Թորոնթոյի Մէջ Ցեղասպանութեան 100-րդ Տարելիցին Նուիրուած Ձեռնարկ

Յունուար 25-ին Գանատայի Թորոնթօ քաղաքին մէջ «Մէկ ազատ աշխարհ» հասարակական կազմակերպութեան օժանդակութեամբ եւ Գանատայի մէջ ՀՀ դեսպանութեան աջակցութեամբ տեղի ունեցաւ Հայոց ցեղասպանութեան 100-րդ տարելիցին նուիրուած ձեռնարկ: Այս մասին կը յայտնեն ԱԳՆ մամլոյ ծառայութենէն:

Ձեռնարկին, իբրեւ գլխաւոր բանախօսներ, կը մասնակցէին Գանատայի աշխատանքի, սոցիալական զարգացման եւ բազմամշակութայնութեան նախարար Ճէյսոն Քեննին եւ Գանատայի մէջ ՀՀ դեսպան Արմէն Եգանեան:

Դեսպան Եգանեան իր ելոյթին մէջ խօսեցաւ Հայոց ցեղասպանութեան հետեւանքներուն մասին` ընդգծելով Հայոց ցեղասպանութեան միջազգային ճանաչման անհրաժեշտութիւնը ինչպէս աշխարհասփիւռ հայութեան, այնպէս ալ միջազգային հանրութեան համար: Հայաստանի դեսպանը անդրադարձաւ նաեւ Հայաստանի,
Գանատայի մէջ եւ այլուր 2015թ. ակնկալուող ոգեկոչման ձեռնարկներուն:

Ձեռնարկին ներկայ էին շուրջ 1000 մասնակիցներ, որոնց մէջ էին Թորոնթոյի կաթոլիկ, բողոքական եկեղեցիներու առաջնորդներ, Թորոնթոյի ռաբբին, ներկայացուցիչներ քրտական, եզտիական, իսմայիլիներու համայնքներէն, ինչպէս նաեւ գանատահայ համայնքի ներկայացուցիչներ: Ձեռնարկին մասնակցեցաւ նաեւ Սթամպուլէն ժամանած թուրք հոգեւորական, պատուելի Հաքան Թաշթան, որ թուրք ժողովուրդի անունէն ներողութիւն խնդրեց Հայոց ցեղասպանութեան համար:

Scroll Up