Հայոց Ցեղասպանութեան 102-րդ Տարելիցին Նուիրուած Ձեռնարկներ Չեխիոյ Մէջ

Ապրիլ 20-ին` ժամը 12:00-12:30, Փրակայի մէջ տեղի պիտի ունենայ «Փրակայի հայ երիտասարդական միութեան» կողմէ կազմակերպուած լուռ բողոքի ցոյցը:

Ցոյցին նպատակն է յիշեցնել հասարակութեան Հայոց Ցեղասպանութեան մասին եւ պահանջել Չեխիոյ խորհրդարանէն չլռել, գործել եւ ընդունիլ Հայոց Ցեղասպանութիւնը։ Այս մասին, ըստ PanArmenian.net-ի, կը տեղեկացնէ Չեխիոյ հայ համայնքի «Ապրիլ 24» կոմիտէն:

Ապրիլ 22-ին` ժամը 17-ին, Եիհլաւայի Սուրբ Հոգի եկեղեցւոյ մէջ տեղի պիտի ունենայ Հայոց Ցեղասպանութեան 102-րդ տարելիցին նուիրուած արարողութիւն, որուն ներկայ պիտի ըլլան Չեխիոյ մէջ ՀՀ դեսպան Տիգրան Սէյրանեանը, Ուրարտու Հայ-չեխական միութեան նախագահ Ալեքսանդր Սարգսեանը, իսկ ժամերգութիւնը պիտի իրականացնէ Չեխիոյ հոգեւոր հովիւ Բարսեղ վարդապետ Փիլաւճեանը:

Ապրիլ 23-ին` ժամը 15-ին, Պռնօ քաղաքի Հուսինեան եկեղեցւոյ մէջ տեղի պիտի ունենայ Սրբոց նահատակաց արարողութիւն, որ պիտի մատուցէ Չեխիոյ հոգեւոր հովիւ Բարսեղ վարդապետ Փիլաւճեան: Ապրիլ 24` 15:00-ին, Ծաղիկներ պիտի դրուին Ֆրանց Վերֆելի տան մօտ, 15:30-ին ծաղիկներ պիտի դրուին խաչքարի մօտ: Ժամը 16:00 քայլերթ պիտի մեկնարկէ: 17:30-ին` եկեղեցական արարողութիւն, յուշ-ձեռնարկ Ս.Հոգի եկեղեցւոյ մէջ

Թրամփէն Մեր Ակնկալիքը Հայոց Ցեղասպանութեան Հարցով Ազնիւ Դիրքորոշում Ունենալն է․ Արամ Համբարեան

Դեռ կը սպասենք, պէտք է տեսնենք` արդեօ՞ք Միացեալ Նահանգներու նախագահ Տանըլտ Թրամփ Ապրիլ 24-ին պիտի նախընտրէ խօսիլ փաստերու լեզուով, թէ՞ տուրք պիտի տայ Թուրքիոյ ճնշումներուն: Tert.am-ի հետ զրոյցի ընթացքին խօսելով ԱՄՆ նախագահ Տանըլտ Թրամփին ուղղուած Հայոց ցեղասպանութեան զոհերու յիշատակը ըստ արժանուոյն յարգելու կոչին` ըսած է Ուաշինկթընի Հայ դատի գրասենեակի գործադիր տնօրէն Արամ Համբարեան, որ նախաձեռնութեան հիմնադիրներէն է:

«Եթէ ան մատնանշէ բարոյական արժէքներու, պատմական փաստերու մասին, ան շատ ճշմարիտ բան պիտի ընէ: Կը նշանակի, որ ան ըստ արժանուոյն կը յարգէ Հայոց ցեղասպանութեան զոհերու յիշատակը»,- ըսած է ան:

Արամ Համբարեան նշած է, որ ԱՄՆ-ի մէջ Թուրքիոյ կողմէ գործադրուող ճնշումը որոշիչ կ՛ըլայ միշտ․ անոնք ամէն ինչ կ՛ընեն, որ ԱՄՆ-ի վարչակազմէն եւ ոչ ոք արտասանէ Հայոց ցեղասպանութիւն բառակապակցութիւնը:

«Դեռ ժամանակ կայ, տեսնենք` Տանըլտ Թրամփ պիտի հետեւի՞ պատմութեան, փաստերուն, բարոյական արժէքներուն, թէ՞ Թուրքիոյ ճնշումներուն պիտի ենթարկուի»,- ըսած է Արամ Համբարեան:

Անդրադառնալով ԱՄՆ նոր նախագահ Թրամփի քաղաքականութեան` ան նշած է, որ իրենք հիմա կը փորձեն հասկնալ` ինչպէս Միացեալ Նահանգներու նոր վարչակազմը կ՛աշխատի, որքան երկրի կառավարումը կ՛առաջնորդուի նախագահի որոշումներով եւ որքան` Արտաքին գործոց նախարարութեան որոշումներով:

«Մենք դեռ կը փորձենք ատիկա հասկնալ, դեռ ամբողջովին պարզ չէ: Դեռ պէտք է պարզենք, թէ ԱՄՆ նոր վարչակազմին մէջ ինչպէս աշխարհաքաղաքական, արտաքին քաղաքական եւ այլ հարցերով որոշումները կը կայացուին»,- ըսած է ան:

Հարցումին, թէ ինք, իբրեւ հայկական հարցերւ լոպպինկը իրականացնող կառոյցի ղեկավար, ինչպէ՞ս կը գնահատէ ԱՄՆ նոր վարչակազմի հետ աշխատանքներու հնարաւորութիւնը, արդեօ՞ք հեշտ է անոնց հետ աշխատիլը, ան պատասխանած է․ «Ամերիկայի Հայ դատի յանձնախումբը միշտ կ՛աշխատի քոնկրեսականներու հետ եւ անոր հետ, որ կ՛ընտրուի նախագահ: Ատիկա մեր պարտականութիւնն է: Մենք որեւէ որոշում կայացնելու ատեն կը փորձենք հասկնալ, թէ ինչպէս կրնանք օգնել Հայաստանին: Այդ պատճառով մենք բոլորին հետ գործ կ՛ունենանք: Եթէ Քոնկրեսի կամ Ծերակոյտի անդամները ցանկան Հայաստանին օգնել, ցանկան ճանչնալ Հայոց ցեղասպանութիւնը, մենք անոնց հետ կ՛աշխատինք: Մենք կ՛աշխատինք մեր բոլոր խնդիրներու ուղղութեամբ»:

Արամ Համբարեան, վերադառնալով ԱՄՆ-ի կողմէ Հայոց ցեղասպանութեան ճանաչման հաւանականութեան թեմային, նշած է, որ տարիներ առաջ Թուրքիան շատ աւելի լաւ յարաբերութիւններ ունէր այն մարդոց հետ, որոնք կրնային կանխել Հայոց ցեղասպանութեան ճանաչումը Միացեալ Նահանգներու մէջ:

«Բայց հիմա անոնք չունին այդ յարաբերութիւնները: Բացի այդ, Միջին Արեւելքի մէջ հիմա կատարուողը նման է Հայոց ցեղասպանութեան, եւ ես կը կարծեմ, որ շատ ամերիկացիներ ատիկա կը տեսնեն: Նաեւ պէտք է պահել խոստումը` Հայոց ցեղասպանութեան թեման միշտ ԱՄՆ-ի մէջ ուշադրութեան կենտրոնին պահելով: Եւ պիտի գայ օր մը, երբ Թուրքիան այլեւս պիտի  չկարենայ ազդել ամերիկեան քաղաքականութեան վրայ»,- ըսած Համբարեան:

Անոր խօսքով` անկախ ամէն ինչէ, իրենք կը փորձեն այլ ուղղութիւններով ալ հայկական խնդիրները առաջ տանիլ: Ան յիշատակեցած է, որ ԱՄՆ 4 նահանգ արդէն ճանչցած է Հայոց ցեղասպանութիւնը: Այս տարի Ապրիլ 20-ին ԱՄՆ նոր նախագահէն ակնկալիքը մէկն է` Թուրքիոյ` լռեցնելու քաղաքականութիւնը մերժելը ու Հայոց ցեղասպանութեան հարցով ազնիւ դիրքորոշում ընդունիլը:

Յիշեցնենք, որ նոր ընտրուած նախագահ Տանըլտ Թրամփ իր քարոզարշաւի ժամանակ երբեք չէ խօսած հայկական հարցերու շուրջ, Հայոց ցեղասպանութեան ճանաչման հետ կապուած եւս ոչ մէկ խոստում տուած է:

Նշենք նաեւ, որ Միացեալ Նահանգներու Քոնկրեսի աւելի քան 80 անդամներ կոչ ուղղած են նախագահ Տանըլտ Թրամփին ճանչնալու Հայոց ցեղասպանութիւնը:

«Լիբանանահայ Վարժարաններու Ուսուցիչներու Մասնագիտական Մշակում» ծրագրի մեկնարկը

Գալուստ Կիւլպէնկեան հիմնարկութեան հայկական համայնքներու բաժանմունքը եւ Պէյրութի Հայկազեան Համալսարանը ուրախ են յայտարարելու «Լիբանանահայ Վարժարաններու Ուսուցիչներու Մասնագիտական Մշակում» ծրագրի մեկնարկը: Սոյն ծրագրի նպատակն է, մանկավարժութեան ժամանակակից գիտութեան հետ համընթաց, մասնագիտական վերամշակման առիթ ստեղծել լիբանանահայ ուսուցիչներու եւ կրթական մարզի պատասխանատուներու համար:

Լիբանանահայ 23 վարժարաններ, որոնք նախորդ հանգրուանին մասնակցած էին ինքնարժեւորման աշխատանքին, սոյն ծրագրին մասնակցելու առիթը ունին: Իւրաքանչիւր վարժարանի կողմէ ընտրուած 4-6 ուսուցիչներ կամ կրթական պատասխանատուներ հնարաւորութիւնը պիտի ունենան մասնակցելու մէկ տարուան վրայ երկարող այս ծրագրին, որուն մասնակիցներուն թիւը պիտի ըլլայ առաւելագոյնը 150:

