Հենրիխ Մխիթարեան` «Inside United»-ի Շապիկին

Հայաստանի հաւաքականի եւ «Մանչեսթըր Եունայթըտ»-ի կիսապաշտպան Հենրիխ Մխիթարեան Inside United-ի ապրիլեան թիւի շապիկին աստղն է, կը յայտնէ ակումբի պաշտօնական կայքը:

Կը նշուի, որ Մխիթարեանը «ուղղակի անհնար է կանգնեցնել», երբ ան գնդակով առաջ կը սլանայ, ինչպէս անկասելի է նաեւ ֆութպոլի մէջ մեծ նուաճումներու հասնելու անոր ձգտումը»: Պարբերականը Մխիթարեանը բնութագրած է, իբրեւ «անկասելի ուժ»:

Inside United-ին տուած հարցազրոյցին Մխիթարեան պատմած է, թէ ինչպէս է 13 տարեկանին եղած է Պրազիլ, ուր կը ջանար յղկել իր հմտութիւններն ու եւս մէկ քայլ ընել դէպի ֆութպոլային փառքը: Ըստ ֆութպոլիստին, կային մարդիկ, որոնք կը կասկածէին, որ ան կրնայ բարձունքներու հասնել, սակայն ատիկա միայն կը դրդէր զինք ապացուելու , որ անոնք ճիշդ չեն:

«Կրնամ ըսել, որ մեծաւ մասամբ մարդիկ իմ ուժերուս չէին հաւատար: Մարդիկ ուղղակի կը ծիծաղէին եւ կը կարծէին, որ ես չեմ կրնար այդ մակարդակի հասնիլ»,-ըսած է ֆութպոլիստը:

Անդրադառնալով «Մանչեսթըր Եունայթըտ» տեղափոխուելուն` Մխիթարեան ըսած է, որ երազանք ունէր` «խաղալ աշխարհի լաւագոյն ֆութպոլային ակումբներէն մէկուն մէջ, ինչ որ կ՛ընէ հիմա»:

Նամակ Հայ Զինուորին. Կը Գրեն Ապխազիա Ապրող Հայ Երեխաները

«Հայերն այսօր»-ը «Նամակ զինուորին» խորագիրի ծիրէն ներս իր ընթերցողներուն  կը ներկայացնէ Ապխազիոյ Կուլրիփշի շրջանի Պակաժեաշտա եւ Նահա գիւղերու հայկական դպրոցներու աշակերտներու նամակները` ուղղուած Հայոց բանակի զինուորներուն:

%d5%a6%d5%ab%d5%b6%d5%be%d5%b8%d6%80 %d5%a6%d5%ab%d5%b6%d5%be%d5%b8%d6%801 %d5%a6%d5%ab%d5%b6%d5%be%d5%b8%d6%802 %d5%a6%d5%ab%d5%b6%d5%be%d5%b8%d6%804 %d5%a6%d5%ab%d5%b6%d5%be%d5%b8%d6%805 %d5%a6%d5%ab%d5%b6%d5%be%d5%b8%d6%806

Հայոց Ցեղասպանութեան 102-րդ Տարելիցին Ընդառաջ. Ֆրիտեոֆ Նանսենի` Խաղաղութեան Ուղերձով Վահանակ ԱՄՆ-ի ՄԷջ

«Խաղաղութեան արուեստ» կազմակերպութիւնը www.peaceofart.org կը շարունակէ իր ամէնամեայ արշաւը` Հայոց ցեղասպանութեան 102-րդ տարելիցին ընդառաջ ԱՄՆ- ի Մասաչուսէթս նահանգի 7 բանուկ մայրուղիներու վրայ մարտ եւ ապրիլ ամիսներուն ընթացքին բարձրացնելով ելեկտրոնային վահանակներ, կոչ ուղղելով միջազգային հանրութեան ճանչնալու 20-րդ դարու առաջին ցեղասպանութիւնը` Հայոց ցեղասպանութիւնը:

«Խաղաղութեան արուեստ» կազմակերպութեան հիմնադիր նախագահ, նկարիչ Դանիէլ Վարուժան Հեճինեան ամփոփելով կազմակերպութեան այս տարուան գործունէութիւնը ըսած է.

