102ամեակին Նուիրուած Ձեռնարկներու Յայտագիր Յունաստանի Մէջ

Աթէնք

Չորեքշաբթի՝ 5 Ապրիլ 2017

Դասախօսական երեկոյ «Սիսի պատմական Կաթողիկոսարանի վերադարձի դատը» նիւթով, երեկոյեան ժամը 7ին, «Զաւարեան» կեդրոնէն ներս, կազմակերպութեամբ՝ Հ.Յ.Դ. Գոքինիոյ «Վարանդեան» Կոմիտէին եւ Հ. Յ. Դ. Յունաստանի Երիտասարդական
Միութեան «Փոթորիկ» խումբի վարչութեան:

Չորեքշաբթի՝ 19 Ապրիլ 2017

Կոմիտասի երաժշտութեան համոյթ, մասնակցութեամբ Երեւանէն յատկապէս հրաւիրուած «The Gurdjieff Ensemble» հայկական ժողովրդային գործիքներու 11անդամ նուագախումբին, երեկոյեան ժամը 8ին, Աթէնքի «Παρνασσός» սրահէն ներս, հովանաւորութեամբ՝ Հ.Հ. մշակոյթի նախարարութեան եւ Նէա Զմիռնիի քաղաքապետութեան եւ կազմակերպութեամբ՝
Հ. Յ. Դ. Ֆիքսի «Արամ Մանուկեան» Կոմիտէութեան քարոզչական յանձնախումբին եւ
Հ. Յ. Դ. Յունաստանի Երիտասարդական Միութեան «Դրօ» խումբի վարչութեան:

Հինգշաբթի՝ 20 Ապրիլէն մինչեւ Երեքշաբթի՝ 25 Ապրիլ 2017

Քարոզչական տաղաւարի գործունէութիւն Սինտաղմայի հրապարակին վրայ, կազմակերպութեամբ՝ Հ. Յ. Դ. Յունաստանի Երիտասարդական Միութեան Կեդրոնական Վարչութեան։

Կիրակի՝ 23 Ապրիլ 2017

Կեդրոնական քաղաքական ձեռնարկ՝ առաւօտեան ժամը 11ին, Աթէնքի «ΠΑΛΛΑΣ» թատերասրահէն ներս, կազմակերպութեամբ՝ Ատտիկէի մարզպետարանին եւ
Հ.Յ.Դ. Հայ Դատի Յանձնախումբին։

Պիտի յաջորդէ քայլարշաւ եւ դափնեպսակներու զետեղում Սինտաղմայի Անծանօթ Զինուորի յուշադամբանին առջեւ։

Երկուշաբթի՝ 24 Ապրիլ 2017

Հանդիսաւոր արարողութիւն՝ յարանուանութեանց պետերու մասնակցութեամբ եւ դափնեպսակներու զետեղում՝ երեկոյեան ժամը 5ին, Նէա Զմիռնիի Հայոց Ցեղասպանութեան նուիրուած յուշակոթողին առջեւ, կազմակերպութեամբ՝ Ատտիկէի մարզպետարանին եւ Հ. Յ. Դ. Հայ Դատի Յանձնախումբին։

Պիտի յաջորդէ բողոքի ցոյց դէպի Աթէնքի թրքական դեսպանատուն, կազմակերպութեամբ՝
Հ. Յ. Դ. Յունաստանի Երիտասարդական Միութեան Կեդրոնական Վարչութեան։ Հաւաքավայր՝ Սինտաղմայի հրապարակի հայկական տաղաւարին առջեւ երեկոյեան ժամը 7ին:

Թեսաղոնիկէ

Շաբաթ՝ 22 Ապրիլ 2017

Լուռ բողոքի հաւաք՝ հայկական վարժարանի աշակրետներուն կողմէ, կէսօրուան ժամը12ին, Արիսթոթելուս հրապարակին վրայ, «Ο δρόμος που δεν πέρασαν, οι φωνές που δεν ακούστηκαν» խորագրով, կազմակերպութեամբ՝ Հ.Գ.Խաչի Մակեդոնիոյ եւ Թրակիոյ Շրջանային Վարչութեան։

Հեծելարշաւ՝ Թեսաղոնիկէի կեդրոնէն ներս, կէսօրուան ժամը 12ին, Արիսթոթելուս հրապարակին վրայ, կազմակերպութեամբ՝ Հ. Յ. Դ. Յունաստանի Երիտասարդական
Միութեան «Սողոմոն Թեհլիրեան» խումբի վարչութեան:

Հինգշաբթի՝ 20 Ապրիլէն մինչեւ Երեքշաբթի 25 Ապրիլ 2017

Քարոզչական տաղաւարի գործունէութիւն՝ Արիսթոթելուս հրապարակին վրայ, կազմակերպութեամբ՝ Հ.Յ.Դ. Յունաստանի Երիտասարդական Միութեան
«Սողոմոն Թեհլիրեան» խումբի վարչութեան:

Կիրակի՝ 23 Ապրիլ 2017

Կեդրոնական քաղաքական ձեռնարկ՝ առաւօտեան ժամը 11։30ին Թեսաղոնիկէի «ΜΑΚΕΔΟΝΙΚΩΝ ΣΠΟΥΔΩΝ» սրահէն ներս, կազմակերպութեամբ՝ Կեդրոնական Մակեդոնիոյ մարզպետարանին եւ Հ.Յ.Դ. Հայ Դատի Յանձնախումբին։

Պիտի յաջորդէ քայլարշաւ եւ դափնեպսակներու զետեղում՝
Գ. զօրաբանակի յուշարձանին առջեւ։

Երկուշաբթի՝ 24 Ապրիլ 2017

Արիւնատուութիւն՝ առաւօտեան ժամը 9։30-13։00,
«Տէր-Զաքարեան» սրահէն ներս, կազմակերպութեամբ՝ Հ.Գ.Խաչի Թեսաղոնիկէի «Անի» մասնաճիւղի վարչութեան:

Հանդիսաւոր արարողութիւն՝ Հայոց Ցեղասպանութեան զոհերու յիշատակին, կէսօրուան ժամը 12ին, Թեսաղոնիկէի Ս. Աստծուածածին եկեղեցւոյ մէջ, կազմակերպութեամբ Կեդրոնական Մակեդոնիոյ մարզպետարանին եւ Հ.Յ.Դ. Հայ Դատի Յանձնախումբին։

Պիտի յաջորդէ բողոքի ժողովրդային ցոյց դէպի Թեսաղոնիկէի թրքական հիւպատոսարան, կազմակերպութեամբ՝ Հ.Յ.Դ. Յունաստանի Երիտասարդական Միութեան «Սողոմոն Թեհլիրեան» խումբի վարչութեան: Հաւաքավայր՝ Արիսթոթելուս հրապարակի հայկական տաղաւարին առջեւ, երեկոյեան ժամը 6ին։

Չորեքշաբթի՝ 3 Մայիս 2017

Վազգէն Պէրպէրեանի «Κάτω από έναν αδιάφορο ουρανό» գիրքի ներկայացում՝ երեկոյեան ժամը 8ին, Թեսաղոնիկէի «Տէր-Զաքարեան» սրահէն ներս, կազմակերպութեամբ՝ Համազգայինի Թեսաղոնիկէի «Մարտիրոս Սարեան» մասնաճիւղի վարչութեան։

Քսանթի

Կիրակի՝ 23 Ապրիլ 2017

Կեդրոնական քաղաքական ձեռնարկ՝ առաւօտեան ժամը 11ին, Քսանթիի «Ίδρυμα Θρακικής Τέχνης και Παράδοσης» սրահէն ներս, կազմակերպութեամբ՝ Արեւելեան Մակեդոնիոյ եւ Թրակիոյ մարզպետարանին, Արեւելեան Մակեդոնիոյ եւ Թրակիոյ Միջ-Թաղային Խորհուրդին եւ Հ.Յ.Դ. Հայ Դատի Յանձնախումբին։

Ծանօթ.- Առանձին յայտարարութիւններ լոյս պիտի տեսնեն յաջորդիւ:

Հ.Յ.Դ. Յունաստանի Հայ Դատի Յանձնախումբ

Նազարբէկ Երիտասարդական Միութիւնը Ոգեկոչեց Յիշատակը Արցախեան Քառօրեայ Պատերազմի Զինուորներուն

Շաբաթ, Ապրիլ 1, 2017ին, ՍԴՀԿ ՆԱԶԱՐԲԷԿ Երիտասարդական Միութիւնը, ոգեկոչեց յիշատակը, ճիշտ 1 տարի առաջ, Արցախեան սահմանին վրայ, քառօրեայ պատերազմի ընթացքին ինկած զինուորներուն:

Փարիզի կեդրոնական հրապարակներէն մէկուն վրայ գտնուող Հայոց Ցեղասպանութեան զոհերուն յիշատակին նուիրուած Կոմիտաս Վարդապետի կոթողին ծաղկեպսակ զետեղելէ ետք երիտասարդները ուղղուեցան դէպի Ալֆօրվիլ քաղաքի Աշտարակ հրապարակ, Հայ Երիտասարդական Կեդրոնի – Հնչակեան Ակումբի կից, Խաչքար յուշակոթողը: Հոն ՍԴՀԿ ՆԱԶԱՐԲԷԿ Երիտասարդական Միութեան ոգեկոչման կոչին ընդառաջած էին Տէր Տիրայր Քահանայ Գըլըճեան, Ալֆօրվիլի Հայոց Եկեղեցւոյ Հոգեւոր Հովիւը, Յովհաննէս Գէորգեան, Արցախի Հանրապետութեան ներկայացուցիչը ի Ֆրանսա, Լուք Գարվունաս, Ալֆօրվիլ քաղաքի Ծերակուտական-Քաղաքապետը, Վիգէն Չիթեճեան, Հայաստանի Հանրապետութեան Դեսպանը ի ֆրանսա, ինչպէս նաեւ 200ի մօտ հաշուող ներկաներ:
Սեւակ Սարգայան, ՍԴՀԿ ՆԱԶԱՐԲԷԿ Երիտասարդական Միութեան ատենապետ, իր խօսքին ընդմէջէն տեղեկացուց «ԱԶԱՏ ԱՐՑԱԽ 2» մարդասիրական գործողութեան արձակումը որ տեղի պիտի ունենայ 2017ի Օգոստոս ամսուն աւարտին, երբ ՆԱԶԱՐԲԷԿի անդամներ պիտի ուղղուին դէպի Արցախեան սահման նիւթապէս ու հոգեպէս թիկունք կանգնելու սահմանապահ զինուորներուն:

\Տէր Հօր պատերազմին ինկած զինուորներուն հոգին օրհնելէ ետք եւ ՆԱԶԱՐԲԷԿի անդամ Վազգէն Սարաֆեանի «Տէր Ողորմեայ»էն ետք, Ծերակուտական-Քաղաքապետ Լուք Գարվունաս, Արցախի Հանրապետութեան Ներկայացուցիչ Յովհաննէս Գէորգեան, Հայաստանի Հանրապետութեան Դեսպան Վիգէն Չիթեճեան եւ ՍԴՀԿ ՆԱԶԱՐԲԷԿ Երիտասարդական Միութիւնը ծաղկեպսակներ զետեղեցին Կոթողին:

Արարատ Եսիլսիմեան անդրադառցաւ իր ապրումներուն մասին երբ իր ընկերոջ Կարէն Մարտիրեանին հետ միասին հոն էին, արցախեան սահման, քառօրեայ պատերազմին ընթացքին: Ան ըսաւ, «Հոն երթալով, տեսայ ալեհերներու եւ երիտասարդներու միջեւ անկեղծ ու հարազատ յարաբերութիւնը: Եւ հոն հասկցայ թէ հայութիւնը, հող, լեզու, մշակույթ, պատմութիւն, կրօնք չէ միայն, այլ նաեւ սէրը ընտանիքին հանդէպ եւ հպարտութիւնը իր ինքնութեամբ:

Լուք Գարվունաս որ մէկէ աւելի անգամներով եղած է Արցախ, իր խօսքին մէջ ամռապնդեց իր յանձնառութիւնը հայկական գաղութին նկատմամբ եւ տեղեկացուց, թէ շուտով Արցախի Հանրապետութեան քաղաք մը եւ Ալֆօրվիլ պիտի դառնան քոյր քաղաքներ:
Յովհաննէս Գէորգեան նկարագրեց սահմանի վիճակը, թշնամուն բարբարոսութիւնը քառօրեայ պատերազմի ընթացքին եւ բայց ու այնպէս ինքզինք հանդարտ կը զգայ շնորհիւ ֆրանսահայութեան զօրակոչին եւ Ֆրանսայի քաղաքական դէմքերու նեցուկին:

Ֆրանսայի Հայաստանի Հանրապետութեան լիազօր Դեսպան, Պարոն Վիգէն Չիթեճեան շնորհակալութիւն յայտնեց ՆԱԶԱՐԲԷԿ Երիտասարդական Միութեան եւ Սոցիալ Դեմոկրատ ՀՆՉԱԿԵԱՆ Կուսակցութեան այս նախաձեռնութեան համար:

Պէտք է յիշել որ ԿԱՅԾ – Նոր Սերունդ Մշակութային Միութեան պատանիները ոգեկոչման սկիզբը երգեցին «Մեր Հայրենիք»ը իսկ ոգեկոչումը աւարտեցին «Զարթի’ր Լաօ» երգով:

ՍԴՀԿ ՆԱԶԱՐԲԷԿ Երիտասարդական Միութիւն

%d5%b0%d5%a1%d5%b2%d5%b8%d6%80%d5%a4%d5%a1%d5%a3%d6%80%d5%b8%d6%82%d5%a9%d5%ab%d6%82%d5%b62 %d5%b0%d5%a1%d5%b2%d5%b8%d6%80%d5%a4%d5%a1%d5%a3%d6%80%d5%b8%d6%82%d5%a9%d5%ab%d6%82%d5%b6

Արցախցի Ուսուցիչները Պիտի Վերապատրասուին Պէյրութի ՄԷջ «Դուն Ի՞նչ Կ’ընես Արցախի Համար» Շարժման Ծիրէն Ներս

Ապրիլ 3-ին ՀՀ սփիւռքի նախարար Հրանոյշ Յակոբեան ընդունեց Մարտակերտի Վարդան Մինասեանի անուան թիւ 2 հիմնական դպրոցի տնօրէն Մելսիտա Քարդումեանը, ուսուցիչներ Լուսինէ Սաիյեանը եւ Ռուզաննա Աւետիսեանը, որոնք «Դուն ի՞նչ կ’ընես Արցախի համար» շարժման ծիրէն ներս Ս. Խաչ-Հարպոյեան վարժարանի հրաւէրով պիտի մեկնին Պէյրութ` մասնակցելու ներառական կրթութեան մէկշաբաթեայ դասընթացքին:

Ողջունելով հիւրերը` նախարար Հրանոյշ Յակոբեան կարեւոր համարեց Պէյրութի Ս. Խաչ-Հարպոյեան վարժարանի նախաձեռնութիւնը, նշեց, որ դպրոցն այդպէս կը փորձէ ամէն ինչ ընել, որպէսզի դառնայ «Դու ի՞նչ կ’ընես Արցախի համար» շարժման գլխաւոր մասնակիցը: Նախարարը բարի ճանապարհ մաղթեց արցախցի ուսուցիչներուն: «Շատ լաւ կը լինէր, որ ամուր կապուէիք Սփիւռքի ձեր գործընկերների հետ, նրանց փոխանցած գիտելիքները, փորձը, ներդնէիք Հայաստանում, Արցախում», – աւելցուց նախարարը:

1

Սիլվըսթըր Սթալոն Արտայայտած Է Իր Հիացմունքն Ու Աջակցութիւնը Ցեղասպանութեան Նուիրուած «Խոստում» Շարժանկարին

Յայտնի դերասան Սթալոն իր ֆէսյպուքեան էջին վրայ գրած է, որ «Այս արտասովոր շարժանկար է, որ պիտի ցուցադրուի Ապրիլ 21-ին, այս հարցը միշտ զարմացուցած է զիս,  վարջապէս քաջութիւն գտնուեցաւ, որ երկար տարիներ անց զայն ֆիլմի վերածեն, այն պատմական իրողութիւն է եւ աներեւակայելի կարեւոր: Շարժանկարը ունի բոլոր յատուկ բաղադրիչները, օսկարի արժանի շարժանկաներու որակին համարուելու, նաեւ գլխաւոր դերակատաներ Քրիսթիէն Պիլը եւ Օսքար Իսահակը իրենց  դերը ունին այդ կատարելագործման մէջ: Իսկ հեղինակաւոր բեմադրիչ` Մայք Միտաֆոյը  յատուկ իր դերակատարութիւնը ունի այս ֆիլմը  պաստառին հասնելու, ես անձամբ պարտական եմ Միտաֆոյին Ռոքի շարժանկարի յաջողութիւնը, այդ իսկ պատճառով այստեղ եմ այսօր, եւ կը նախանձիմ:

Աւելցնենք, որ «Խոստում» շարժանկարը կը պատմէ Հայոց ցեղասպանութեան մասին, շարժանկարի  հովանաւորն է Հայ-ամերիկացի միլիարտէր Գիրգ Գիրգորեան:

 

Հայաստանի Մէջ Գորգերու Արտադրութեան Ծաւալը Աւելցած է 60 Տոկոսով

2017-ի Յունուար-Փետրուարին նախորդ տարուան նոյն ժամանակահատուածի համեմատ գորգերու եւ գորգեղէնի արտադրութեան ծաւալը աճած է 60 տոկոսով:

Ինչպէս կը տեղեկացնէ ՀՀ ազգային վիճակագրական ծառայութիւնը, եթէ 2016-ի Յունուար-Փետրուարին հանրապետութեան մէջ արտադրուած է 0.5 թոն գորգեր եւ գորգեղէն, ապա այս տարուան նոյն ժամանակահատուածին` 0.8 թոն:

Panorama.am-ի փոխանցմամբ`Յունուար-Փետրուարին  Հայաստանի մէջ արտադրուած է 648.7  հազար հատ հագուստեղէն,  իսկ 2016-ի Յունուար-Փետրուարին`  500.1 հազար հատ: Այստեղ արտադրութեան ծաւալները աճած են 29.7 %-ով:

Աւելցած են նաեւ բամբակեայ գործուածքներու արտադրութեան ծաւալները: Եթէ 2016-ի Յունուար-Փետրուարին արտադրուած է 0.2 թոն բամբակեայ գործուածք, ապա այս տարուան նոյն ժամանակահատուածին` 0.4 թոն, որ 2 անգամ աւելի է:

Վիճակագրական տուեալներուն համաձայն` այս ժամանակահատուածին 36.9%-ով նուազած է միայն գուլպայի արտադրութեան ծաւալը: 2016-ի Յունուար-Փետրուարին արտադրուած է 1 592.1  հազար զոյգ գուլպայ, իսկ 2017-ին`  1 004.8  հազար զոյգ:

ՀՀ Սփիւռքի Նախարարութեան ՄԷջ Իրականացուեցաւ Խորհրդակցութիւն

 

Ապրիլ 3-ին ՀՀ սփիւռքի նախարարութեան մէջ նախարար Հրանոյշ Յակոբեանի ղեկավարութեամբ տեղի ունեցաւ խորհրդակցութիւն, որուն կը մասնակցէին նախարարի տեղակալ Վահագն Մելիքեան, աշխատակազմի ղեկավար Ֆիրդուս Զաքարեան, «Հայրենիք-Սփիւռք կեդրոն» ՊՈԱԿ-ի եւ կառուցուածքային ստորաբաժանումներու ղեկավարները:

Կառուցուածքային ստորաբաժանումներու ղեկավարները ներկայացուցին անցած շաբթուան կատարուած աշխատանքները եւ իրականացուած ձեռնարկները, նշեցին յառաջիկայ ընելիքները, հանդէս եկան նոր առաջարկներով:

Նախարարը կարեւոր համարեց Սփիւռքի երիտասարդական կազմակերպութիւններուն հետ աշխատանքը, նախարարութեան «Արի տուն» եւ «Սփիւռք» ամառնային դպրոց ծրագիրներուն անոնց աշխոյժ մասնակցութիւնը:

Անդրադարձ կատարուեցաւ «Սփիւռք-Հայրենիք» համաժողովի կազմակերպչական աշխատանքներուն, ինչպէս նաեւ` համաժողովը սփիւռքի հետ կապերը սերտացնելու հարթակ  դարձնելու առաջնահերթութեան, գործակցութեան զարգացման ուղղութիւններու, մօտեցումներու վերաբերեալ տեսակէտներու, առաջարկներու անհրաժեշտութիւնը:

13-03-2017

ԱԺ Ընտրութիւններ. ԿԸՀ-ն Արձանագրութեամբ Ամփոփեց Քուէարկութեան Նախնական Արդիւնքները

ՀՀ կեդրոնական ընտրական յանձնաժողովը Ապրիլ 3-ին ժամը 12:00-ին, գումարելով արտահերթ նիստ, ամփոփեց 2009 տեղամասերու արդիւնքները եւ կազﬔց քուէարկութեան նախնական արդիւնքներու արձանագրութիւնը: Ինչպէս կը հաղորդէ «Արմէնփրէս»-ը, ԿԸՀ-ն արձանագրեց հետեւեալ արդիւնքները, եւ բոլոր անդաﬓերը ստորագրեցին արձանագրութիւնը, յատուկ կարծիք ունենալու մասին որեւէ նշում առկայ չէ.

«Ելք» դաշինք` 122 հազար 049 ձայն կամ 7.77 %

«Ազատ դեմոկրատներ» կուսակցութիւն` 14 հազար 746 ձայն կամ 0.94 %

«Հայկական վերածնունդ» կուսակցութիւն` 58 հազար 277 ձայն կամ 3.71 %

«Ծառուկեան» դաշինք` 428 հազար 965 ձայն կամ 27.32 %

«Կոնգրէս-ՀԺԿ» դաշինք` 25 հազար 975 ձայն կամ 1.65 %

Հայաստանի Հանրապետական կուսակցութիւն` 771 հազար 247 ձայն կամ 49.12 %

Հայաստանի կոմունիստական կուսակցութիւն` 11 հազար 745 ձայն կամ 0.75 %

«Օհանեան-Րաֆֆի-Օսկանեան» դաշինք` 32 հազար 504` 2.07 %

Հայ յեղափոխական դաշնակցութիւն` 103 հազար 173 ձայն կամ 6.57 %

Արձանագրութիւնը կը ներառէ նաեւ տարածքային ցուցակներու թեկնածուներու կողմ ձայները: Ապրիլ 2-ին Հայաստանի 13 ընտրատարածքներուն մէջ գործած է 2009 ընտրատեղամաս: Արձանագրութիւնը ամրագրեց նաեւ ընտրողներու ցուցակին մէջ ընդգրկուած ընտրողներու ընդհանուր թիւը` 2 ﬕլիոն 585 հազար 134, քուէարկութեան օրը ընտրական տեղամասերուն մէջ կազմուած ընտրողներու լրացուցիչ ցուցակին մէջ ընտրողներու թիւը` 7, շրջիկ արկղով քուէարկողներու լրացուցիչ ցուցակին մէջ ներառուած անձանց թիւը` 2 հազար 572, ելեկտրոնային եղանակով քուէարկողներու թիւը` 877, քուէարկութեան մասնակցած է 1 ﬕլիոն 577 հազար 323 մարդ կամ 60.93 տոկոսը:

Նախնական արդիւնքները կը փաստեն, որ Ազգային ժողով մուտք գործելու անհրաժեշտ նուազագոյն շեմը յաղթահարած է չորս ուժ: Յառաջատարը ՀՀԿ-ն է, կը յաջորդեն «Ծառուկեան», «Ելք» դաշինքները, ՀՅԴ-ն:

 

 

Սերժ Սարգսեան եւ Վլատիմիր Փութին Ուղերձներ Փոխանակած են Դիւանագիտական Յարաբերութիւններու 25-ամեակին Առիթով

Հայաստանի Հանրապետութեան Նախագահ Սերժ Սարգսեան եւ Ռուսիոյ Դաշնութեան Նախագահ Վլատիմիր Փութին շնորհաւորական ուղերձներ փոխանակած են ՀՀ եւ ՌԴ միջեւ դիւանագիտական յարաբերութիւններու հաստատման 25-ամեակին առիթով: Այս մասին կը հաղորդեն ՀՀ Նախագահի աշխատակազմի հասարակայնութեան եւ տեղեկատւութեան միջոցներու հետ կապերու վարչութենէն:

ՌԴ Նախագահ Վլատիմիր Փութինին ուղղուած Նախագահ Սերժ Սարգսեանի շնորհաւորական ուղերձին մէջ մասնաւորապէս ըսուած է.

«Յարգելի՛ Վլատիմիր Վլատիմիրի,

Սրտանց կը շնորհաւորեմ Ձեզ Հայաստանի Հանրապետութեան եւ Ռուսիոյ Դաշնութեան միջեւ դիւանագիտական յարաբերութիւններու հաստատման 25-ամեակին առիթով:

Հայ-ռուսական բարեկամութեան, եղբայրութեան եւ փոխադարձ աջակցութեան բազմադարեայ յարաբերութիւններու պատմութեան մէջ այս նշանակալի իրադարձութիւնը բացաւ որակապէս նոր փուլ, դրաւ Հայաստանի եւ Ռուսիոյ միջեւ դաշնակցային ռազմավարական գործընկերութեան հիմքը:

Չափազանց կարեւոր է, որ երկկողմ համագործակցութեան յետագայ ամրապնդման քաղաքականութիւնը մեծ աջակցութիւն կը վայելէ մեր երկիրներու հասարակութիւններուն կողմէ, իսկ Ձեր հետ հանդիպումներուն վստահութեան եւ փոխըմբռնման մթնոլորտը թոյլ կու տայ ընդունելու եւ իրագործելու իսկական դաշնակցային ոգիին բնորոշ որոշումներ:

Այսօր Հայաստանի եւ Ռուսիոյ միջեւ յարաբերութիւնները կը գտնուին ամենաբարձր մակարդակի վրայ, ուշադրութիւն կը գրաւեն քաղաքական աշխոյժ երկխօսութեամբ, տարածաշրջանային եւ միջազգային հարթակներու վրայ քայլերու արդիւնաւէտ ներդաշնակութեամբ, հարաւկովկասեան տարածաշրջանին մէջ խաղաղութեան եւ անվտանգութեան ապահովման համատեղ ջանքերով:

Մենք կայացուցած ենք կարեւոր որոշումներ տնտեսութեան, մարդասիրական եւ այլ ոլորտներու մէջ համատեղ նախագիծերու առաջմղման ուղղութեամբ, թափ կ՝առնեն միջխորհրդարանական եւ միջտարածաշրջանային կապերը:

Ռուսիան եւ Հայաստանը ծանրակշիռ ներդրում կ՝ունենան եւրասիական ընդելուզման գործընթացի, ՀԱՊԿ-ի, ԱՊՀ-ի, այլ բազմակողմ կառոյցներու շրջանակներու մէջ համագործակցութեան ամրապնդման գործին մէջ:

Այս ամէնը աներկբայ վստահութիւն կը ներշնչէ, որ հսկայական ներուժ ունեցող հայ-ռուսական բազմաբնոյթ համագործակցութիւնը մեր համատեղ ջանքերուն շնորհիւ յետագային եւս պիտի շարունակէ խորանալ` ներառելով արգասաբեր փոխգործակցութեան նորանոր բնագաւառներ, որ, անկասկած, կը համապատասխանէ Հայաստանի եւ Ռուսիոյ ժողովուրդներու շահերուն եւ իղձերուն:

Յարգելի՛ Վլատիմիր Վլատիմիրի, անկեղծօրէն կը մաղթեմ Ձեզ քաջառողջութիւն, յաջողութիւններ Ձեր գործունէութեան մէջ, իսկ Ռուսիոյ եղբայրական ժողովուրդին` բարօրութիւն եւ բարգաւաճում»:

«Հայկական Սփիւռքի Արուեստը» Խորագիրով Միջազգային Գիտաժողով Վարշաւայի ՄԷջ

Մարտ 30-31-ը Վարշաւայի Քարտինալ Ստեֆան Վիշինսկիի անուան համալսարանին մէջ տեղի ունեցաւ «Հայկական սփիւռքի արուեստը» խորագիրով միջազգային գիտաժողով, որ կ´իրականացուէր Հայաստանի եւ Լեհաստանի միջեւ դիւանագիտական յարաբերութիւններու հաստատման 25-ամեակին եւ Լեհաստանի հայ համայնքի կազմաւորման 650-ամեակին ձեռնարկներու ծիրէն ներս: Այս մասին «Հայերն այսօր»-ին կը յայտնեն ԱԳՆ մամլոյ ծառայութենէն:

Գիտաժողովը կազմակերպուած էր Համաշխարհային արուեստներու ուսումնասիրութեան Լեհական հիմնարկը, Կտանսկի Ազգային թանգարանը եւ Վարշաւայի Քարտինալ Ստեֆան Վիշինսկիի անուան համալսարանը` Սահակեան հիմնադրամի ու Միջմշակութային եւ միջկրօնական երկխօսութեան միջազգային կեդրոնի հովանաւորութեամբ:

Գիտաժողովի բացման պաշտօնական արարողութեան ելոյթներով հանդէս եկան Լեհաստանի մէջ ՀՀ դեսպան Էդգար Ղազարեան, Վարշաւայի Քարտինալ Ստեֆան Վիշինսկիի անուան համալսարանի Պատմութեան եւ արուեստի հիմնարկի տնօրէն, դասախօս Քաթարժինա Խրուդժիմսկա-Ուհերան, Լեհաստանի Համաշխարհային արուեստի ուսումնասիրութիւններու հիմնարկի նախագահ, Տորունի Նիքոլա Քոփեռնիքոսի անուան համալսարանի փրոֆէսոր Եէժի Մալինովսկին եւ գիտաժողովի կազմակերպական յանձնախումբի ղեկավար, Վարշաւայի Քարտինալ Ստեֆան Վիշինսկիի անուան համալսարանի փրոֆէսոր Վալտեմար Տելուկան:

Գիտաժողովին տարբեր երկիրներու մէջ հայ ժողովուրդին կողմէ ստեղծուած արժէքաւոր մշակութային ժառանգութեան վերաբերող գիտական զեկոյցներով եւ իրենց ուսումնասիրութիւններու արդիւնքներով հանդէս եկան հայ եւ օտարազգի գիտնականներ Լեհաստանի, Հայաստանի, Ֆրանսայի, Սերպիոյ, Ուքրանիոյ, Գերմանիոյ, Հունգարիոյ  շարք մը համալսարաններէն եւ գիտական կեդրոններէն:

 

Այվազովսկին Նուիրուած Ձեռնարկ Արտաշատի Աւագ Դպրոցին ՄԷջ

ՀՀ սփիւռքի նախարարութեան  Հայաստան-Սփիւռք գործակցութեան պետական քաղաքականութեան ծիրէն ներս իրականացուող «Մեր մեծերը» ծրագիրի մեկնարկը Արտաշատի աւագ դպրոցին մէջ տրուեցաւ հայ անուանի ծովանկարիչ Հ. Այվազովսկին նուիրուած ձեռնա րկով, որ տեղի ունեցաւ օրերս:

Ինչպէս «Հայերն այսօր»-ինկը յայտնեն դպրոցէն, աշակերտները ներկայացուցին անուանի ծովանկարիչի կեանքը եւ գործունէութիւնը: Ուշագրաւ էր «Հ. Այվազովսկիի նկարները երեխաներուն աչքերով» խորագիրը կրող նկարներու ցուցահանդէսը:

Ձեռնարկին կը մասնակցէին դպրոցի VIII-XII դասարաններու աշակերտները: Ներկայացուած լաւագոյն աշխատանքներուն եւ գործուն մասնակցութեան համար աշակերտները պարգեւատրուեցան պատուոգիրներով:

 %d5%a1%d6%80%d5%bf%d5%a1%d5%b7%d5%a1%d5%bf1%d5%a1%d6%80%d5%bf%d5%a1%d5%b7%d5%a1%d5%bf2%d5%a1%d6%80%d5%bf%d5%a1%d5%b7%d5%a1%d5%bf3