Հայկազեան Համալսարանը Տօնեց Կիներու Միջազգային Օրը

Հովանաւորութեամբ Լիբանանի կանանց հարցերու պետական նախարար Ժան Օղասապեանի եւ կազմակերպութեամբ Հայկազեան համալսարանի տիկնանց օժանդակ յանձնախումբին եւ Հայկազեանի հանրային յարաբերութիւններու բաժանմունքին, Հինգշաբթի, 9 Մարտ 2017-ին, Տպպայէի «Լը Ռոյալ» պանդոկին մէջ տեղի ունեցաւ կիներու միջազգային օրուան առիթով պաշտօնական հանդիսութիւն մը, որու ընթացքին մեծարուեցան լիբանանեան կեանքին մէջ իրենց տեղն ու դերը հաստատած չորս կիներ՝ դոկտ. Արտա Էքմէքճի,  Մէյ Մախզումի, Մէյ Մնասսա եւ Սինթիա Սարգիս Բերոս: Ձեռնարկին ներկայ էին Լիբանանի տարբեր կազմակերպութիւններու եւ միութիւններու ներկայացուցիչներ եւ հիւրեր:

Լիբանանի քայլերգի ունկնդրութենէն ետք Հայկազեան համալսարանի տիկնանց օժանդակ յանձնախումբի ատենապետուհի Տիկ. Թենի Հասերճեան ողջունեց ներկաները եւ բարի գալուստ մաղթեց բոլորին: Ան իր բացման խօսքին մէջ անդրադարձաւ ձեռնարկին կարեւորութեանը բաժնեկցելով ներկաներուն հետ այս  ձեռնարկին պատմականը, որ 15 տարիներ առաջ սկսած է, Լիբանանի տարբեր դաւանանքներու եւ տարածաշրջաններու 45 ներկայացուցիչ կիներ պատւուելով Լիբանանի եւ շրջապատի մէջ իրենց արձանագրած նուաճումներուն, ձեռքբերումներուն եւ մանաւանդ կատարած ծառայութիւններուն համար:

Հայկազեան համալսարանի Հանրային յարաբերութիւններու բաժանմունքի տնօրէն Միրա Եարտըմեան ներկայացուց մեծարանքի արժանի չորս կիներուն կեանքն ու գործունէութիւնները: Մախզումի հաստատութեան տնօրէն Տիկ. Մէյ Մախզումի 20 տարիներ շարունակ իր անձը նուիրաբերած է Լիբանանի ժողովուրդին Մախզումի հաստատութեան շնորհիւ որ երկուքուկէս միլիոն ծառայութիւն տրամադրած է 750 հազար բնակիչներու առողջապահական, մասնագիտական վերապատրաստման, վարկային եւ տարբեր ծրագիրներու զարգացման եւ իրականացման համար:

Սինթիա Սարգիս Բերոս սեփականատէր, հիմնադիր եւ գործառուն է Luxury Limited Edition–ին: Շնորհիւ իր քաղաքական, առեւտրական, տեղեկատուական եւ շարժապատկերի ոլորտի երկարատեւ եւ լայնածաւալ միջազգային ծանօթութիւններուն Սինթիա Սարգիս Բերոս կ’իրականացնէ յաջողութեամբ լի ծրագիրներ:

Մէյ Մնասսա, հեղինակ, քննադատ, եւ լրագրող է: Տիկ. Մէյի անսահման կենցաղը հսկայական ներդրում շնորհեց Լիբանանի գրագիտութեան եւ մշակութային կեանքին զարգացման:

Դոկտ. Արտա Էքմէքճի ժրաջան եւ գործօն ներուժ մըն է: Ան 45 տարիներէ ի վեր ներկայ է ակադեմական ոլորտին մէջ: Դոկտ. Էքմէքճի 1997 թուականէն մինչեւ օրս Հայկազեան համալսարանի արուեստի եւ գիտութեան բաժանմունքի տեսուչն է:

Ձեռնարկին խօսք առաւ  Հայկազեան համալսարանի տնօրէն Վեր. Դոկտ. Փոլ Հայտոսթեան: Ան իր խօսքին մէջ նշեց. «Ամէնէն լաւ բանը գոհունակութեան պտուղն է եւ համոզումով աշխատանքը, եւ ոչ թէ՝ պարտականութեանը, գուցէ պահ մը յոգնինք մեր պարտականութենէն, բայց երբեք չենք յոգնիր մեր համոզուած  եւ գոհունակ ըլլալէն: Մեր կեանքին մէջ մեզ շրջապատող կիներու հասարակութիւնը լաւագոյն վկան եւ ապացոյցն է գոհունակութեան»:

Վեր. Փոլ Հայտոսեան  իր խօսքին մէջ նաեւ երախտապարտօրէն գնահատեց  Հայկազեան համալարանի տիկնանց յանձնախումբի անխոնջ ու անձնուէր 50 տարիներու աշխատանքը թէ՛ Պէյրութի, եւ թէ՛ Լոս Անճելըսի մէջ:

Այս յատուկ օրուան առիթով, Վեր. Հայտոսթեան յարգանքի տուրք մատուցեց այն երկու ամերիկացի միսիոնարներուն Ուէպ քոյրերուն, որոնք գոհունակութեամբ եւ լիովին շուրջ կէս դար ո՛չ միայն իրենց կեանքերը նուիրեցին, այլ նաեւ իրենց տունը ապաստան ըրին տրամադրելով աղջկանց սերունդ մը խնամելով, զարգացնելով եւ դաստիարակելով զանոնք: Ուէպ քոյրերու փափաքն էր որ իրենց տունը շարունակուի ըլլալ սերունդներ զարգացնող վայր: Վաթսուն երկու տարիներ եւ մինչեւ օրս, Ուէպ շէնքը եղած է այս տարածքը ուր Հայկազեան Համալսարանը հիմնուեցաւ:

Հայտոսթեան իր խօսքին մէջ կարեւորութեամբ նշեց Լիբանանի կանանց հարցերու նախարարութեան դերին եւ պատասխանատուութեան, մաղթելով ուժ եւ կորով  զարգացնելու այնպիսի հասարակարգ եւ օրէնքներ, որոնք կը նպաստեն կիներու իրաւունքներու ամբողջական ձեռքբերման եւ պահպանման:

Ապա Հայկազեան համալսարանի տնօրէն վեր. Փոլ Հայտոսեան, նախարար Ժան Օղասսապեան եւ Թենի Հասերճեան յուշանուէրներով մեծարեցին դոկտ. Արտա Էքմէքճի,  Մէյ Մախզումի, Մէյ Մնասսա եւ Սինթիա Սարգիս Բերոսը:

Ձեռնարկի գեղարուեստական յայտագիրին երաժշտական կտորներով իր մասնակցութիւնը բերաւ նորակազմ Հայ երիտասարդներու քառեակը, խմբավարութեամբ՝ Կարօ Աւեսեանի:

Ձեռնարկը իր աւարտին հասաւ հիւրասիրութեան սեղաներու շուրջ հաճելի զրոյցներով, ջերմ ու զուարթ մթնոլորտով:

hajkazjan4hajkazjan5hajkazjan1hajkazjan

 

Պոլսոյ Մէջ Թրքերէնով Հրապարակուած է Աւրորա Մարտիկանեանի Մասին Գիրքը

Պոլսոյ մէջ գործող «Արաս» հայկական հրատարակչութիւնը լոյս ընծայած է «Աւրորա» գիրքը, որ կը պատմէ Աւրորա (Արշալոյս) Մարտիկանեանի կեանքի մասին, որ վերածուած է Ցեղասպանութիւնը դիմակայած հայուհիի տոկունութեան ու մարդասիրութեան խորհրդանիշ:

Գիրքը արդէն տեղ գտած է «Արաս»-ի պաշտօնական կայքին մէջ, ուրկէ գնորդները կրնան զայն պատուիրել համացանցի միջոցով:

Աւրորա Մարտիկանեան ծնած է 1902-ին Արեւմտեան Հայաստանի Խարբերդ նահանգի` հայ վաճառականի ընտանիքի մը մէջ: Կոտորածի ժամանակ ծնողներն ու քրոյրեը կորսնցուցած 14-ամեայ Արշալոյսը` Հայոց ցեղասպանութեան ամենայայտնի ականատեսներէն մէկը, աւելի ուշ դարձաւ «Յօշոտուած Հայաստան. Աւրորա Մարտիկանեանի պատմութիւնը» գիրքին հեղինակն ու նկարահանուեցաւ գիրքին հիման վրայ ստեղծուած «Հոգիներու աճուրդ» ֆիլմին մէջ:

Արշալոյս Մարտիկանեան մահացած է 1994-ին` ԱՄՆ-ի Քալիֆորնիա նահանգին մէջ:

Նշենք, որ «Արաս» հրատարակչութիւնը հիմնադրուած է Պոլսոյ մէջ, 1993-ին: Հրատարակչութիւնը կարճ ժամանակի մէջ կրցած է շատերու համար դառնալ «պատուհան» դէպի հայկական գրականութիւն, քանի որ կը զբաղի հայ դասականներու, հայոց պատմութեան եւ Հայոց ցեղասպանութեան վերաբերեալ բազմաթիւ գիրքերու թրքերէն թարգմանութեամբ` հասանելի դարձնելով զանոնք թրքական հասարակութեան բոլոր խաւերուն:

Հրատարակչութիւնը ունի նաեւ արեւմտահայերէնով հրատարակուած գիրքեր:

Պոլսոյ Հայոց Պատրիարքի Տեղապահ Ընտրուած է Գարեգին Արք․Պեքճեան

Գերմանիոյ Հայոց թեﬕ առաջնորդ Գարեգին արքեպիսկոպոս Պեքճեան Մարտ 15-ին տեղի ունեցած ընտրութիւններուն արդիւնքով ընտրուած է Պոլսոյ Հայոց պատրիարքի տեղապահի պաշտօնին: Ինչպէս կը հաղորդէ «Արէնփրէս»-ը, այս մասին կը յայտնէ «Լոյս» պարբերականը:

Տեղապահի ընտրութիւններուն նախապէս թեկնածութիւն  ներկայացուցած էին երեք հոգեւորական` Գերմանիոյ Հայոց թեﬕ առաջնորդ Գարեգին արքեպիսկոպոս Պեքճեան, Պոլսոյ Հայոց պատրիարքական փոխանորդ Արամ արքեպիսկոպոս Աթեշեան եւ Պոլսոյ Հայոց պատրիարքարանի հոգեւոր խորհուրդի նախագահ Սահակ եպիսկոպոս Մաշալեան: Սակայն Մաշալեան նախօրէին յայտնած էր, որ կը պատրաստուի Մարտ 15-ին յայտարարել իր թեկնածութիւնը հանելու մասին, որպէսզի ձայները չբաժնուին: Ան կոչ ըրած էր իր կողﬓակիցներուն ձայները տալ Պեքճեանին:

Նախապէս Պեքճեանին իր աջակցութիւնը յայտնած էր նաեւ Գուգարաց թեﬕ առաջնորդ Սեպուհ արքեպիսկոպոս Չուլճեան, որ պատրիարքի հաւանական թեկնածուներէն մէկն է:

Քուէարկութիւնը իրականացուած է դռնփակ կարգով` պատրիարքարանի 30 հոգեւորականի կողմէ: Պոլսոյ պատրիարքի տեղապահ  ընտրուած է առաւելագոյն ձայներ ստացած թեկնածուն:

Գարեգին արքեպիսկոպոս Պեքճեան պիտի ղեկավարէ նոր պատրիարքի ընտրութեան կազմակերպման գործընթացքը, ինչպէս նաեւ պիտի ըլլայ պատրիարքարանի փաստացի ղեկավարը ﬕնչեւ նոր պատրիարքի ընտրուիլը:

Տեղապահի ընտրութենէն ետք Արամ արքեպիսկոպոս Աթէշեան պիտի հեռանայ փոխանորդի իր պաշտօնէն: Տեղապահի ընտրութենէն ետք  պիտի ձեւաւորուի Նախաձեռնող խումբ, որ պէտք է նախապատրաստէ նոր պատրիարքի ընտրութեան գործընթացքը: Խումբը ամէն աﬕս ժողովուրդին պատրիարքի ընտրութեան գործընթացքին վերաբերեալ զեկոյց պիտի ներկայացնէ: Այն պէտք է հաւասար պայմաններ ապահովէ պատրիարքական թեկնածուներու համար` նախընտրական քարոզչութիւն իրականացնելու նպատակով: Եթէ վեց ամսուան ընթացքին պատրիարքի ընտրութիւններ չիրականացուին տեղապահի եւ Նախաձեռնող խումբի համար վստահութեան քուէ կը պահանջուի:

 

Մոսկուայի «Հայորդաց Տան» Համոյթները Ելոյթ Ունեցան Ռուս Փոքրիկներուն Համար

Մարտ 11-ին Մոսկուայի «Հայորդաց տան» գեղարուեստական համոյթներուն մէկ մասը ելոյթ ունեցաւ Ռուսական պետական մանկական գրադարանին մէջ: Գրադարանի նախասրահին մէջ ցուցադրուած էին Եուրի Յովսէփեանի ղեկավարած ծաւալային գոբելէնի եւ Հրաչուհի Մարտիրոսեանի ղեկավարած նկարչական խմբակի սաներու աշխատանքները:

Ինչպէս «Հայերն այսօր»-ին կը յայտնեն «Հայորդաց տան» տեղեկատուական կեդրոնէն, համերգային ծրագիրը մեկնարկեց «Ես իմ անուշ Հայաստանի» բանաստեղծութեամբ․ սաներուն ասմունքը յղկած էին Ալվինա Յովհաննիսեանը եւ Քնարիկ Պապիկեանը: Այնուհետեւ հայ եւ օտարազգի փոքրիկներուն հայկական երգ հրամցուց Լենա Բեգլարեանի ղեկավարած «Շողեր» երգչախումբը, իսկ պարը ներկայացուց Մարգարիտա Գրիգորեանի ղեկավարած «Վարդավառ» համոյթը: Կատարումներով հանդէս եկան նաեւ` Իսկուհի Կարապետեանի ղեկավարած քանոնահարուհիներու «Զատիկ» համոյթը` Արուսեակ Պապիկեանի նուագակցութեամբ, Հայկազ Բաղրամեանի ղեկավարած տհոլահարներու «Կոչնակ» եւ Արմէն Յովհաննիսեանի ղեկավարած տուտուկահարներու «Ծիրանի» համոյթները: Անհատական կատարումներով հանդիսատեսին հիացուցին Անի Պապեանը եւ Ռաֆայէլ Մարտիրոսեանը: Համերգը կը վարէր «Գաւիթ» թատրոնի դերասանուհի Անահիտ Գզողեանը:

Համերգի պատասխանատու` «Հայորդաց տան» գեղարուեստական մասի ղեկավար Շուշանիկ Գէորգեանի հաւաստմամբ` հրաւիրող կողմը` գրադարանի պատասխանատուները, բաւական տպաւորուած են համերգով` հաւաստելով, որ այն ստիպեց նոր մակարդակի վրայ բարձրացնել ներգրադարանական ձեռնարկները եւ ոչ մէկ պարագայի իջեցնել «Հայորդաց տան» սահմանած նշաձողը:

Համերգին ներկայ ռուս փոքրիկները մեծ սիրով կը ներգրաւուէին բոլոր համարներուն եւ դժկամութեամբ կը լքէին պարահրապարակը «Վարդավառի» ելոյթին ժամանակ: Տեսնելով փոքրիկներու ոգեւորութիւնը եւ հետաքրքրուածութիւնը հայկական մշակոյթով` ռուս մայրերէն  քանի մը հոգի հետաքրքրուեցան «Հայորդաց տան» հասցէով: Հետաքրքրութեան պատճառներէն մէկն ալ հայ հայր ունենալն էր:

«Ես Հայաստանէն ընկերներ ունիմ, այցելած եմ Հայաստան: Քիչ մը ծանօթ եմ Հայաստանին, իսկ այսօր յիշեցի իմ այցելութիւններս եւ մէկ անգամ եւս հիացայ հայկական հնագոյն մշակոյթով: Երեխաներս ոգեւորուած կը պարէին, համոյթները շատ լաւ ելոյթներ ունեցան: Իսկապէս ուրախալի է, որ անգամ հայրենիքէն հեռու այս մակարդակով կրնաք պահել եւ ներկայացնել հայկական մշակոյթը»,- մեզի հետ զրոյցին ըսաւ հանդիսատես Իննա Ալշանովան:

Համերգային ծրագիրին աւարտին վարդավառցիները ներկաներուն սորվեցուցին Քոչարի պարել, որմէ յետոյ ցանկացողները մասնակցեցան հայկական տիկնիկ պատրաստելու վարպետութեան դասին, որ իրականացուց Թեմի «Նուռ» երիտասարդաց միութեան ներկայացուցիչ Լիլիթ Յարութիւնեան:

%d5%b4%d5%b8%d5%bd%d5%af%d5%be%d5%a1%d5%b4%d5%b8%d5%bd%d5%af%d5%be%d5%a12 %d5%b4%d5%b8%d5%bd%d5%af%d5%be%d5%a13 %d5%b4%d5%b8%d5%bd%d5%af%d5%be%d5%a14

Գարնան Զարթօնքին Ծնաւ Տօնդ, Մա՛յր, Կի՛ն

 

Ֆրանսայի Վալանս քաղաքէն «Հայերն այսօր»-ին կը տեղեկացնեն, որ տեղի Սուրբ Սահակ եկեղեցւոյ Դաւիթեան մէկօրեայ դպրոցի ուսուցչական կազմը (տնօրէն` Անդրանիկ Մալճեան) մեծ շուքով նշած է Կանանց միջազգային օրը:

«Տօնականօրէն զարդարուած «Վալանթին» սրահը կարծես գարնանային ժպիտներ կը ճառագէր  բոլորին: Ջերմ ու խանդավառ մթնոլորտի մէջ  պահ մը լռութիւն տիրեց, երբ Վալանսի հոգեւոր հովիւ Անդրանիկ քահանայ Մալճեան Տէրունական աղօթքով ներկաներուն ազդարարեց օրուան սկիզբը:«Գարու՜ն, քեզ շատ կը սիրեմ, կը  սիրեմ` ինչպէս մօրս»,- այս  յուզիչ խօսքերը հնչեցին բեմէն, երբ Սուսան Փահլեւանեան կը խօսէր հայ կնոջ, հայ մօր դերի մասին. ծափերը չէին լռեր: Հերոսներ ծնած հայ մայրերուն, իրենց խոնարհումը բերելով, ներկաները յուզուեցան  պահ մը: «Թէկուզ ճերմակած մազերով, կնճիռներէն ակօսուած դէմքով, դուն միշտ գարուն մնա՛, իմ անու՜շ մայրիկ»,-այս սրտառուչ խօսքերով իր ելոյթը աւարտեց Ս. Փահլեւանեան:

Ձեռնարկին ընթացքին ելոյթ ունեցաւ նաեւ ուսուցչուհի Սօսէ Պայրամեան: Յուզիչ, ոգեւորիչ երգն ու երաժշտութիւնը ոտքի  հանած է բոլոր ներկաներուն: Պուրլէ Վալանսի քաղաքապետուհի Մառլէն Մուրիէն շնորհաւորեց կանանց` իր խօսքին մէջ արժեւորելով հայ կնոջ դերն ու նշանակութիւնը: Ձեռնարկին ներկայ էին հայկական միութիւններու անդամներ, բազմաթիւ հիւրեր: Ուսուցչուհիներու կազմած հետաքրքիր, բովանդակալից խաղերէն անմասն չմնաց եւ ոչ մէկը: Ներկաները հիացած էին ցուցադրուած ձեռքի աշխատանքներով: Ռուզաննա Մայիլեանի նկարները, խօսուն այբուբենը, ուսուցչուհի Մարալ Ստեփանեանի ասեղնագործութիւնները հիացուցած էին ներկաները, որոնք գեղեցիկ ու բովանդակալից օրուան համար շնորհակալութիւն յայտնեցին դպրոցի տնօրէնին եւ ափսոսանքով հեռացան դահլիճէն` ակնկալելով, որ մօտ ապագային, որեւէ տօնի առիթով, դարձեալ կ´ըլլայ նմանօրինակ  հետաքրքիր ձեռնարկ, որ նաեւ լաւագոյն հարթակն է` ծանօթանալու եւ շփուելու իրարու հետ: Բոլորը, արժեւորելով ընտանեկան սուրբ խորանի անշէջ ջահերու` մայրերու, կանանց  օրը, դահլիճէն հեռացան անջինջ տպաւորութիւններով»:

%d5%be%d5%a1%d5%ac%d5%a1%d5%b6%d5%bd%d5%be%d5%a1%d5%ac%d5%a1%d5%b6%d5%bd1 %d5%be%d5%a1%d5%ac%d5%a1%d5%b6%d5%bd3%d5%be%d5%a1%d5%ac%d5%a1%d5%b6%d5%bd4

 

Կը Մեկնարկէ «Հայաստանաբնակ Կարիքաւոր Սուրիահայերու Բժշկական Աջակցութիւն» Ծրագիրը

Մարտ 17-ին, ժամը 11:00-ին, Իզմիրլեան Բժշկական Կեդրոնին մէջ տեղի կ’ունենայ «Հայաստանաբնակ կարիքաւոր սուրիահայերու բժշկական աջակցութիւն» ծրագիրի մեկնարկի արարողութիւնը եւ Համագործակցութեան յուշագիրի ստորագրումը:

Ծրագիրին նպատակն է անվճար բժշկական օգնութիւն տրամադրել 2012 թ-էն ի վեր սուրիական պատերազմի հետեւանքով Հայաստանի մէջ բնակութիւն հաստատած կարիքաւոր սուրիահայերուն:
Իզմիրլեան հիմնադրամը հանդէս կու գայ  որպէս «Հայաստանաբնակ կարիքաւոր սուրիահայերու բժշկական աջակցութիւն»  ծրագիրի նախաձեռնող եւ աջակից: Ծրագիրը կը համաֆինանսաւորուի Իզմիրլեան հիմնադրամի եւ Մայր Աթոռ Սուրբ Էջմիածինի կողմէ: Ծրագիրը պիտի իրականացնէ Իզմիրիլեան բժշկական կեդրոնը` շահառուներուն տրամադրելով յատուկ զեղչեր կեդրոնէն ներս գործող բոլոր բժշկական ծառայութիւններուն համար:

Ծրագիրի գործընկեր կառոյցներն են` ՀՀ Սփիւռքի նախարարութիւնը, Հայկական բարեգործական ընդհանուր միութիւն հիմնադրամը Հայաստանի մէջ, «Սուրիահայերու հիմնախնդիրները համակարգող կեդրոն» հասարակական կազմակերպութիւնը, «Հալէպ» հայրենակցական բարեսիրական հասարակական կազմակերպութիւնը:

Համագործակցութեան յուշագիրը կը ստորագրեն Հայաստանի մէջ Իզմիրլեան հիմնադրամի տնօրէն` տկն. Լուսինէ Գալաճեան, Մայր Աթոռ Սուրբ Էջմիածնի սոցիալական ծառայութեան կեդրոնի տնօրէն` Տէր. Մարկոս քահանայ Մանգասարեան, ՀՀ սփիւռքի նախարարութեան աշխատակազմի ղեկավար` պրն. Ֆիրդուս Զաքարեան, Իզմիրլեան բժշկական կեդրոնի տնօրէն` Պրոֆ. Արմէն Չարչեան, Հայկական բարեգործական ընդհանուր միութիւն հիմնադրամի (Հայաստան) Գլխաւոր տնօրէն` պրն․ Վազգէն Եակուբեան, «Սուրիահայերու հիմնախնդիրները համակարգող կեդրոն» ՀԿ-ի նախագահ` Տկն. Լենա Հալաճեան, «Հալէպ» հայրենակցական բարեսիրական հասարակական կազմակերպութեան նախագահ ` տկն. Անի Բալխեան:

 

 

 

«Խօսինք Հայերէն». Հանդիպումներու Շարք Ս.Փեթերսպուրկի ՄԷջ

ՌԴ Ս.Փեթերսպուրկի պետական համալսարանի շրջանաւարտներու հայկական ակումբը «Նոր սերունդ» երիտասարդական        կազմակերպութեան       հետ         համատեղ կ´իրականացնէ   «Խօսինք հայերէն» հանդիպումներու շարքը, որուն նպատակը Ս.Փեթերսպուրկ  բնակող հայ երիտասարդներուն հայոց լեզուի, պատմութեան, հայկական մշակոյթի եւ Հայաստանի վերաբերեալ տեղեկութիւններու տրամադրումն է, ինչպէս նաեւ հայոց լեզուի պահպանումը:

Ինչպէս «Հայերն այսօր»-ին կը յայտնէ Ս.Փեթերսպուրկի պետական համալսարանի շրջանաւարտներու հայկական ակումբի ղեկավար խաչիկ Սողոմոնեան, հանդիպումները կ´իրականացուին միայն հայերէնով, դասախօսութիւն-քննարկում ձեւաչափով:

Մարտ 18-ին կայանալիք հանդիպման նախատեսուած է «Սինկափուրի հրաշքը, գաղտնիքներ եւ բացայայտումներ. հայերը Սինկափուրի մէջ» թեմայով քննարկումը:

%d5%ad%d5%b8%d5%bd%d5%b8%d6%82%d5%b4-%d5%a5%d5%b6%d6%84-%d5%b0%d5%a1%d5%b5%d5%a5%d6%80%d5%a5%d5%b61

 

Տիգրան Չուխաճեանի Ծննդեան 180-Ամեակին Նուիրուած Ձեռնարկ Եղէգի ՄԷջ

Մարտ 13-ին  Սիւնիքի մարզի Եղէգի միջնակարգ դպրոցին մէջ տեղի ունեցաւ դաս-ձեռնարկ` նուիրուած ՀՀ սփիւռքի նախարարութեան «Մեր մեծերը-2017» ծրագիրին ընդգրկուած երգահան, խմբավար, մանկավարժ, հասարակական գործիչ, հայկական օփերայի արուեստի հիմնադիր Տիգրան Չուխաճեանի ծննդեան 180-ամեակին:

Ինչպէս «Հայերն այսօր»-ին  կը  յայտնեն դպրոցէն, աշակերտները  ներկայացուցին Տիգրան Չուխաճեանը` որպէս մեծ տաղանդի եւ մասնագիտական բարձր գիտելիքներու տէր ստեղծագործող, կատարող, մանկավարժ, երաժշտական-հասարակական գործիչ, հայրենասէր արուեստագէտ, դեմոկրատական իտէալներու ջատագով: Կարեւոր համարուեցաւ այն փաստը, որ Չուխաճեանի  ստեղծագործական գործունէութեամբ հայ երաժշտութեան մէջ  նոր էջ մը բացուած է, դրուած ժամանակակից ազգային մասնագիտացուած երաժշտութեան հիմքը: Անոր առաքելութեամբ ժողովուրդի բազմադարեայ պատմութեան մէջ գործածութեան մէջ  մտած է «Հայ երգահան» հասկացութիւնը:

Չուխաճեանի աշակերտուհիներէն մէկը այսպէս կը նկարագրէ Չուխաճեանը. «Ան կը տարբերէր իմ ճանչցած բոլոր մարդոցմէ: Ան ներսը երբեք ֆէս չէր կրեր. անոր ճերմակող մազերը կը յիշեցնէին պեթհովընը: Ան ունէր անկրկնելի բնաւորութիւն, հպարտ կեցուածքով եւ նրբակիրթ շարժուձեւով: Ան կ´ուզէր, որ իր ուսանողները երաժշտութեան մէջ ներդնէին սիրտ ու հոգի: Այլասէր եւ համեստ մարդ, որ միշտ կը կրէ մուգ մոխրագոյն ֆրակ»:

Դաս-ձեռնարկին ընթացքին մեծ տեղ յատկացուեցաւ նաեւ   Չուխաճեանի հեղինակած հայ ազգային դասական 1-ին օփերայի` «Արշակ 2-րդ»-ին, որ անոր ստեղծագործութեան եւ հայ երգարուեստի  գլուխգործոցներէն է:

Ձեռնարկին աւարտին աշակերտները եւ ներկաները ունկնդրեցին հատուածներ  «Լեմպլեպիճի Հօր-հօր աղա»  եւ «Արշակ 2-րդ» օփերաներէն:

Դաստիարակչական աշխատանքներու կազմակերպիչ Ն. Իսակեան  եւ 7-րդ դասարանի դասղեկ Ա. Առաքէլեան, համագործակցելով դասվար Ա. Պօղոսեանի հետ, թարմացուցին նաեւ «Երաժշտութիւն սիրողներ չեն ծնիր, այլ` կը դառնան» խորագիրը կրող ցուցատախտակը` նուիրուած Տիգրան Չուխաճեանի կեանքին ու ստեղծագործական ուղիին:

%d5%b9%d5%b8%d6%82%d5%ad%d5%a1%d5%bb%d5%b5%d5%a1%d5%b6%d5%b9%d5%b8%d6%82%d5%ad%d5%a1%d5%bb%d5%b5%d5%a1%d5%b61 %d5%b9%d5%b8%d6%82%d5%ad%d5%a1%d5%bb%d5%b5%d5%a1%d5%b62%d5%b9%d5%b8%d6%82%d5%ad%d5%a1%d5%bb%d5%b5%d5%a1%d5%b63 %d5%b9%d5%b8%d6%82%d5%ad%d5%a1%d5%bb%d5%b5%d5%a1%d5%b64 %d5%b9%d5%b8%d6%82%d5%ad%d5%a1%d5%bb%d5%b5%d5%a1%d5%b65

 

Հայկական Երաժշտութեան Շաբաթ Նիսի Երաժշտանոցին ՄԷջ

Այս տարի Ֆրանսայի հարաւային քաղաքներէն մէկուն` Նիսի մէջ, գարունը եկաւ հայկական տաքուկ եւ տարատեսակ ռիթմերու ներքոյ: Տարածաշրջանի ճանչցուած երաժշտանոցին մէջ յայտարարուած էր հայկական երաժշտութեան շաբաթ:

Ինչպէս «Հայերն այսօր»-ին կը  հաղորդէ «Ալիանս համահայկական միութեան» նախագահ Մարինա Պետրոսեան, հմայուած մեր աւանդական գործիքի` տուտուկի ձայնով, երաժշտանոցի հոպոյի ուսուցչուհի Շառլոթ Պուշէի նախաձեռնութեամբ եւ տնօրէն Տիեղի Մուլլերի ջանքերով թէ՛ աշակերտները, թէ՛ ուսուցիչներն ու երաժշտասէր ողջ հանրութիւնը մասնակից եւ ականատես եղան բազմաթիւ համերգներու, դասախօսութիւններու, վարպետութեան դասընթացներու, որոնց առանցքին մէջ միայն հայ երգահաններու ստեղծագործութիւններն էին եւ հայկական մեղեդիները:

Հնարաւոր չէ գրիչի միջոցով ներկայացնել այն խանդավառութիւնը, որ կը տիրէր անցած շաբաթ այս հաստատութենէն ներս, որուն կեդրոնական նախասրահին մէջ ստեղծուած էր նաեւ հայկական անկիւն` ազգային երաժշտական գործիքներով եւ պարային ասեղնագործ հագուստներով:

Հայկական երաժշտութեան շաբթուան պատուաւոր հիւրերն ու գործող մասնագէտներն էին երաժշտագէտ, դաշնակահար, խմբավար, Ռոման քաղաքի երաժշտանոցի նախկին տնօրէն Ալեքսանտր Սիրանոսեան, Ռոմանի երաժշտանոցի տուտուկի ուսուցիչ, ճանչցուած տուտուկահար Լեւոն Չատիկեան, որուն տուտուկի քնքուշ ձայնը եւ մասնագիտական խորհուրդները դեռ երկար կը մնան հանդիսատեսի եւ երաժշտասէր աշակերտներու յուշերուն մէջ: Ողջ շաբթուան ընթացքին ան մեր աւանդական տուտուկով կը նուագակցէր գրեթէ բոլոր երաժշտական գործիքներու կատարումներու ժամանակ: Նախաձեռնութենէն ոգեւորուած` երաժշտանոցի նուագախումբի ղեկավար Ֆիլիփ Տուլաթը գրած էր  նոր ստեղծագործութիւն մը, որուն անդրանիկ կատարումը մեծ տպաւորութիւն գործեց հանդիսատեսին վրայ:

Շաբթուան դասական ծրագիրը լրացնելու  եկած էին նաեւ «Վարպետ» ֆրանսական ազգային նուագախումբը (գեղ. ղեկավար Լ. Չատիկեան), երգչուհի Նելլի Եղիազարեան եւ «Նայիրի» պարախումբը (գեղ. ղեկավար Մակի Ճէորճեան):

Հայկական երաժշտութեան շաբթուան ծիրէն ներս  կայացած համերգին ընթացքին աւելի քան 2000 հանդիսատես ծանօթացան հայկական երաժշտութեան, սիրեցին եւ գնահատեցին հայ ժողովուրդի պատմութիւնը, մշակութային հարստութիւնը եւ հայկական լեռնաշխարհի պատմամշակութային տաճարները, որոնց պատկերները ցուցադրուած էին համերգային ծրագիրի ողջ ընթացքին:

Ծրագիրը լիարժէք չէր ըլլար, եթէ մեր երաժշտական արուեստը չզուգորդուէր հայկական նրբահամ խոհանոցային արուեստով: Հանդիսատեսը ճաշակեց աւանդական ուտեստներ, որոնք պատրաստած էին «Ալիանս համահայկական միութեան» կանայք: Անուշեղէնի վաճառքէն ստացուած գումարը միութիւնը պիտի յատկացնէ Արցախի հիւանդանոցներուն եւ դպրոցներուն:

Համերգային շաբաթը ամփոփուեցաւ կիրակի օրը` Նիսի նաւահանգիստին մէջ գտնուող եկեղեցւոյ մէջ` «Հարմոնիա» փողային նուագախումբի համերգով (գեղ. ղեկավար Ֆրանսուա Լըքլերսի), որ արժանի է բարձր գնահատականի:

%d5%b6%d5%ab%d6%81%d6%81%d5%a1%d5%b6%d5%ab%d6%81%d6%81%d5%a11

«Իմ Քաղցր Լեզու». Կը Գրեն Թեհրանի «Շանթ» Դպրոցի Աշակերտները

«Հայերն այսօր»-ն իր ընթերցողներուն կը ներկայացնէ Իրանի Թեհրան քաղաքի Հայոց ազգային «Շանթ» տղաներու տարրական դպրոցի աշակերտներու նամակները` «Իմ քաղցր լեզու» խորագիրով:

%d5%b7%d5%a1%d5%b6%d5%a9 %d5%b7%d5%a1%d5%b6%d5%a91 %d5%b7%d5%a1%d5%b6%d5%a92 %d5%b7%d5%a1%d5%b6%d5%a93 %d5%b7%d5%a1%d5%b6%d5%a94 %d5%b7%d5%a1%d5%b6%d5%a95 %d5%b7%d5%a1%d5%b6%d5%a96 %d5%b7%d5%a1%d5%b6%d5%a97 %d5%b7%d5%a1%d5%b6%d5%a98 %d5%b7%d5%a1%d5%b6%d5%a99 %d5%b7%d5%a1%d5%b6%d5%a910 %d5%b7%d5%a1%d5%b6%d5%a911

News Deeply Մետիա-Կայսրութեան Ետեւը Կանգնած Է Հայուհին

Լարա Սեդրակեան մետիա-կայսրութիւն  կը ստեղծէ: 33 ամեայ հայ կինը պատրաստ է յեղափոխել լրատուական ոլորտը: Անոր կեանքի ու գործունէութեան մասին կը գրէ mashable-ը:

3 տարի առաջ ան դարձած է News Deeply լրատուական ընկերութեան համահիմնադիր. այդ ընկերութիւնը կեդրոնացած է գլխաւոր լուրերու առարկայական-խորը ընկալման մէջ:

Մրցանակակիր News Deeply-ն խիստ հաշուետուութիւններով եւ ժամանակակից ձեւաւորումով  յագեցած լրատուական նորարարական հարթակ է,որ  իր առջեւ նպատակ  դրած է բարդ աշխարհը ընթերցողին համար աւելի պարզ ներկայացնելը:

2012 թուականէն Սուրիոյ հիմնախնդրի վրայ կեդրոնացած կայքը դարձաւ աճող հակամարտութեան մասին հիմնական միջոցն ու տեղեկատուութեան աղբիւրը:

Անոր  խումբը սկսած է ամենահաւակնոտ լրատուական նախագիծերէն մէկը` փախստականներու մասին Refugees Deeply-ն, որ կեդրոնացած է ողջ Մերձաւոր Արեւելքի եւ Եւրոպայի մէջ փախստականներու ճգնաժամի ձգած համաշխարհային ազդեցութեան վրայ:

Այսօր կայքը մեծ արագութեամբ կը ծաւալուի, աշխատակիցներու թիւը կը մեծնայ, իսկ վենչուրային ֆինանսաւորումը հասած է 2.5 միլիոն տոլարի:

News deeply-ն շահոյթ չհետապնդող կազմակերպութիւն է, որն իր առաքելութիւնը կը համարէ նաեւ աշխարհի վրայ դրական ազդեցութիւն ձգելը:
Կայքը ուսումնասիրելուդ քանի մը  հիմնական խորագիրներ կը տեսնէք` Սուրիա, Արկտիկա, Ջուր, Փախստականներ, Կանայք եւ աղջիկներ: Խումբը  շատ մեծ աշխատանք կը տանի, եւ երբ այդ հիմնախնդիրը քիչ թէ շատ կը լուծուի, տուեալ խորագիրը կը հեռացնեն:Օրինակ` «Էպոլա deeply»-ն փակեցին 2016-ին` միայն այն հարցէն ետք   երբ ատոր բռնկումը մարեցաւ Գինէայի մէջ:

«Սեդրակեանի հետ խօսելուն դժուար է հաւատալ, որ ան ընդհանրապէս կը վախնայ ինչ-որ բանէ: Ան արդէն լուսաբանած է այնպիսի դէպքեր, ինչպիսին Արաբական գարունն է»,-Ankakh.com-ի  փոխանցմամբ` կը գրէ կայքը:

Լարա Սեդրակեանի ծնողները ԱՄՆ տեղափոխուած են Հայաստանէն:Ան ուսանած է Հարվըրտի մէջ, այնուհետեւ տեղափոխուած Պէյրութ, ուր ալ սկսած է ծաւալել իր գործունէութիւնը: Լարան 6 լեզու գիտէ, ներառեալ` հայերէն:

%d5%ac%d5%a1%d6%80%d5%a1

Քէոլնի Մէջ Հայոց Ցեղասպանութեան Զոհերու Յիշատակին Յուշարձան Պիտի Կանգնեցուի

Գերմանիոյ Քէոլն քաղաքի իշխանութիւնները հաստատած են Հայոց Ցեղասպանութեան զոհերու յիշատակին նուիրուած յուշակոթող կանգնեցնելու առաջարկը: Այս մասին, ըստ Artsakhpress.am-ի՝ յայտնած են գերմանական լրատուամիջոցները:

Պրուք Լեմպահեր Վէկ շրջանին մէջ գտնուող գերեզմանատան մէջ տեղադրուելիք յուշարձանը պիտի ունենայ խաչի տեսք, իսկ վրան պիտի ըլլայ հետեւեալ գրութիւնը` «Ի յիշատակ 1915/1916 թուականներու Հայոց Ցեղասպանութեան զոհերուն»:

Համազգայինի «Քնար» Պարախումբի Վարչութեան Տիկնանց Օժանդակ Յանձնախումբ. Ճաշկերոյթ` Ի Նպաստ «Քնար» Պարախումբին

Համազգայինի «Քնար» պարախումբի վարչութեան տիկնանց օժանդակ յանձնախումբին կազմակերպութեամբ երէկ` երեքշաբթի, 14 մարտ 2017-ին, «Հոլիտէյ պիչ»-ի «Լա Քանոյէ» ճաշարանին մէջ տեղի ունեցաւ ճաշկերոյթ-ձեռնարկ մը` ի նպաստ «Քնար» պարախումբի ծրագիրներու եւ գործունէութիւններու յաջողութեան: Ձեռնարկին ներկայ էին մեծ թիւով հայ մշակոյթի եւ ազգային արժէքներու պահպանումը բարձր գնահատող հայուհիներ եւ հիւրեր:

Ձեռնարկը սկսաւ Լիբանանի եւ Հայաստանի քայլերգներուն ունկնդրութեամբ, որմէ ետք բարի գալուստի խօսքով հանդէս եկաւ տիկնանց օժանդակ յանձնախումբի ատենապետ Մարօ Սալխանեան: Ան իր խօսքին սկիզբը շեշտեց նիւթական եւ բարոյական աջակցութեան կարեւորութիւնը Համազգայինի կառոյցին եւ գործունէութիւններուն մէջ, որպէսզի ան շարունակէ իր առաքելութիւնը եւ մնայ պատնէշին վրայ` ծառայելով հայ ժողովուրդի ազգային եւ մշակութային արժէքներու պահպանման: Ան հաստատեց, որ Համազգայինի «Քնար» պարախումբի գոյատեւման եւ բարգաւաճման  զօրակցելու համար նորաստեղծ տիկնանց օժանդակ յանձնախումբը ամէն ճիգ ի գործ դրած է յաջողցնելու ճաշկերոյթը: Իր խօսքի աւարտին Սալխանեան շնորհակալութիւն յայտնեց Համազգայինի Լիբանանի Շրջանային վարչութեան` «Քնար» պարախումբին եւ անոր վարչութեան` մաղթելով բարի վերելք:

Անգլերէնով ներկաներուն բարի գալուստ մաղթեց Իզապէլ Տէքրմէնճեան: Ան ներկաներուն ուշադրութեան յանձնեց իբրեւ մշակութային միութիւն Համազգայինի դերը` պահելու հայ մշակոյթը եւ զայն սերունդէ-սերունդ փոխանցելու: Ան ակնարկելով օրուան տնտեսական դժուար պայաններուն նշեց, որ նիւթական համեստ ճիգ մը միայն արդէն բաւարար է եւ մեծապէս օգտակար կը հանդիսանայ «Քնար»-ի ծրագիրներու յաջողութեան: Ան շնորհակալութիւն յայտնեց բոլոր ներկաներուն, որոնք իրենց ներկայութեամբ յանձն առին նեցուկ կանգնիլ Համազգայինի «Քնար» պարախումբի գոյատեւման:

Օրուան հանդիսավարն էր Սօսի Մանուէլեան: Ան իր խօսքին սկիզբը ներկայացուց, թէ ինչպէ՛ս ծնունդ առած է Համազգայինի «Քնար» պարախումբի վարչութեան տիկնանց օժանդակ յանձնախումբը, որ շատ կարճ ժամանակի մէջ ժրաջան աշխատանքով յաջողած է կազմակերպել նման գեղեցիկ ու ճոխ ձեռնարկ մը` յանուն «Քնար» պարախումբի վերելքին ու ծրագիրներու յաջողութեան: Ան շնորհակալական խօսք ուղղեց տիկնանց յանձնախումբի բոլոր անդամներուն, որոնք սիրայօժար ու մեծ պատրաստակամութիւն ցուցաբերելով ոգի ի բռին աշխատած են ճաշկերոյթը յաջողութեամբ պսակելու:

Համազգայինի «Քնար» պարախումբի վարչութեան անունով խօսք արտասանեց Դալար Սալխանեան: Ան իր խօսքին սկիզբը ըսաւ, թէ «Քնար» պարախումբը Լիբանանի հայ գաղութին մէջ արդէն իր արժանավայել տեղն ու դերը շատոնց հաստատած է եւ անխափան կը շարունակէ իր ընթացքը: Ան դիտել տուաւ, թէ ինչպէ՛ս սփիւռքի գաղութներուն մէջ ներկայ օրերուն դժուար դարձած է հայ մշակոյթին շուրջ համախմբել նորահաս սերունդները, երբ արհեստագիտական նորութիւնները հեռու կը պահեն հայ երիտասարդը իր մշակոյթի հարազատ ակունքներէն,  բայց Համազգայինը տասնամեակներ շարունակ կը թիավարէ հոսանքն ի վեր` ի խնդիր նորահաս սերունդներու հայեցի կրթութեան եւ մշակոյթի դարբնումին:

Ան հաստատեց, որ Համազգայինը իր առաքելութեան մէջ յաջողած է ու կը յաջողի`  շնորհիւ իր երթին հաւատացող բարեկամներու, բարերարներու եւ մշակութասէր հանրութեան:

Դալար Սալխանեան ընդգծեց, որ այս ձեռնարկը կը միտի զօրակցիլ «Քնար» պարախումբի գործունէութեան, իսկ խօսքի աւարտին ըսաւ, որ «Քնար» պարախումբը իր բարձրորակ կատարումներով պիտի շարունակէ պատիւ բերել լիբանանահայութեան` բարձր պահելով հայ մշակոյթը եւ ազգային արժէքները:

Ձեռնարկի ընթացքին ելոյթ ունեցաւ Համազգայինի տհոլահարներու խումբը, որ մեծապէս խանդավառեց մթնոլորտը, իսկ  «Քնար» պարախումբէն խումբ մը աղջիկներ ներկայացուցին պարային գեղեցիկ կտորներ: Տեղի ունեցաւ վիճակահանութիւն, նուիրատուութիւններ, նուէրներու բաշխում: Աւարտին կարելի է հաստատել, որ Ճաշկերոյթի ձեռնարկը ընթացաւ հաճելի մթնոլորտի մէջ, ուր կը տիրէր հարազատութիւն եւ ազգային բարի նպատակի մը յաջողութեան մասնակցելու հոգեկան գոհունակութիւն:

Այս մասին կը յայտնէ Ազդակ:

Կարէն Միրզոյեան Աթէնքի «Ճենազեան» եւ «Լեւոն եւ Սոֆիա Յակոբեան» Վարժարաններ Այցելած է

Աշխատանքային այցով Յունաստանի Հանրապետութիւն գտնուող Արցախի Հանրապետութեան արտաքին գործոց նախարար Կարէն Միրզոյեան Մարտ 14-ին այցելած է Աթէնքի «Ճենազեան» եւ «Լեւոն եւ Սոֆիա Յակոբեան» հայկական վարժարաններ ու հանդիպած է ուսուցիչներու եւ սաներու հետ:

ԱՀ արտաքին գործոց նախարարութեան տեղեկատուական վարչութեան փոխանցած տեղեկութիւններով` նոյն օրը ԱԳ նախարարը այցելած է Նէա Զմիրնիոյ մէջ գտնուող Հայոց Ցեղասպանութեան զոհերու յուշարձան եւ յարգանքի տուրք մատուցած Եղեռնի զոհերու յիշատակին:

Արցախի արտաքին քաղաքական գերատեսչութեան ղեկավարը նաեւ հանդիպում ունեցած է Նէա Զմիրնիոյ քաղաքապետ Սթաւրոս Ցուլագիսի հետ: Վերջինս քաղաքապետարանի եւ անձամբ իր անունով աջակցութիւն յայտնած է Արցախի ժողովուրդին: Հանդիպման ընթացքին քննարկուած են Նէա Զմիրնիոյ հետ տարբեր ոլորտներու մէջ համագործակցութեան հնարաւորութիւններն ու հեռանկարները: Կարէն Միրզոյեան հրաւիրած է Սթաւրոս Ցուլագիսը այցելելու Արցախ:

Կայացած է նաեւ ԱԳ նախարարի այցելութիւնը «Խաձիգիրեաքօ» բարեգործական հիմնադրամ: Կարէն Միրզոյեան բարձր գնահատած է հիմնադրամին գործունէութիւնը, որուն աջակցութեամբ աւելի քան երկու տասնամեակ շարունակ կը կազմակերպուին արցախցի երեխաներու ճանաչողական այցեր դէպի Յունաստան: