Ստեղծուած է Հայոց ցեղասպանութեան 100-ամեակի Ձեռնարկներու Կազմակերպման Համառուսաստանեան Յանձնաժողով

Մոսկուայի մէջ Հայաստանի դեսպանատան մէջ մայիս 22-ին տեղի ունեցաւ Ռուսաստանի հայ համայնքի Հայոց ցեղասպանութեան 100-ամեակի ձեռնարկները համակարգող համառուսաստանեան յանձնաժողովի սահմանադիր նիստը:
Անցեալ տարի Ռուսաստանի հայ համայնքի հասարակական կազմակերպութիւնները տարածաշրջանային յանձնաժողովներ ստեղծեցին Մոսկուայի եւ Ս. Փեթերսպուրկի մէջ:
Համառուսաստանեան յանձնաժողովի սահմանադիր նիստին մասնակցեցան ՌԴ մօտ ՀՀ դեսպան Օլեգ Եսայեան, ՀԱԵ  նոր Նախիջեւանի եւ Ռուսաստանի հայոց թեմի առաջնորդ տ. Եզրաս եպիսկոպոս Ներսիսեան, ՀՀ պետական յանձնաժողովի քարտուղար, Հայոց ցեղասպանութեան թանգարան-հիմնարկի տնօրէն Հայկ Դեմոյեան, ռուսաստանցի քաղաքական գործիչներ ու պատգամաւորներ, հայկական հասարակական կազմակերպութիւններու ղեկավարներ, գիտութեան ու արուեստի գործիչներ: Յանձնաժողովը պիտի ղեկավարէ Օլեգ Եսայեանը: Գործադիր քարտուղարը` «Ռուս-հայկական համագործակցութեան» նախագահ Եուրի Նաւոյեանը:
«Այն բանից, թէ ինչպէս կը նշեն այդ տարեթիւը ՌԴ հայերը, կախուած է, թէ ինչ արձագանք ու եզրակացութիւններ կանեն Թուրքիան ու համաշխարհային հանրութիւնը»,-ըսաւ Հայկ Դեմոյեան:
Scroll Up