«Խաղաղութեան արուեստ» կազմակերպութիւնը 2017 թ-ի մարտ ամիսէն արդէն իսկ 7 վահանակներ  բարձրացուցած է Մասաչուսէթս նահանգի տարբեր քաղաքներու մէջ, իսկ ապրիլին Վրենթհեմի քաղաքին մէջ բարձրացաւ թիւով 8-րդ ելեկտրոնային վահանակը` իրար յաջորդող 2 լուսային պաստառներով: Առաջինին վրայ կ’երեւին Հայ առաքելական եւ Կաթոլիկ եկեղեցիներու առաջնորդները, որոնք Խոր Վիրապէն Մասիսի ուղղութեամբ խաղաղութեան պատգամ կ’ուղարկեն Թուրքիոյ` կոչ ուղղղելով ճանչնալ Հայոց ցեղասպանութիւնը` յարգելով յիշատակը Հոլոքոստի, ինչպէս նաեւ բոլոր ցեղասպանութիւններու անմեղ նահատակներուն: Երկրորդ պաստառին վրայ  գրուած է մեծ մարդասէր Ֆրիտեոֆ Նանսենի խաղաղութեան պատգամը.« Եթէ ազգերը կարենան լուծել իրենց միջեւ առկայ տարաձայնութիւնները` անոնք հեշտութեամբ կրնան հաստատել տեւական խաղաղութիւն»: Նմանատիպ վահանակներ բարձրացուցած են նաեւ ԱՄՆ-ի Քէնեթիքէթ նահանգի Նիւ Պրիթեն քաղաքին եւ Օհայոյի` Քլիւլենդ քաղաքին մէջ»:

2003 թ-ին Դանիէլ Վարուժան Հեճինեան հիմնած է «Խաղաղութեան արուեստ» անշահոյթ կրթական մարդասիրական կազմակերպութիւնը, որ կ’օգտագործէ արուեստի համընդհանուր լեզուն` իրազեկելով մարդկային գոյավիճակին մասին, նպաստելով հակամարտութիւններու խաղաղ լուծման` առանցք ունենալով Հայոց ցեղասպանութեան միջազգային ճանաչումը:
«Խաղաղութեան արուեստ» կազմակերպութիւնը ձօնուած է աշխարհի խաղաղութեան բոլոր պահապաններուն եւ իրագործողներուն, նաեւ անոնց, որոնք ունեցած են քաջութիւն իրենց կեանքը վտանգելու մարդկութեան բարօրութեան համար:

Հեղինէ Գէորգեան

%d5%be%d5%a1%d5%b0%d5%a1%d5%b6%d5%a1%d5%af

«Քառօրեայ Պատերազմ Կամ Ղօղանջ Լռութեան». Շարժանկարի Առաջին Ցուցադրութիւնը «Նարեկացի» Միութեան ՄԷջ

Ապրիլ 14-ին,  ժամը` 14:00-ին, «Նարեկացի» արուեստի միութեան մէջ ՀՀ սփիւռքի նախարարութեան «Դուն ի՞նչ կ’ընես Արցախի համար» համահայկական շարժման ծիրէն ներս տեղի պիտի ունենայ Արսէն Յակոբեանի «Քառօրեայ պատերազմ կամ ղօղանջ լռութեան» խորագիրը կրող շարժանկարի  ցուցադրութիւնը:

