Փայլան Թուրքիոյ Խորհրդարանէն Կը Պահանջէ Ուսումնասիրել 1915-ի Տեղահանութեան Մասին Օրէնքին Հետեւանքները

Թուրքիոյ խորհրդարանի հայ պատգամաւոր Կարօ Փայլան Օսմանեան Կայսրութեան մէջ հայերու տեղահանութեան մասին օրէնքին հետեւանքները ուսումնասիրելու դիմում ներկայացուցած է խորհրդարանի ղեկավարութեան:

«Էրմենիհաբեր»-ի փոխանցմամբ, գրած է   «Ակօս» շաբաթաթերթը:

«Ժամանակաւոր տեղահանութեան օրէնք»-ը ընդունուած էր 1915 թուականի Մայիս 27-ին եւ ուժի մէջ մտած էր նոյն թուականի Յունիս 1-ին «Takvim-i Vekayi» պաշտօնաթերթին մէջ տպագրուելէն ետք:

Փայլան պահանջած է ուսումնասիրել այդ ժամանակարշրջանի կառավարութեան եւ պետական պաշտօնեաներու պատասխանատւութեան հարցը եւ տեղահանութեան հետեւանքներուն մինչեւ օրս շարունակուող ազդեցութիւնը:

Ան դիմումին մէջ ընդգծած է, որ «ժամանակաւոր տեղահանութեան օրէնք»-ին ընդունումէն ետք՝ Օսմանեան Կայսրութեան մէջ բնակող հայ բնակչութիւնը ենթարկուած է տեղահանման, բացի այդ, անիկա պատճառ դարձած է հայերու, ասորիներու, քաղտէացիներու, եզտիներու եւ յոյներու կոտորածին: Ըստ Փայլանի` չնայած 102 տարի անցած է, բայց վերոնշեալ օրէնքին հետեւանքները Թուրքիոյ ազգային մեծ ժողովին կողմէ չեն ուսումնասիրուած:

Փայլան նշած է, որ տեղահանութեան մասին օրէնքին պատճառով՝ բազաթիւ մշակութային արժէքներ ու անշարժ գոյք բռնագրաւուած է կամ ալ առգրաւուած է պետութեան կողմէն:

«Այս օրէնքին հարցով որեւէ շահարկում կանխելու,  «ճշմարտութեան» բացայայտման նպաստելու, ապագայ սերունդներուն` Թուրքիոյ մէջ ազատութեան եւ խաղաղութեան մէջ համատեղ  ապրելու հնարաւորութիւն ապահովելու նպատակով, կ՝առաջարկեմ, որ խորհրդարանը ուսումնասիրութիւն սկսի` համաձայն Սահմանադրութեան 98-րդ, ներքին կանոնադրութեան 104-րդ եւ 105-րդ յօդուածներուն»,- ըսած է հայ պատգամաւորը:

«Ոսկէ Ծիրան»-ը Թուրքիոյ Մէջ Հայկական Ֆիլմեր Պիտի Ցուցադրէ

«Ոսկէ ծիրան» Երեւանի միջազգային փառատօնը, այս ամիս Անգարայի միջազգային փառատօնին ծիրէն ներս, պիտի ներկայացնէ հայկական կարճատեւ եւ շարժապատկերային (անիմացիոն) ֆիլմերու ընդգրկուն ծրագիր:

«Ոսկէ ծիրան» փառատօնի մամուլի ծառայութեան տեղեկութիւններով՝ Անգարայի միջազգային փառատօնը, այս տարի, պիտի կայանայ Ապրիլ 21-30: Ծրագիրը կազմուած է 11 ֆիլմէ եւ կը ներառէ Նայիրա Մուրատեանի «Մարք եւ Մարկոս», Էդգար Պաղտասարեանի «Սիմոնի ճանապարհը», Տիանա Գարտումեանի «Տիալոկներ», Գագիկ Մատոյեանի «Ճանապարհ», Լեւոն Մինասեանի «Դաշնամուրը», Ալեքսանդր Պաղտասարեանի «Ճանապարհ», Յարութիւն Շատեանի «Բեռնելով կեանքս», Վահրամ Մխիթարեանի «Կաթնեղբայր», Հրանդ Վարդանեանի «Սպիտակ գառան երազը», Ալեն Մանուկեանի «Յարութիւն» եւ Համլէթ Վարդանեանի «Մնաս բարով, Վոլգա» ֆիլմերը:

Ծրագիրը ներկայացնող պատուիրակութեան կազմին մէջ են բեմադրիչներ Նայիրա Մուրատեան, Տիանա Գարտումեան եւ շարժանկարի քննադատ, «Ոսկէ ծիրան» փառատօնի ծրագրերու համադրող Ռաֆֆի Մովսիսեան, որ նաեւ Անգարայի միջազգային փառատօնի Կարճատեւ ֆիլմերու մրցութային ծրագրի ժիւրիի անդամ է:

«Ծրագրով ընդգրկուած ֆիլմերը ժամանակակից հայկական շարժանկարի լաւագոյն նմուշներէն են եւ մարդասիրութեան, հանդուրժողականութեան ու ազատութեան թեմատիկ ընդհանրութիւններ ունին»,- ըսուած է փառատօնի հաղորդագրութեան մէջ:

Հայկական շարժանկարները Անգարայի մէջ պիտի ներկացաուին Ապրիլ 28-ին եւ 29-ին:

Թեհրանահայ Աշակերտները Ոգեկոչեցին Ցեղասպանութեան 102-րդ Տարելիցը

Ապրիլ 19-ի առաւօտեան տեղի ունեցաւ Հայոց ցեղասպանութեան 102-րդ տարելիցի ոգեկոչման աշակերտական ծրագիրը Հ. Մ. «Արարատ» կազմակերպութեան «Սասունցի Դաւիթ» սրահին մէջ:

«Հայերն այսօր»-ը, յղում կատարելով Թեհրանի «Ալիք» օրաթերթին, կը յայտնէ, որ Թեհրանի Հայոց թեմի կրթական խորհուրդի միջոցով կազմակերպուած ծրագիրը նախատեսուած էր Հայոց միջնակարգ օղակին մէջ յաճախող աշակերտներուն, նաեւ` ուրբաթօրեայ դասընթացներուն մասնակցող աշակերտներուն համար:

Ծրագիրը մեկնարկեց «Մարի Մանուկեան» դպրոցի աշակերտական երգչախումբի Տէրունական աղօթքի կատարումով, որուն յաջորդեց  ծաղիկներու մատուցման արարողութիւնը, ուր աշակերտները յարգանքի տուրք մատուցեցին Հայոց ցեղասպանութեան եւ Արցախեան քառօրեայ պատերազմին զոհուած նահատակներու յիշատակը յաւերժացնող յուշակոթողին առջեւ:

Ձեռնարկը յագեցած էր ասմունքային եւ երգչախմբային կատարումներով, աշակերտներու կատարմամբ հնչեցին հայրենասիրական երգեր, ցուցադրուեցաւ տեսաֆիլմեր, ներառեալ` «Աւրորա» մրցանակաբաշխութեան մասին պատմող ֆիլմը:

Ընթացքին աշակերտները բարձրաձայն կանչերով եւ լոզունգներով իրենց ցասումն ու բողոքն արտայայտեցին ընդդէմ բռնակալ Թուրքիոյ պետութեան` պահանջելով Հայ դատի արդար ու վերջնական հանգուցալուծումը:

Ձեռնարկը  աւարտեց «Սարդարապատ» երգով:

%d5%a9%d5%a5%d5%b0%d6%80%d5%a1%d5%b61 %d5%a9%d5%a5%d5%b0%d6%80%d5%a1%d5%b62 %d5%a9%d5%a5%d5%b0%d6%80%d5%a1%d5%b63 %d5%a9%d5%a5%d5%b0%d6%80%d5%a1%d5%b64

 

Առցանց Հարցուպատասխան Արցախի Հանրապետութեան Վարչապետ Արայիկ Յարութիւնեանի Հետ

Արցախի Հանրապետութեան ֆէյսպուքեան պաշտօնական էջին վրայ մեկնարկած է վարչապետ Արայիկ Յարութիւնեանի հետ հինգերորդ առցանց հարցուպատասխանը, որուն ծիրէն ներս ֆէյսպուքի օգտատէրերուն եւ լրատուամիջոցներու ներկայացուցիչներուն հնարաւորութիւն կը տրուի հարցեր ուղղել Արցախի կառավարութեան ղեկավարին:
ինչպէս «Հայերն այսօր»-ին կը յայտնեն ԱՀկառավարութեան աշխատակազմի տեղեկատուութեան եւ հասարակայնութեան հետ կապերու բաժինէն, ֆէյսպուքի վրայ հարցեր ուղղելու համար պէտք է անցնիլ հետեւեալ յղմամբ`
https://www.facebook.com/events/1490218847707899/
իսկ twitter -ի վրայ` վարչապետի մամուլի քարտուղար Արտակ Բեգլարեանի պաշտօնական էջի միջոցով
https://twitter.com/A_Beglaryan
վարչապետին պատասխանները տեսանիւթի տարբերակով պիտի տեղադրուին youtube-ի վրայ կառավարութեան պաշտօնական ալիքին մէջ եւ վերոնշեալ էջերուն վրայ.
https://www.youtube.com/channel/UCijlxetE-xoBadXCzALP3hA
հարցերու հաւաքագրման վերջնաժամկէտը ապրիլ 30-ի ժամը 23:59-ն է:

 

 

«Աշխարհ Պէտք Է Ճանչնայ, Յարգէ Արցախի Ժողովուրդի Անկախութիւնն Ու Ազատութիւնը». Գլաուս Լանխէ Հազարեան

Ապրիլ 21-ին ՀՀ սփիւռքի նախարար Հրանոյշ Յակոբեան ընդունեց արժանթինահայ ճանչցուած լրագրող Գլաուս Լանխէ Հազարեանը:

Ողջունելով հիւրը` նախարարը կարեւոր համարեց հայազգի լրագրողի հայանպաստ գործունէութիւնը, ՀՀ սփիւռքի նախարարութեան նախաձեռնած «Դուն ինչ կ’ընես Արցախի համար»  համահայկական շարժման ծիրէն ներս կատարած աշխատանքները:

Գլաուս Լանխէ Հազարեան շնորհակալութիւն յայտնեց ջերմ ընդունելութեան համար եւ մասնաւորապէս նշեց. «Շուրջ քսանհինգ տարուան լրագրող եմ: Որպէս մասնագէտ, ինչպէս նաեւ մայրական կողմէ հայկական արիւն ունենալով` Արցախի հարցին անդրադառնալը ինծի համար շատ կարեւոր եւ օրակարգային է: Աշխարհը պէտք է ճանչնայ, յարգէ Արցախի ժողովուրդի անկախութիւնն ու ազատութիւնը:

Այդ նպատակով սկսայ Արժանթինի մէջ Արցախի մասին սպաներէն լեզուով տարաբնոյթ տեղեկատուութիւն տարածել, որպէսզի Արցախն ամբողջապէս ճանչցուի: Իմ ստեղծած www.soyarmenio.com.ar («Ես հայ եմ») կայքին մէջ առանձին «Լեռնային Ղարաբաղ» բաժին  բացած եմ, ուր յօդուածներ, լուրեր եւ այլ նիւթեր կը տեղադրեմ:

Իբրեւ հայ` ցանկութիւնս է լրագրողական աշխատանքով օգտակար ըլլալ Արցախին, նպաստել, որ Արցախն աշխարհի կողմէ ճանչցուի եւ արցախցին խաղաղ պայմաններու մէջ` առանց պատերազմի ապրի:

Կը կարծեմ` ՀՀ սփիւռքի նախարարութիւնը հիանալի նախաձեռնութիւն մը սկսած է` իրականացնելով «Դուն ինչ կ’ընես Արցախի համար» համահայկական շարժումը եւ 2017 թուականը Արցախի տարի հռչակելով:

Սա հիանալի առիթ է աշխարհասփիւռ հայերուն միախմբելու Արցախին սատարելու խնդրին շուրջ: Ես նոյնպէս կը միանամ համահայկական շարժման, միաժամանակ ուղիներ որոնելով` իմ շրջապատիս մէջ հնարաւորինս տարածելու այս ծրագիրը»:

%d5%b0%d5%a1%d5%a6%d5%a1%d6%80%d5%b5%d5%a1%d5%b61

Տեղի ունեցաւ «Կը Պատմեն Ցեղասպանութիւնը Վերապրածներու Շառաւիղները» Խորագիրով Ձեռնարկը

Ապրիլ 21-ին ՀՀ սփիւռքի նախարարութեան մէջ տեղի ունեցաւ «Կը պատմեն Ցեղասպանութիւնը վերապրածներու շառաւիղները» խորագիրով ձեռնարկը:

Ողջոյնի խօսքով հանդէս եկաւ ՀՀ սփիւռքի նախարար Հրանոյշ Յակոբեան: Ան մասնաւորապէս նշեց. «Սիրելի՛ հայրենակիցներ, 102 տարի առաջ Օսմանեան Թուրքիան իրականացրեց Հայոց ցեղասպանութիւնը: Մեր հայրենակիցներից շատերը տեղահանուեցին եւ բռնեցին գաղթի ճանապարհը: Բայց հայ ազգը ապրեց, արարեց եւ այսօր մենք աւելի քան 10 միլիոն ենք: Ցեղասպանութիւնը վերապրածների չորրորդ սերունդը` ծով դարձած հայ երիտասարդութիւնը, առանց վախի պահանջում է մեր Հայ Դատի արդարացի լուծումը»:

Նախարարը յատուկ շնորհակալութիւն յայտնեց այն օտարազգի մտաւորականներուն, որոնք կը գրեն եւ կը տպագրեն գիրքեր 1915թ. Հայոց ցեղասպանութեան մասին: «Նրանց մէջ կան նաեւ թուրքեր, ովքեր, երբ սկսում են ուսումնասիրել իրենց արմատները, յաճախ յայտնաբերում են հայկական ծագումը: Տարէցտարի աւելի ու աւելի մեծ թուով ծպտեալ հայեր են վերագտնում իրենց ինքնութիւնը: Մեր գերդաստանների պատմութիւնները` օգնում են մեզ վառ պահել անմեղ զոհերի յիշատակը», – ընդգծեց ՀՀ սփիւռքի նախարարը:

Ցեղասպանութիւնը վերապրածներու շառաւիղները ներկայացուցին իրենց գերդաստաններու պատմութիւնները: Գրող, հրապարակախօս Գրիգոր Ջանիկեան, շնորհակալութիւն յայտնելով Սփիւռքի նախարարութեան իր ընտանիքին պատմութիւնը ներկայացնելու հնարաւորութեան համար, պատմեց, թէ ինչպէս  մեծ մայրը Եփրատի աւազներուն վրայ զաւակներուն սորվեցուցած է գրել «Ես հայ եմ» նախադասութիւնը` յետագային, իրար կորսնցնելու պարագային, ճանչնալու նպատակով:

Գրող Սօսի Գեւոնեան նշեց, որ իր մեծ հայրը ծնած է Կեսարիա, ինք` Դամասկոս, այնուհետեւ գաղթած են Պէյրութ, Սպանիա, ԱՄՆ եւ վերջապէս հիմա իր ընտանիքով տեղափոխուած է Հայրենիք: «Ես երջանիկ եմ, որ վերջապէս հաստատուեցայ իմ երազած դրախտավայր Հայաստանի մէջ», – աւելցուց ան:

«Pomegranate music»-ի հիﬓադիր-տնօրէն Րաֆֆի Մենեշեան, պատմելով իր մեծ հօր եւ մօր պատմութիւնը` շնորհակալութիւն յայտնեց նախարարին եւ նախարարութեան հայկական մշակոյթի պահպանութեան ուղղուած իր գործունէութիւնը բարձր գնահատելու եւ  «Պօղոս Նուբար» մետալով պարգեւատրելու համար:

Ամերիկայի Հայ Աւետարանչական ընկերակցութեան Հայաստանի ներկայացուցիչ Յարութիւն Ներսիսեան խօսեցաւ Մարաշէն տեղահանուած իր ընտանիքին մասին: Իսկ դասախօս Հրաչուհի Պօղոսեան ներկայացուց իր գերդաստանին` Վասպուրականէն գաղթելու պատմութիւնը եւ այդ մասին իր հօր` Համբարձում Պօղոսեանի  գրած «Վասպուրականի գերդաստանի մը պատմութիւնը» գիրքը:

Հայոց ցեղասպանութեան մասին իրենց գերդաստաններու յիշողութիւնները ներկայացուցին նաեւ իրաքահայ հայրենադարձ Վարանդ Պետրոսեան, պատմաբան, Անի Ֆիշենկչեան եւ արժանթինահայ Լուիզա Հազարեան: Անոնք հաւաստիացուցին, որ Ապրիլ 24-ը մեր բոլորին մտածելու առիթ պէտք է  տայ` ինչ կ’ընենք 1,5 միլիոն զոհերու յիշատակը անմահ պահելու համար:

Նախարար Հրանոյշ Յակոբեան յանձնարարեց «Հայերն այսօր» պարբերականի խմբագրակազմին` բանալ «Պատմէ քու պատմութիւնդ» խորագիրով պատուհան, ուր Ցեղասպանութիւն վերապրածներու ժառանգները ոչ միայն հնարաւորութիւն կ’ունենան պատմելու իրենց պատմութիւնները, այլեւ շփուելու եւ ծանօթանալու իրար  հետ:

«Թշնամուց մեր վրէժը այն կը լինի, որ ապրենք ու արարենք, հզօրացնենք մեր երկու հայկական պետութիւնները` Հայաստանն ու Արցախը», – ամփոփեց ՀՀ սփիւռքի նախարարը:

ve8ap8a1ve8ap8a2ve8ap8a3ve8ap8a4ve8ap8a5ve8ap8a6ve8ap8a7ve8ap8a8 ve8ap8a9

Իտալահայ Գործարարը` Հայաստանի ՄԷջ Ներդրումներու Մասին

Ապրիլ 21-ին ՀՀ սփիւռքի նախարար Հրանոյշ Յակոբեան ընդունեց իտալահայ գործարար, Միլանի մէջ Սփիւռքի նախարարի խորհրդական Սարօ Խուտավերտին:

Ողջունելով հիւրերը` նախարար Հրանոյշ Յակոբեան կարեւոր նկատեց սփիւռքահայ գործարարի ջանքերը` Հայաստանի մէջ ներդրումային խոշոր ծրագիր իրականացնելու ուղղութեամբ: Երկարատեւ բանակցութիւններէ ետք ան յաջողած է համաձայնութիւն ձեռք բերելու խոշոր միջազգային կառոյցի մը հետ` Հայաստանի մէջ եւս մասնաճիւղ բանալու վերաբերեալ: Խօսքը առեւտուրի կազմակերպմամբ զբաղուող ”Future world trade LLC” կազմակերպութեան մասին է, որ մասնաճիւղեր ունի Իրանի, Թուրքիոյ, Մալիզիոյ, Մեծ Բրիտանիոյ մէջ: Հայաստանի մէջ կազմակերպութիւնը ցանցի միջոցով տարեկան 200 միլիոն տոլարի առեւտրական գործարքներ կ’իրականացնէ:

Սարօ Խուտավերտին շնորհակալութիւն յայտնեց ջերմ ընդունելութեան եւ քաջալերանքի համար: Ան մանրամասն ներկայացուց կազմակերպութեան հետ համագործակցութեան հեռանկարներն ու հնարաւորութիւնները, նշեց, որ նոր ծրագիրը պիտի նպաստէ Հայաստանի տնտեսական յառաջընթացին:

Կը Մեկնարկէ Հայաստանի Մանուկներ Հիմնադրամի Եւ «Մեգերեան Կարպետներ» Ընկերութեան Բարեգործական Ծրագիրը

Հայաստանի մանուկներ հիմնադրամը եւ «Մեգերեան կարպետներ» ընկերութիւնը պիտի մեկնարկեն նոր բարեգործական ծրագիր` նուիրուած «Մեգերեան կարպետներ»-ու 100-ամեայ յոբելեանին: «Մեգերեան կարպետներ» ընկերութեան հմուտ գորգագործներու օգնութեամբ Հայաստանի մանուկներ հիմնադրամի շահառու ՀՀ Արմաւիրի մարզի Վանանդ համայնքի երիտասարդները կ’աշխատին յոբելենական գորգի ստեղծման վրայ:

Ինչպէս «Հայերն այսօր»-ին կը յայտնեն հիմնադրամէն, բացումը  տեղի պիտի ունենայ ապրիլ 25-ին, ժամը` 16:30-ին, «Մեգերեան կարպետ» ձեռագործ գորգերու գործարանին մէջ (հասցէ` Մադոյեան փող. 9):

Ծրագիրի մեկնարկը կու տան «Մեգերեան կարպետ» ընկերութեան սեփականատեր Րաֆֆի Մեգերեան եւ Հայաստանի մանուկներ հիմնադրամի խորհուրդի ատենապետ դոկտոր Կարօ Արմէնը:

 

 

Հայոց Ցեղասպանութեան Նուիրուած Յիշատակի Արարողութիւն Երուսաղէմի Սրբոց Թարգմանչաց Վարժարանին Մէջ

Ապրիլ 21-ին Երուսաղէմի Սրբոց թարգմանչաց վարժարանը նշեց Հայոց ցեղասպանութեան 102-րդ տարելիցը` կազմակերպելով յիշատակի ցերեկոյթ:

«Հայ Երուսաղէմն այսօր» ֆէյսպուքեան էջի փոխանցմամբ` արարողութեան ընթացքին սաներուն կողմէ ներկայացուեցաւ գեղեցիկ գեղարուեստական յայտագիր: Արարողութեան մասնակցեցան նաեւ Հերցելիայի հրէական գիմնազիոնի սաները` գլխաւորութեամբ իրենց տնօրէնին:

%d5%a5%d6%80%d5%b8%d6%82%d5%bd%d5%a1%d5%b2%d5%a5%d5%b4%d5%a5%d6%80%d5%b8%d6%82%d5%bd%d5%a1%d5%b2%d5%a5%d5%b41%d5%a5%d6%80%d5%b8%d6%82%d5%bd%d5%a1%d5%b2%d5%a5%d5%b42%d5%a5%d6%80%d5%b8%d6%82%d5%bd%d5%a1%d5%b2%d5%a5%d5%b43%d5%a5%d6%80%d5%b8%d6%82%d5%bd%d5%a1%d5%b2%d5%a5%d5%b46 %d5%a5%d6%80%d5%b8%d6%82%d5%bd%d5%a1%d5%b2%d5%a5%d5%b47

 

«Փիւնիկ» Բարեգործական Հիմնադրամը Եղեւնի Տնկեց Հայոց Ցեղասպանութեան 102-րդ Տարելիցին Առիթով

Հայոց Ցեղասպանութեան 102-րդ տարելիցին նուիրուած, այսօր, Ցեղասպանութեան թանգարան-հիմնարկի այգիի հարակից տարածքին, Մարդկային միջոցներու զարգացման «Փիւնիկ» բարեգործական հիմնադրամը եղեւնի տնկեց։ Հիմնադրամին անունով ծառատունկը կատարեցին համանախագահներ Լեւոն Սարգսեան եւ Գաբրիէլ Չենպերճեան։ Այս մասին կը հաղորդէ Panorama.am-ը։

«Ապրիլ 24-ին առիթով այս հնարաւորութիւնը տրուեցաւ մեզի, որ ծառ մը տնկենք մեր հիմնադրամին անունով։ Ասիկա մեզի համար մեծ պատիւ է»,- նշեց «Փիւնիկ» բարեգործական հիմնադրամի նախագահ Գաբրիէլ Չենպերճեան։

Նշենք, որ յուշահամալիրի տարածքին գործող թանգարանի նոր մասնաշէնքին կառուցումն ու վերանորոգումը՝ Հայոց Ցեղասպանութեան 100-րդ տարելիցի նախաշեմին՝ ստանձնած էր Փիւնիկ հիմնադրամը:

Արարողութեան, հիմնադրամի անդամներէն բացի, ներկայ էին նաեւ ՀՀ Սփիւռքի նախարար Հրանոյշ Յակոբեան, Կրթութեան եւ գիտութեան նախարար Լեւոն Մկրտչեան, մշակոյթի նախարար Արմէն Ամիրեան, Հայոց Ցեղասպանութեան թանգարան-հիմնարկի տնօրէն Հայկ Դեմոյեան։

Հայոց Ցեղասպանութեան Սրբադասուած Նահատակներու Յիշատակը Ոգեկոչող Ձեռնարկներ Պարսելոնայի ՄԷջ

Հայոց ցեղասպանութեան 102-րդ տարելիցին ոգեկոչման եւ յիշատակի ձեռնարկներ տեղի պիտի ունենան Պարսելոնայի մէջ:

«Հայերն այսօր»-ի փոխանցմամբ` ապրիլ 23-ին, ժամը` 13:00-էն մինչեւ 15:00, ձեռնարկի մասնակիցները ծաղիկներ կը խոնարհեն Պարսելոնայի մէջ տեղադրուած հայկական խաչքարին մօտ, ինչպէս նաեւ մոմավառութիւն կը կազմակերպեն` ի յիշատակ Հայոց ցեղասպանութեան մէկ ու կէս միլիոն անմեղ նահատակներուն:

Ապրիլ 24-ին նախատեսուած է Հայոց ցեղասպանութեան սրբադասուած նահատակներուն նուիրուած գեղարուեստական յայտագիր:

%d5%a2%d5%a1%d6%80%d5%bd%d5%a5%d5%ac%d5%b8%d5%b6%d5%a11

Օլանտ Փարիզի Մէջ Կը Յարգէ Հայոց Ցեղասպանութեան Զոհերու Յիշատակը

Ֆրանսայի Հայկական կազմակերպութիւններու համակարգող խորհուրդը (CCAF) Հայոց ցեղասպանութեան 102-րդ տարելիցին նուիրուած ձեռնարկներ կազմակերպած է:

Խորհուրդը դեմոկրատներուն եւ մարդու իրաւունքներու պաշտպաններուն կոչ ըրած է Ապրիլ 24-ին հաւաքուելու Փարիզի մէջ Գանատայի հրապարակի Կոմիտասի յուշարձանին մօտ:  Ձեռնարկին ներկայ պիտի ըլլայ  նաեւ Ֆրանսայի նախագահ Ֆրանսուա Օլանտ:

Կը սպասուի, որ Օլանտ նաեւ հանդէս կու գայ ելոյթով, կը գրէ Արցախփրէսը:

 

 

 

Պուէնոս Այրէսը Ապրիլ 24-ը Հռչակած է Հայոց Ցեղասպանութեան Յիշատակի Օր

Պուէնոս Այրէսի քաղաքային օրէնսդիր մարմինը՝ Ապրիլ 20-ին կայացած նիստով՝ հաւատարիմ մնալով մարդու իրաւունքներու պաշտպանութեան յանձնառութեան՝ Ապրիլ 24-ը յայտարարած է թրքական պետութեան կողմէն իրականացուած Հայոց Ցեղասպանութեան յիշատակի օր` «Յիշողութիւն, ճշմարտութիւն, արդարութիւն եւ փոխհատուցում» կարգախօսին ներքոյ: Այս մասին կը յայտնէ Prensa Armenia-ն:

Օրէնսդիր մարմնի մարդու իրաւունքներու երաշխաւորման եւ հակախտրականութեան յանձնաժողովի նախագահ Ժոզէ Գամբանիոլիի եւ օրէնսդիր Գարլոս Թոմատայի համահեղինակած բանաձեւը կը վերաբերի նաեւ Ապրիլ 24-ին Արժանթինի մէջ Թուրքիոյ դեսպանի կեցավայրին դիմաց նախատեսուած ձեռնարկին, որ պիտի յաջորդէ տեղի հայ համայնքին կազմակերպած երթին:

Քաղաքային օրէնսդիր մարմինը նաեւ հաւանութիւն տուած է այդ օրը կայանալիք ձեռնարկներուն:

Լեհաստանի Մէջ Հայկական Համայնքի Ձեւաւորման 650-Ամեակին Նուիրուած Ցուցահանդէս Ազգային Պատկերասրահին Մէջ

Ապրիլ 25-ին, ժամը` 18:30-ին, Հայաստանի ազգային պատկերասրահին մէջ կը բացուի  «ԼՈՒՈՎԻ ՀԱՅԿԱԿԱՆ ՏԱՃԱՐԻ ՎԵՐԱԾՆՈՒՆԴԸ»  խորագիրով ցուցահանդէսը` նուիրուած Լեհաստանի մէջ հայկական համայնքի ձեւաւորման 650-ամեակին:

Եւրոպայի ամենախոշոր եւ ազդեցիկ հայկական գաղթօճախներէն մէկը ձեւաւորուած է Լուովի մէջ` 13-14-րդ դարերուն, որ երկար ժամանակ եղած է լեհահայերու հոգեւոր ու վարչական կեդրոնը: Ցուցադրութիւնը պատրաստուած է Կրակովի մշակոյթի միջազգային կեդրոնին կողմէ: Այն կ´իրականացուի ՀՀ Լեհաստանի դեսպանութեան եւ Հայաստանի ազգային պատկերասրահին հետ համատեղ:

Ցուցադրութիւնը  պիտի շարունակուի մինչեւ մայիս 27: