Մասաչուսէթսի Մէջ Հայոց Ցեղասպանութեան Հարիւրամեակը Ոգեկոչող Գովազդային Վահանակներ Կը Տեղադրուին

2015թ. Յունուարին «Արուեստի խաղաղութիւն» միաւորումը սկսաւ Հայոց ցեղասպանութեան հարիւրամեակը եւ վերջին հարիւր տարուան ընթացքին ցեղասպանութիւններու զոհերու յիշատակը ոգեկոչող գովազդային վահանակներ տեղադրել: Այս ծրագիրը պիտի շարունակուի մինչեւ 2015-ի վերջը Միացեալ նահանգներու ամբողջ տարածքին մէջ, armeniangenocide100.org-ի փոխանցմամբ` կը յայտնէ  The Armenian Weekly-ն:

Առաջին վահանակները տեղադրուած են Մասաչուսէթսի Ֆոքսպորօ եւ Փիպոտի, եւ Ուաշինկթօնի Սիաթլ քաղաքներուն մէջ: «Սա մեր ուղերձն է աշխարհին, որմով կը դատապարտենք բոլոր ցեղասպանութիւնները, կոչ կ’ընենք զգօն ըլլալու եւ վերջ դնելու մարդկութեան դէմ կատարուող նման յանցագործութիւններուն», ըսած է «Արուեստի խաղաղութիւն» միութեան նախագահ Դանիէլ Վարուժան Հեճինեան:

Առաջին երկու վահանակներուն վրայ գրուած է. «Դատապարտէ՛ անցեալը: Մի՛ ըլլար յաջորդ զոհը: Յիշէ՛ 1915-ի Հայոց ցեղասպանութիւնը» եւ «1915-2015-ի բոլոր զոհերու յիշատակին»: Իսկ յաջորդ վահանակը պիտի կրէ «1915-2015. Հայոց ցեղասպանութեան հարիւրամեակ» գրութիւնը:

1996-ից սկսած Հեճինեան սկսած է մեծ գովազդային վահանակներ տեղադրել Մասաչուսէթսի մէջ մարդոց Հայոց ցեղասպանութեան մասին իրազեկելու նպատակով: Իսկ 2003թ. ստեղծած է  «Արուեստի խաղաղութիւն»   շահոյթ
չհետապնդող կազմակերպութիւնը, որ արուեստի միջոցով կ’իրազեկէ համամարդկային խնդիրներու մասին եւ կը նպաստէ ատոնց խաղաղ լուծման:

Scroll Up