Ծրագիրը պիտի ընդգրկէ աշխատանքային սեմինարներ, որոնք պիտի ներկայացուին 8 հանդիպումներու ընթացքին: Նիւթերը պիտի ըլլան այլազան, ինչպէս օրինակ՝ մանկավարժական գործի ղեկավարութիւն, դասանիւթերու համակարգերու մշակում, քննական մտածողութեան զարգացում, տեղեկատուական արհեստագիտութեան դասարանային օգտագործում, արտա-դասարանային աշխատանքներու դերը՝ սորվելու գործընթացին մէջ, լեզուներու եւ ուսողութեան դասաւանդման առաւելագոյն արդիւնաւէտութեան մեթոտներ, եւայլն: Աշխատանքային սեմինարներն ու հանդիպումները պիտի մատուցուին համալսարաններու դասախօսներու եւ այլ երկիրներէ հրաւիրուած վերոնշեալ նիւթերու մասնագէտներու կողմէ: Մասնակիցները առիթ պիտի ունենան մշակելու գործնական աշխատանքներ, որոնց արժեւորումը պիտի կատարեն դասախօսներն ու մասնագէտները:

Ծրագրինկրնան մասնակցիլ բոլոր դասանիւթերու  ուսուցիչներ, ինչպէս նաեւ տնօրէններ, որոնք հետամուտ են կրթական մարզէն ներս նոր հմտութիւններ ձեռք ձգելու եւ մանկավարժութեան ժամանակակից մօտեցումներու քննարկումով, իրենց տեսական եւ գործնական գիտելիքները առաւել եւս զարգացնելու:

Այս ծրագիրը լիբանանահայվարժարաններուն մատուցուած ծառայութիւն մըն է, որուն ծախսերը  կը հոգայ Գալուստ Կիւլպէնկեան հիմնարկութիւնը: Ծրագրին համակարգումն ու իրագործումը պիտի կատարեն Հայկազեան Համալսարանի Մանկավարժութեան բաժանմունքն ու Շարունակական Ուսումնառութեան Կեդրոնը:

Այս նախաձեռնութիւնը մաս կը կազմէ Գալուստ Կիւլպէնկեան հիմնարկութեան կողմէ որդեգրուած հայկական վարժարաններու եւ մանկավարժութեան վերաբերող նոր ռազմավարութեան: Ան շարունակութիւնն է այս ծիրէն ներս ստեղծուած Լիբանանի Յատուկ Նշանակութեան Յանձնախումբին եւ՝լիբանանահայ վարժարաններու ուսուցիչներու մասնագիտական  վերամշակման առնչութեամբանոր թելադրանքներուն: Այս ծրագիրը յատկապէս մշակուած է  լիբանանահայ վարժարաններուն համար: Հիմնարկութեան վարժարաններու նիւթական յատկացումները կը շարունակուին, ինչպէս նաեւ արեւմտահայերէնի պաշտպանութեան եւ զարգացման սատարելու իր նախաձեռնութիւնները:

Սիւնիքի Մէջ Ազատ Տնտեսական Գօտի Ստեղծելու Մասին Պայմանագիրը Ստորագրուած է

Ապրիլ 19-ին «Սիւնիք ազատ տնտեսական գօտի» ընկերութեան եւ Տնտեսական զարգացման եւ ներդրումներու նախարարութեան միջեւ ստորագրուած է ազատ տնտեսական գօտի ստեղծելու մասին պայմանագիր: Անիկա ստորագրած են ՀՀ տնտեսական զարգացման եւ ներդրումների նախարար Սուրէն Կարայեանն ու «Սիւնիք ազատ տնտեսական գօտի» ՍՊԸ տնօրէն Էդուարդ Ղուկասեանը:

Պայմանագրի ստորագրումէն ետք ՀՀ տնտեսական զարգացման եւ ներդրումներու նախարարի տեղակալ Յովհաննէս Ազիզեան լրագրողներուն յայտնած է, որ գօտիի ստեղծման համար մշակոած են ծրագիրներ, գտնուած են ներդրող եւ ընդունուած է ազատ տնտեսական գօտի (ԱՏԳ) ստեղծելու մասին ՀՀ կառավարութեան որոշումը եւ ստորագրուած պայմանագիր կազմակերպիչին հետ, կը գրէ Aysor.am-ը:

«Առաջին փուլին կազմակերպիչին կողմէ պիտի իրականացուի մօտ 10 միլիոն տոլարի ներդրում, իսկ ԱՏԳ գործունէութեան ընթացքին կ՛ակնկալուի ներգրաւուել մօտ 120 շահագործող ընկերութիւններ, որոնք պիտի իրականցնեն 350-400 միլիոն տոլարի ներդրում, պիտի ստեղծուի աւելի քան 2500 նոր աշխատատեղ, իսկ միջին տարեկան արտահանումը պիտի կազմէ մօտ 80-100 միլիոն տոլար»,- ընդգծած է ան:

Կը նախատեսուի ազատ տնտեսական գօտին շահագործման յանձնել մինչեւ տարեվերջ:

Ապրիլ 23-ին Եւ 24-ին Երեւանի ՄԷջ Փակ Փողոցներ Պիտի Ըլլան

Ապրիլ 23-ին եւ 24-ին Երեւանի շարք մը փողոցներու մէջ պիտի  դադրեցուի փոխադրութեան միջոցներու երթեւեկութիւնը: Ատիկա պայմանաւորուած է Հայոց ցեղասպանութեան զոհերու յիշատակի ձեռնարկներով:

Ապրիլ 23-ին` ժամը 20:00-ին, Ֆրանսայի հրապարակէն ջահերով երթի մեկնարկի կապակցութեամբ փակ կ’ըլլան Բաղրամեան պողոտան, Կիեւեան փողոցը եւ Ծիծեռնակաբերդի յուշահամալիրին հարող հատուածները:

Ապրիլ 24-ին`առաւօտեան ժամը 06:30-էն մինչեւ 23:00,երթեւեկութիւնը կը դադրեցուի Լենինգրադեան-Աթէնք փողոցներու խաչմերուկէն` Աթէնքի փողոցը մինչեւ Աթէնքի փողոց-Իսակովի պողոտայ եւ Հրազդանի կիրճէն դէպի Իսակովի պողոտայ հատուածները, կը յայտնէ Ճանապարհային ոստիկանութիւնը:

 

 

Հայաստանցի Դասախօսը` ԱՄՆ-ի ՄԷջ Ճանչցուած է Որպէս Անգլերէնի Լաւագոյն Ուսուցիչ

ԱՄՆ-ի մէջ 2017թ. անգլերէն լեզուի լաւագոյն դասաւանդող  ճանչցուած է հայազգի Սուսաննա Մաքֆիլոմը: Ան արժանացած է ամերիկացի դրամատուրգ, բանաստեղծ եւ երգահան Սթիւըն Սոնտհայմի մրցանակին:

Մաքֆիլոմին, որուն հեղինակաւոր մրցանակին համար առաջադրած էին անոր ուսանողները, ամերիկեան «Քենետի» կեդրոնի որոշմամբ ընդգրկուած էր տարուան անգլերէնի լաւագոյն դասաւանդողներու տասնեակին մէջ, կը գրէ Sputnik-Արմէնիան Alexandria News-ի  յղումով:

Սուսաննա Մաքֆիլոմին ԱՄՆ տեղափոխուած է Հայաստանէն, ուր երկար տարիներ դասաւանդած է Երեւանի մանկավարժական համալսարանին մէջ, ինչպէս նաեւ եղած է պաշտօնատար անձանց թարգմանիչ: ԱՄՆ-ի մէջ Մաքֆիլոմին դասաւանդած է Վիրճինիա եւ Եութա նահանգներու ուսումնական հաստատութիւններուն մէջ: 2013-ին Սուսաննան լեզուներու մասնաւոր դպրոց բացած է Ալեքսանտրիա քաղաքին մէջ:

 

 

Տեղի Ունեցաւ Տոուն Անահիտ ՄակՔինի «Հարիւրամեայ Ճանապարհ. Հայկական Ոդիսական» Գիրքի Շնորհանդէսը

Ապրիլ 19-ին ՀՀ սփիւռքի նախարարութեան մէջ տեղի ունեցաւ Տոուն Անահիտ Մակքինի «Հարիւրամեայ ճանապարհ. Հայկական ոդիսական» գիրքի շնորհանդէսը, որուն մասնակցեցան ՀՀ սփիւռքի նախարար Հրանոյշ Յակոբեան, Հայաստանի ամերիկեան համալսարանի նախագահ Արմէն Տէր-Կիւրեղեան, մտաւորականներ, ուսանողներ, հիւրեր:

Ողջոյնի խօսքով հանդէս եկաւ ՀՀ սփիւռքի նախարար Հրանոյշ Յակոբեան: Կարեւոր համարելով ցեղասպանութիւնը վերապրածի յիշողութիւններու մասին թոռնուհիի անգլերէն գիրքի ծնունդը` նախարարը մասնաւորապէս նշեց. «Մեր սիրելի Անահիտի պապիկը դաժան ճակատագիր է ունեցել շատ ու շատ հայերի նման, որովհետեւ թուրքը որոշել էր ջնջել հայերին, թողնել մէկ հայ, այն էլ թանգարանում: Ճակատագրի բերումով գրքի հերոսին յաջողւում է փախչել, փրկուել, ապաստան գտնել Սիրիայում: Պէտք է երախտապարտ լինենք արաբ ժողովրդին, որ օգնեց մեր հայրենակիցներին շտկել մէջքը, նաեւ` աշխարհասփիւռ դառնալ, արմատներ ձգել: Հայ ժողովրդի հիմնական նպատակը, մեր պապերի երազանքը` երեխաներին կրթելը, իրականութիւն դարձաւ: Վկայութիւնն այսօրուայ հզօր համայնքներն են Սփիւռքում, գրագէտ, կրթուած սերունդը: Այդ սերնդի ներկայացուցիչներից մէկը մեր այսօրուայ հիւրն է, որի երակներում հայկական արիւն է հոսում: Լսելով պապի պատմութիւնները, ընթերցելով նրա արաբական օրագրերը` հեղինակը հետաքրքրուել է անցեալի իրողութիւններով, գտել է իրեն հետաքրքրող հարցերի պատասխանները, համադրել է դրանք այսօր Սիրիայում եւ Իրաքում տեղի ունեցող իրադարձութիւնների հետ, իւրացրել ու շարադրել է իրեն յատուկ լրագրողական  ոճով: Գիրքն արժէքաւոր է, քանի որ գրուել է ոչ հայկական ազգանունով հեղինակի կողմից, որի մէջ արթնացել են հայկական արմատները, արժէքաւոր է, քանի որ գրուել է անգլերէնով եւ որ` պատմական յիշողութիւն է: Ուզում եմ բոլորիս շնորհաւորել այս գրքի ծննդեան առթիւ»:

Հայաստանի ամերիկեան համալսարանի նախագահ Արմէն Տէր-Կիւրեղեան շնորհակալութիւն յայտնեց Սփիւռքի նախարարութեան եւ նախարարին` գիրքը ներկայացնելու հիանալի առիթ ստեղծելու համար: Ան նշեց, որ գիրքը վերջերս  ընթերցած, հիացած  ու որոշած է անպայման հեղինակին Հայաստան հրաւիրել: «Այս օրերուն ան համալսարանի հիւրն է եւ դասախօսութիւններ կը կարդայ ուսանողներուն համար: Որպէս լրագրող եւ գրող` ան Շիգակոյի ամերիկեան շրջանակներուն կողմէ պարգեւներու  արժանացած է: Ի դէպ, հեղինակին անունը` Տոուն, թարգմանաբար կը նշանակէ Արշալոյս, որ շատ խոհրդանշական է », – աւելցուց ան:

Գիրքին հեղինակը նշեց. «Ինծի համար մեծ պատիւ է գիրքս առաջին անգամ ներկայացնել Հայաստանի մէջ, կիսել տպաւորութիւններս մեծհօրս յիշողութիւններուն մասին: Վերջին դէպքերը Սուրիոյ եւ Իրաքի մէջ կարծես կապող օղակ էին անցեալի եւ ներկայի միջեւ: Ես կրկին վերապրեցայ այդ յիշողութիւնները»:

ՀՀ սփիւռքի նախարարը ամերիկացի լրագրող, գրող Տոուն Անահիտ Մակքինին պարգեւատրեց նախարարութեան «Երախտագիտութեան» մետալով:

%d5%a3%d5%ab%d6%80%d6%841%d5%a3%d5%ab%d6%80%d6%842%d5%a3%d5%ab%d6%80%d6%843%d5%a3%d5%ab%d6%80%d6%844%d5%a3%d5%ab%d6%80%d6%845 %d5%a3%d5%ab%d6%80%d6%846

 

Տիգրան Չուխաջեանին Նուիրուած Ձեռնարկ Փարաքարի Դպրոցին ՄԷջ

Մարտ 24-ին Արմաւիրի մարզի Փարաքարի հիմնական դպրոցի IV դասարանի աշակերտները ՀՀ սփիւռքի նախարարութեան «Հայ մեծերը»  ծրագիրի ծիրէն ներս ներկայացուցին ` նուիրուած երգահանին,  Տիգրան Չուխաջեանին:

Ինչպէս «Հայերն այսօր»-ին կը յայտնեն դպրոցէն, ձեռնարկը կազմակերպած էին դասվար Զ. Մկրտչեան եւ երաժշտութեան ուսուցչուհի Ք. Օհանեան: Աշակերտները ներկայացուցին երաժշտութիւնը որպէս արուեստի տեսակ, որուն հիմքին մէջ ինկած են ձայնը եւ լռութիւնը: Բացատրեցին, թէ ինչ կը զգան ու կը  մտածեն  երաժիշտները, երգահանները, երբ կը ստեղծեն յետագային չմեռնող երաժշտութիւն: Ներկայացուցին Տիգրան Չուխաջեանի կենսագրութիւնը, ստեղծագործութիւնները, դիտեցին հատուած «Արշակ Երկրորդ» օփերայէն: Կատարեցին նաեւ բեմականացուած հատուած «Լեպլեպիճին» թատերգութենէն:

Ձեռնարկը  դիտեցին եւ գնահատեցին դպրոցի տնօրինութիւնը` տնօրէն Կ. Մակարեանի ղեկավարութեամբ, ուսուցչական կազմը: Ձեռնարկը, որ նախատեսուած էր դպրոցի IV-VI դասարաններուն համար, արժանացաւ բարձր գնահատանքի:

%d6%83%d5%a1%d6%80%d5%a1%d6%84%d5%a1%d6%80 %d6%83%d5%a1%d6%80%d5%a1%d6%84%d5%a1%d6%801 %d6%83%d5%a1%d6%80%d5%a1%d6%84%d5%a1%d6%803 %d6%83%d5%a1%d6%80%d5%a1%d6%84%d5%a1%d6%804 %d6%83%d5%a1%d6%80%d5%a1%d6%84%d5%a1%d6%805

 

 

 

Ղազախստանի Հայկական Մշակութային Կեդրոնը Կը Նշէ Գործունէութեան 20-ամեակը

Ապրիլ 14-ին Ղազախստանի Փեթրոփաւլովսկ քաղաքին մէջ մեծ շուքով նշուեցաւ տեղի «Կեդրոն» հայկական մշակութային կեդրոնի գործունէութեան 20-ամեակը:

Ինչպէս «Հայերն այսօր»-ին կը  յայտնեն մշակութային կեդրոնէն, «Մեր ուժը միասնութեան մէջ է» խորագիրով հանդիսութեան ներկայ էին Ղազախստանի մէջ Հայաստանի դեսպանութեան առաջին քարտուղար Մհեր Պատալեան, «Նայիրի» հայկական մշակութային կեդրոններու ընկերակցութեան նախագահ Արտուշ Կարապետեան, երկրի տարբեր մարզերու հայ համայնքներու, ինչպէս եւ Փեթրոփաւլովսկի այլ ազգային համայնքներու նախագահներ:

Հայ դիւանագէտը եւ համայնքային գործիչները ընդունեց Հիւսիս-ղազախստանեան մարզի Աքիմ Գումար Ակսակալովը: Հանդիպման ընթացքին քննարկուեցան մարզերու տնտեսութեան տարբեր  ոլորտներու զարգացման, Հայաստանի հետ առեւտրատնտեսական յարաբերութիւններու հաստատման, հայկական համայնքին նուիրուած հարցեր:

Այնուհետեւ հիւրերը այցելեցին «Ազգային վերածնունդի դպրոց», ուր իրականացուող ծրագիրներուն մասին պատմեցին դպրոցի տնօրէն Լեազատ Ժալմուկանովան եւ հայոց լեզուի ուսուցչուհի Սիլվա Ասլանեան:

Տպաւորիչ էր այցելութիւնը քաղաքի նորակառոյց մանկապարտէզ: 300 տեղանոց այս գերժամանակակից ու յարմարաւէտ մանկապարտէզը հայազգի գործարար Գարիկ Պերնեցեանի նուէրն է քաղաքի մանուկներուն եւ ծնողներուն:

Հիւրերը դիտեցին Փեթրոփաւլովսկի տեսարժան վայրերը, այցելեցին  քաղաքի կեդրոնական թանգարանը:

Ինչպէս յայտնեց մեզի Ղազախստանի մէջ Հայաստանի դեսպանութեան առաջին քարտուղար Մհեր Պատալեան, երեկոյեան Հիւսիս-ղազախստանեան մարզի Ազգերու վեհաժողովի պալատին մէջ տեղի ունեցաւ «Կեդրոն» համայնքի 20-ամեակին նուիրուած հանդիսաւոր արարողութիւն, յաջորդիւ` տօնական համերգ:

Ելոյթներ ունեցան եւ շնորհաւորանքի ու բարեմաղթանքի խօսքերով իրենց հայրենակիցներուն ողջունեցին դեսպանութեան 1-ին քարտուղար Մ. Պատալեան, Ա. Կարապետեան, քրտական, ուքրանական, լեհական, քորէական, հրէական  համայնքներու նախագահները: Դիւթիչ երգերով ու հայրենասիրական պարերով հանդիսատեսին գերեցին հայկական պարախումբի եւ կիրակնօրեայ դպրոցի սաները: Շնորհակալական խօսքով հանդէս եկաւ «Կեդրոն» համայնքի նախագահ Գէորգ Գէորգեան:

%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b6%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b61%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b62%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b63%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b66 %d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b67%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b68%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b69%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b610%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b611 %d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b612%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b613%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b614%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b615%d5%b2%d5%a1%d5%a6%d5%a1%d5%ad%d5%bd%d5%bf%d5%a1%d5%b616 %d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b612%d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b613%d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b614%d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b615%d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b616 %d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b617%d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b618%d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b619%d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b620%d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b621 %d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b622 %d5%b2%d5%a1%d5%a6%d5%a1%d5%ad%d5%bd%d5%bf%d5%bd%d5%b623

 

 

Յարութեան Տօնին Նուիրուած Ձեռնարկ Սուրկուտի Հայկական Կիրակնօրեայ Դպրոցին Մէջ

Ապրիլ 16-ին ՌԴ Սուրկուտ քաղաքի Գրիգոր Նարեկացիի անուան հայկական կիրակնօրեայ դպրոցին մէջ տեղի  ունեցած է Սուրբ Յարութեան տօնին նուիրուած ձեռնարկ:

Ինչպէս «Հայերն այսօր»-ին կը  յայտնեն դպրոցէն, իւրաքանչիւր նմանօրինակ ձեռնարկ օտար ափերու վրայ ապրող երեխաներուն համար հոգիի կանչ է, որմով անոնք կը հաղորդակցուին իրենց արմատներուն ու աւանդոյթներուն:

%d5%bd%d5%b8%d6%82%d6%80%d5%a3%d5%b8%d6%82%d5%bf%d5%bd%d5%b8%d6%82%d6%80%d5%a3%d5%b8%d6%82%d5%bf1%d5%bd%d5%b8%d6%82%d6%80%d5%a3%d5%b8%d6%82%d5%bf3%d5%bd%d5%b8%d6%82%d6%80%d5%a3%d5%b8%d6%82%d5%bf4%d5%bd%d5%b8%d6%82%d6%80%d5%a3%d5%b8%d6%82%d5%bf5 %d5%bd%d5%b8%d6%82%d6%80%d5%a3%d5%b8%d6%82%d5%bf6 %d5%bd%d5%b8%d6%82%d6%80%d5%a3%d5%b8%d6%82%d5%bf8 %d5%bd%d5%b8%d6%82%d6%80%d5%a3%d5%b8%d6%82%d5%bf9

Ջահերով Երթին Պիտի Մասնակցին Սփիւռքի Նախարարութեան Աշխատակիցները Եւ Հայաստանի Մէջ Հաստատուած Հայրենադարձները

Ապրիլ 23-ին, ժամը` 20:00-ին, տեղի պիտի ունենայ աւանդական Ջահերով երթը` նուիրուած Հայոց ցեղասպանութեան սրբադասուած նահատակներու յիշատակին:

«Հայերն այսօր»-ի փոխանցմամբ`  ՀՀ սփիւռքի նախարարութեան աշխատակիցները, Հայաստանի մէջ հաստատուած հայրենադարձները, Սփիւռքահայ ուսանողներու խորհուրդի անդամները նոյնպէս իրենց մասնակցութիւնը պիտի  բերեն երթին: Վերջիններս պիտի հաւաքուին Ազատութեան հրապարակին վրայ` Յովհաննէս Թումանեանի արձանին մօտ:

 

 

Սուրիոյ Հայկական Համայնքի Վերակառուցման Ուղղուած Ձեռնարկ Պելճիգայի ՄԷջ

Մայիս 1-ին, ժամը` 19:30-ին, Պրիւքսէլի Հայ Առաքելական Սուրբ Մարիամ Մագթաղինացի եկեղեցւոյ մէջ պիտի կայանայ «Օժանդակութիւն սուրիահայերուն» խորագիրով դրամահաւաք` ի նպաստ Սուրիոյ հայկական համայնքի վերակառուցման:

«Հայերն այսօր»-ի փոխանցմամբ` ձեռնարկին ներկայ պիտի ըլլայ Բերիոյ Հայոց թեմի առաջնորդ Շահան արքեպիսկոպոս Սարգիսեան եւ Հալէպի հայկական համայնքի ներկայացուցիչ Կարօ Եուզպաշեան:

Ձեռնարկը նախաձեռնած են ՀՅԴ Պելճիգայի կոմիտէն, ՀՅԴ Պելճիգայի Հայ դատի յանձնախումբը, Պելճիգայի Հայ Առաքելական եկեղեցին, ՀՕՄ-ը, դեմոկրատներու միութիւնը, Պելճիգայի հայերու կոմիտէն եւ «Հայաստան» հասարակական կեդրոնը:

 

 

Զատկուան Տօնակատարութիւններ «Հաուըրտ Գարակէօզեան» Կեդրոնին Մէջ

«Գարակէօզեան» հաստատութիւնը, իր մատուցած ընկերաբժշկական ծառայութիւններու կողքին,  յատուկ կարեւորութիւն կ՛ընծայէ ազգային եւ կրօնական տօներու աւուր պատշաճի յիշատակումին. արդարեւ, Ծաղկազարդի եւ Ս. Յարութեան տօները յատուկ կերպով նշուեցան  կեդրոնի յարկին տակ: Այսպէս`

Ա.- Ուրբաթ, 7 ապրիլ 2017-ին խմբակներու կիները ունեցան իրենց միացեալ տօնակատարութիւնը:

260 հայ կիներ համախմբուեցան Հայ աւետ. Շամլեան-Թաթիկեան վարժարանի սրահին մէջ: Բացման խօսքը կատարեց խմբակներու պատասխանատու, ընկերային ծառայող` Քրիստին Սարգիսեանը:

Օրուան խորհուրդն ու իմաստը ներկայացուց տեղեկատուական գրասենեակի պատասխանատու Ժանին Դանիէլեանը. ապա տեղի ունեցաւ հաւկթախաղ եւ կոկիկ հիւրասիրութեամբ եւ նուէրներու բաշխումով վերջ գտաւ հաւաքը:

Բ.- Շաբաթ, 8 ապրիլ 2017-ին տեղի ունեցաւ մանուկներու Ծաղկազարդի տօնակատարութիւնը:

Այստեղ նշենք, որ շաբաթ մը առաջ 230 հայ մանուկներ «Գարակէօզեան» հաստատութենէն ստացան հագուստի կտրօններ, որպէսզի գնեն Ծաղկազարդի իրենց նախասիրած հագուստները:

Ապրիլ 8-ին այս 230 մանուկները հաւաքուեցան հաստատութեան կեդրոնական սրահին մէջ` ծաղկազարդուած գունաւոր հագուստներով եւ այնտեղ մանկական խանդավառ մթնոլորտի մէջ անցուցին հաճելի պահեր:

Ծրագիրի պատասխանատու Քրիստին Սարգիսեան մանուկներուն ներկայացուց օրուան խորհուրդը:

Աւարտին տեղի ունեցաւ հաւկթախաղ, եւ մանուկները որպէս նուէր ստացան տուրմէ հաւկիթներ` տրամադրուած «ԺՊԻՏ» բարեսիրական հաստատութեան կիներուն կողմէ: Խմբային նկարով վերջ գտաւ հաւաքը:

Գ.- Երկուշաբթի, 10 ապրիլ 2017-ին հաստատութեան մէջ դպրոցէ զուրկ պատանիներու դասընթացքներուն հետեւող 25 հայ պատանիները եւս ունեցան իրենց Զատկուան տօնակատարութիւնը:

Ծրագրի պատասխանատուներէն Ժանին Դանիէլեան աշակերտներուն ներկայացուց օրուան խորհուրդը:

Աւարտին աշակերտները ունեցան հաւաքական ճաշ եւ հաւկթախաղ: Նուէրներու բաշխումով վերջ գտաւ հաւաքը:

Դ.- Երեքշաբթի, 11 ապրիլ 2017-ին լեզուներու դասընթացքներու հետեւող 26 կիները եւս ունեցան Զատկուան տօնակատարութեան իրենց բաժինը:

Ե.- Չորեքշաբթի, 12 ապրիլ 2017-ին սերտարանի աշակերտները «Սիուֆի»-ի հանրային պարտէզին մէջ ունեցան իրենց Զատկուան տօնակատարութիւնը:

Զ.- Այս բոլորէն անկախ, «Գարակէօզեան» հաստատութիւնը 400 հայ ընտանիքներու տրամադրեց զատկուան գաթայ պատրաստելու նիւթերը գնելու կտրօններ, որպէսզի հայ տուներուն մէջ բուրէ ընտանիքի անդամներու միասնական աշխատանքով պատրաստուած Զատկուան հիւրասիրութիւնը, ինչպէս նաեւ` վառ պահելու Զատկուան հայկական տոհմիկ աւանդութիւնը:

«Գարակէօզեան» հաստատութեան հիմնական նպատակն է բժշկական եւ ընկերային սպասարկութիւններու ճամբով հասնիլ հայ ժողովուրդի կարիքներուն եւ մանաւանդ տեսնել հայ մանուկը, որ կը մեծնայ առողջ` իր ընտանեկան հարազատ բոյնին մէջ:

Տեղին է յիշել, որ Դպրոցական առողջապահութեան ծրագիրը աւելի աշխուժ թափով կը գործէ հայ վարժարաններուն մէջ:

Կ՛ուզենք յայտարարել, որ մօտ օրէն «Գարակէօզեան» հաստատութիւնը իր հայ պարագաները պիտի ընդունի նորակառոյց շէնքին մէջ եւ մասնագիտացած եւ վերաորակաւորուած անձնակազմով պիտի մատուցէ իր ծառայութիւնները:

Այս մասին կը յայտնէ Ազդակ:

Պատերազմէն Վեց Տարի Անց Հալէպի Ազգային Գերեզմանատան Մէջ Մեռելոցի Առիթով Պատարագ Մատուցուած է

Ապրիլ 17ին առաւօտուն, ի յիշատակ մեռելոցի, Հալէպի Ազգային գերեզմանատան մէջ, 6 տարուան ընդմիջումէն ետք, Բերիոյ Հայոց Թեմի Առաջնորդ Տէր Շահան Սրբ. Արք. Սարգիսեան Սուրբ եւ Անմահ պատարագ մատուցեց՝ հոծ բազմութեան եւ հիւրերու ներկայութեան, կը հաղորդէ “Գանձասար”-ը:

Ապա սրբազան հայրը ներկայացուց օրուան պատգամը, որմէ ետք հանդիսաւոր թափօրը շրջագայեցաւ մատրան շրջափակին մէջ ու խաչաձեւ ուղղութեամբ հոգեհանգստեան արարողութիւն տեղի ունեցաւ՝ հալէպահայ ննջեցեալներու հոգիներուն խաղաղութեան համար:

Image may contain: 8 people, people standing and outdoor

Image may contain: 6 people, people standing

Image may contain: 12 people, people standing, wedding and outdoor

Image may contain: 9 people, people standing, suit and wedding

Image may contain: 8 people, people standing

Image may contain: 18 people, people standing, wedding and outdoor