Վիեննայի Շիրազ Դպրոցի Աշակերտները Երեւանի Շիրազ Դպրոցի Աշակերտներուն Համակարգիչ Կը Նուիրեն

Վիեննայի մէջ գործող Յովհաննէս Շիրազ հայկական շաբաթօրեայ դպրոցի աշակերտները եւ ուսուցիչները Երեւանի նոյնանուն դպրոցին մէջ սորվող իրենց հայրենակիցներուն համակարգիչ մը նուիրած են: Վիեննայի դպրոցի աշակերտներուն առաջին սրտաբուխ նուէրը չէ ասիկա:  Անոնք բարեգործական նոյն ծրագիրը անցեալ տարի ալ նախաձեռնած էին եւ ուրիշ համակարգիչ մը արդէն նուիրած էին Երւանի իրենց ազգակից աշակերտներուն:

Երեւանի դպրոցի աշակերտները շնորհակալական նամակ մը գրած են Աւստրիոյ մէջ ապրող իրենց պատանի ընկերներուն:
«Մեր աշակերտներն ու Վիեննայում բնակուող իրենց հասակակիցները պարբերաբար նամակագրական կապի մէջ են միմեանց հետ եւ արդէն ընկերացել են: Մենք էլ անում ենք ամէն ինչ, որպէսզի այս գեղեցիկ բարեկամութիւնը հաստատուն լինի»,- ըսաւ Երեւանի Յովհաննէս Շիրազ դպրոցի տնօրէն Սուսաննա Մալոյեան:

«Անցեալ տարի Եղայ այս դպրոցում: Հիացած եմ այստեղ տիրող կարգ ու կանոնով, դպրոցի ու աշակերտների հանդէպ ուսուցիչների եւ տնօրէնութեան հոգատար վերաբերմունքով: Ուրախ եմ որ երկու համանուն կրթօճախների միջեւ սերտ կապ է ստեղծուել»,- ըսաւ Հիմնադրամի Աւստրիոյ Տեղական Մարմինի ատենապետ Ռազմիկ Յարթունեան-Թամրազեան:

Scroll Up