«Շարժանկարի ստեղծման ամենամեծ շարժառիթը քաղաքակիրթ աշխարհի անտարբերութիւնն է Արցախի հակամարտութեան լուծման հարցին մէջ: Այո, կայ ԵԱՀԿ Մինսքի խումբի համանախագահներու խումբ, որ, սակայն, կարծես կոչուած է անհասցէ յայտարարութիւններ ընելու, որոնք աւելի շատ նման են լռութեան: Ինչպէս ֆիլմին մէջ նշած եմ, հայ-ատրպէյճանական հակամարտութիւնը ո՛չ միայն ռազմի դաշտին մէջ է, այլեւ` տեղեկատուական, ուր, իմ կարծիքովս, մենք շատ ընելիքներ ունինք: Ատրպէյճանական հակահայ քարոզչութիւնը ամբողջ աշխարհին մէջ հասած է գագաթնակէտին. գիրքեր, ֆիլմեր, ելոյթներ, հնարաւոր ամէն տարբերակ կ’օգտագործեն հակահայ քարոզչութեան համար: Այս ֆիլմը, կը կարծեմ, պատասխան է ատրպէյճանական քարոզչութեան: Ֆիլմին մէջ տեղ գտած փաստերը ջուրի երես կը հանեն ատրպէյճանական քարոզչութեան կեղծիքները: Աշխարհը քիչ տեղեկատուութիւն ունի այս հակամարտութեան մասին, ֆիլմով փորձած եմ հնարաւորինս փակել այդ բացը: Եթէ մէկ նախադասութեամբ խօսիմ ֆիլմի նշանակութեան մասին` այն է` ցոյց տալ ատրպէյճանական քարոզչութեան դատարկամտութիւնը եւ ամենակարեւորը` ինչու՞  Արցախը կը ձգտի անկախ ապրիլ»,-«Հայերն այսօր»-ի հետ զրոյցին ըսաւ ֆիլմի բեմադրիչ Արսէն Յակոբեան:

Ֆիլմը կը ներկայացնէ Ապրիլեան քառօրեայ պատերազմը, ատոր պատճառները, հայ-ատրպէյճանական յարաբերութիւններու պատմութիւնը, ինչպէս նաեւ պատմական ակնարկ կը տրուի Արցախի, Նախիջեւանի եւ Ատրպէյճանի մասին, որպէսզի աշխարհն աւելի ճիշդ տեղեկացուած ըլլայ:

«Ֆիլմին համար ոչ մէկ ֆինանսական աջակցութիւն  ունեցած եմ, օգնած են ընկերներս եւ ծանօթներս. մէկը անվճար աշխատած է, միւսը` ինչ-ինչ հարցերով հնարաւորինս մատչելի գիներով օժանդակած,-նշեց Արսէն Յակոբեան եւ աւելցուց,- Այսօր ողջ հայութեան ուշադրութիւնը սեւեռուած է Արցախի վրայ, եւ ամէն հայ պէտք է հնարաւորինս նեցուկ ըլլայ Արցախին: Այս ֆիլմն ալ մեր խումբի աջակցութիւնն է, որմով նաեւ մենք կը միանանք ՀՀ սփիւռքի նախարարութեան «Դուն ի՞նչ կ’ընես Արցախի համար» համահայկական շարժումին»:

Ապրիլեան Քառօրեայ Պատերազմի Զոհերու Յիշատակին Նուիրուած Հոգեհանգիստ Նոր Ջուղայի ՄԷջ

Ապրիլ 8-ի երեկոյեան, Նոր Ջուղայի Ս. Գէորգ եկեղեցւոյ մէջ, կիրակնամուտի ժամերգութեան աւարտին մատուցուեցաւ հոգեհանգստեան պաշտօն` նուիրուած 2016 թուականի Ապրիլեան քառօրեայ պատերազմին հետեւանքով զոհուած հայ մարտիկներու յիշատակին:

Ինչպէս «Հայերն այսօր»-ին  Իրանէն կը յայտնէ Երանուշ Թահմազեան, արարողութիւնը մատուցեց Սպահանի Հայոց թեմի կաթողիկոսական փոխանորդ Տ. Սիփան ծ.վրդ. Քեչեճեան, որուն կը սպասարկէին քահանայից եւ դպրաց դասերն ու Ս. Ամենափրկիչ վանքի «Կոմիտաս» երգչախումբը: Օրուան առթիւ արտայայտուեցաւ թեմի կաթողիկոսական փոխանորդը, որմէ ետք արարողութեան ներկայ ազգային իշխանութեան եւ ազգային այլ մարմիններու ներկայացուցիչները, Հայ դատի յանձնախումբի անդամներն ու հոծ բազմութիւնը  միասնական աղօթքով ու խունկ ծխելով յարգեցին Արցախի մէջ նահատակուած հայ մարտիկներու  յիշատակը:

Աւելցնենք, որ հոգեհանգստեան  արարողութիւնը   իրականացուեցաւ Նոր Ջուղայի մէջ Հայ դատի յանձնախումբի եւ թեմի Կրօնական խորհուրդի համատեղ նախաձեռնութեամբ:

Լուսանկարները տրամադրած է  Սքարլեթ Հայրապետեան

%d5%bb%d5%b8%d6%82%d5%b2%d5%a1%d5%bb%d5%b8%d6%82%d5%b2%d5%a11%d5%bb%d5%b8%d6%82%d5%b2%d5%a13%d5%bb%d5%b8%d6%82%d5%b2%d5%a14%d5%bb%d5%b8%d6%82%d5%b2%d5%a15 %d5%bb%d5%b8%d6%82%d5%b2%d5%a16  %d5%bb%d5%b8%d6%82%d5%b2%d5%a18%d5%bb%d5%b8%d6%82%d5%b2%d5%a19  %d5%bb%d5%b8%d6%82%d5%b2%d5%a111 %d5%bb%d5%b8%d6%82%d5%b2%d5%a112

 

Վահան Թէքէեանին Նուիրուած Յուշ-Ցերեկոյթ Փոքր Մանթաշի Միջնակարգ Դպրոցին ՄԷջ

Ապրիլ  5-ին Շիրակի մարզի Փոքր Մանթաշի միջնակարգ դպրոցին մէջ ՀՀ սփիւռքի նախարարութեան «Մեր մեծերը» ծրագիրի ծիրէն ներս կայացաւ յուշ-ցերեկոյթ` նուիրուած հայ մեծ գրող Վահան Թէքէեանի ծննդեան 139-ամեակին:

Ինչպէս«Հայերն այսօր»-ին կը յայտնեն դպրոցէն, ձեռնարկը կազմակերպած էր Փոքր Մանթաշի միջնակարգ դպրոցի հայոց լեզուի եւ գրականութեան ուսուցչուհի Սալվի Ղարբեան` 12-րդ դասարանի աշակերտներու մասնակցութեամբ:

%d5%b4%d5%a5%d5%ae%d5%a5%d6%801

« Սիրտս Կիսել Կ’ուզեմ Հայաստանի Ու Ֆրանսայի Միջեւ». Անի Սոմոնեան

Մեկնարկեց ՀՀ սփիւռքի նախարարութեան «Արի տուն-2017» հայրենաճանաչութեան ծրագիրը, որուն առաջին ծիծեռնակները` Ֆրանսայի Ալֆորվիլ քաղաքի «Սուրբ Մեսրոպ Արապեան» դպրոցի նախակրթարանի աւարտական` 5-րդ դասարանի, Փարիզի «Դպրոցասէր» եւ Մարսէլ քաղաքի «Համազգային» վարժարաններու թիւով 66 աշակերտներ այս օրերուն հնարաւորութիւն կ’ունենան ծանօթանալու Հայրենիքի տեսարժան վայրերուն, հիանալու Հայաստանի գարնանային գոյներով: Անոնց հետ ժամանած են նաեւ 10 ուսուցիչներ: 11 տարի անընդմէջ ֆրանսահայ բարերար Սարգիս Պետոյեան հովանաւորած է հայ աշակերտներու այցելութիւնը Հայրենիք. այդ երեխաներէն շատերը հէ՛նց ծրագիրի ծիրէն ներս  առաջին անգամ տեսած Հայաստան, ուստի ֆրանսահայ բարերարի հայրենանուէր առաքելութիւնը կարելի է, անշուշտ, համարել հայանպաստ գործունէութիւն: Ծրագիրի բացման հանդիսաւոր արարողութեան ընթացքին  տեսնել  պէտք էր խանդավառ հայեացքներով այդ երեխաներուն, որոնցմէ երկուքին հետ  ջերմ ու անկեղծ հարցազրոյց մը ունեցայ «Հայերն այսօր»-ի համար:

Ռուբէն Դանիէլեան, Ֆրանսա, Ալֆորվիլ– 5-րդ դասարանի աշակերտ եմ, երկրորդ անգամ  Հայաստան կ’այցելեմ, մենք այստեղ բարեկամներ ունինք. կարօտցած էի Հայրենիքս ու մեր բարեկամները: Հայաստան շատ փոքր է Ֆրանսայէն, բայց Հայաստան նաեւ շատ գեղեցիկ է. ես կը հպարտանամ, որովհետեւ աշխարհի մէջ շատ բան հայերը  ստեղծած են, շատ յայտնագործութիւններու հեղինակ են: Մեր ընտանիքէն ներս բոլորը կը խօսին հայերէն, ես չեմ մոռնար եւ պիտի չի մոռնամ իմ մայրենի լեզուս: Շատ կը սիրեմ Սեւանայ լիճը, ափսոս, որ ցուրտ է. այնպէ՜ս կ’ուզէի Սեւանի մէջ լողալ: Մեր դպրոցին մէջ մարզական շատ խաղեր կը կազմակերպուին, բայց լող չենք պարապիր: Երբ մեծնամ, որոշած եմ նորարարական տեխնոլոգիաներու ոլորտին մէջ յայտնի մարդ դառնալ, որպէսզի հայերը հպարտանան ինձմով:

Անի Սոմոնեան, Ֆրանսա, Ալֆորվիլ-ես Ռուբէնի համադասարանցին եմ, արդէն 8-րդ անգամ Հայաստան կու գամ, մենք այստեղ շատ բարեկամներ ունինք: Այնտեղ ալ ունինք բարեկամներ ու ծանօթներ: Շատ կը սիրեմ Հայաստանը. կ’ուզէի տարուան մէկ մասը ապրիլ Ֆրանսայի, միւս մասը` Հայաստանի մէջ. սիրտս կիսել կ’ուզեմ Հայաստանի եւ Ֆրանսայի միջեւ:

 …Այս փոքրիկ աղջնակին սրտին մէջ ամբարուած մեծ սիրոյ ու կարօտի արանքին մէջ Հայաստանը ինծի համար կը պատկերուի ճեղքուած նռան տեսքով, Ռուբէնի` հայակարօտ, Սեւանայ լիճի կապտականաչ ալիքներուն պէս սիրուն աչքերու խորութեամբ ու մաքրութեամբ եւ կ’ուզես հաւատալ, յուսալ, որ Հայրենիքի ապագան կերտողները նաեւ մեր սփիւռքահայ երեխաները պիտի ըլլան:

 Կարինէ Աւագեան

 

Արցախցի Մանկավարժները Տպաւորուած Են Պէյրութ Կատարած Այցելութիւնով

«Հայերն այսօր»-ն իր ընթերցողներուն արդէն տեղեկացուցած էր, որ ՀՀ սփիւռքի նախարարութեան նախաձեռնած «Դուն ինչ կ’ընես Արցախի համար» համահայկական շարժման միացած է նաեւ Պէյրութի «Սուրբ Խաչ-Հարպոյեան» վարժարանը` գործնական մասնակցութիւն բերելով ծրագիրին: Վարժարանը որոշած էր Մարտակերտի Վարդան Մինասեանի անուան թիւ 2 հիմնական դպրոցն ընդունել իբրեւ քոյր վարժարան եւ Պէյրութ հրաւիրել այդ վարժարանի յարկին տակ գործող, յատուկ կարիքներ ունեցող աշակերտներու հետ զբաղուող 3 մասնագէտներու` դիտարկութեան շաբաթ  անցնելու Ս. Խաչ-Հարպոյեան վարժարանի ուսումնական յատուկ կարիքներու բաժանմունքին մէջ, փորձառութիւններ փոխանակելու եւ վերարժեւորման յատուկ դասընթացներուն հետեւելու:

Ապրիլ 4-ին վերոնշեալ դպրոցի տնօրէն Մելսիդա Քարդումեան, ուսուցչուհիներ Լուսինէ Սաիյեանն ու Ռուզաննա Աւետիսեանը Պէյրութ մեկնեցան` «Սուրբ Խաչ-Հարպոյեան» վարժարանին մէջ մասնակցելու ներառական կրթութեան դասընթացքին: Մինչեւ մեկնիլը ուսուցչակազմին ընդունած է ՀՀ սփիւռքի նախարար Հրանոյշ Յակոբեան` բարի ճանապարհ մաղթելով եւ յորդորելով ամուր կապուիլ Սփիւռքի գործընկերներուն հետ, անոնց փոխանցած գիտելիքները, փորձը ներդնել Հայաստանի եւ Արցախի մէջ:

Հայաստան վերադառնալէ ետք նոյնպէս ՀՀ սփիւռքի նախարարը ընդունած է տնօրէնը եւ ուսուցչուհիները, որմէ ետք անոնք «Հայերն այսօր»-ի հետ զրոյցին կիսուած են աշխատանքային այցելութեան մանրամասնութիւններով:

«Վառ տպաւորութիւններով  վերադարձած ենք, Լիբանանի մէջ հայրենասիրութեան մեծ դարբնոց մը տեսանք: Հիացած ենք համայնքի համախմբուածութիւնով, մեր հայրենակիցներուն` ազգօգուտ հզօր աշխատանքներ կատարելուն, որ կրնան  օտար ափերու վրայ շուրջբոլորը հայկական միջավայր ստեղծել: Համերաշխ մթնոլորտի մէջ բոլորը մէկ գաղափարի կը ծառայեն` պահպանել հայու ինքնութիւնն ու ազգային դիմագիծը»,-ըսաւ Մելսիդա Քարդումեան` աւելցնելով, որ աշխատանքային յագեցած օրեր ունեցած են, հանդիպած են համայնքային ներկայացուցիչներու, այցելած աւանդական երեք կուսակցութիւններու գրասենեակները, հայկական թերթերու խմբագրութիւններ, հարցազրոյցներ  տուած «Ռատիօ Վան», «Ռատիօ Սեւան» ձայնասփիւռներուն:

Ուսուցչուհիները ներառական կրթութեան վերաբերեալ դասընթացքը արդիւնաւէտ ու օգտակար կը համարեն. անընդհատ բազմակողմանի քննարկումներու, գործնական համաժողովներու  մասնակցած են, այս առնչութեամբ նաեւ գիտաժողով կազմակերպուած է: Անոնք այն կարծիքին են, որ ձեռքբերուած գիտելիքները, մասնագիտական հմտութիւններն ու իրենց տրամադրած կարեւոր նիւթերը յետագային ներառական կրթութեան աշխատանքները լիարժէքօրէն կատարելու համար ամուր հիմք կը հանդիսանան:

Գէորգ Չիչեան

 

«Կ’ողջունեմ Ձեր Նախաձեռնութիւնը». Սփիւռքի Նախարար Հրանոյշ Յակոբեան

Ապրիլ 11-ին ՀՀ սփիւռքի նախարար Հրանոյշ Յակոբեան ընդունեց իսրայէլահայ գործարար, Հայ-իսրայէլական առեւտրի գրասենեակի փոխնախագահ, «Teamnet packing and international freight services» ընկերութեան ներմուծման եւ արտահանման հարցերով տնօրէն Սուրէն Շահնազարեանը, որ արձագանքելով ՀՀ սփիւռքի նախարարի նամակին` ցանկութիւն յայտնած է  ներդրումներ կատարելու Հայաստանի` գիւղատնտեսութեան եւ արեւային ուժի արտադրութեան ոլորտներուն մէջ:

ՀՀ սփիւռքի նախարարը ողջունեց սփիւռքահայ գործարարը, կարեւոր համարեց անոր պատրաստակամութիւնը` ներդնելու իր հնարաւորութիւնները Հայաստանի մէջ` մասնակցելով Հայրենիքի զարգացման գործընթացքին: Նախարարը հետաքրքրուեցաւ Իսրայէլի հայ համայնքի վիճակով, խնդիրներով, ընդգծեց, որ ինքնութեան պահպանման, համահայկական հարցերու շուրջ համախմբուելու, միասնական ըլլալու համար անհրաժեշտ է ամրացնել կապը Հայրենիքի հետ, աւելի աշխոյժ մասնակցելով նախարարութեան ծրագիրներուն: Ան մասնաւորապէս նշեց. «Կարծում եմ, որ ժամանակն է Սփիւռքը վերակազմակերպել մասնագիտօրէն, օգտագործել նրա հսկայական ներուժը: Ողջունում եմ Հայաստանում ձեր ներկայութիւնն ապահովելու, ներդրումներ կատարելու նախաձեռնութիւնը»:

