Օգնեցէք Ինծի Պահելու Գըրգի «Խոստումը». Անտրէ Աղասին Միացած է Արշաւին

Ամերիկահայ թենիսի առասպել Անտրէ Աղասին միացած է Հայոց Ցեղասպանութեան մասին պատմող հոլիվուտեան «Խոստումը» ֆիլմի գովազդային արշաւին` կոչ ընելով դիտել զայն:

Այս մասին, ըստ Artsakhpress.am-ի, Աղասին տեսանիւթ հրապարակած է Twitter-ի իր էջին:

«Ես այնքան հպարտ եմ տեսնելու, որ Գըրգ Գըրգորեանի տեսլականը դարձած է իրականութիւն: Օգնեցէք ինծի պահելու Գըրգի «Խոստումը»,- նշած է թենիսի մասնագէտը:

Գանատացի Երաժշտահանը Գրիգոր Լուսաւորիչի Մասին Օփերայ Գրած է

Գանատացի երաժշտահան Ռոն Հաննահ օփերայ գրած է Գրիգոր Լուսաւորիչի մասին։

Ըստ Culture.am-ի՝ բեմադրութիւնը իրականացնելու նպատակով, Մշակութային կրթութեան աջակցութեան հիմնադրամի ներկայացուցիչները, հեղինակները եւ խմբավար Յարութիւն Արզումանեանը լսումներ իրականացուցած են ՀՀ մարզերու եւ Երեւանի երաժշտական, արուեստի դպրոցներու եւ այլ ուսումնական հաստատութիւններու մէջ: Իբրեւ արդիւնք ընտրուած են կամերային նուագախումբի երաժիշտներ, դերակատարներու երկու կազմ, ինչպէս նաեւ պարախումբ` կազմուած Երեւանի պարարուեստի պետական քոլէճի սաներէն եւ երգչախումբ` կազմուած Երեւանի Սպենդիարեանի անուան երաժշտական մասնագիտական դպրոցի սաներէն:

«Լուսաւորիչ» օփերայի առաջնախաղը տեղի պիտի ունենայ Յ. Պարոնեանի անուան երաժշտական կատակերգութեան պետական թատրոնին մէջ` Ապրիլ 3-ին: Օփերան նուիրուած է Սբ Գրիգոր Լուսաւորիչին եւ կ՝անդրադառնայ Խոր Վիրապի մէջ անոր անցուցած տարիներուն:

Օփերային բեմականացումը կը նուիրուի Հայաստանի հանրապետութեան եւ Աւստրիոյ Հանրապետութեան, Հայաստանի եւ Գանատայի միջեւ դիւանագիտական յարաբերութիւններու հաստատման 25-ամեակներուն: «Լուսաւորիչ» օփերան ՀՀ մշակոյթի նախարարութեան եւ «Աջակցութիւն մշակութային կրթութեան» հիմնադրամին համատեղ նախագիծն է:

Հայաստանի Եւ Լիբանանի Միջեւ Դիւանագիտական Յարաբերութիւններու Հաստատման 25-Ամեակին Նուիրուած Քննարկում Պէյրութի ՄԷջ

Մարտ 29-ին Լիբանանի մէջ Հայաստանի դեսպանութեան նախաձեռնութեամբ եւ Հայկազեան համալսարանի կազմակերպութեամբ տեղի ունեցաւ քննարկում՝ նուիրուած Հայաստանի Հանրապետութեան եւ Լիբանանի Հանրապետութեան միջեւ դիւանագիտական յարաբերութիւններու հաստատման 25-ամեակին: Այս մասին «Հայերն այսօր»-ը կը տեղեկանայ Լիբանանի մէջ ՀՀ դեսպանութեան ֆէյսպուքեան էջէն:

Ձեռնարկին կը մասնակցէին Լիբանանի մէջ Հայաստանի դեսպան Սամուէլ Մկրտչեան, Հայկազեան համալսարանի նախագահ վեր. դոկտ. Փոլ Հայտոսթեան, Հայաստանի մէջ Լիբանանի նախկին դեսպաններ Սաատ Զախիա (1997-99) եւ Գաբրիէլ Ժըարա (2003-2011): Ներկայ էին կրօնական, դիւանագիտական, ակադեմական շրջանակներէն ներկայացուցիչներ:

Դեսպան Սամուէլ Մկրտչեան նախ արժեւորեց Հայաստանի եւ Լիբանանի` իբրեւ երկու անկախ եւ ինքնիշխան պետութիւններու, վերջին 25 տարիներու յարաբերութիւնները: Դեսպանը` յղում կատարելով երկու ժողովուրդներու դարաւոր առնչութիւններուն, Լիբանանի հայ համայնքի ակնառու դերակատարութեան, մասնաւորապէս անդրադարձաւ վերջին երկու տասնամեակներուն ընթացքին պետական բարձրաստիճան պաշտօնեաներու փոխադարձ այցելութիւններուն, քաղաքական, տնտեսական, մշակութային, գիտական մարզերուն մէջ փոխադարձ շահաւէտ համագործակցութեան: Դեսպան Մկրտչեան կարեւոր նկատեց միջազգային հարթակներու վրայ երկու երկիրներու համագործակցութիւնը, որ հիմնուած է արժէքային մօտեցումներու վրայ: Ան նշեց, որ արտաքին գործոց նախարարներ Էդուարդ Նալպանտեան եւ Ժըպրան Պասիլ միասին 2015-ին մասնակցած են Միջին եւ Մերձաւոր Արեւելքի կրօնական փոքրամասնութիւններու պաշտպանութեան  նուիրուած Ժընեւի միջազգային համաժողովին: Դեսպանը ընդգծեց, որ քաղաքական համագործակցութեան բնագաւառին մէջ առկայ փոխադարձ վստահութեան շնորհիւ երկու բարեկամ պետութիւնները միջազգային կազմակերպութիւններուն մէջ մշտապէս կ՛աջակցին մէկզմէկու:

Հայկազեան համալասարանի նախագահ վեր. Հայտոսթեան գոհունակութեամբ  նշեց, որ 1992-էն 1993 թուականներու կրթաշրջանին Հայկազեան համալսարանին մէջ ուսանած խումբ մը դիւանագէտներ այսօր կարեւոր պաշտօններ կը զբաղեցնեն Հայաստանի Հանրապետութեան պետական կառոյցներուն մէջ:

Իր ելոյթին մէջ Հայաստանի Հանրապետութեան մէջ Լիբանանի առաջին դեսպան Սաատ Զախիա նկարագրեց Հայաստանի մէջ Լիբանանի դեսպանատան հաստատման առաջին քայլերը` իբրեւ 10-րդ երկիր Հայաստանի անկախացումէն ետք: Ուշագրաւ էր նաեւ դեսպան Գաբրիէլ Ժըարայի ելոյթը: Ան դրուագներ ներկայացուց Հայաստանի մէջ իր իննամեայ պաշտօնավարութեան շրջանէն, անդրադարձաւ լիբանանեան եւ սփիւռքահայ ներդրումներուն, վերյիշեց իր կապերը Գարեգին Ա. կաթողիկոսին հետ: Կ. Ժըարա շեշտեց, որ երկու երկիրներու սերտ կապերուն շնորհիւ վերջին 25 տարիներուն ընթացքին լիբանանցի եւ հայ ժողովուրդները կրցան ստեղծել համագործակցութեան ամուր հիմքեր, որոնք հիմնուած են հարուստ մշակոյթներու նկատմամբ փոխադարձ յարգանքի վրայ:

Քննարկման մասնակիցները արձանագրեցին, որ Հայաստանն ու Լիբանանը ունին փոխըմբռնման եւ բարեկամութեան դարաւոր կապեր, որոնք կարելի է աւելի զարգացնել եւ զօրացնել:

%d6%84%d5%b6%d5%b6%d5%a1%d6%80%d5%af%d5%b8%d6%82%d5%b42%d6%84%d5%b6%d5%b6%d5%a1%d6%80%d5%af%d5%b8%d6%82%d5%b41

«Իմ Քաղցր Լեզու». Կը Գրեն Պէյրութի Հռիփսիմեանց Վարժարանի Սաները

«Հայերն այսօր»-ն իր ընթերցողներուն կը ներկայացնէ Պէյրութի (Լիբանան) Անարատ յղութեան հայ կաթողիկէ քոյրերու Սրբոց Հռիփսիմեանց բարձրագոյն վարժարանի սաներու շարադրութիւնները` «Իմ քաղցր լեզու» խորագիրով

arin-2kristina-1 kristina-2arin-1

Հոգեհանգստեան Պաշտօն Նուիրուած Ապրիլեան Պատերազմին Զոհուած Հայորդիներուն

Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց Կաթողիկոսի տնօրինութեամբ Ապրիլ 2-ին` Գալստեան կիրակի, յաւարտ Սուրբ Պատարագի Մայր Աթոռ Սուրբ Էջմիածինի եւ Հայաստանեայց Առաքելական Եկեղեցւոյ թեմերու առաջնորդանիստ եկեղեցիներուն մէջ պիտի կատարուի հոգեհանգստեան արարողութիւն` 2016 թուականի ապրիլեան պատերազմին զոհուած քաջարի հայորդիներուն համար: Այս մասին կը  հաղորդէ Մայր Աթոռ Սուրբ Էջմիածինի Տեղեկատուական համակարգը:

Մայր Աթոռին մէջ Ս. Պատարագի սկիզբը` ժամը 11:00-ին:

 

 

Ֆրանսախօսութեան Ամսուան Նուիրուած Ձեռնարկներու Ծիրին Մէջ. Իհապ Ժամալի Եւ Լիանա Յարութիւնեանի Երաժշտական Երեկոն

Հովանաւորութեամբ մշակոյթի նախարար Ղաթթաս Խուրիի, կազմակերպութեամբ Լիբանանի մէջ Հայաստանի Հանրապետութեան դեսպանատան եւ գործակցութեամբ Համազգայինի Լիբանանի Շրջանային վարչութեան, Լիբանանի մէջ ֆրանսախօսութեան ամսուան նուիրուած ձեռնարկներու ծիրին մէջ երէկ` հինգշաբթի, 30 մարտին, երեկոյեան ժամը 8:30-ին, «Սեն Ժոզեֆ» համալսարանի «Փիեռ Ապու Խաթեր» սրահին մէջ տեղի ունեցաւ երաժշտական երեկոյ` կատարողութեամբ Իհապ Ժամալի (ջութակ) եւ ընկերակցութեամբ Լիանա Յարութիւնեանի (դաշնակ):

Իհապ Ժամալ ծնած է Պէյրութ: Վեց տարեկանէն սկսած է ջութակ նուագել: Յաճախած է Լիբանանի պետական բարձրագոյն երաժշտանոց, ուր սկզբնական շրջանին աշակերտած է Անթուան Խալիֆէին, իսկ 2011-էն ետք` Արթիւր Տէր Յովհաննիսեանի: Այժմ կ՛ուսանի Երեւանի Կոմիտասի անուան պետական բարձրագոյն  երաժշտանոցին մէջ, ուր կը պատրաստէ իր մագիստրոսական թեզը: 2010-ին մասնակցած է «Մարկօ Պապիկեան» մրցանքին` խլելով առաջին մրցանակը: 2015-ին Գիւմրիի մէջ տեղի ունեցած «Միջազգային վերածնունդ մրցանք»-ին գրաւած է առաջին դիրքը: Նոյն տարին ան երրորդ դիրքի արժանացած է Հրաչ Վոկտնայեան ջութակի միջազգային մրցանքին: Իհապ Ժամալ մաս կը կազմէ «Դիւան Արեւմուտք-Արեւելք» նուագախումբին, որոնք ելոյթներ ունեցած են զանազան երկիրներու մէջ:

Լիանա Յարութիւնեան ծնած է Երեւան: Սկսած է նուագել վեց տարեկանին: Աւարտած է Երեւանի Կոմիտասի անուան պետական բարձրագոյն երաժշտանոցը: Ան համերգներ տուած է Երեւանի եւ Ռուսիոյ մէջ` ընկերակցութեամբ սենեկային նուագախումբերու: Նուագակցած է հանրածանօթ հայ եւ ռուս մենակատարներու: Ներկայիս կը դասաւանդէ Լիբանանի պետական բարձրագոյն երաժշտանոցին մէջ:

Երաժշտասէր բազմութեամբ լեցուն սրահին մէջ, Համազգայինի Լիբանանի Շրջանային վարչութեան անունով Թամար Սնապեան – Սուրճեան ֆրանսերէնով բարի գալուստ մաղթելէ ետք ներկաներուն նկատել տուաւ, որ Իհապ Ժամալ առաջին արաբ լիբանանցին է, որ կը յաճախէ Երեւանի Կոմիտասի անուան պետական երաժշտանոցը եւ իր ներդրումը կ՛ունենայ երկու երկիրներու մշակութային մերձեցման մէջ: Ան յոյս յայտնեց, որ այս քայլը շարունակուի եւ յառաջիկային կրկնուին նման նախաձեռնութիւններ: Ապա ան հրաւիրեց Լիբանանի մէջ Հայաստանի դեսպան Սամուէլ Մկրտչեանը, որպէսզի փոխանցէ իր խօսքը:

Դեսպան Մկրտչեան անգլերէնով խօսք առնելով շնորհակալութիւն յայտնեց բոլորին իրենց ներկայութեան համար` հաստատելով, որ անոնք հաճելի ժամեր պիտի անցընեն երիտասարդ տաղանդաւոր ջութակահար Իհապ Ժամալի հետ, որ ներկայացուցիչն է լիբանանեան երաժշտական արուեստին, սակայն ամուր կապեր ունի Երեւանի հետ, որովհետեւ հոն կ՛ուսանի: Դեսպան Սամուէլ Մկրտչեան նկատել տուաւ, թէեւ Երեւան նոր, սակայն գործօն անդամ է Ֆրանսախօսութեան միջազգային կազմակերպութեան եւ կը պատրաստուի 2018-ին նախաձեռնելու  ֆրանսախօսութեան նուիրուած ամսուան, որ մեծագոյն նախաձեռնութիւնն է ցարդ, եւ առաջին անգամ ըլլալով Երեւան պիտի հիւրընկալէ մեծ թիւով մասնակիցներ:

Այնուհետեւ, Իհապ Ժամալ ջութակի վրայ մեկնաբանեց Տեպիւսիի, Շոսսոնի, Պրամզի, Պազզինի, Խաչատուրեանի եւ այլ երաժիշտներու ստեղծագործութիւններէն փունջ մը, որուն մէջէն կ՛արտացոլար Ֆրանսա-Հայաստան մերձեցման քայլի մը գեղեցիկ դրսեւորումը:  Ներկաները իրենց երկարատեւ ծափերով բարձր գնահատեցին Իհապ Ժամալի կատարումը. ան ներկաներուն բուռն փափաքին ընդառաջելով մեկնաբանեց  Կոմիտասի ստեղծագործութիւններէն երաժշտական կտոր մը:

Ձեռնարկի աւարտին դեսպանը նուէրներ յանձնեց Իհապ Ժամալի եւ Լիանա Յարութիւնեանի:

Այս մասին կը յայտնէ Ազդակ:

Սահմանամերձ Կոթի Գիւղին ՄԷջ Ռոպոթաշինութեան Խմբակներ Կը Գործեն

«Արդեօք հնարաւո՞ր է, որ օր մը ռոպոթները մտածեն մարդոց պէս»,- հարցին Կոթիի ռոպոթաշինութեան խմբակի մասնակից Անի Էւինեան իր պատասխանը ունի. «Այսօր արդէն մարդիկ կը մտածեն ռոպոթներու նման»:

Հայաստանի մանուկներ հիմնադրամը (COAF) Տաւուշի մարզի Կոթի գիւղի ՍՄԱՐԹ ապահով սենեակին մէջ  կ´իրագործէ «Լեգօ» ռոպոթի շինութեան երկու խմբակ` 12-ական աշակերտով: Ընդգրկուած են գիւղի դպրոցի 5-9-րդ դասարանցիներ: Կրտսերները (5-6-րդ դասարաններ) կ´օգտագործեն LEGO WeDo2.0 հաւաքածուները, իսկ աւագներու (7-9-րդ դասարանցիներ) խումբը կ´աշխատի LEGO Mindstorms EV3 հաւաքածուով:

Ինչպէս «Հայերն այսօր»-ին կը տեղեկացնեն Հիմնադրամէն, դեռ նախորդ տարի ձեռք բերուած «Լեգօ» սենսորային հաւաքածուները գործածելու համար գիւղի ֆիզիքայի ուսուցիչ Արծրուն Սիրադեղեան վերապատրաստուած է որպէս ռոպոթի շինութեան դասընթացավար: Մասնակից աշակերտներն ընտրուած են յատուկ հարցաշար լրացնելու միջոցով, ուր կը ստուգուի երեխայի տրամաբանութիւնը, մտածելակերպը, հարցը մանրամասն ուսումնասիրելու ու մանրամասնօրէն` քայլ առ քայլ առաջ շարժուելու կարողութիւնը: Ըստ մասնագէտներու` վերջինս այնչափ կարեւոր է ծրագրաւորման համար:

«Ռոպոթիկան ու ծրագրաւորումը մեր ժամանակի մաթեմատիկան են: Այն ոչ միայն իմացական, այլեւ առօրեայ կիրառելի գիտելիք է. սա օրուայ պահանջն է: Ռոպոթիքայի «Լեգօ» խմբակը հնարաւորութիւն է տալիս երեխաներին խնդիր դնելու, լուծման ուղիներ գտնելու, մտածողութեան նոր հորիզոններ բացելու»,- կը  նշէ Հայաստանի մանուկներ հիմնադրամի ծրագիրներու տնօրէն էսթեր Յակոբեան:

ՍՄԱՐԹ ապահով սենեակի ռոպոթի շինութեան խմբակին մէջ երեխաները նախ կը սահմանեն, թէ ինչ է ռոպոթը, ինչ հնարաւոր գործառոյթներ կրնայ կատարել: Կոթիի երեխաներու ռոպոթաշինութեան նպատակները ամենատարբերն էին` գոյն ու հեռաւորութիւն որոշող ռոպոթէն մինչեւ երկրի սահմանները պահողներ, դպրոցէն ներս ուսուցիչը փոխարինողէն մինչեւ մտքի արագութեամբ մարդուն իւրաքանչիւր վայր տեղափոխող ռոպոթներ: Իսկ 9-րդ դասարանցի Նարեկ Կիրակոսեանի խօսքով` ինքն անիրագործելի նպատակ ունի. «Ուզում եմ նախագծել լոյսի արագութիւնը գերազանցող ռոպոթ, որ կ’ուսումնասիրի տիեզերքի սեւ խոռոչները»:

Հայաստանի մանուկներ հիմնադրամի ՍՄԱՐԹ սենեակները կանոնաւոր ուսումնական ծրագիրներ  կ´առաջարկեն տարբեր տարիքի երեխաներու` կախուած անոնց հետաքրքրութիւններէն ու կարողութիւններէն: Լոռիի եւ Տաւուշի ՍՄԱՐԹ սենեակներուն մէջ ծրագրային ու բովանդակային սահմանափակումներ չեն դրուիր` արուեստ ու արհեստաբանութիւններ, լեզուներ եւ ինքնակրթութիւն:

 

 

Սպանիոյ Փեդրեր Քաղաքը Ճանչցած է Հայոց Ցեղասպանութիւնը

Սպանիոյ Փեդրեր քաղաքի քաղաքային խորհուրդը, Մարտ 30-ին, ընդունած է Հայոց Ցեղասպանութիւնը ճանչցող եւ դատապարտող օրինական յայտարարութիւն, որուն համապատասխան յայտարարութիւններով՝ իրենց աջակցութիւնը յայտնած են խորհուրդին մէջ ներկայացուած գրեթէ բոլոր քաղաքական ուժերը: Այս մասին  «Հայերն այսօր»-ին կը յայտնեն Էլտայի հայերու «Արարատ» միութենէն:

Քաղաքային խորհուրդին կողմէ այս որոշման ընդունման նախորդած էր նախապէս նոյնպէս Հայոց Ցեղասպանութիւնը ճանչցած Էլտա քաղաքի հայերու «Արարատ» միութեան կողմէն կազմակերպուած եւ Մատրիտի «Հայ տուն» միութեան օժանդակութեամբ ու մասնակցութեամբ իրականացած «Խաղաղութիւնը եւ համերաշխութիւնը ընդդէմ բռնութեան» խորագիրով մշակութային-տեղեկատուական երեկոն: Ձեռնարկի հիւրերը, որոնց մէջ էին նաեւ քաղաքային իշխանութիւններու ներկայացուցիչները, դասախօսութիւն-քննարկման, կարճատեւ վաւերագրական տեղեկատուական ֆիլմերու ցուցադրման, հայկական մշակոյթի նմուշներու եւ կատարումներու միջոցով ծանօթացած են հայ ժողովուրդի պատմութեան ամենամութ էջերուն, ինչպէս նաեւ Հայոց Ցեղասպանութեան քաղաքական, տնտեսական, իրաւական եւ մշակութային հետեւանքներուն:

Մշակութային-տեղեկատուական երեկոյին յաջորդած է գեղանկարչական ցուցահանդէսին բացումը, ուր ցուցադրուած են ՀՀ վաստակաւոր նկարչուհի Աննա Յարութիւնեանի, Սպանիա բնակող նկարչուհի, արուեստի պատմութեան եւ տեսութեան մասնագէտ Անահիտ Օհանեանի եւ Երեւանի Ք․ Քուշնարեանի անուան արուեստի դպրոցի սաներուն աշխատանքները:

%d5%ba%d5%a5%d5%bf%d6%80%d5%a5%d6%801%d5%ba%d5%a5%d5%bf%d6%80%d5%a5%d6%802%d5%ba%d5%a5%d5%bf%d6%80%d5%a5%d6%803

«Կիւրճիեւ» Համոյթն Ապրիլեան Շրջագայութիւններուն Կը Բարձրաձայնէ Հայոց Ցեղասպանութեան Մասին

2008 թուականին Երեւանի մէջ հիմնադրուած «Կիւրճիեւ» համոյթին համար կարեւոր իրադարձութիւն էր աշխարհի ամենահեղինակաւոր ընկերութիւններէն մէկուն` Գերմանական «ECMrecords»-ի կողմէ 2015 թուականի Հոկտեմբերին հրատարակուած «Կոմիտաս» ձայնասկաւառակը` 30  էջնոց  բազմաբովանդակ տեղեկատուութեամբ  եւ  լուսանկարներով: Տեղեկատուութիւնը գրած են երգահան Տիգրան Մանսուրեան եւ համոյթի հիմնադիր Լեւոն Էսքէնեան: Ձայնասկաւառակին անդրադարձած են աշխարհի լաւագոյն, յառաջատար լրատուամիջոցները, «Songlines Magazine» հանդէսն այն ընդգրկած է 2015 թուականի 10 լաւագոյն ձայնասկաւառակներու շարքին, իսկ ձայնասկաւառակի ստեղծագործութիւնները  կը հնչեն «British Airways» օդանաւային ընկերութեան ինքնաթիռներուն մէջ:

Ձայնասկաւառակի թողարկումէն ետք համոյթն աշխարհի տարբեր երկիրներու կողմէ հեղինակաւոր փառատօններու մասնակցելու հրաւէրներ ստացած է: Ապրիլ ամսուն «Կիւրճիեւ»-ը համերգային շրջագայութեան պիտի մեկնի եւրոպական երեք երկիրներ: Մեկնարկը պիտի տրուի Ապրիլ 14-ին` Աւստրիոյ Քրեմս քաղաքին մէջ, ուր պիտի հնչեցնեն հայ հոգեւոր երաժշտութիւն, պիտի կատարեն Կոմիտասի եւ Գէորգի Կիւրճիեւի ստեղծագործութիւնները: Այնուհետեւ համոյթը պիտի մեկնի Յունաստան` Սմուրնիի քաղաքապետարանի հրաւէրով ելոյթ ունենալու «Փառնասոս» համերգասրահին մէջ:

«Ապրիլ 19-ին Աթէնքի մէջ կայանալիք համերգը, որուն ընթացքին պիտի  հնչէ միայն Կոմիտաս, նուիրուած է Հայոց ցեղասպանութեան սրբադասուած նահատակներու յիշատակին: Մինչ այդ` համերգի նախօրեակին, հեռուստաալիքներէն մէկուն ուղիղ եթերով շուրջ մէկ ժամ հարցազրոյց պիտի տանք հայկական երաժշտութեան, նուագարաններու, Կոմիտասի եւ Կիւրճիեւի մասին: Աթէնքի մէջ համերգն աւարտելէ ետք  կրկին պիտի երթանք  Աւստրիա` Մոցարտի հայրենիք Զալցպուրկ քաղաք, ուր Ապրիլ 22-ին դարձեալ Կոմիտաս  պիտի հնչեցնենք»,-«Հայերն այսօր»-ի հետ զրոյցին ըսաւ Լեւոն Էսքէնեան` աւելցնելով, որ Ապրիլ 24-ին` Հայոց ցեղասպանութեան 102-րդ տարելիցի օրը, Տանիոյ մէջ ՀՀ դեսպանատան եւ «Global Music» յայտնի համերգային կազմակերպութեան համագործակցութեամբ` Քոփենհակընի մէջ տանիացի միսիոներ Մարիա Եաքոպսընի եւ Ցեղասպանութեան սրբադասուած նահատակներու յիշատակին նուիրուած համերգ  տեղի պիտի ունենայ:

2

«Ասիկա հիանալի առիթ է` հայկական երաժշտութեան միջոցով մեր ժողովուրդին կողմէ երախտագիտութեան խօսք յղելու բարեսիրտ կնոջ յիշատակին: Մարիա Եաքոպսընը այն եզակի անհատականութիւններէն էր, որ հայ ժողովուրդին կողքին  եղած է Ցեղասպանութեան ահասարսուռ օրերուն եւ իր ամբողջ կեանքը նուիրած  հայ որբերուն: Այս պատմութեան քաջատեղեակ եմ, քանի որ ծնած եմ Լիբանան, ուր միսիոներուհին «Թռչնոց բոյն» մանկատունը  հիմնադրած է»,-նշեց Լեւոն Էսքէնեան:

Զրոյցի աւարտին երաժիշտը կարեւոր համարեց, որ ՀՀ մշակոյթի նախարարութեան աջակցութեամբ կազմակերպուող համերգային շրջագայութիւնը հէնց Ապրիլ ամսուն  պիտի ըլլայ, քանի որ մէկ անգամ եւս հնարաւորութիւն պիտի ըլլայ երաժշտութեան միջոցով հնչեցնելու Հայոց ցեղասպանութեան հարցի արդարացի լուծման պահանջը:

Աւելցնենք, որ «Կուրճիեւ» համոյթի գործունէութեան նպատակը, որուն կազմին մէջ Հայաստանի յառաջատար երաժիշտներ  ընդգրկուած են, հայկական աւանդական երաժշտութիւնը, հայ աշխարհահռչակ երաժիշտներ Կոմիտասի եւ  գ. Ի. ԿիւրՃիեւի ստեղծագործութիւններն ու գործիքաւորումները ներկայացնելն է` այդպիսով մոռացութեան չմատնելով մեր ազգային հին նուագարանները, ինչպէս նաեւ` աշխարհին ցոյց տալու հայ ժողովուրդի մշակութային հարստութիւնները:

«Կուրճիեւ» համոյթը  համերգներով շրջագայած եւ ելոյթներ  ունեցած է  շարք մը համերգասրահներու մէջ, միջազգային յայտնի փառատօններու  մասնակցած Լիբանանի մէջ, Գերմանիոյ, Պրազիլիոյ, Արժանթինի, Իտալիոյ, Ռուսաստանի, Զուիցերիոյ, ՊԵրճիգայի, Փորթուկալիոյ, Հոլանտայի, Լեհաստանի, Ռումանիոյ, Աւստրալիոյ, ինչպէս նաեւ Հայաստանի մէջ:

Կը գործէ նաեւ «Կուրճիեւ» համոյթի` gurdjieffensemble.com պաշտօնական կայքը:

Գէորգ  Չիչեան

 

 

ՍՕԽ-ը Կուռ Շարքերով Յիշատակեց Մայրերու Տօնը

Հո­վա­նա­ւո­րու­թեամբ Բեր­իոյ Հա­յոց Թե­մի Առաջ­նորդ Գերշ. Տ. Շա­հան Սրբ. Արք. Սար­գիս­եա­նի, Երեք­շաբ­թի 28 Մարտ 2017-ի երե­կոյ­եան ժա­մը 4:00-ին «Գ. Եսայ­եան» սրա­հէն ներս տե­ղի ու­նե­ցաւ ՍՕ Խա­չի Շր­ջա­նա­յին Վար­չու­թեան կազ­մա­կեր­պած Մայ­րե­րու Օր­ուան հան­դի­սու­թիւնը:

Հան­դի­սա­վար Մա­րալ Տիք­պիք­եան հան­դի­սու­թիւնը բաց յայ­տա­րա­րեց` յայտ­նե­լով որ ան նուիր­ուած է Հայ Ազա­տագ­րա­կան Շարժ­ման հե­րո­սու­հի­նե­րուն:

Շր­ջա­նա­յին Վար­չու­թեան ան­դամ Զե­փիւռ Գէ­որգ­եան արա­բե­րէն բաց­ման խօս­քով ըսաւ, որ մա­նու­կին հն­չած «մայր» բա­ռը ամ­բող­ջա­կան նուի­րու­մի եւ սի­րոյ մարմ­նա­ցումն է, որ անա­պատն իսկ ջրե­լու ու­նա­կու­թեամբ օժտ­ուած է:

Շր­ջա­նա­յին Վար­չու­թեան ան­դամ Զե­փիւռ Աւագ­եան հա­յե­րէն բաց­ման խօս­քով յայտ­նեց, թէ աւան­դա­կան դար­ձած ՍՕԽ-ի Մայ­րե­րու Օր­ուան տօ­նա­կա­տա­րու­թիւնը այս տա­րի եւս մեզ կը հա­մախմ­բէ` մի­աս­նա­բար ոգե­կո­չե­լու այն մօր տի­պա­րը, որ ե՛ւ ըն­տա­նի­քի հո­գա­տա­րու­թեան, ե՛ւ ազ­գա­յին պատ­կա­նե­լիու­թեան գի­տակ­ցու­թեամբ քա­լած է միու­թե­նա­կա­նի այս ուղի­էն` աւելց­նե­լով, որ պա­տե­րազ­մի օրե­րուն կնո­ջա­կան այս կազ­մա­կեր­պու­թիւնը պար­տա­կա­նու­թեան ու պար­տա­ւո­րու­թեան գի­տակ­ցու­թե­նէն մղ­ուած իր կա­րե­լին ըրաւ հաս­նե­լու բո­լո­րին:

Ան երախ­տա­գի­տա­կան խօսք ուղ­ղեց նա­խա­գահ Պաշ­շար ալ Ասա­տին եւ  Առա­ջին տիկ­նոջ, որոնք տե­ւա­բար կը քա­ջա­լե­րեն բա­րե­սի­րա­կան միու­թիւն­նե­րը:

Արա Մու­թաֆ­եան մօր նուիր­ուած արա­բե­րէն իր ստեղ­ծա­գոր­ծու­թիւն­նե­րէն քերթ­ուած մը աս­մուն­քեց:

Հան­դի­սու­թեան խոր­հուր­դը զու­գա­հեռ մը գծելն էր մե­րօր­եայ եւ հայ ազա­տագ­րա­կան պայ­քա­րին մաս­նա­կից հայ կնոջ մի­ջեւ:

Հոյլ մը խա­չու­հի­ներ` Սե­ւան Աւագ­եան, Ժէ­նի Պօշ­կե­զէն­եան, Լի­զա Լա­լէեան, Մա­րալ Գա­զէզ­եան, Թա­լին Մի­նաս­եան եւ Սօ­սի Փի­լաւճ­եան տե­սե­րի­զի ցու­ցադ­րու­թեամբ ներ­կա­յա­ցու­ցին  հայ տի­պար կի­ներ, որոնք մաս­նակ­ցու­թիւն բե­րած էին ՀՀ կեր­տու­մին, հայ ազա­տագ­րա­կան պայ­քա­րին, Հա­յաս­տա­նի քա­ղա­քա­կան կեան­քին` իրենց եր­ջան­կու­թե­նէն բարձր դա­սե­լով հայ ժո­ղո­վուր­դի փր­կու­թիւնը:

Այ­նու­հե­տեւ Հայ Օգ­նու­թեան Միու­թեան սուր­ի­ա­հայ մայ­րե­րուն նուիր­ուած խօս­քը ար­տա­սա­նեց Հայ Օգ­նու­թեան Միու­թեան Կեդ­րո­նա­կան Վար­չու­թեան ան­դամ Ան­նա Տէր Յա­կոբ­եան, որ դի­տել տուաւ, թէ 6 տա­րի­նե­րու պա­տե­րազ­մա­կան դժ­ուա­րու­թիւն­նե­րը եւ դժ­բախ­տու­թիւն­նե­րը մեր քա­ջա­րի եւ անձնուէր մայ­րե­րուն համ­բե­րա­տար աշ­խա­տան­քով թօ­թա­փե­ցինք ու սուր­ի­ա­հա­յը մայ­րա­կան սի­րով ու նուի­րու­մով գօ­տեպնդ­ուած պատ­նէ­շի վրայ մնաց: ՍՕԽ-ի անն­կուն խա­չու­հի­նե­րը նուի­րու­մով լծ­ուե­ցան նպաստ­ներ բաշ­խե­լու փր­կա­րար աշ­խա­տան­քին` նոյ­նիսկ ամե­նավ­տան­գա­ւոր շր­ջան­նե­րու եւ թա­ղա­մա­սե­րու մէջ` բարձր պա­հե­լով ՀՕՄ-ի անունն ու դրօ­շը:

Ապա ՍՕԽ-ի Շր­ջա­նա­յին Վար­չու­թեան ատե­նա­պե­տու­հի Հռիփ Կա­նան­եան Շր­ջա­նա­յին Վար­չու­թեան խօս­քը ար­տա­սա­նեց` դի­տել տա­լով որ. «Հայ կի­նը եր­բեք չէ ստր­կա­ցած, հայ օճա­խը մնա­ցած է սր­բու­թիւն, ուր կի­նը վա­յե­լած է այր մար­դուն հա­մա­հա­ւա­սար իրա­ւունք­ներ: Հայ կնոջ ազ­գա­յին քա­ղա­քա­կան կեան­քին մաս­նակ­ցու­թեան իրա­ւուն­քը պաշ­տօ­նա­պէս ճանչց­ուած է Հա­յաս­տա­նի Ա. Հան­րա­պե­տու­թեան հիմ­նադ­րու­թեան օրէն»:

Անդ­րա­դառ­նա­լով սուր­ի­ա­հայ մայ­րե­րուն ան ըսաւ, որ «Սօ­սէ Մայ­րի­կին հա­րա­զատ հե­տե­ւորդ­նե­րը` սուր­ի­ա­հայ մայ­րե­րը իրենց ամու­սին­նե­րուն կող­քին պի­տի մնան ու մա­քա­ռին դժ­ուա­րու­թիւն­նե­րուն դէմ, իսկ խա­չու­հի­նե­րը, վե­հա­փառ հայ­րա­պե­տին կո­չին ըն­դա­ռա­ջե­լով, պի­տի նուիր­ուին ՍՕԽ-ին` ամէն ջանք ի գործ դնե­լով վե­րա­նո­րո­գե­լու մեր քանդ­ուած կեդ­րո­նը եւ վե­րագտ­նե­լու մեր եր­բեմ­նի բար­գա­ւաճ օրե­րը»:

Ապա յա­ջոր­դա­բար բեմ հրա­ւիր­ուե­ցան 2017-ի ՍՕԽ-ի «Կան­թեղ» շքան­շա­նի ար­ժա­նա­ցող ըն­կե­րու­հի­նե­րը, որոնք մեր գա­ղու­թի հա­սա­րա­կա­կան կեան­քը աշ­խու­ժա­ցու­ցին իրենց 30 եւ աւե­լի տա­րի­նե­րու անընդ­մէջ ծա­ռա­յու­թեամբ:

Պար­գե­ւատր­ուե­ցան ըն­կե­րու­հի­ներ` Մա­րալ Ազա­րիկ­եան, Սօ­սի Պա­րոն­եան, Հու­րի Տիլ­պէր­եան, Պայ­ծիկ Չէրչ­եան, Այ­տա Պէ­րէ­ճիքլ­եան, Անի Գալ­տըն­եան, Անա­հիտ Հաճ­եան, Զե­փիւռ Մու­ղալ­եան, Սե­դա Կէր­կէր­եան, Սե­դա Վա­նէս­եան, Սի­րուն Թաշճ­եան, Մայ­տա Գան­տիլ­եան, Նուարդ Սա­նոս­եան, Մա­րալ Ման­ուէլ­եան, Անի Պօզ­ի­ա­քալ­եան, Շո­ղիկ Փամ­փալ­եան, Անա­հիտ Սե­րայ­տար­եան, Մայ­տա Յով­հան­նէս­եան եւ Սիլ­վա Քէ­օ­սէեան:

Ապա յաջոր­դա­բար բեմ հրա­ւիր­ուե­ցան ՍՕԽ-ի շր­ջա­նա­յին յանձ­նա­խում­բե­րու ատե­նա­պե­տու­հի­նե­րը` ստա­նա­լու յանձ­նա­խում­բե­րուն նուիր­ուած գնա­հա­տա­գիր­նե­րը:

Գե­ղար­ուես­տա­կան յայ­տա­գի­րին իրենց մաս­նակ­ցու­թիւնը բե­րին Մա­րալ Տունկ­եան, Գէ­որգ Էմի­նի «Սա­սուն­ցի­նե­րու Պար»էն հատ­ուած­ներ աս­մուն­քե­լով, իսկ հայ­րե­նա­սի­րա­կան եր­գե­րու շար­քով ելոյթ ու­նե­ցաւ Եղ­իա Քի­լէճ­եան:

Օր­ուան եզ­րա­փա­կիչ պատ­գա­մը փո­խան­ցեց Բեր­իոյ Հա­յոց Թե­մի Բա­րե­ջան Առաջ­նորդ Գերշ. Տէր Շա­հան Սրբ. Արք. Սար­գիս­եան, որ նախ շնոր­հա­ւո­րեց մայ­րե­րը, մաս­նա­ւո­րա­բար Սուր­ի­ա­հայ Օգ­նու­թեան Խա­չի նուիրեալ մայ­րե­րը, որոնք իրենց ըն­տա­նե­կան պար­տա­ւո­րու­թիւն­նե­րուն կող­քին կը ծա­ռա­յեն ազ­գա­յին կեան­քին:

Սր­բա­զան հայ­րը շեշտեց թէ «Այս սրա­հը կր­կին լեց­ուած է մեր մայ­րե­րով  եւ քոյ­րե­րով, որոնք վկայութիւնն են Սուր­ի­ա­կան Հայ­րե­նի­քի ան­սա­սա­նութ­եան եւ մեր ժո­ղո­վուր­դի հա­ւատ­քին, գո­յա­տե­ւե­լու ամէ­նու­րեք` Սուր­իոյ մէջ Սուր­ի­ական Հայ­րե­նի­քին հա­մար, Սուր­իա­յէն ան­դին Հա­յաս­տա­նի հա­մար, Ար­ցա­խի հա­մար, մաս­նա­ւո­րա­բար հայ ազա­տագ­րա­կան  պայ­քա­րի ճա­նա­պար­հին:

Ազա­տագ­րա­կան պայ­քա­րի մաս­նակ­ցիլ չի նշա­նա­կեր ան­պայ­ման ռազ­մա­կան գոր­ծո­ղու­թիւն­նե­րու մաս­նա­կից դառ­նալ: Ազա­տու­թիւն բա­ռը եւ ազատ ըլ­լա­լու գի­տակ­ցու­թիւնը Աստ­ուա­ծա­տուր շնորհք մըն է, որ մարդ արա­րա­ծը զայն պա­հե­լու պար­տա­ւո­րու­թեան տակ կը դնէ: Ազա­տու­թիւն ու­նե­նա­լու հա­մար մարդ պի­տի պայ­քա­րի իր բո­լոր հնա­րա­ւո­րու­թիւն­նե­րով: Ազա­տագ­րա­կան պայ­քա­րի մաս­նակ­ցող հայ մայ­րե­րուն վճ­ռա­կա­մու­թիւնը, որ լու­սար­ձա­կի տակ առն­ուե­ցաւ այս ձեռ­նար­կով, ապա­ցուց­ուե­ցաւ նա­եւ Սուր­իոյ մէջ, Ար­ցա­խի մէջ, Հա­յաս­տա­նի մէջ, կ՛ապա­ցուց­ուի ամէ­նու­րեք, ուր իր ազ­գա­յին կո­չու­մին գի­տա­կից հայ  մայր գոյութիւն ունի»:

Հան­դի­սու­թիւնը փակ­ուե­ցաւ ՍՕԽ-ի քայ­լեր­գով եւ սր­բա­զան հօր «Պահ­պա­նիչ»ով:

Սեւան Աւագեան

Գանձասար

%d5%bd%d6%85%d5%ad%d5%bd%d6%85%d5%ad1

Լոնտոնաբնակ Էտուարտ Սահակեան արժանացած է « Habanos Man of the Year » մրցանակին

Հաւանա քաղաքի « Habanos Man of the Year » հանրածանօթ մրցանակին կը տիրանայ այն անձը, որ ամենամեծ ներդրումը ունեցած է գուպայական սիկառներու շուկայի շահաբեր արդիւնաբերութեան ու տարածման մէջ:
2017 տարուան Գուպայի՝ Հաւանա քաղաքի մրցումին լոնտոնաբնակ էտուարտ Սահակեան արժանացած է այդ մրցանակին։
Էտուարտ Սահակեան հանրածանօթ է սիկառի աշխարհին մէջ. ան շատ կանուխ, իր երիտասարդ տարիքին, կը ցուցաբերէ սիկառի լուրջ հետաքրքրութիւն: 1979-ին Պարսկաստանի յեղափոխութեան պատճառաւ ամբողջութեամբ կը կորսնցնէ իր հօրենական զովացուցիչներու եւ գարեջուրի «Սահակեան ընկերութեան» հսկայական գործատուները ու կ՚որոշէ իր ընտանիքով հաստատուիլ Լոնտոն։
Արդէն իսկ 35 տարեկանին իր հաւաքածոյին համար յաջողած էր ձեռք բերել Ալֆրետ Տանհիլի Հապանոս սիկառի հազուագիւտ շատ մը նմոյշներ։ Ծխախոտի ասպարէզին մէջ բաւականաչափ ծանօթութիւն ունենալուն՝ Լոնտոնի մէջ պատեհ առիթներ կը տեսնէ փոխելու իր հօրենական գործը եւ նետուելու սիկառի վաճառականութեան ասպարէզին մէջ, ուստի կը հիմնէ Davidoff հաստատութիւնը Լոնտոնի St. James-ի եւ Jermyn Street-ի պատկառելի պողոտանե-
րու անկիւնադարձին վրայ։
Գործը կը յառաջդիմէ կարճ ժամանակի մէջ. Davidoff-London-ի յաջողութեան գաղտնիքը կ՚ըլլայ վաճառականութեան անհրաժեշտ սկզբունքներու նկատմամբ Էտուարտի լուրջ մօտեցումը՝ սիկառի ընտրութիւն, որակ, այլազանութիւն, սպասարկութիւն եւ առանձնայատուկ ուշադրութիւն՝ յաճախորդներու ճաշակին։
Յաճախակի Գուպա ճամբորդութիւններու ընթացքին Էտուարտ մօտէն կը ծանօթանայ սիկառի արհեստի մանրամասնութեան, յարաբերութիւններ կը մշակէ Habanos ընկերութեան տնօրէններուն հետ եւ կը յաջողի առաջին տարիներէն սկսեալ սերտ գործակցութիւն հաստատել անոնց հետ, մինչեւ իսկ կը ծանօթանայ նշանաւոր սիկառ փաթթող կիներու՝ մասնաւորապէս հանրածանօթ Նորմա Ֆեռնանտէզին, որուն հետ բարեկամութեան եւ փոխադարձ յարգանքի սերտ կապ մը ունի մինչեւ օրս։
Էտուարտ Սահակեանի Լոնտոնի Davidoff խանութը այսօր օժտուած է նաեւ յաճախորդներու կողմէ փնտռուած սիկառի հազուագիւտ ապրանքներով, եւ ան իր մասնագիտութեան ու հիւրընկալութեան շնորհիւ դարձած է ծանօթ հեղինակութիւն սիկառի սիրահարներուն։ Էտուարտ տարիներէ ի վեր կը մասնակցի զանազան երկիրներու վաճառքներու (fairs), ինչպէս նաեւ իբրեւ հեղինակութիւն՝ կը հրաւիրուի համագումարներու, ուր սիկառի վաճառականներու եւ սիրողական ծխողներու գուպայական սիկառներու բարդ այլազանութեան մասին բացատրութիւններ եւ ցուցմունքներ կու տայ։
Էտուարտի միացած է այսօր իր զաւակը՝ Էտին, եւ անոնք միասին ընդլայնած են իրենց Davidoff հաստատութեան սպասարկութիւնը։ Edward Davidoff Sahakian անունը իբրեւ սիկառի մասնագէտ լաւ ճանչցուած է եւրոպացիներու եւ նոյնիսկ յատուկ ժողովրդականութիւն կը վայելէ Ամերիկացիներու մէջ, մինչեւ իսկ Bulgari պանդոկին մէջ այժմ ունին առանձին, սիկառ ծխելու յատուկ սենեակներ, ուր անուանի դերասաններ, անձնաւորութիւններ կու գան իրենց երանութիւնը գտնելու՝ ըմբոշխնելով Սահակեաններու առաջարկած տարբեր սիկառները։
Անակնկալ մը չէ տեսնել այս տարուան Մարտին Գուպայի « Habanos Man of the Year in Business » պատկառելի մրցանակին շնորհուիլը Էտուարտ Սահակեանին։ Արդարեւ, Լոնտոնի անգլիատառ թերթերը այս մասին խանդավառութեամբ ու հպարտութեամբ անդրադարձան իրենց սիւնակներուն մէջ։ Կ՚իմանանք Էտուարտէն, որ այս հանդիսութեան ընթացքին ուրիշ հաճելի անակնկալ մը եւս յուզած է զինք։
Էտուարտ անակնկալօրէն կը հանդիպի հայազգի Արա Մալիքեան տաղանդաւոր ջութակահարին, որ մասնաւորապէս հրաւիրուած է նուագելու Հաւանա մրցանակաբաշխութեան հանդիսութեան։
Գուպայի մէջ տարբեր ասպարէզ ընտրած երկու Սփիւռքահայեր, բոլորովին անծանօթ իրարու, աստղերն էին այդ երեկոյթին եւ մեծ հրճուանքով ու յուզումով կը յայտնաբերէին զիրար։
Էտուարտ՝ Պարսկահայ, հաստատուած Անգլիա, Արա՝ Լիբանանահայ, հաստատուած Սպանիա, կու գան օտար երկինքներու տակ փայլեցնելու Հայու անունը։
«Ամէն տեղ հայ կայ», ըսած է Մաւեան:
Եւ իրօք:

Սելլա Թնճուկեան

Նոր Յառաջ

Հալէպահայ Աշակերտներու Խմբային Այցը Յակոբ Օշականի Շիրիմին

Չորեքշաբթի առտու, Մարտ 29-ին, Հալէպի Հ.Բ.Ը.Միութեան Լազար Նաճարեան-Գալուստ Կիւլպէնկեան Կեդր. վարժարանի ԺԱ. կարգի աշակերտները (25 հոգի) խմբովին այցելեցին Ազգ. գերեզմանատուն, բոլորուեցան մեծանուն գրականագէտ Յակոբ Օշականի շիրիմին շուրջ, թարմ ծաղկեպսակ մը դրին այնտեղ դպրոցին անունով, այնուհետեւ ոգեկոչեցին գրողին յիշատակը աղօթքով, խունկ ու մոմով եւ պատշաճ խօսքերով։
Ոգեւորիչ ու անմոռանալի օր մը եղաւ ասիկա տղոց համար, որոնցմէ շատեր առաջին անգամ է որ գերեզմանատուն կ՚այցելէին։ Արդէն, հինգ տարիէ իվեր, Հալէպի պատերազմի շրջանին, Ազգ. գերեզմանատունը միշտ փակ մնացեր էր ապահովական նկատումներով։
Բայց գարնան առաջին փթթումներուն հետ՝ խաղաղութիւնն ալ կը տիրապետէր գերեզմանատան վերեւ։ Տաքուկ, ջերմացնող արեւ մը կար։ Տղոց խանդավառութիւնն ալ ակներեւ էր։
Դեռ անցեալ շաբաթ էր, որ ԺԱ. կարգի այս աշակերտները հայերէնի իրենց դասագրքին ընդմէջէն ծանօթացեր էին Յակոբ Օշականին։ Կարդացեր էին անոր «Խոնարհներ» հատորէն «Տօգսանը» պատմուածքը, ականջ տուեր էին իրենց ուսուցչին տուած բացատրութիւններուն։ Ու հիմա՝ պիտի այցելէին անոր շիրիմին։
Այս հաւաքական այցին, որ տեսակ մը ուխտագնացութիւն եղաւ, մասնակից դարձան նաեւ վարժարանի տնօրէնուհին՝ օրդ. Գայեանէ Թիւմպալեան, դաստիարակ պրն. Մանուէլ Քէշիշեան եւ հայերէնաւանդ դասատուներ պրն. Լեւոն Շառոյեան ու տիկ. Անի Յովակիմեան։
Այցելուները շրջապատեցին շիրիմը երկիւղածութեամբ։ Նախ մոմեր վառեցին ու խունկ ծխեցին։ Այդ նոյն րոպէներուն՝ ձայնաւոր աշակերտուհիները հնչեցուցին յուզիչ «Տէր, ողորմեա» մը։
Երկու աշակերտուհիներ՝ Մեղրի Տարագճեան եւ Սէրլի Գուզուեան փոխն ի փոխ կարդացին Օշականի կենսագրութենէն ուշագրաւ նշումներ։
Այնուհետեւ, նախ արտայայտուեցաւ տնօրէնուհի օրդ. Թիւմպալեան, որ շեշտը դրաւ անցեալը չմոռնալու անհրաժեշտութեան վրայ։ Յետոյ խօսք առաւ պրն. Մ. Քէշիշեան, որ բացատրեց գերեզմանատուն տրուած այցին կարեւորութիւնը, թելադրեց տեւաբար յարգել մեր աւանդութիւնները։
Իսկ «Հուսկ բանք»-ը վիճակած էր ԺԱ. կարգի հայերէնի դասատու պրն. Շառոյեանին։ Ան նախ ընդգծեց Օշականի ամբարած գիտելիքի պաշարին հսկայ ու անհաւատալի տարողութիւնը, որ միշտ պիտի շշմեցնէ եկող-գացող սերունդները։ Յետոյ քանի մը խօսք ըսաւ անոր ծաւալուն վէպերուն մասին, ուր Թուրքին կերպարը շատ լայն տեղ գրաւած է։ Արագօրէն անդրադարձաւ Օշականի ուսուցչական վաստակին, ու վերջապէս՝ դիտել տուաւ որ մեծանուն գրողին շիրիմին տրուած այս այցը ու դամբանին վրայ դրուած ծաղկեպսակը, իրականութեան մէջ, կը դրուի Հայ գրականութեան բոլոր երախտաւոր ծառաներուն շիրիմին…։
Ուխտագնացութիւնը տեւած էր մէկ ժամ։ Բայց վստահաբար՝ անոր թողած խորունկ տպաւորութիւնը տղոց մտքին մէջ անջնջելի պիտի մնար տարինե՜ր, տասնամեակնե՜ր շարունակ…։

Այս մասին կը յայտնէ Նոր Յառաջ:

%d6%85%d5%b7%d5%a1%d5%af%d5%a1%d5%b63%d6%85%d5%b7%d5%a1%d5%af%d5%a1%d5%b64%d6%85%d5%b7%d5%a1%d5%af%d5%a1%d5%b6%d6%85%d5%b7%d5%a1%d5%af%d5%a1%d5%b61

Սարսէլի երեսփոխան-քաղաքապետը կը հովանաւորէ Կարօ Փայլանը

Արնուվիլի «Քրտական ժողովըրդավարական խորհուրդ»-ի մամլոյ հաղորդագրութենէն կը տեղեկանանք, որ Սարսէլի երեսփոխան-քաղաքապետ Ֆրանսուա Փիւփոնի Ուրբաթ, Մարտ 31-ին տեղի ունենալիք արարողութեան՝ պաշտօնապէս իր հովանաւորութիւնը պիտի յայտարարէր Թուրքիոյ քրտամէտ Ժողովուրդներու ժողովրդավարական կուսակցութեան (HDP) երեսփոխան Կարօ Փայլանի:
«Այս արարողութիւնը HDP-ի երեսփոխաններուն զօրակցութեան ձեռնարկ մըն է։ Անոնցմէ շատեր բանտարկուած են, իսկ անոնք որոնք չեն բանտարկուած՝ Թուրքիոյ ֆաշական պետութեան ճնշումին եւ սպառնալիքներուն ենթակայ են։ Արարողութիւնը առիթ պիտի ընծայէ զօրակցութիւն յայտնելու նաեւ քիւրտ ժողովուրդին, որ ճնշուած է եւ տարիներէ ի վեր ենթակայ է ջարդերու», գրուած է հաղորդագրութեան մէջ:

Այս մասին կը յայտնէ Նոր Յառաջ:

Բրիտանական «BBC Wordwide» Առեւտրային Ընկերութեան Տարածաշրջանային Ներկայացուցչութեան Ղեկավարը Սփիւռքի Նախարարութեան ՄԷջ

Մարտ 30-ին ՀՀ սփիւռքի նախարարի տեղակալ Սերժ Սրապիոնեան եւ նախարարի խորհրդական Ստեփան Պետրոսեան ընդունեցին Բրիտանական «BBC Wordwide» առեւտրային  ընկերութեան տարածաշրջանային ներկայացուցչութեան ղեկավար Սերգէյ Ստանովկին, որ ՀՀ տնտեսական զարգացման եւ ներդրումներու նախարարութեան Զբօսաշրջութեան պետական կոմիտէի հրաւէրով երկօրեայ համագումար իրականացուցած էր «Ռազմավարական հաղորդակցութիւն եւ զբօսաշրջային ապրանքանիշ» թեմայով:

«Հայերն այսօր»-ի փոխանցմամբ, քննարկուեցան Հայաստանի մէջ զբօսաշրջութեան զարգացման, ներդրումներու ներգրաւման, երկրի ապրաքանիշի ձեւաւորման գործընթացքին մէջ Հայկական սփիւռքի դերակատարութեան եւ միջազգային  տեղեկատուական հարթակներուն վրայ Հայաստանի Հանրապետութիւնը ներկայացնելու հետ կապուած հարցեր:

Սերգէյ Ստանովկին շնորհակալութիւն յայտնեց ջերմ ընդունելութեան համար, ներկայացուց տարածաշրջանի տարբեր երկիրներու հետ աշխատանքի փորձն ու արդիւնքները եւ առաջարկեց համագործակցիլ` Հայաստանի մրցակցային առաւելութիւնները պատշաճ ներկայացնելով BBC հեռուստաընկերութեան բազմամիլիոն լսարանին:

img_0378