Տեսաժողով` Տարբեր Երկիրներու Հայ Բժիշկներու Մասնագիտական Կառոյցներու Ներկայացուցիչներու Մասնակցութեամբ

Մարտ 20-ին ՀՀ սփիւռքի նախարարութեան մէջ նախարար Հրանոյշ Յակոբեանի մասնակցութեամբ տեղի ունեցաւ տեսաժողով ԱՄՆ-ի, Քանատայի,  Արժանթինի, Մեծ Բրիտանիոյ, Գերմանիոյ, Ռուսաստանի, Լիբանանի հայ բժիշկներու մասնագիտական կառոյցներու ներկայացուցիչներուն հետ: Երեւանէն տեսաժողովին կը մասնակցէին ՀՀ սփիւռքի նախարարի տեղակալ Վահագն Մելիքեան, Երիտասարդ բժիշկներու հայկական ընկերակցութեան նախագահ Գէորգ Գրիգորեան, Հայաստանի երիտասարդ ակնաբոյժներու ընկերակցութեան նախագահ Արտաշէս Զիլֆեան, Դեղ արտադրողներու եւ ներմուծողներու միութեան նախագահ Սեմ Զաքարեան, «Ֆայտէք-Հայաստան» հիմնադրամի տնօրէն Նարինէ Հայրապետեան, Սփիւռքի եւ Առողջապահութեան նախարարութիւններու աշխատակիցներ:

Սփիւռքեան համայնքներէն տեսաժողովին մասնակցեցան «Ֆայտէք» եւ «Սթամպուլեան» հիմնադրամներու հիմնադիր նախագահ Դանիէլ Սթամպուլեան (Արժանթին), Հայ ամերիկեան բժշկական միութեան նախագահ Ճերի Մանուկեան (ԱՄՆ), Օնթարիոյ հայ բժշկական միութեան ղեկավար Անի Հասրճեան (Քանատա), Գերմանիոյ հայ բժիշկներու միութեան ներկայացուցիչ Մարգարիտ Ասոյեան (Գերմանիա), «Մեծ Բրիտանիոյ հայ բժիշկներու ընկերակցութեան» ղեկավար Արա Նահապետեան, Լիբանանի հայ բժիշկներու միութեան ատենապետ Գրիգոր Էճիտեան եւ ատենադպիր Պետրոս Գարակէօզեան, «ВИВА. Врачи и Волонтеры-Армении» կազմակերպութեան ղեկավար Թաթիանա Յովհաննիսեան (Մոսկուա, ՌԴ), Մոսկուայի մէջ ՀՀ սփիւռքի նախարարի խորհրդական Ռուբիկ Գասպարեան, «Armenian medical scientific community»-ի ղեկավար (AMSC) Յասմիկ Ահարոնեան Մոսկուայի մէջ գործող խումբ մը հայ բժիշկներ:

Ողջունելով հայ բժիշկները` Սփիւռքի նախարար Հրանոյշ Յակոբեան կարեւոր   համարաեց մասնագիտական կառոյցներու գործունէութիւնը, հայ բժիշկներու համահայկական հարթակի ստեղծման անհրաժեշտութիւնը եւ անոնց մասնակցութիւնը Հայաստանի առողջապահական համակարգի զարգացման գործընթացքին:

Նախարարը ներկայացուց Արժանթինի մէջ Մայիս 29-էն Յունիս 2 «Ֆայտէք» եւ «Սթամպուլեան» հիմնադրամներու հիմնադիր նախագահ Դանիէլ Սթամպուլեանի նախաձեռնութեամբ Հայ բժիշկներու 12-րդ կայանալիք համաժողովը եւ յորդորեց, որ աւելի մեծ թիւով հայ բժիշկներ մասնակցին` համաժողովն առաւել ներկայացուցչական դարձնելու համար: Քննարկուեցան կազմակերպական հարցեր:

Առողջապահութեան նախարարութեան աշխատակից Հայկ Գրիգորեան նշեց, որ Հայաստանի մէջ բոլոր բժիշկները տեղեկացուած են, եւ շուրջ 40 բժիշկ ցանկութիւն յայտնած է մասնակցելու համաժողովին:

Ամփոփելով տեսաժողովը` նախարարը կարեւոր նկատեց ըստ ոլորտներու հայ բժիշկներու մասնագիտական ցանցերու կատարելագործումը, տարածումն ու ընդլայնումը, եւ պարբերաբար Հայաստանի մէջ անոնց հաւաքներու կազմակերպումը: Նախարարը շնորհակալութիւն յայտնեց Սփիւռքի հայ բժիշկներուն, որոնք 25 տարի շարունակ իրենց գիտելիքներն ու փորձը կը ներդնեն` Հայրենիքի մէջ առողջապահական համակարգի կատարելագործման գործընթացքը ապահովելու նպատակով, եւ նշեց, որ Հայաստան կրնայ դառնալ, առողջապահական զբօսաշրջութիւն, բժշկական ապրանքներ, սարքաւորումներ եւ դեղամիջոցներ արտահանող երկիր, եթէ աշխարհի բոլոր երկիրներու մէջ ապրող հայ բժիշկները միաւորուին:

12

Ստեփանակերտի Մէջ Կայացաւ Պլոկըրներու Միջազգային Համաժողով

«Արցախակերտում» հասարակական կազմակերպութեան եւ Արցախի լրագրողներու միութեան նախաձեռնութեամբ այսօր Ստեփանակերտի մէջ տեղի ունեցաւ պլոկըրներու միջազգային համաժողով, որուն մասնակցեցաւ շուրջ 30 պլոկըր` աշխարհի 11 երկրէ:

Յիշեցնենք, որ շարք մը յայտնի պլոկըրներ եւ լրագրողներ աշխարհի տարբեր երկիրներէ մեկնեցան Արցախի Հանրապետութիւն իբրեւ բողոքի նշան Ատրպէյճանի քաղաքականութեան դէմ: Անոնք կը բողոքեն Մինսկի կողմէ Պաքուին յանձնուած Ալեքսանդր Լափշինի ձերբակալութեան դէմ:

 «Արցախփրես»-ի  հաղորդմամբ` Ֆորումի  գլխաւոր թեմաններն  են` հակամարտութիւններու ներկայացումը ընկերային մեդիայի եւ պլոկըրներու ու լրագրողների ազատութիւններու ապահովումը:

Համաժողովը կը վարէր  «Արցախակերտում» կազմակեչպութեան   համանախագահ  Արտակ Բեգլարեան եւ մեդիափորձագէտ Սամուէլ Մարտիրոսեան:

«Աշխարհ» ռազմավարական հետազօտութիւններու կեդրոնի (Ստեփանակերտ) տնօրէն, ռազմական եւ ազգային անվտանգութեան խնդիրներու փորձագէտ Հրաչեայ Արզումանեան ֆորումին ներկայացուց արցախեան հակամարտութեան յառաջացման պատճառները:

«Փորձը ցոյց կու տայ, որ աշխարհաքաղաքական ուժերը, եթէ չեն ցանկանար զբաղիլ խնդրով, ապա թերեւս պլոկըրները, որպէս նոր ձեւաւորուող հանրային տեղեկատուութեան իրականութիւն` կրնան ազդել իրավիճակին վրայ»,-նշած  է  Հ.  Արզումանեան։

Արցախի   հանրապետութեան   տնտեսութեան նախարարի տեղակալ Սերկէյ Շահվերդեան ներկայացուցած  է  Արցախի զբօսաշրջութեան վիճակը:

«Արցախի Հանրապետութեան զբօսաշրջութիւն ըսելով, կը հասկնանք տարեկան շուրջ 15 հազար զբօսաշրջիկ, 43 հիւրանոցային տնտեսութիւն, 7 զբօսաշրջային ընկերութիւններ, զբօսավարներ: Արցախի Հանրապետութիւն կ՛այցելեն զբօսաշրջիկներ` Ռուսիայէն, Միացեալ Նահանգներէն, Իրանէն եւ եւրոպական երկիրներէ»,-մասնաւորապէս  ըսած  է  Ս.  Շահվերդեան:

Ֆուրումին մասնակիցները հանդէս եկած են  իրենց յուզող հարցադրումներով, որոնք  հիմնականօրէն կը վերաբերէին   հակամարտութեան եւ  Արցախի   ճանաչման, խօսած  իրենց տպաւորութիւններուն մասին:

Ֆորումի   վերջաւորութեան մասնակիցները  հանդէս  եկած են յայտարարութեամբ:

Տեղի Ունեցաւ Տեսաժողով Փորթուկալիոյ Հայկական Համայնքին Հետ

Մարտ 20-ին ՀՀ սփիւռքի նախարարութեան մէջ տեղի ունեցաւ տեսաժողով Փորթուկալիոյ հայկական համայնքի հայ եւ փորթուկալացի ներկայացուցիչներուն հետ:

Օրակարգին մէջ էին ՀՀ սփիւռքի նախարարութեան 2017թ. ծրագիրներու ներկայացման, Սեպտեմբեր 24-29-ը կայանալիք «Կ’երգենք Կոմիտաս» համահայկական փառատօնին Փորթուկալիոյ հայկական «Քոնսոնանսիա» նուագախումբի մասնակցութեան հարցերը:

Համայնքին ներկայացուցիչները ողջունեց ՀՀ սփիւռքի նախարար Հրանոյշ Յակոբեան: Ան մասնաւորապէս նշեց. «Ուրախ եմ, որ Փորթուկալիայի փոքրաթիւ հայութիւնը համախմբուեց եւ 2016թ. ստեղծեց «Փորթուկալիա–Հայաստան բարեկամութեան միութիւն»-ը, որը փորձում է իր շուրջ համախմբել տեղի հայութեանը: Լիսապոնում գործում է նաեւ «Գալուստ Կիւլպէնկան» հիմնարկութեան հայկական բաժինը: Հայ մեծանուն բարերար Գալուստ Կիւլպէնկեանի անունն արդէն իսկ մեզ ճանաչելի է դարձնում ամբողջ աշխարհում: Մենք պէտք է միջոցներ ձեռնարկենք ուծացած հայերին իրենց արմատներին վերադարձնելու ուղղութեամբ: Առաջին միջոցը հայ մշակոյթի տարածումն է եւ Հայրենիք այցելութիւնները»:

ՀՀ սփիւռքի նախարարը «Փորթուկալ-Հայաստան բարեկամութեան միութեան»-ը առաջարկեց համագործակցիլ «Գալուստ Կիւլպէնկեան» հիմնարկութեան, ինչպէս նաեւ եւրոպական այլ երկիրներու հայ համայնքներուն հետ` հայապահպան համատեղ ծրագիրներ իրականացնելու նպատակով:

Նախարար Հրանոյշ Յակոբեան անդրադարձաւ նաեւ Հայաստանի մէջ հայ եւ փորթուկալացի գործարարներուն կողմէ ներդրումներ կատարելու հնարաւոր ուղիներուն:

Երկուստեք կարեւոր համարուեցաւ փորթուկալացի գործարարներուն Հայաստան ճանաչելի դարձնելու հանգամանքը:

Համահայկական ծրագիրներու վարչութեան պետ Գագիկ Գեանջումեան ներկայացուց 2017թ. Սփիւռքի նախարարութեան ծրագիրները:

«Փորթուկալ-Հայաստան բարեկամութեան միութեան» ղեկավար Վահէ Մխիթարեան խօսեցաւ փորթուկալական «Քոնսոնանսիա» նուագախումբին մասին եւ կարեւոր համարեց Հայաստանի մէջ այն ճանաչելի դարձնելու հարցը:

«Փորթուկալ-Հայաստան բարեկամութեան միութեան» ղեկավարի տեղակալ Նարինէ Տելլալեան նշեց, որ կառոյցը եւ 1995թ. գործող «Տելալեան թրիոյ» երաժշտական խումբը կը զբաղուին հայկական երաժշտութեան հանրահռչակմամբ:

«Մեր ընկերակցութեան հովանիին ներքոյ կը գործէ «Քոնսոնանսիա» արհեստավարժ նուագախումբ` բաղկացած 12 երաժիշտներէ, որոնց մէջ կան թէ՛ հայեր եւ թէ՛ փորթուկալցիներ: Ուրախ ենք փաստելու, որ 2017թ. «Քոնսոնանսիա» նուագախումբը պիտի մասնակցի Սփիւռքի նախարարութեան «Կ’երգենք Կոմիտաս» համահայկական փառատօնին», – աւելցուց Նարինէ Տելլալեան:

 

«Արգիշտ» Հայկական Համայնքը Հայաստան Ներկայացուց «Բարեկամութիւն Առանց Սահմաններու» Փառատօնին

Մարտ 16-ին Ռուսաստանի զբօսաշրջութեան եւ ծառայութեան պետական համալսարանին մէջ մեծ շուքով, տարաբնոյթ ձեռնարկներով, պարգեւներու յանձնմամբ ու տօնական համերգով տեղի ունեցաւ  «Բարեկամութիւն առանց սահմաններու» փառատօնը:

Ինչպէս «Հայերն այսօր»-ին կը յայտնէ Ազնիւ Պարոնեան, 10-ամեայ պատմութիւն ունեցող փառատօնին կը մասնակցէին ոչ միայն Ռուսաստանի զբօսաշրջութեան եւ ծառայութեան  պետական համալսարանի ուսանողները, այլեւ այլ համալսարաններու եւ ազգամշակոյթային կազմակերպութիւններու ներկայացուցիչներ, ԱՊՀ երկիրներու հայկական երիտասարդական կազմակերպութիւնները:

Համալսարանի ուսանողական խորհուրդը կազմակերպած էր «Ազգային խոհանոցի ու աւանդական ճաշատեսկներու» ցուցադրութիւն: Փառատօնը շարունակուեցաւ տօնական համերգով`  հիւրերուն,  համալսարանի դասախօսական  անձնակազմին եւ ուսանողներուն համար:

Մասնակիցները ներկայացուցին  համերգային ծրագիր` ազգային երաժշտութեամբ, երգ ու պարով, ասմունքով:

Արդէն երեք տարի է, որ փառատօնին Հայաստան կը ներկայացնեն «Արգիշտ» հայ համայնքի ժողովրդական գործիքներու (ուսուցիչ` Աւետիս Մանուկեան) եւ «Արգիշտ» պարային խումբերը, ինչպէս նաեւ իրենց վառ կատարումներով աչքի կ’իյնան  համալսարանի հայ ուսանողները:

«Այսպիսի փառատօններուն երկիր, հայրենիք ներկայացնելը մեծ ոգեւորութիւն   կ’առաջացնէ,  ներքուստ հպարտութիւն կը զգաս: Մենք մասնակից բոլոր ազգերէն կը տարբերէինք անով,  որ ըլլալով աշխարհի ամենահին ազգերէն մէկը, 15 վայրկեանի ընթացքին ներկայացուցինք մեր ազգի անցեալ եւ ներկայ մշակոյթը,-  նշեցին «Արգիշտ» պարային խումբի ներկայացուցիչները եւ աւելցուցին,- Ով չի ճանչնար իր հայրենիքը, չի կրնար ճշմարտապէս սիրել զայն»:

%d6%83%d5%a1%d5%bc%d5%a1%d5%bf%d5%b8%d5%b6%d6%83%d5%a1%d5%bc%d5%a1%d5%bf%d5%b8%d5%b61%d6%83%d5%a1%d5%bc%d5%a1%d5%bf%d5%b8%d5%b62  %d6%83%d5%a1%d5%bc%d5%a1%d5%bf%d5%b8%d5%b65%d6%83%d5%a1%d5%bc%d5%a1%d5%bf%d5%b8%d5%b62

ՀՀ Սփիւռքի Նախարար Հրանոյշ Յակոբեան Այցելեց Հայաստանի Նկարիչներու Միութիւն

ՀՀ սփիւռքի նախարար Հրանոյշ Յակոբեան այցելեց Հայաստանի նկարիչներու միութիւն ՀՀ Նախագահի մրցանակի ծիրէն ներս կազմակերպուած «Արուեստի բնագաւառին մէջ ներդրած նշանակալի աւանդի համար» անուանակարգին մէջ ներկայացուած ՀՀ վաստակաւոր նկարչուհի, Քրիստափոր Քուշնարեանի անուան արուեստի դպրոցի կերպարուեստի բաժինի ղեկավար Աննա  Յարութիւնեանի նկարներու ցուցահանդէս:

Ներկայացուած էին հեղինակի «Անցեալի վկաներ» շարքը, որ կ’առանձնանար տիեզերքի հայաստանակեդրոն փիլիսոփայութեամբ, անտիկ, քրիստոնէական ու ժամանակակից կերպարուեստի տարրերու համադրութեամբ, իւրայատուկ տեխնիկայով:

Նախարարը բարձր գնահատեց հայկական մշակոյթն ԱՄՆ-ի, Գերմանիոյ, Սպանիոյ եւ այլ երկիրներու մէջ պատշաճ եւ հետաքրքիր մատուցմամբ ներկայացնելու նկարչուհիին ջանքերը եւ նշեց, որ թէեւ  ան ուսումը շարունակած է Գերմանիա, 20 տարեկանէն դարձած է Գերմանիոյ նկարիչներու միութեան անդամ, սակայն անոր արուեստի շարժիչ ուժն ու ներշնչանքի ակունքը Հայաստան աշխարհն է` հնագոյն քաղաքակրթութիւններու խաչմերուկը: Սփիւռքի նախարարը շնորհակալութիւն յայտնեց սերտ համագործակցութեան համար եւ կարեւոր նկատեց Արէնիէն պեղած 5.500-ամեայ աշխարհի ամենահին հայկական գտածոյ կօշիկի նկարի ցուցադրութիւնը Սպանիոյ Էլտա քաղաքի Կօշիկի թանգարանին մէջ, եւ այն ՀՀ սփիւռքի նախարարութեան անունէն թանգարանին նուիրելը:

Աննա Յարութիւնեան շնորհակալութիւն յայտնեց իր արուեստը բարձր գնահատելու համար եւ հաւաստիացուց, որ յառաջիկային հանդէս պիտի գայ նոր ու հետաքրքիր նախաձեռնութիւններով:

 

 

 

«Սպանիոյ Ձայնը-3» Նախագիծի Մասնակից Հայկ Արսէնեան Այցելած Է «Հայ Տուն»

Մարտ 18-ին «Հայ տուն» այցելած են եւ Պարսելոնայի հայկական մշակութային միութեան մէկօրեայ դպրոցի ուսուցչական կազմին եւ սաներուն հետ ծանօթացած «Սպանիոյ ձայնը-3» (LA VOZ KIDS 3) նախագիծի շնորհալի մասնակից, մեր հայրենակից Հայկ Արսէնեանը եւ իր ծնողները:

Ինչպէս «Հայերն այսօր»-ին կը  յայտնեն միութենէն, հանդիպման ընթացքին Հայկը պատմած է իր փորձառութեան մասին ու դպրոցի սաներուն հետ կատարած «Երեւան-Էրեբունի» երգը: Ապա տեղի   ունեցած է  մտերմիկ զրոյց:

Պարսելոնայի հայկական մշակութային միութիւնը իր անդամներուն ու «Հայ տան» մեծ ընտանիքին անունէն  յաղթանակ եւ նորանոր յաջողութիւններ կը մաղթեն Հայկին:

Մայրենիի Եւ Բարեկենդանի Տօները Մինսքի Հայորդաց Մէկօրեայ Կրթօճախէն Ներս

Փետրուար 26-ին Մինսքի Հայորդաց մէկօրեայ կրթօճախի ուսուցիչները պատեհ առիթը բաց չեն ձգած մեծարելու մեր լեզուն, մշակոյթը, կոմիտասեան երաժշտութիւնը, հայ եկեղեցւոյ աւանդոյթները:

Ինչպէս «Հայերն այսօր»-ին կը  յայտնեն կրթօճախէն, բացման խօսքով հանդէս  եկած է տիկին Գայեանէն, որ ներկայացուցած է Մայրենիի անզուգական գեղեցկութիւնը, անոր անբաւ հարստութիւնը:

Երեկոն յուզառատ  եղած է, երբ ռուսախօս երեխաները արտասանած են հայերէն: Առաւել սրտառուչ էր կրթօճախի փոքրիկներու ելոյթը. անոնք ցուցադրած են «Մայրենիի դաս» բեմականացումը:

Աննա Յակոբեան ասմունքած է իր հօր`գրող Անդրանիկ Յակոբեանի «Որդան կարմիր» բանաստեղծութիւնը:

Ձեռնարկին  երկրորդ մասը նուիրուած էր Բարեկենդանին: Տօնին խորհուրդը ներկաներուն ներկայացուցած է տիկին Զարուհին: Այնուհետեւ երեխաները ցուցադրած են Բարեկենդանին նուիրուած խաղեր, երգեր, հանդիսատեսին առաջադրած հանելուկներ:

Ողջ երեկոյին ընթացքին կը զգացուէր թումանեանական շունչը: Տպաւորիչ էր երեխաներու բեմադրած «Բարեկենդան» հեքիաթը: Աւարտին վերջիններս պարած են հայկական աւանդական պարեր` Քերծի, Փափուռի:

Աւարտին բոլորին կը սպասէր հայկական աւանդական կերակրատեսակներով հարուստ տօնական սեղանը:

12 3 4

5

Երկօրեայ Ցուցահանդէս-Վաճառք՝ Հայ Ուս. «Չհարմահալ» Միութեան Նոր Ջուղայի Մասնաճիւղի Նախաձեռնութեամբ

Հայ Ուս. «Չհարմահալ» միութեան Նոր Ջուղայի մասնաճիւղի նախաձեռնութեամբ, Մարտ 2-ին եւ 3-ին, սոյն մասնաճիւղի կեդրոնատեղիի դահլիճին մէջ իրականացաւ գարնանային ցուցահանդէս-վաճառք՝ առիթ ընձեռելով Նոր Ջուղայի եւ Շահինշահրի հայ համայնքներու ձեռներեց կանանց՝ վաճառքի հանելու իրենց պատրաստած թխուածքները, ձեռքի աշխատանքները, տօնական զարդերը, մրգանուշը,  թթուեղէնը եւ շարք մը այլ իրեր: Վաճառքի բաժինին մէջ յատուկ կրպակ ունէին նաեւ կազմակերպիչ միութիւնն ու Նոր Ջուղայի Հայուհեաց Բարեգործական ընկերութիւնը՝ ցուցադրելով իրենց շնորհաշատ անդամուհիներու ձեռքի պատրաստածը: Այս մասին Հայերն այսօր-ը կը տեղեկանայ norjugha կայքէն:

Երկօրեայ աշխատանքին ընթացքին՝ բազմաթիւ հայ եւ պարսիկ հայրենակիցներ այցելեցին սոյն ցուցահանդէս-վաճառքի կեդրոն. պարսիկ հայրենակիցները, յատկապէս, առիթ ունեցան մօտէն ծանօթանալու հայկական ձեռարուեստին ու մշակոյթին:

Վաճառքին զուգահեռ աշխատեցաւ նախատեսուած հիւրասիրութիւն՝ այցելուներուն մատուցելով համեղ ուտելիքներ ու ըմպելիքներ:

Ծրագիրի կազմակեպման գործին մէջ՝ մասնաճիւղի վարչութեան հետ համագործակցած էին նոյն միութեան Ձեռնարկային յանձնախումբն ու Գրական միաւորը:

vajark_01vajark_02 vajark_03

Իսրայէլի Քաղաքացին Հրապարակած Է Իր Անձնագիրին ՄԷջ Արցախի Վիզայի Լուսանկարը

Իսրայէլի քաղաքացի, փորձագէտ Անտոն Մերքուրովը, որ Արցախի մէջ կը մասնակցի Պլոկըրներու միջազգային ժողովին, ֆէյսպուքեան իր էջին վրայ տեղադրած է իր անձնագիրը, որուն մէջ դրոշմուած է Արցախ մուտք գործելու արտօնագիրը:

«Արցախ մուտքի արտօնագիրը  դրած եմ Իսրայէլական անձնագիրիս մէջ»,-իր լուսանկարը մակագրած է Անտոն Մերքուրովը: Ժողովին կը մասնակցի նաեւ ռուս յայտնի պլոկըր Անտոն Նոսիքը, որ յայտնի է «Ռունեթի արքայ» մականունով:

«Եթէ ձեզի ըսեն, թէ Արցախ նման չէ հարեւան միւս տարածաշրջաններուն, հաւատացէք, ատիկա այդպէս է: Մինչեւ գալս անկեղծ չէի հաւատար»,- Ankakh.com-ի փոխանցմամբ` գրած է պլոկըրը:

%d5%be%d5%ab%d5%a6%d5%a11%d5%be%d5%ab%d5%a6%d5%a1

Տ. Լե­ւոն Արք. Զէ­քիեան պար­գե­ւատ­րեց աշ­խար­հահռ­չակ լու­սան­կա­րիչ Ա­րա Կիւ­լէ­րը

Կա­թո­ղի­կէ Հա­յոց Վի­ճա­կա­ւոր Տ. Լե­ւոն Արք. Զէ­քիեան ե­րէկ հան­դի­սա­ւոր ա­րա­րո­ղու­թիւ­նով մը պար­գե­ւատ­րեց աշ­խար­հահռ­չակ լու­սան­կա­րիչ Ա­րա Կիւ­լէ­րը։ Այս­պէս, ի­րեն շնոր­հուե­ցաւ Հայ Կա­թո­ղի­կէից Ար­քե­պիս­կո­պոսա­րա­նի նո­րա­հաս­տատ «Մկրտիչ Պե­շիկ­թաշ­լեան» շքանշա­նը։

Ա­րա Կիւ­լէ­րի մե­ծա­րան­քի հան­դի­սու­թիւ­նը ե­րէկ յետ­մի­ջօ­րէին տե­ղի ու­նե­ցաւ Ղա­լա­թիոյ Ս. Փրկիչ Հայ Կա­թո­ղի­կէ ե­կե­ղեց­ւոյ մէջ։ Զէ­քիեան Գե­րա­պայ­ծա­ռի հան­դի­սա­պե­տու­թեամբ տե­ղի ու­նե­ցաւ ա­րա­րո­ղու­թիւ­նը, ո­րուն մաս­նակ­ցե­ցան դի­ւա­նա­գէտ­ներ, տե­ղա­կան ինք­նա­կա­ռա­վար­ման մար­մին­նե­րու ներ­կա­յա­ցու­ցիչ­ներ, հա­սա­րա­կա­կան գոր­ծիչ­ներ, մտա­ւո­րա­կան­ներ, հո­գե­ւո­րա­կան­ներ, հա­մայն­քա­յին շրջա­նակ­նե­րէ ծա­նօթ դէմ­քեր եւ բա­զում հիւ­րեր։ Պատ­րիար­քա­րա­նին կող­մէ ներ­կայ էր Տ. Մա­ղա­քիա Ա­բե­ղայ Պես­քի­սի­զեան։ Սեւ ծո­վեան տնտե­սա­կան հա­մա­գոր­ծակ­ցու­թեան կազ­մա­կեր­պու­թեան մօտ Հա­յաս­տա­նի մշտա­կան ներ­կա­յա­ցու­ցիչ Ար­սէն Ա­ւա­գեանն ալ հրա­ւի­րեալ­նե­րու շար­քին էր։

Յայ­տա­գի­րը գոր­ծադ­րուե­ցաւ Ա­րեւ Կա­րեա­նի հան­դի­սա­վա­րու­թեամբ։ Ա­րա Կիւ­լէ­րի կեն­սագ­րու­թիւ­նը ներ­կա­յա­ցուց դե­րա­սան Պօ­ղոս Չալ­կը­ճըօղ­լու։ Ա­րա Կիւ­լէ­րի կեան­քին ու գոր­ծու­նէու­թեան մա­սին ար­տա­յայ­տուե­ցան լու­սան­կա­րիչ Ճո­շքուն Ա­րալ եւ պատ­մա­բան Իլ­պէր Օր­թայ­լը։ Օ­րուան ծրա­գի­րը ու­նէր նաեւ ե­րաժշ­տա­կան բա­ժին մը։

Հայր Վար­դան Ծ. Վրդ. Գա­զան­ճեան եւ Յա­կոբ Սրկ. Մի­նա­սեան գրա­բա­րով եւ աշ­խար­հա­բա­րով ըն­թեր­ցե­ցին Զէ­քիեան Գե­րա­պայ­ծա­ռի կող­մէ ստո­րագ­րուած վկա­յա­կա­նը։ Նա­րօտ Մի­նա­սեանն ալ ըն­թեր­ցեց թրքե­րէն թարգ­մա­նու­թիւ­նը։

Ա­ւե­լի վերջ հան­դէս ե­կաւ Զէ­քիեան Գե­րա­պայ­ծառ, որ Ա­րա Կիւ­լէ­րի մա­սին գնա­հա­տան­քի խօսք մը ար­տա­սա­նե­լէ վերջ ա­նոր յանձ­նեց շքան­շանն ու հա­մա­պա­տաս­խան վկա­յա­կա­նը։ Բո­լոր ներ­կա­նե­րը այս փու­լին հեր­թա­կան ան­գամ ող­ջու­նե­ցին Ա­րա Կիւ­լէ­րի վիթ­խա­րի վաս­տա­կը եւ ջեր­մօ­րէն շրջա­պա­տե­ցին զին­քը։

Պար­գե­ւատ­րու­մէն վերջ տե­ղի ու­նե­ցան նկա­րա­հանում­ներ։ Յայ­տագ­րի գոր­ծադ­րու­թեան ա­ւար­տին սար­քուե­ցաւ ըն­դու­նե­լու­թիւն մը, ո­րու ըն­թաց­քին բո­լոր հիւ­րե­րը ի­րենց ջերմ շնոր­հա­ւո­րու­թիւ­նը եւ ա­րեւ­շա­տու­թեան մաղ­թան­քը յղե­ցին Ա­րա Կիւ­լէ­րին։ Ձեռ­նար­կի տե­ւո­ղու­թեան պար­քո­վի­զիո­նի ցու­ցադ­րու­թեամբ Ա­րա Կիւ­լէ­րի կեան­քին ու գոր­ծու­նէու­թեան մա­սին զա­նա­զան դրուագ­ներ բո­լո­րի յի­շո­ղու­թեան մէջ թար­մա­ցան՝ փաս­տա­վա­ւե­րագ­րա­կան հե­տաքրք­րա­կան գոր­ծով։

Այս մասին կը յայտնէ Ժամանակ:

ՀՀ Սփիւռքի Նախարարութեան ՄԷջ Տեղի Ունեցաւ Խորհրդակցութիւն

Մարտ 20-ին ՀՀ սփիւռքի նախարար Հրանոյշ Յակոբեանի ղեկավարութեամբ տեղի ունեցաւ խորհրդակցութիւն, որուն մասնակցեցան նախարարի տեղակալներ Սերժ Սրապիոնեան, Վահագն Մելիքեան, աշխատակազմի ղեկավար Ֆիրդուս Զաքարեան, «Հայրենիք-Սփիւռք կեդրոն» ՊՈԱԿ-ի, «Սուրիահայերու հիմնախնդիրները համակարգող կեդրոն» հասարակական կազմակերպութեան եւ կառուցուածքային ստորաբաժանումներու ղեկավարները:

Կառուցուածքային ստորաբաժանումներու ղեկավարները զեկուցեցին շաբթուան ընթացքին իրականացուած աշխատանքներուն եւ ձեռնարկներուն վերաբերեալ, նշեցին յառաջիկայ ընելիքները, հանդէս եկան նոր առաջարկներով:

Նախարարը կարեւոր համարեց «Արի տուն» եւ «Սփիւռք» ամառնային դպրոց ծրագիրներու պատշաճ կազմակերպման ու իրականացման խնդիրները:

Շաբթուան գլխաւոր թեմա ընտրուեցաւ տեսաժողովներու իրականացումը: Անդրադարձ կատարուեցաւ Փորթուկալիոյ, Արժանթինի, Վրաստանի, Պուրիաթիոյ (ՌԴ) հայկական համայնքներուն հետ նախատեսուած տեսաժողովներուն, կարեւոր համարուեցաւ Հայ բժիշկներու համահայկական ընկերակցութեան ստեղծման նպատակով կազմակերպուող տեսաժողովի  իրականացումը` ԱՄՆ Արեւելեան ափի, Օնթարիոյի, Արժանթինի, Մեծ Բրիտանիոյ, Գերմանիոյ, Մոսկուայի հայ բժիշկներու միաւորումներու եւ միութիւններու ներկայացուցիչներու մասնակցութեամբ:

Քննարկուեցան աշխատանքային այլ հարցեր: Տրուեցան յանձնարարականներ, նշանակուեցան պատասխանատուներն ու համակարգողները:

20-03

Պատմական Խարբերդ Նահանգին Մէջ Յայտնաբերուած Նկարազարդ Ժայռաբեկորը Աւելի Քան 4.000 Տարուան է

Ներկայ Թուրքիոյ տարածքին գտնուող Էլեազըղ (Արեւմտեան Հայաստանի Խարբերդի նահանգ) նահանգին մէջ յայտնաբերուած ժայռաբեկորը, որուն վրայ առկայ են հնագոյն նկարազարդ արձանագրութիւններ, ունի 4.000 տարուան հնութիւն, կը յայտնէ «Թերթ»-է վկայակոչելով թրքական Arkeolojihaber.net-ը:

Անցեալ տարուան Մայիսին հնագէտներու կողմէ յայտնաբերուած ժայռաբեկորը տարուած էր Էլեազըղի հնագիտութեան ու ազգագրութեան հիմնարկ-թանգարան, ուր ենթարկուած է մանրակրկիտ ուսումնասիրութեան:

Հիմնարկ-թանգարանին մէջ պարզած են, որ 2 մ 72 սմ բարձրութեամբ եւ 2 մ 25 սմ լայնութեամբ սրբատաշ ժայռաբեկորը աւելի քան 4.000 տարեկան է:

Տեղացի հնագէտները կը պնդեն, որ նման նկարազարդումներով սրբատաշ քարեր կան միայն Փոքր Ասիոյ եւ Միջագետքի տարածքներուն մէջ:

Դամասկոսի Մէջ Հրթիռակոծման Հետեւանքով Հայ Ընտանիքի Մը Բնակարանը Հրկիզուած Է

“Գանձասար” կը հաղորդէ, որ այսօր առաւօտեան Դամասկոսի Ճոպար թաղամասին վրայ զինեալ ահաբեկիչներուն արձակած հրթիռներուն հետեւանքով Փամպուքեան ընտանիքին բնակարանը, որ կը գտնուի Ֆարէս Խուրի պողոտային վրայ, հրկիզուած է:

Ակումբի հայ տղաքը յաջողած են ընտանիքի անդամները տեղափոխել իրենց եղբօր բնակարանը՝ Ճարամէնէ:
Նշենք, թէ Ֆարէս Խուրի հրապարակին վրայ 10-15 հայ ընտանիք կը բնակի: Ակումբի տղաքը կապ հաստատած են բոլոր ընտանիքներուն հետ: Անոնք չեն լքած իրենց բնակարանները եւ ապաստանած են աւելի ապահով սենեակներ:

Ամենայն Հայոց Կաթողիկոսը Հանդիպում Մը Ունեցած Է Ֆինլանտիոյ Հայ Համայնքին Հետ

Մարտ 19-ին, Ֆինլանտա կատարած միջեկեղեցական այցի ծիրէն ներս, Հելսինքիի Լութերական-Աւետարանական Մայր Տաճարի սրահին մէջ Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց Կաթողիկոսը հանդիպում ունեցաւ Ֆինլանտիոյ հայ համայնքին հետ: Այս մասին «Հայերն այսօր»-ին կը  յայտնեն մայր Աթոռ Ս. Էջմիածնի տեղեկատուական համակարգէն:

Հանդիպման ներկայ էին Նորին Սրբութեան ուղեկցող պատուիրակութեան անդամներ Մայր Աթոռի աստուածաբանական ուսումնական բարձրագոյն հաստատութիւններու վերատեսուչ Գերաշնորհ Տ. Գէորգ եպիսկոպոս Սարոյեան, Մայր Աթոռի Միջեկեղեցական յարաբերութիւններու բաժինի պատասխանատու Հոգեշնորհ Տ. Շահէ ծայրագոյն վարդապետ Անանեան, Կեդրոնական Եւրոպայի եւ Սքանտինաւիոյ երկիրներու Հայրապետական պատուիրակ Հոգեշնորհ Տ. Տիրան վարդապետ Պետրոսեան, Գէորգեան հոգեւոր ճեմարանի տեսուչ Հոգեշնորհ Տ. Գարեգին վարդապետ Համբարձումեան եւ Նորին Սրբութեան գաւազանակիր Հոգեշնորհ Տ. Աղան աբեղայ Երնջակեան, ինչպէս նաեւ Շուէտի  ու Ֆինլանտայի մէջ ՀՀ արտակարգ եւ լիազօր դեսպան տիար Արտակ Ապիտոնեան:

Կեդրոնական Եւրոպայի եւ Սքանտինաւիոյ երկիրներու Հայրապետական պատուիրակը, յանուն Ֆինլանտայի հայ համայնքին, իր որդիական շնորհակալութեան ու բարիգալստեան խօսքն ուղղեց Վեհափառ Հայրապետին` ընդգծելով այն դրական տեղաշարժերն ու զարգացումները, որ տեղի  ունեցած էին Ֆինլանտայի հայորդաց կեանքին մէջ վերջին  քանի մը տարիներուն:

Այնուհետեւ հայ համայնքին հետ հանդիպման համար իր ուրախութիւնը յայտնեց Ամենայն Հայոց Կաթողիկոսը` յատկապէս կարեւոր համարելով համայնքի կազմակերպուածութեան ու համախմբման ոգին: Վեհափառ Հայրապետն իր խօսքին մէջ մասնաւորապէս ըսաւ. «Գոհունակութիւն  Հայրապետիս համար` տեսնելու, որ այսօր արդէն Ձեր կողքին են ոչ միայն եկեղեցականներն ու ձեր հովիւները, այլեւ հայրենի իշխանութեանց ներկայացուցիչները` ի դէմս մեծարգոյ դեսպան տիար Արտակ Ապիտոնեանի: …Մեր մաղթանքն է, որ դուք մօտ ապագային եւս կարենաք համախմբուիլ ու կազմակերպուիլ` պահպանելու համար ձեր հայ քրիստոնէական ինքնութիւնը, ազգային արժէքներու ու մայրենի լեզուի հանդէպ նախանձախնդրութիւնը փոխանցելով ձեր զաւակներուն»:

Հանդիպման աւարտին Նորին Սրբութիւնը, օրհնելով հայ համայնքի ներկայացուցիչները, նաեւ լսեց անոնց առաջարկները եւ պատասխանեց ներկաներու հարցերուն:

%d6%86%d5%ab%d5%b6%d5%ac%d5%a1%d5%b6%d5%a4%d5%ab%d5%a11