«Մաքուր Եւ Կանաչ Հայաստան». Սփիւռքի Նախարարութեան Աշխատակազմը Մասնակցեցաւ Համաքաղաքային Շաբաթօրեակին. լուսանկարներ

Ապրիլ 15-ին, արձագանքելով Երեւանի քաղաքապետարանի կոչին, հայրենադարձներու նախաձեռնած «Մաքուր եւ կանաչ Հայաստան» շարժման ծիրէն ներս ՀՀ սփիւռքի նախարարութեան աշխատակազմը, «Հայրենիք-Սփիւռք կեդրոն» ՊՈԱԿ-ի աշխատակիցները, սփիւռքահայ ուսանողները եւ  հայրենադարձ ընտանիքները` ՀՀ սփիւռքի նախարար Հրանուշ Յակոբեանի գլխաւորութեամբ մասնակցեցան  համաքաղաքային շաբաթօրեակին:

Շաբաթօրեակի մասնակիցները մաքրեցին եւ  բարեկարգեցին Կոմիտասի անուան պանթէոնի տարածքը:

img_2435img_2436img_2398img_2400img_2401img_2261img_2265img_2267img_2268img_2288img_2297img_2304img_2333img_2335img_2338img_2340img_2354img_2356img_2361img_2366img_2368img_2400img_2448img_2450img_2443

Հայրենասիրութիւնը Երկիրը Մաքուր Պահելով Կը Սկսի. Իրաքահայ Ուսանողուհի

«Դպրոցական տարիներուն շաբաթօրեակներու, ծառատունկներու շատ մասնակցած եմ, որոնցմէ հաճելի յիշողութիւններ  պահպանուած են, սակայն ՀՀ սփիւռքի նախարար Հրանուշ Յակոբեանի, նախարարութեան աշխատակիցներուն հետ առաջին անգամ  շաբաթօրեակի կը մասնակցէի»,-Ապրիլ 15-ին Կոմիտասի անուան պանթէոնին մէջ կազմակերպուած շաբաթօրեակին ժամանակ «Հայերն այսօր»-ի հետ զրոյցին ըսաւ իրաքահայ ուսանողուհի Կարին Օսկանեան` աւելցնելով, որ նմանօրինակ նախաձեռնութիւններու իրականացումով կրնանք երկիրը ծաղկեցնել, աւելի բարեկարգ ու կանաչազարդ դարձնել:

«Միշտ կը կրկնեմ, որ հայրենասիրութիւնը երկիրը մաքուր պահելով կը սկսի, եւ մեզմէ իւրաքանչիւրը պէտք է պատասխանատու ըլլայ այս խնդրին շուրջ: Ես, իբրեւ սփիւռքահայ երիտասարդ, հոգիիս պարտքը համարեցի մասնակցելու շաբաթօրեակին. միայն հայրենասիրական կոչերը կամ երգեր բաւարար չեն, հայրենասիրութիւնը նաեւ ամփոփուած է  նմանօրինակ քայլերու մէջ»,-նշեց Կարին Օսկանեան:

Աւելցնենք, որ համաքաղաքային շաբաթօրեակը տեղի ունեցաւ Երեւանի քաղաքապետարանի կոչին հետեւելով եւ հայրենադարձներու նախաձեռնած «Մաքուր եւ կանաչ Հայաստան» շարժման ծիրէն ներս :

 

«Մեր Մեծերը» Ծրագիրին Անդրադարձ Կապանի Դպրոցին ՄԷջ

Հրանդ Ոսկանեանի անուան Կապանի թիւ 12 հիմնական դպրոցի Հայաստան-Սփիւռք գործակցութեան պետական քաղաքականութեան ծիրէն ներս

կ’իրականացուի ՀՀ սփիւռքի նախարարութեան «Մեր մեծերը» ծրագիրը` հայրենասիրութեան եւ հայապահպանութեան նպատակով:

Ինչպէս «Հայերն այսօր»-ին կը յայտնեն դպրոցէն, դասղեկական ժամերուն ընթացքին անդրադարձ կը կատարուին Մեծերու կեանքին, գործունէութեան: Կը պատրաստուին քննասիրութիւններ, պաստառներ, որոնք կը տեղադրուին «Մեր մեծերը» խորագիրը կրող անկիւնին մէջ:

mee8mee9mee81mee82mee86 mee87 mee88

 

 

 

Ապրիլեան Քառօրեայ Պատերազմի Հերոսներուն Նուիրուած Ձեռնարկ Մարսէլի ՄԷջ

«Հայերն այսօր»-ի փոխանցմամբ` Ապրիլ 2-ին Արցախի հայ մշակութային եւ երիտասարդական միութեան կազմակերպմամբ Մարսէլի Սահակ-Մեսրոպ մշակութային միութեան մէջ տեղի  ունեցած է 2016 թուականի Ապրիլեան քառօրեայ պատերազմին ժամանակ զոհուած հերոսներու յիշատակին նուիրուած ձեռնարկ:

 

Իրաքահայ Ընտանիքին Առաջին Շաբաթօրեակը Երեւանի ՄԷջ

Ապրիլ 15-ին, արձագանքելով Երեւանի քաղաքապետարանի  կոչին, հայրենադարձներու նախաձեռնած «Մաքուր եւ կանաչ Հայաստան» շարժման ծիրէն ներս ՀՀ սփիւռքի նախարարութեան աշխատակիցները ՀՀ սփիւռքի նախարար  Հրանոյշ Յակոբեանի գլխաւորութեամբ մասնակցեցան  համաքաղաքային շաբաթօրեակին` մաքրելով Կոմիտասի անուան պանթէոնի տարածքը:

«Հայերն այսօր»-ը զրուցած է իրաքահայ հայրենադարձ Հայկ Մանուկեանի հետ, որ իր երեք երեխաներուն հետ առաջին անգամ կը մասնակցէր շաբաթօրեակի:

Հայկ Մանուկեան շուրջ 10 տարի` ընտանիքով կ’ապրի Հայաստանի մէջ, մասնագիտութեամբ երկրաչափ է: Ինչպէս «Հայերն այսօր»-ի հետ զրոյցին նշեց` բարձր տրամադրութեամբ եւ հաճելի զգացողութիւններով  շաբաթօրեակէն տուն կը վերադառնան, շնորհակալ է ՀՀ սփիւռքի նախարար Հրանոյշ Յակոբեանին` սփիւռքահայերուն ամէնօրեայ ուշադրութեան կեդրոնին պահելու եւ անոնց խնդիրներու առնչութեամբ մտահոգ ըլլալու համար, աւելցնելով, որ բոլոր սփիւռքահայերն ալ այդ կարծիքին են:

«Զարմանալի էր, որ նախարարը մեզի հետ հաւասար աշխատեցաւ, տպաւորուած եմ անոր անմիջական պահուածքէն. ուրիշ պետութիւններու մէջ պաշտօնեաները մարդաշատ վայրերու մէջ թիկնապահներով կը շրջին, իսկ ան կարծես մեզմէ մէկը ըլլար, նոյնիսկ զաւակներուս հետ ծանօթացաւ, վստահ եմ` անոնք դեռ երկար տարիներ պիտի  յիշեն այս ակնթարթները»,-նշեց Հայկ Մանուկեան:

img_24623

Տասներեք ամեայ Մարինէ Մանուկեան կը կարծէ` մաքուր քաղաք ունենալը ոչ միայն կը նպաստէ զբօսաշրջիկներու Հայաստան գալուն, այլեւ հայ ժողովուրդին` իրենց հողին աւելի կապուելուն, որուն մասին իւրաքանչիւր մարդ պէտք է սրտցաւ ըլլայ եւ յաճախակի մասնակցի կազմակերպուող շաբաթօրեակներուն:

Զրոյցին ընթացքին Մարինէն վերյիշեց նաեւ ՀՀ սփիւռքի նախարարութեան «Արի տուն» հայրենաճանաչութեան ծրագիրին անցուցած անմոռանալի օրերը, երբ սփիւռքահայ հասակակիցներուն հպարտօրէն ցոյց կու տար խնամուած բակերն ու փողոցները:

«Թո՛ղ աշխարհասփիւռ հայերը վերադառնան Հայրենիք, որպէսզի համատեղ ուժերով մասնակցելով շաբաթօրեակներու` շատ տարածքներ մաքրենք»,-իր սրտաբուխ խօսքն ըսաւ Մարինէն:

Մարալ Մանուկեան նոյնպէս ուրախութեամբ մասնակցած է շաբաթօրեակին, նկատած է, որ տարիէ տարի շաբաթօրեակներու կազմակերպումը երթալով յաճախակի կը դառնայ, որ գովելի փաստ կը համարէ: Իմանալով, որ Կոմիտասի անուան պանթէոնի տարածքը պիտի մաքրէ, պատասխանատուութեան զգացումն աւելի  շատցած է, քանի որ տեղեակ է` այնտեղ հայ մեծերը կը հանգչին: Մարալը շաբաթօրեակին մասնակցիլը նաեւ անոնց յիշատակին յարգանքի տուրք մատուցել կը համարէ:

12

Ընտանիքի ամենակրտսեր անդամը` Մասիս Մանուկեան, շատ կը սիրէ Հայաստան, ուստի կոչ կ’ընէ մարդոց, որ չաղտոտեն փողոցներն ու բակերը: Հպարտ է, որ կրցաւ մաքրել իր Հայրենիքի թէկուզ  փոքր հողակտոր մը, այն հողակտորը, ուր  թաղուած են հայ ազգի անուանի զաւակները:

img_2450

Գէորգ Չիչեան

 

Տիրոջ օրհնութեամբ մեծահրաշ Յարութեան Լոյսի ջահը լուսաւորէ Ձեզ եւ Ձեր ընտանեկան յարկերը. Աբգար Եպս. Յովակիմեան

Մահկանացուաց տուք զաւետիս,

Թէ՝ մահ մեռաւ, կեանքն յարեաւ:

Ընդ անմահիցս անմահացեալքդ՝

Համաձայնեալ տուք աւրհնութիւն

Յարուցելոյն՝ փառք յաւիտեան:

Սբ. Ներսէս Շնորհալի

Քրիստոս մեռելներէն Յարութիւն առաւ, մահուամբ մահը կործանեց ու Իր Յարութեամբ մեզ կեանք պարգեւեց. Փառք Անոր Յաւիտեան։

Սիրելի Եղբայրներ և Քոյրեր ի Քրիստոս, որ Գանատահայոց Տիրախնամ Թեմիս հովանու ներքոյ էք։ Սուրբ Յարութեան այս լուսաւոր տօնին, բոլոր քրիստոնեաներուս հոգիները, սրտերն ու մտածումներն առ Աստուած երախտագիտութեամբ լցուած են, որ Մեծ Պահոց անապատով մեզ առաջնորդելով Լոյս Յարութեան ցանկալի նաւահանգիստն անվնաս հասցուց, որտեղ Սէրը երբեք չի անհետանայ (Ա Կորնթ. ԺԳ 8)։

Մեր Տէր Յիսուս Քրիստոս «մահուան մատնուեցաւ մեր յանցանքներուն համար եւ Յարութիւն առաւ, որ մեզի արդարացնէ» (Հռոմ. Դ 23)՝ նոր կեանքով քալելու համար (Հռոմ. Զ 4)։

Արարիչ Աստուած Իր անսահման Սիրուց մեզ անգոյութիւնէն կեանքի կոչեց՝ դրախտն Իր ընկերակցութեամբ վայելելու, սակայն նախաստեղծներու պատուիրանազանցութեամբ զրկուեցանք Մարդասէրի շնորհներէն, որովհետեւ չարէն խաբուելով եղծեցին Արարչատուր Պատկերն ու Նմանութիւնը մարդկային բնութեան մէջ ու մնացին ձեռնունայն։ Մարդն անհաւատարիմ գտնուեցաւ, այնուհանդերձ հաւատարիմ է Աստուած (Հռոմ. Գ 3, Բ Օր. Է 9, ԼԲ 4, Ա Կորնթ. Ա 9). Բարին Աստուած Իրեն յուսացողներուն երբեք ամօթով չի թողեց (Հռոմ. Ե 5) ու մեզ Իր Սէրէն չի զրկեց, այլ «մինչեւ Իր Միածին Որդին տուաւ, որպէսզի, ով որ Անոր հաւատայ չի կորսուի, այլ ընդունի յաւիտենական կեանքը, որովհետեւ Աստուած իր Որդին չ՚ուղարկեց աշխարհ, որ դատապարտէ աշխարհը, այլ՝ որպէսզի աշխարհն անով փրկուի» (Յովհ. Գ 16-‐17)։

Տէր Յիսուս Քրիստոս Իր Հրաշափառ Յարութեամբ բացապարզեց Իր Աստուածութիւնը (Հռոմ. Ա 4), ցուցահանեց Իր Զօրութիւնը եւ հաստատեց, որ Աստծոյ համար անկարելի բան չիկայ (Ղուկ. Ա 37)։

Սիրելիներ, Տիրոջ Լոյս Յարութեան Խորհուրդն այն անկիւնաքարն է, որ մեր հաւատքի հիմք կը հանդիսանայ, այլապէս «եթէ Քրիստոս Յարութիւն չէ առած, ի զուր է մեր քարոզութիւնը, ի զուր է եւ ձեր հաւատքը» (Ա Կորնթ. ԺԵ 14)։

Ուստի, ի՞նչ հատուցում պիտի ընենք Տիրոջն այն ամէնի համար, որ մեզ տուաւ (Սաղմ. ՃԺԵ 3)։ «Խոնարհ հոգին է պատարագն Աստուծոյ, մաքուր սիրտն ու խոնարհ հոգին Աստուած չ՚արհամարէր» (Սաղմ. Ծ 19)։

Մահանալու աստիճան մեզ սիրող Աստուծոյ հանդէպ, «քանզի հզօր է սէրը մահուան պէս» (Երգ. Ը 6), մեզ օտարի պէս չի պահենք, այլ պտղաբեր ըլլանք Իր համար (Հռոմ. Է4)՝ երկրպագելով Անոր հոգով եւ ճշմարտութեամբ (Յովհ. Դ 23)։

Թող կեանքի միակ Աղբիւրը մեզ հաստատ պահէ Հաւատքի, Յոյսի, Սիրոյ ու Իր Պատուիրանները կատարման մէջ։

Մեր աղօթքն է որ Բարին Աստուած Գանատահայոց Եկեղեցական Դասին, Թեմական ու Ծխական Խորհուրդներուն, պատուարժան անդամներուն, Տիկնաց Յանձնախումբերուն ու Դպրաց Դասերուն, Աստուածասէր ու ազգանուէր բարերարներուն, ազգային, բարեգործական, կրթական ու մշակութային միութիւններու, հաստատութիւններու անդամներուն կենաց արևշատութիւն պարգևէ և զօրավիգ ըլլայ` ազգաշահ առաքելութիւնն իրագործելու գործունէութեանը:

Տիրոջ օրհնութեամբ մեծահրաշ Յարութեան Լոյսի ջահը լուսաւորէ Ձեզ եւ Ձեր ընտանեկան յարկերը։

Քրիստոս Յարեաւ ի մեռելոց.
Օրհնեալ է Յարութիւնն Քրիստոսի:

Սիրով եւ Օրհնութեամբ՝

Աբգար Եպս. Յովակիմեան
Առաջնորդ Գանատահայոց Թեմի

Մայրերու Օրը Ամմանի ՄԷջ

Մարտ 25 ին Ամմանի «Սալուս» ճաշարանին մէջ 100 մայրերու ներկայութեամբ տօնուեցաւ «Մայրերու օր»-ը`  կազմակերպութեամբ Ազգային մարզական միութեան տիկնանց յանձնախումբին:

Ինչպէս «Հայերն այսօր»-ին կը յայտնեն կազմակերպիչները, բացման խօսքով հանդէս եկաւ Լաուրա Յովհաննիսեան` Հայաստանէն ժամանած ուսուցչուհի, որ կ’աշխատի հայկական դպրոցին մէջ: Ան իր խօսքին մէջ ընդգծեց հայ կնոջ եւ մօր դերակատարութիւնը պատմութեան ընթացքին, արհաւիրքի տարիներուն: Կարեւոր նկատեց հայ մայրերու դերը  մեր օրերուն եւ անոնց ջանքերը, որպէսզի աշխարհի բոլոր անկիւններուն մէջ մեր սերունդը հայ մնայ: Բանախօսը աւարտեց ելոյթը իր ոտանաւոր  բանաստեղծութեամբ.

Միակ էակն է այս աշխարհում,

Արարչից յետոյ նոր կեանք է ծնում:

Իւրովի է նա աշխարհը սիրում,

Րոպէներն անգամ թանկ է համարում,

Իր զաւակի ու ընտանիքի գրկում:

Կը նուիրուի նրանց առանց մնացորդի եւ նրա սէրը աշխարհն է փրկում …

Արաբերէն լեզուով շնորհաւորանքի խօսքեր յղեց տիկին Էլիզապէթ Վարդանեան: Այնուհետեւ գեղեցիկ ձայնով մեներգեց Վարդուհի Թորոյեան-Ներսէսեան` գովերգելով գարունը եւ մայրական սէրը: «Սպիտակ» պարախումբի մենապարուհի Լիլիթ Մելքոնեան  կատարեց «Հենզելին», որուն յաջորդեց պարախումբին ելոյթը:

Ձեռնարկը ընդմիջուեցաւ հայկական նախաճաշով: Ապա բեմը տրամադրուեցաւ Սիւզի Սանջեանին, որ մեծ խանդավառութեամբ ասմունքեց Մարօ Մարգարեանի «Խօսք մօր համար» բանաստեղծութիւնը.

Կանգնի՛ր այդպէս.

Կանգնի՛ր այդպէս,

Ամէն տեսակ մոռացութեան ,մերժումի դէմ,

Կանգնի՛ր այդպէս…

Այնուհետեւ հետաքրքիր հարցադրումներով Սիւզին  վեր հանեց կնոջ եւ մօր` գարնան պէս ծնունդ տուող կերպարը: Ելոյթի  աւարտին կատարուեցաւ Աւետիք Իսահակեանի խօսքերով գրուած «Մայրիկիս» մեներգը, որ արժանացաւ ներկաներու ջերմ ընդունելութեան:

Ապա Լուիզա Աբազեան իրականացուց հետաքրքրաշարժ մտաւոր խաղ` հայ նկարիչներու կտաւներու վերաբերեալ: Վերջինս ներկաներուն քաջալերեց նաեւ հոգեբանական հարցադրումներով` խանդավառելով  սրահին մէջ հաւաքուածներուն: Աւարտին  Վիոլեթ Լեփեջեան  հետաքրքիր հանելուկներով զուարճութիւն պարգեւեց ներկաներուն:

Ձեռնարկը եզրափակուեցաւ հայկական ուրախ շուրջպարով:

Վարձքը կատար` տիկնանց յանձնախումբի անդամներուն` նուիրեալ աշխատանքի համար:

%d5%a1%d5%b4%d5%b4%d5%a1%d5%b6 %d5%a1%d5%b4%d5%b4%d5%a1%d5%b61 %d5%a1%d5%b4%d5%b4%d5%a1%d5%b63 %d5%a1%d5%b4%d5%b4%d5%a1%d5%b64

Մայրութեան Եւ Գեղեցկութեան Տօնին Նուիրուած Ձեռնարկ Սան Փեթերսպուրկի Հայեցի Դաստիարակութեան Կեդրոնին ՄԷջ

Ապրիլ 9-ին Սան Փեթերսպուրկի Հայ Առաքելական եկեղեցւոյ կից գործող Լազարեաններու անուան հայեցի դաստիարակութեան կեդրոնի նախադպրոցական դասարանը` Սուսաննա Գաբրիէլեանի գլխաւորութեամբ, կազմակերպած էր «Փոքրիկ հայկազուններ` հայրենիքի եւ մայրիկներու վաղուան պաշտպաններ» խորագիրով ձեռնարկ:

Ինչպէս «Հայերն այսօր»-ին կը յայտնէ Նազիկ Գաբրիէլեան, ձեռնարկը նուիրուած էր մայրիկներուն` Մայրութեան եւ գեղեցկութեան տօնին  առթիւ: Այն սկսաւ հայրենիքին նուիրուած բանաստեղծութիւններով եւ երգերով, որոնք կը հնչէին մեծ ոգեւորութեամբ: Երեխաներն իրենց բնորոշ անմիջականութեամբ կատարեցին հայրենասիրական երգերը:

Ձեռնարկին ընթացքին փոքրիկ հայկազունները միաժամանակ իրենց ելոյթով յարգանքի տուրք մատուցեցին մէկ տարի առաջ Ապրիլեան քառօրեայ պատերազմին զոհուածներու յիշատակին: Իսկ ձեռնարկին աւարտին մայրիկներուն նուիրեցին քաղցրահնչուն քառատողեր եւ երգեր:

%d5%ba%d5%a5%d5%bf%d5%a5%d6%80%d5%a2%d5%b8%d6%82%d6%80%d5%a31

Տեղի Ունեցաւ «Քառօրեայ Պատերազմ Կամ Ղօղանջ Լռութեան». Ֆիլմի Ցուցադրութիւնը

Ապրիլ 14-ին «Նարեկացի» արուեստի միութեան մէջ ՀՀ սփիւռքի նախարարութեան «Դուն ի՞նչ կ’ընես Արցախի համար» համահայկական շարժման ծիրէն ներս տեղի ունեցաւ Արսէն Յակոբեանի «Քառօրեայ պատերազմ կամ ղօղանջ լռութեան» խորագիրը կրող ֆիլմի առաջնախաղը, որուն ներկայ էր նաեւ ՀՀ սփիւռքի փոխնախարար Սերժ Սրապիոնեան:

Նարեկացի արուեստի միութեան տնօրէն Լեւոն Իւանեան իր ողջոյնի խօսքին մէջ հակիրճ ներկայացուց ֆիլմի ստեղծման գաղափարն ու ստեղծագործական կազմը:

«Քառօրեայ պատերազմ կամ ղօղանջ լռութեան» ֆիլմը կը ներկայացնէ Ապրիլեան քառօրեայ պատերազմը, ատոր պատճառները, հայ-ատրպէյճանական յարաբերութիւններու պատմութիւնը, ինչպէս նաեւ պատմական ակնարկ կը տրուի Արցախի, Նախիջեւանի եւ Ատրպէյճանի մասին: Ֆիլմին մէջ տեղ գտած փաստերը ջուրի երես կը հանեն ատրպէյճանական հակահայ քարոզչութեան կեղծիքները, ցոյց կու տան  ատրպէյճանական քարոզչութեան դատարկամտութիւնը:

ՀՀ սփիւռքի փոխնախարար Սերժ Սրապիոնեան իր խօսքին մէջ կարեւոր համարեց ֆիլմի նշանակութիւնը, շեշտեց այն հնարաւորինս լայն զանգուածներուն ներկայացնելու խնդիրը եւ յոյս յայտնեց, որ մօտ ապագային ֆիլմը պիտի ներկայացուի նաեւ Սփիւռքի մէջ, ինչպէս հայ, այնպէս ալ օտարազգի հանդիսատեսին: Այնուհետեւ ան Արսէն Յակոբեանին պարգեւատրեց ՀՀ սփիւռքի նախարարութեան շնորհակալագիրով:

Ֆիլմի աւարտին շնորհակալական խօսքով հանդէս եկաւ Արսէն Յակոբեան:

Հանդիպումն աւարտեց  զրոյց-քննարկումով:

img_2225img_2251%d6%86%d5%ab%d5%ac%d5%b42 %d6%86%d5%ab%d5%ac%d5%b4