Միասնականութեան Օրուան Նուիրուած Համայնքային Ձեռնարկներ Մոսկուայի Մէջ

Նոյեմբեր 4-ին Մոսկուայի մէջ տեղի ունեցաւ համաժողովրդական տօնական երթ` նուիրուած համառուսաստանեան տօնին` Միասնականութեան օրուան (Дню единства): Երթին մասնակցած են Ռուսաստանի հայերու միութիւնը եւ այլ հայ համայնքային կազմակերպութիւններ, ՌԴ ԴԺ Դաշնութեան խորհուրդի անդամներ, Մոսկուայի տասնեակ հազարաւոր բնակիչներ, շրջաններու, արհմիութիւններու, Մոսկուայի այլ համայնքային կազմակերպութիւններու, ՌԴ հասարակական, քաղաքական եւ կրօնական կազմակերպութիւններու ներկայացուցիչներ: Այս մասին «Հայերն այսօր»ին կը տեղեկացնեն ՌԴ մէջ ՀՀ դեսպանութենէն:

Նոյն օրը Քրեմլի մէջ  կայացաւ տօնին նուիրուած համերգ: Ձեռնարկին կազմակերպիչներն էին Ռուսաստանի Հայերու միութիւնը, «МГИМО»-ն, Կովկասի ժողովուրդներու ռուսաստանեան քոնկրէսը, ասորիներու ռուսաստանեան միութիւնը, Ռուսաստանի վրացիներու միութիւնը, շարք մը երիտասարդական եւ ռուսաստանեան այլ ազգերու մշակութային կազմակերպութիւններ:

Ձեռնարկը իրականացուած է ՌԴ նախագահին կից միջազգային յարաբերութիւններու խորհուրդի, Մոսկուայի Կառավարութեան, ՌԴ Հասարակական պալատի եւ երիտասարդութեան հարցերով Դաշնային գործակալութեան աջակցութեամբ:

sarnews-05-11-14-2-1 sarnews-05-11-14-2-5 sarnews-05-11-14-2-6 sarnews-05-11-14-2-7

Scroll Up