Սուրէն Շահնազարեան շնորհակալութիւն յայտնեց ջերմ ընդունելութեան համար, նախարարին ներկայացուց կազմակերպութեան, եկեղեցւոյ, համայնքի գործունէութիւնն ու խնդիրները, պատրաստակամութիւն յայտնեց աւելի սերտօրէն համագործակցելու նախարարութեան հետ, աշխուժօրէն մասնակցելու նախարարութեան ծրագիրներուն:

 

Հրապարակուած Է «ԵկԱրցախ» Վերնագիրով Նոր Երգ. տեսանիւթ

Արցախի մասին հրապարակուած է «ԵկԱրցախ» («#EkArtsakh») վերնագիրով նոր երգ:

«Արցախփրէս»-ի  թղթակիցին  հետ  զրոյցին  «Արցախի ձայներ»  երաժշտական համոյթի   անդամ, երգի   կատարող    Ալեքսան  Ասրեան  ըսած  է,   որ  խօսքերուն  եւ  երաժշտութեան   հեղինակը  ինքն  է:

«Երգի   ստեղծման  ու   հրապարակման  օգնած  են   «Արցախի ձայներ»-ու  արտադրող Լիրա  Քոչարեան  եւ   երաժշտական համոյթի անդամները:   Այս  երգով  ես կը յորդորեմ  արտերկիր  ապրող  մեր  հայրենակիցներուն, որ   այցելեն    Արցախ  ու   տեսնեն    մեր  դրախտավայր  երկիրը`  անոր  մաքուր   օդը, գեղատեսիլ  բնութիւնը, հազարամեայ  մշակոյթը»,-ըսած է  Ա.  Ասրեան  եւ  տեղեկացուցած, որ   այդ  երգով ինքն  իր   առաջին   քայլերը   կ’ընէ երգարուեստին մէջ:

 

 

 

Պրազիլի Սան Միկել Արքանժօ քաղաքը ճանչցած է Հայոց Ցեղասպանութիւնը

Պրազիլի Սան Միկել Արքանժօ քաղաքը ճանչցած է Հայոց Ցեղասպանութիւնը: Պրազիլէն Սարգիս Գարամեքեան յայտնած է, թէ մարտ 21-ին քաղաքը ընդունած է օրէնք մը Հայոց Ցեղասպանութեան ճանաչման մասին:

«Ցաւօք, մինչեւ հիմա Պրազիլը չէ ճանչցած Հայոց Ցեղասպանութիւնը դաշնակցային օրէնքով: Մենք այդ ուղղութեամբ կ՛աշխատինք, այժմ յաջողութիւնները քաղաքային մակարդակով են: Յառաջիկային նոյնպէս Պրազիլի տարբեր քաղաքներու կողմէ ճանաչումներ կ՛ակնկալուին»,- ըսած է Սարգիս Գարամեքեան:

Արցախի Մէջ Պիտի Կազմակերպուի «Ազգային Պար» Մրցոյթ

ԱՀ մշակոյթի եւ երիտասարդութեան հարցերու նախարարութեան ոչ նիւթական մշակութային ժառանգութեան պահպանման ծրագիրին ծիրէն ներս՝ Ապրիլ 29-ին Արցախի դպրոցներուն միջեւ պիտի կազմակերպուի «Ազգային պար» մրցոյթ:

Ըստ Artsakhpress.am-ի՝ ԼՂՀ մշակոյթի եւ երիտասարդութեան հարցերու նախարարութեան մշակութային ժառանգութեան եւ ժողովրդական արուեստներու բաժինի պետ Երազիկ Դանիէլեան ըսած է, որ մրցոյթը պիտի իրականացուի «Փափուռի», «Սասնայ քոչարի», «Եարխուշտա» եւ «Կարնոյ քոչարի» անուանակարգերով:

«Արդէն երրորդ տարին իրականացուող մրցոյթին նպատակն է մատաղ սերունդին մէջ ազգային պարերու ուսուցման խրախուսումը, տարածումն ու պահպանումը, անոնց բնոյթին եւ նշանակութեան վերաբերեալ գիտելիքներուն զարգացումը: Ազգային գաղափարախօսութեան քարոզչութեան, մշակութային ինքնութեան պահպանման,  տեղական ինքնակառավարման մարմիններու, մշակութակրթական հաստատութիւններու, կազմակերպութիւններու ներգրաւումը ոչ նիւթական մշակութային ժառանգութեան պահպանման աշխատանքներուն»,- մանրամասնած է Ե. Դանիէլեան եւ տեղեկացուցած, որ մրցոյթին մասնակցելու յայտ ներկայացուցած է 288 հոգի:

Ե. Դանիէլեան նաեւ տեղեկացուցած է նաեւ, որ մրցոյթի մասնակիցներու տարիքային սահմանափակում չկայ. պարախումբերը պէտք է կազմուած ըլլան նուազագոյնը 8 մասնակիցէ:

Ոլորտի պատասխանատուին խօսքով` 3 անուանակարգերու մէջ լաւագոյնը ճանչցուած պարային խումբերը պիտի պարգեւատրուիին համապատասխան վկայագրերով, բաժակներով եւ նուէրներով:

Մոսկուայի ՄԷջ Կայացած Է «Արարատի Ստուերը» Շարժանկարի Անդրանիկ Ցուցադրութիւնը

Մոսկուայի Վաւերագրական շարժանկարի կեդրոնին մէջ օրերս տեղի ունեցաւ սպանացի բեմադրիչ Միկել Անխել Նյէթոյի «Արարատի ստուերը» վաւերագրական շարժանկարի անդրանիկ ցուցադրութիւնը, որ կազմակերպուած էր ՌԴ-ի մէջ ՀՀ դեսպանութեան աջակցութեամբ:

Շարժանկարը կը  պատմէ Սփիւռքի այն հայերուն մասին, որոնք, հասնելով յաջողութեան իրենց ապաստան տրամադրած երկիրներուն մէջ եւ միջազգային ճանաչում ստանալով, մշտապէս կապի մէջ  եղած են Մայր Հայրենիքի հետ` իրենց կարողութիւնները ծառայեցնելով Հայաստանի զարգացման:

Շարժանկարը կը ներկայացնէ նաեւ Հայաստանի բազմադարեայ պատմութիւնն ու մշակոյթը, բաւական ծաւալուն կերպով անդրադարձ կը կատարուի Հայոց ցեղասպանութեան:

Ռուսաստանի մէջ ՀՀ դեսպանութենէն կը  յայտնեն, որ շարժանկարին ցուցադրումէն առաջ հանդիսատեսին ողջոյնի խօսքով դիմած է ՌԴ-ի մէջ ՀՀ արտակարգ եւ լիազօր դեսպան Վարդան Տողանեան:

 

 

Հոգեհանգտեան Արարողութիւն Սան Փաուլոյի ՄԷջ` Նուիրուած Ապրիլեան Քառօրեայ Պատերազմի Զոհերու Յիշատակին

Պրազիլիոյ Սան Փաուլօ քաղաքի Սուրբ Գէորգ մայր տաճարին մէջ տեղի  ունեցած է հոգեհանգստեան արարողութիւն` նուիրուած ապրիլեան քառօրեայ պատերազմի ժամանակ զոհուած քաջորրդիներուն:

Ինչպէս  կը տեղեկացնեն ՀՀ արտաքին գործոց նախարարութեան մամլոյ, տեղեկատուութեան եւ հասարակայնութեան հետ կապի վարչութենէն, Տ. Նարեկ վարդապետ Պերպերեանի նախագահութեամբ մատուցուած է պատարագ, որուն մասնակցած է նաեւ Պրազիլիոյ մէջ ՀՀ դիսպան Աշոտ Գալոյեան: Նոյն օրը ՀՀ դեսպանը ներկայ  գտնուած է Գրիգոր Լուսաւորիչ Հայ Կաթողիկէ եկեղեցւոյ վերաբացման հանդիսութեան եւ այդ առիթով եկեղեցւոյ բակին մէջ տեղադրուած խաչքարի օծման արարողութեան: ՀՀ դեսպանը հայ համայնքի եւ կրօնական յարանուանութիւններու ներկայացուցիչներուն առջեւ հանդէս  եկած է ելոյթով, որմով կարեւոր համարած է օրուան խորհուրդը: