էր Թորոնթոյէն։ Ընկ. Իզմիրեան իր հակիրճ, սակայն ազդեցիկ բանախօսութեան ընդմեջէն ներկայացուց համառօտ բաղդատական մը Թուրքիոյ վարած մերօրեայ քաղաքականութեան եւ Օսմանեան Կայսրութեան կողմէ որդեգրուած 1915-ի քաղաքականութեան միջեւ։ Ան նշեց թէ շատ բան չէ փոխուած եւ թէ հայութիւնն ու համայն մարդկութիւնը իրաւունք չունի անտարբեր մնալու Հայ դատին նկատմամբ։ Եզրափակելով իր խօսքը, Իզմիրեան ընդգծեց, թէ ոգեկոչման ու ճանաչման փուլը աւարտելով, համայն հայութիւնը այսօր պատրաստ է ներկայացնելու իր յստակ պահանջները, որուն արդար նուաճումը կարիքը ունի միասնական եւ աննահանջ աշխատանքի։

Ընկ. Իզմիրեանի խօսքէն ետք, բեմ հրաուիրուեցաւ Արժն. Միւռոն Քհնյ. Սարգիսեան, որ իր սրտի խօսքը փոխանցելէ ետք, Պահպանիչով» փակեց օրուայ հանդիսութիւնը։

Աւելի քան 1500 Թորոնթոհայեր Մասնակցեցան Կարօ Փայլանի Հետ Հանդիպումին

Թորոնթոհայութիւնը պատմական օր մը ապրեցաւ Ապրիլ 30ին, երբ Թուրքիոյ խորհրդարանի հայ պատգամաւոր Կարօ Փայլան այցելեց Թորոնթօ եւ հանդիպում ունեցաւ հայ համայնքին հետ, կը գրէ “Թորթնթոհայ”ը։

Հանդիպման ներկայ էին աւելի քան 1500 թորոնթոհայեր։ Ձեռնարկի  հովանաւորն էր Գանատայի Հայ Դատի յանձնախումբը, կազմակերպութեամբ՝ Թորոնթոյի Ս. Երրորդութիւն, Հայ Աւետարանական, Ս. Աստուածածին եւ Սուրբ Գրիգոր կաթողիկէ եկեղեցիներուն, ինչպէս նաեւ Պոլսահայ մշակութային միութեան, «Նոր Սերունդ» մշակութային միութեան եւ Թորոնթոյի Հայ Դատի յանձնախումբին։

Վերը նշուած կազմակերպութիւններու ներկայացուցիչներուն կողքին, ներկայ էին նաեւ ներկայացուցիչներ` «Զօրեան» Հիմնարկէն, Հայ Բարեգործական Ընդհանուր Միութենէն, Հայ Օգնութեան Միութենէն, Գանատայի Հայ Երիտասարդական Միութենէն, Թորոնթոյի հայ տարեցներու միութենէն, ՀՄԸՄ եւ Համազգային հայ մշակութային միութենէն, ինչպէս նաեւ Տիարպեքիրի Սուրբ Կիրակոս եկեղեցւոյ վերակառուցման ծրագրի պատասխանատու Ռաֆֆի Պետրոսեան։ Հանդիպումին ներկայ էին նաեւ ներկայացուցիչներ՝ Թորոնթոյի քրտական եւ ասորական համայնքէն։

Երեկոն սկսաւ կարճ տեսանիւթ-զեկոյցով մը, որ կը ներկայացնէր Կարօ Փայլանի վերջին տարիներու քաղաքացիակական գործունէութիւնը։

Հայ Դատի յանձնախումբի գործադիր-տնօրէն Սեւակ Պէլեան կարդաց կազմակերպիչ յանձնախումբին խօսքը եւ ներկայացուց Փայլանը։ Պէլեան հիւրը բնորոշեց իբրեւ հաւասարութեան, արդարութեան եւ ժողովրդավարութեան արժէքներ հետապնդող գործիչ։ «Պր․ Փայլան, ձեր գործունէութիւն համեստացնող եւ ոգեշնչող է։ Ոգեշնչում, որ կը ցուցաբերուի ուժի հաստատակամութեամբ, որ մեզ կը մղէ գնահատելու արդարութեան եւ ժողովրդավարութեան համար մեր պայքարի իսկական իմաստը», ըսաւ ան:

Ծափահարութիւններու տառափի մը տակ ամպիոն բարձրացաւ Կարօ Փայլան։ Ան ներկայացուց Թուրքիոյ մէջ ներկայ քաղաքական իրավիճակը, սահմանադրական հանրաքուէէն ետք շարունակական անորոշութիւնն ու մտահոգութիւնը Թուրքիոյ մէջ բնակող փոքրամասնութիւններուն համար։ Ան շեշտեց ոճիրները՝ յատկապէս Հայոց Ցեղասպանութիւնը, ճանչնալու կարեւորութիւնը, յայտարարելով, թէ «Անպատիժ յանցագործութիւնները կ՛առաջնորդեն նոր յանցագործութիւններու»։

Փայլան կարեւոր համարեց պահպանել ու արժեւորել ժողովրդավարութիւնը, հանդուրժողականութիւնը, յարգանքն ու մարդու իրաւունքները Թուրքիոյ Հանրապետութեան եւ ամբողջ աշխարհի մէջ։

Ներկաները հնարաւորութիւն ունեցան հարցումներ ուղղելու հիւրին, որմէ ետք Պէլեան բեմ հրաւիրեց Թորոնթոյի Հայ Կեդրոնի տնօրէն Յակոբ Ճանպազեանը, որպէսզի հիւրին յանձնէ կազմակերպիչ յանձնախումբին կողմէ նուէր մը։

Փայլանի ներկայութիւնը, անոր բացառիկ դատողութիւնները ոգեշնչեցին թորոնթոհայութիւնը, յատկապէս նոր սերունդները, որոնք ուխտած են մեր հաւաքական պայքարի ջահը վառ պահելու ամբողջ աշխարհի մէջ։

Կարօ Փայլան հիմնադիր անդամ է Ժողովուրդներու Ժողովրդավարական կուսակցութեան, եւ պատգամաւոր՝ Պոլսոյ երրորդ շրջանէն։ Ան Պոլսոյ հայ համայքի անդամ է եւ երկար ժամանակէ ի վեր ջատագով մարդու իրաւունքներու, խօսքի ազատութեան եւ ազգային փոքրամասնութիւններու, յատկապէս քրտական եւ հայկական հարցերու, որոնց մէջ նաեւ Հրանդ Տինքի սպանութեան դատին։

Մոսկուայի «Հայորդաց Տան» ՄԷջ Կայացաւ «Մաշտոցէն Մինչեւ Նարեկացի» Խորագիրով Ձեռնարկը

Ապրիլ 30-ին Մոսկուայի «Հայորդաց տան» հայոց պատմութեան ուսուցչուհի Աննա Թումանեանի` աւագ տարիքային խումբի առաջին դասարանի սաները ներկայացան ձեռնարկով  մը` «Մաշտոցէն մինչեւ Նարեկացի» խորագիրով:

Ինչպէս «Հայերն այսօր»-ին կը յայտնեն «Հայորդաց տան» տեղեկատուական կեդրոնէն, ձեռնարկի հեղինակ Աննա Թումանեան կարծես թատերականացուած դասի միջոցով ներկայացուց հայոց պատմութեան կարեւորագոյն ժամանակահատուածներէն մէկուն` աստուածատուր այբուբենի ստեղծումը, Մեսրոպ Մաշտոցի դիմաւորումը եւ ժողովուրդի ցնծութիւնը:

Հանդիսատեսին այդուհետեւ ներկայացուեցաւ մագաղաթներու ստեղծման անհրաժեշտութիւնը, պատմիչներու կրած դժուարութիւնները եւ ատոնց փրկութեան համար անձնազոհութեան պատրաստակամութիւնը: Պատմիչներու դերակատարներու շրթունքներով փոխանցուեցաւ, թէ ինչ դժուարին, ծախսատար եւ ժամանակատար էր մէկ գիրքի ստեղծումը, որ, յաճախ, հնարաւոր  եղած է կեանքի կոչել ամբողջ գիւղի նուիրատուութեան եւ խնայողութեան շնորհիւ: Եւ ինչ դժուարութեամբ որ ստեղծուած են մագաղաթները, նոյն դժուարութեամբ ալ ատոնք պահպանուած, գերութենէ փրկուած, երբեմն թաղուած եւ երկրորդ կեանք  ստացած են` հասնելով մեր օրեր եւ դառնալով անցեալի խօսուն եւ աղաղակող վկաները:

Աննա Թումանեան բեմադրական դիպուկ լուծումներու միջոցով նաեւ Գրիգոր Նարեկացիի եւ ներկայ սերունդի դերակատար-ներկայացուցիչներու միջեւ երկխօսութիւններ ստեղծած էր, որ նաեւ ներկաներուն համար իւրօրինակ հոգեւոր դաս էր:

«Շնորհակալութիւն Աննա Թումանեանին, որուն շնորհիւ այսօր մենք տեսանք մեր ազգի, մեր եկեղեցւոյ նուիրական արժէքները, մեր վարդապետներու, կաթողիկոսներու սուրբ ու նուիրական գործը:Տեսանք այն հաւատքն ու ոգին, որ ունեցած է մեր ժողովուրդը հազարամեակներ շարունակ ու այն նախանձախնդրութիւնը, որմով նուիրուած է գիրքին: Մեր տաղանդաւոր սաներու այս գեղեցիկ դասը ուղերձ  է բոլորիս, որ պահենք ու պահանենք մեր ունեցածը: Միաժամանակ Սրբազան Հօր օրհնութիւնը կը փոխանցեմ բոլորիդ, որպէսզի այն ուղեկցի ձեզի, որ կարենաք ապրիլ ինչպէս մեր ազգանուէր նախնիները եւ ըլլաք մեր սուրբ եկեղեցւոյ արժանաւոր զաւակներ»,- ձեռարկին աւարտին դիմելով ներկաներուն` ըսաւ «Հայորդաց տան» հոգեւոր տեսուչ Տէր Առաքէլ քահանայ Ամիրեան:

Ձեռնարկին ընթացքին հնչեցին կատարումներ Լենա Բեգլարեանի եւ Արմինէ Մարտիրոսեանի նուագակցութեամբ, իսկ ձեւաւորումը ստեղծած էր ՀԱԵ Քրիստոնէական առարկայի ուսուցչուհի Արմինէ Խաչատրեան:

%d5%b4%d5%b8%d5%bd%d5%af%d5%be%d5%a1 %d5%b4%d5%b8%d5%bd%d5%af%d5%be%d5%a11 %d5%b4%d5%b8%d5%bd%d5%af%d5%be%d5%a12 %d5%b4%d5%b8%d5%bd%d5%af%d5%be%d5%a13

Վազենք Արցախին Համար. Մարզական Օր Պէյրութի Վահան Թէքէեան Վարժարանին Մէջ

Ապրիլ 28-ը խանդավառ եւ իւրայատուկ մարզական օր մը եղաւ Պէյրութի Վահան Թէքէեան վարժարանին համար, քանզի աշակերտները հայկական բարձր տրամադրութեամբ պատրաստուեցան այս օրուան: Ինչպէս «Հայերն այսօր»-ին  կը գրեն վարժարանէն, նպատակը՝ ՎԱԶԵՆՔ ԱՐՑԱԽԻՆ ՀԱՄԱՐ: Այո՛, միշտ պատրաստ մեր սուրբ հողին պաշտպանման, որ այդքան թանկ է ու արժանի իւրաքանչիւր հայու համար:

Այս առիթով, վարժարանիս աշակերտներուն տրուեցաւ Արցախը խորհրդանշող կրծքանշաններ: Տեղի ունեցան տարբեր տեսակի մարզաձեւեր, ուր յաղթող աշակերտները ստացան համապատասխան յուշամետալներ ու գնահատագրեր: Օրուան ընթացքին վարժարանիս Ծնողաց յանձնախումբի ժրաջան տիկինները հրամցուցին համադամ ուտեստներ:

%d5%a1%d6%80%d6%81%d5%a1%d5%ad%d5%a1%d6%80%d6%81%d5%a1%d5%ad1%d5%a1%d6%80%d6%81%d5%a1%d5%ad3%d5%a1%d6%80%d6%81%d5%a1%d5%ad4%d5%a1%d6%80%d6%81%d5%a1%d5%ad6 %d5%a1%d6%80%d6%81%d5%a1%d5%ad7%d5%a1%d6%80%d6%81%d5%a1%d5%ad8%d5%a1%d6%80%d6%81%d5%a1%d5%ad9 %d5%a1%d6%80%d6%81%d5%a1%d5%ad10 %d5%a1%d6%80%d6%81%d5%a1%d5%ad11

Հայոց Ցեղասպանութեան 102-Տարելիցի Նշումը Պէյրութի Վահան Թէքէեան Միջնակարգ Վարժարանին Մէջ

Հայոց Ցեղասպանութիւնը կանխամտածուած ծրագիր մըն էր: Միութիւն եւ Յառաջդիմութիւն կուսակցութիւնը որոշած էր վերջ դնել Օսմանեան կայսրութեան մէջ հայերու ներկայութեան, իսկ Համաշխարհային Ա. պատերազմը լաւ առիթ մը կ’ընծայէր, որ աշխարհի հայեացքէն ծածկէր այդ ծրագրին գործադրութիւնը: Հայերու կոտորածն ու տեղահանութիւնը գործադրուեցան տարբեր փուլերով: Առաջին հերթին տեղի ունեցաւ զինաթափումը, ապա ձերբակալութիւնները եւ վերջապէս բնաջնջումը:

Հայ ժողովուրդը Եղեռնի յիշատակի օր ճշդած է Ապրիլ 24-ը, որովհետեւ այդ օր շուրջ 600 հայ մտաւորականներ, քաղաքական գործիչներ, աշխարհական եւ կրօնական ղեկավարներ ձերբակալուեցան եւ չարչարանքներով սպաննուեցան:

Ինչպէս «Հայերն այսօր»-ին  կը գրեն վարժարանէն, Երեքշաբթի 25 Ապրիլ 2017-ին, վարժարանիս միջն. Բ. եւ Գ. կարգերու աշակերտները մասնակցեցան Անթիլիասի Ս. Գրիգոր Լուսաւորիչ Մայր տաճարի բակին մէջ տեղի ունեցած աշակերտական հանրահաւաքին ոգեկոչելու համար Հայոց Ցեղասպանութեան 102-րդ յիշատակը։ Անոնք ծաղկեպսակ զետեղելով ցեղասպանութեան յուշակոթող մատրան առջեւ, յարգեցին յիշատակը մեր մէկ ու կէս միլիոն նահատակներուն։

Իսկ Չորեքշաբթի 26 Ապրիլ 2017-ին, վարժարանիս Յակոբ Պարսամեան սրահին մէջ, տեղի ունեցաւ Հայոց Ցեղասպանութեան ոգեկոչումը: Միջնակարգ Բ. դասարանէն Ռուպինա Օհան իր բացման խօսքին մէջ ներկայացնելով Ցեղասպանութեան արհաւիրքները, անդրադարձաւ թէ ինչպէս արդարութիւնը իր երեսը ծածկելով կորսուեցաւ պատմութեան ցեխաջուրին մէջ: Ան իր խօսքը շարունակելով ըսաւ, թէ եկած էինք ուխտի յանուն բիւրաւոր նահատակներուն, ինչպէս նաեւ յանուն արդարութեան ու մարդկութեան: Ան իր խօսքը եզրափակեց ըսելով, թէ մեր ժողովուրդի կենսալից ներկայութիւնը, հաւատաւոր պահանջատիրական կեցուածքն ու իմաստուն հետեւողականութիւնը եւ ամենակարեւորը՝ մեր հայորդիներու սխրալի անձնազոհութիւնները բանթուրքիստներուն պարտութեան մատնեցին… Եւ հայը չդարձաւ թանգարանային ցուցափեղկին մէջ բանտարկուած նմուշ, այլ գոյատեւեց ու զարգացաւ, իսկ անոր զուգահեռ՝ հետապնդեց եւ կը շարունակէ հետապնդել իր արդար դատը՝ Հայկական Հարցը:

Հայ ազգը իր պատմութեան ընթացքին մղած է ճակատագրական պատերազմներ,որոնց շնորհիւ ան գոյատեւած է մինչեւ այսօր, եւ այդ իրողութեան մէկ գեղեցիկ պատկերացումն էր Նախ. Դ.Ե. եւ Զ. դասարաններու աշակերտներու խմբերգը, թմբուկի կատարողութեամբ (Նախ. Դ. դասարանէն Սահակ- Ճօ Փափազեան) եւ շեփորի՝(Միջն. Գ. դասարանէն Դալար Գէորգեան): Ապա Միջն. Բ. դասարանէն վարդի Սալխանեան «Ախպերս ու Ես» մեներգով յուզեց ներկաները: Նախ. Ե. դասարանէն Կալի Շարպրաշեան հայրենասիրական ոգիով տոգորուած ասմունքեց «Հայրենի Տուն»ը, որմէ ետք Ռուպինա Օհան նազանքով ներկայացուց «Ծաղկած Բալենի» նազ պարը:

Հանդիսատեսներուն երեւակայութեան պաստառին վրայ տողանցեցին Մեծ Եղեռնի իրադարձութիւնները, Միջն. Գ. դասարանէն Դալար Գէորգեանի «Ղօղանջ Եղեռնական» ասմունքով: Իսկ Նախ. Դ. դասարանի աշակերտները Ուիլիըմ Սարոյեանի «Հայն ու Հայը» թատերախաղով եկան ըսելու, որ անհնար է աշխարհի վրայ տեսնել ոյժ մը, որ կարենայ բնաջնջել հայ ազգը:

Վերջապէս Պրն. Աւետիս Տիպան ներկայացուց օրուան պատգամախօս՝ Տիկ Ռոզէթ Ալէմեանը, որ վերջերս արժանացած էր Հ.Հ. Սփիւռքի նախարարութեան «Մայրենիի Պաշտպան» մրցանակին, առ ի գնահատանք կրթական, հրատարակչական եւ ազգային կեանքին մէջ  գործօն մասնակցութիւն բերելուն համար: Տիկ. Ռոզէթ  իր խօսքին մէջ անդրադարձաւ, թէ մեծ ուրախութիւն էր իրեն համար գտնուիլ բանաստեղծութեան իշխան՝ Վահան Թէքէեանի անուան վարժարանէն ներս: Ան բարձր գնահատեց այն աշխատանքը, որ կը տարուի հայրենասիրական  այս ամրոցը վառ պահելու համար: Ապա անդրադառնալով Ցեղասպանութեան ներկայացուց Օսմանեան կայսրութեան մէջ ապրող հայ ժողովուրդը եւ անոր պահանջած բարեփոխումները, որոնց հետեւանքով տեղի ունեցաւ Ցեղասպանութիւնը, ազատատենչ հայ տարրէն ձերբազատուելու դիտաւորութեամբ: Ան իր խօսքը շարունակեց ըսելով, թէ որպէս թոռներն  ու ծոռները վերապրող հայերուն,  պէտք է բարգաւաճինք, առանց լալու ու ողբալու պէտք է յիշենք մեր Ցեղասպանութիւնը, հաւատքով մօտենանք մեր Դատին, որպէսզի արդար հատուցում ստանանք:Պէտք է գուրգուրանք մեր լեզուին, մշակոյթին, երգին ու պարին հայկական դարբնոցներէն ներս, կառչած մնանք մեր քրիստոնէական հաւատքին, սիրենք մեր հայրենիքը եւ Արցախը: Ան ըսաւ, թէ մեր ոյժը մեր միասնականութեան մէջ է, եւ իր խօսքը եզրափակեց Պարոյր Սեւակի՝ «Կանք, պիտի լինենք ու դեռ շատանանք»ով:

Վերջապէս վարժարանիս տնօրէնուհի՝ Տիկ. Կալինա Նաճարեան բեմահարթակ բարձրանալով յուշանուէրով մը պատուեց հիւրը:

Այսօր բազմաթիւ երկիրներու մէջ Հայ Դատը որոշ չափով ճանաչում գտած է, սակայն ժամանակը հասած է հատուցման: Օսմանեան կայսրութեան ժառանգորդ Թուրքիան, որ կը շարունակէ մերժել Ցեղասպանութեան փաստը եւ ոչնչացնել անոր վերաբերեալ ամէն փաստաթուղթ, հարկ է պաշտօնապէս ճանչնայ Ցեղասպանութիւնը եւ կատարէ պէտք եղած հատուցումը:

%d5%a9%d5%a5%d6%84%d5%a5%d5%b5%d5%a1%d5%b61%d5%a9%d5%a5%d6%84%d5%a5%d5%b5%d5%a1%d5%b62%d5%a9%d5%a5%d6%84%d5%a5%d5%b5%d5%a1%d5%b63

 

 

Հայաստան Հաստատուած Սուրիահայ Երաժիշտները Հանդիպած Են Թեհրանի Հայոց Թեմի Առաջնորդին Հետ

Մայիս 1-ին Թեհրանի Հայոց թեմի առաջնորդ գերաշնորհ Տէր Սեպուհ արքեպիսկոպոս Սարգսեան Առաջնորդարանի իր գրասենեակին մէջ ընդունած է Հայաստան հաստատուած  սուրիահայ երաժիշտները:

Ինչպէս «Հայերն այսօր»-ը կը տեղեկանայ Առաջնորդարանէն, սուրիահայ երաժիշտներ` Սարգիս Ադամեան, Ժորժ Գէորգ Սարգսեան եւ Շանթ Դանիէլեան, Հայ մշակութային «Արարատ» կազմակերպութեան վարիչ մարմնին կողմէ հրաւիրուած են Իրան` ելոյթ ունենալու «Արարատ»-ի ձմեռնային ընթրիքներու  բաժինին մէջ:

Եռեակ խումբը մասնակցած է նաեւ «Արարատ» մարզաւանի «Սասունցի Դաւիթ» սրահին մէջ տեղի ունեցած ապրիլեան գլխաւոր ձեռնարկի գեղարուեստական յայտագիրին:

Երաժիշտներուն կ’ընկերակցէին Հայ մշակութային «Արարատ» կազմակերպութեան վարիչ մարմնի անդամներ Մելինէ Ծատրեան եւ Անահիտ Նազարեան:

Սրբազան Հայրը մեծապէս գնահատած է հիւրերու այցը Առաջնորդարան, զրուցած երիտասարդներուն հետ իրենց աշխատանքներուն մասին եւ յաջողութիւն մաղթած երաժիշտներուն:

 

ՀՀ Սփիւռքի Նախարարութեան ՄԷջ Տեղի Ունեցաւ Խորհրդակցութիւն

Մայիս 2-ին ՀՀ սփիւռքի նախարարութեան մէջ նախարար Հրանոյշ Յակոբեանի ղեկավարութեամբ տեղի ունեցաւ խորհրդակցութիւն, որուն կը մասնակցէին նախարարի տեղակալներ Սերժ Սրապիոնեան եւ Վահագն Մելիքեան, աշխատակազմի ղեկավար Ֆիրդուս Զաքարեան, կառուցուածքային ստորաբաժանումներու ղեկավարները:

Կառուցուածքային ստորաբաժանումներու ղեկավարները զեկուցեցին նախարարութեան ծրագիրներուն մասնակցութեան յայտերու, իրականացուցած ձեռնարկներու, յառաջիկայ ընելիքներու մասին, ներկայացուցին նոր առաջարկներ:

Նախարարը կարեւոր համարեց յառաջիկայ` «Աշխատանքի եւ արարումի շաբթուան» ծիրէն ներս  իրականացուող հանդիպումներու ու ձեռնարկներու պատշաճ կազմակերպումն ու լայն լուսաբանումը:

Քննարկուեցան կազմակերպական եւ աշխատանքային այլ հարցեր:

02-05

Սուրիահայութեան Օժանդակելու Դրամահաւաք Պելճիքայի Մէջ

Պրիւքսէլի մէջ Հայ առաքելական Սուրբ Մարիամ Մագտաղենացի եկեղեցւոյ մէջ, Մայիս 1-ին իրականացաւ սուրիահայութեան օժանդակելու դրամահաւաք: Այս մասին կը յայտնէ ՀՅԴ Հայ Դատի Եւրոպայի յանձնախումբի հաղորդակցութեան պատասխանատու Պետօ Տէմիրճեան։

Սուրիահայութեան աջակցութեան ուղղուած դրամահաւաքին միացած են Պելճիքայի մէջ գործող գրեթէ բոլոր հայկական կազմակերպութիւնները: Ներկայ եղած են Բերիոյ Հայոց թեմի առաջնորդ Շահան արքեպիսկոպոս Սարգիսեան, Հալէպի հայ համայնքի ներկայացուցիչ Կարօ Իւզպաշեան:

«Դրամահաւաքը նպատակ ունի սուրիահայութեան դիմագրաւած մարտահրաւէրները ներկայացնելու Պրիւքսէլի հայ համայնքին: Սրբազան հայրը ներկայացուցած էր կրօնական առումով իրենց ակնկալիքները, թէ այժմ ի՞նչ կարելի է ընել սուրիահայութեան համար: Կարօ Իւզպաշեան, իր հերթին, ներկայացուցած էր սուրիահայութեան խնդիրները: Պելճիքայի հայ համայնքը, այսպիսով, փորձեց նիւթական օժանդակութեամբ օգնել սուրիահայերուն»,- նշեց Պետօ Տէրմիրճեան:

Հաւաքուած գումարը, ըստ իրեն, սուրիահայերուն պիտի հասնի Մեծի Տանն Կիլիկիոյ կաթողիկոսարանին միջոցով, որ լաւ ծանօթ է սուրիահայերու խնդիրներուն:

«Հայ համայնքին հետ հանդիպումէն բացի, կ՝ակնկալուին նաեւ քաղաքական հանդիպումներ: Շահան արքեպիսկոպոս Սարգիսեան, Կարօ Իւզշաշեան Մայիս 2-ին եւ 3-ին պիտի մասնակցին Եւրոպայի Հայ Դատի յանձնախումբին կողմէ կազմակերպուած հանդիպումներուն. պիտի հանդիպին Պելճիքայի դաշնային եւ շրջանային մակարդակի խորհրդարաններու ներկայացուցիչներու հետ, նախատեսուած է հանդիպում Եւրոխորհրդարանի պատասխանատուներու հետ՝ նպատակ ունենալով իրազեկել սուրիահայերու խնդիրներուն մասին»,- ընդգծեց Պետօ Տէմիրճեան: