ՀՀ Սփիւռքի Նախարարութեան Մէջ Կայացաւ Համահայկական Մրցանակաբաշխութեան Վերաբերեալ Մամլոյ Ասուլիս

Նոյեմբեր 12-ին ՀՀ սփիւռքի նախարարութեան մէջ կայացաւ մամլոյ ասուլիս «Հայապահպանութեան գործին մէջ նշանակալի աւանդի համար»  2014թ. մրցանակաբաշխութեան վերաբերեալ, որ կ’իրականացնեն Հայաստանի Հանրապետութեան սփիւռքի նախարարութիւնը, Համաշխարհային հայկական կոնգրէսը եւ Ռուսաստանի հայերու միութիւնը:

Մամլոյ ասուլիսը վարեցին ՀՀ սփիւռքի նախարարի տեղակալ Սերժ Սրապիոնեան, համահայկական ծրագիրներու վարչութեան պետ Արմէն Անդրէասեան, Համաշխարհային հայկական կոնգրէսի եւ Ռուսաստանի հայերու միութեան փոխնախագահ Արամ Սարգսեան:

Ողջունելով լրագրողները` ՀՀ սփիւռքի նախարարի տեղակալ Սերժ Սրապիոնեան մասնաւորապէս նշեց. «Ուրախալի է, որ արդէն հինգերորդ տարին ՀՀ սփիւռքի նախարարութիւնը համագործակցելով Համաշխարհային հայկական կոնգրէսի եւ Ռուսաստանի հայերի միութեան հետ անցկացնում է համահայկական մրցանակաբաշխութիւն, որի նպատակն է խրախուսել Սփիւռքում հայ ազգային ինքնութեան պահպանման գործում սփիւռքի կազմակերպութիւնների, տարբեր խմբերի, առանձին անհատների ունեցած ներդրումը, յաւուր պատշաճի գնահատել եւ արժեւորել այս ուղղութեամբ հայկական համայնքների գործունէութիւնը»:

Իր ելոյթին մէջ Համաշխարհային հայկական կոնգրէսի եւ Ռուսաստանի հայերու միութեան փոխնախագահ Արամ Սարգսեան կարեւոր համարեց 2008թ. իրականացուող մրցանակաբաշխութեան նշանակութիւնը հայապահպանութեան գործին մէջ: Ան նշեց, որ անհրաժեշտ է խրախուսել համահայկական կառոյցները, կրթօճախները, որպէսզի աւելի աշխոյժ, արդիւնաւէտ աշխատին սփիւռքի մէջ հայերու նոր սերունդներուն հայ պահելու համար:

Նախարարութեան համահայկական ծրագիրներու վարչութեան պետ Արմէն Անդրէասեան ներկայացուց 2014թ. մրցանակաբաշխութեան անուանակարգերը, մրցոյթներու պայմանները եւ վերջնաժամկէտը: Ան նշեց, որ «Հայապահպանութեան գործին մէջ նշանակալի աւանդի համար»  2014թ. մրցանակաբաշխութեան ծիրէն ներս կ’իրականացուին մրցոյթներ «Մայրենիի պաշտպան», «Լաւագոյն ամենօրեայ կրթօճախ», «Լաւագոյն լրատուամիջոց», անուանակարգերուն մէջ եւ «Մենք եղել ենք, մենք կանք, մենք կը լինենք» խորագիրով Ցեղասպանութեան 100-րդ տարելիցին նուիրուած շարադրութիւններու մրցոյթ:

Վերջաւորութեան բանախօսները պատասխանեցին լրատուամիջոցներու ներկայացուցիչներու հարցերուն:

unnamed (1) unnamed (2) unnamed

Scroll Up