Տեղի Ունեցաւ ՀՀ Սփիւռքի Նախարարի Պաշտօնակատար Տիկին Հրանոյշ Յակոբեանի Հանդիպումը Պրիւքսէլի Հայ Համայնքի Ներկայացուցիչներուն Հետ

Ապրիլ 4-ին Պելճիգայի Թագաւորութեան մէջ ՀՀ դեսպանատան սրահին մէջ տեղի ունեցաւ ՀՀ սփիւռքի նախարարի պաշտօնակատար տիկին Հրանոյշ Յակոբեանի հանդիպումը Պրիւքսէլի հայ համայնքի ներկայացուցիչներուն հետ: Ողջոյնի խօսքով հանդէս եկաւ Հրանոյշ Յակոբեան` ներկայացնելով ՀՀ սփիւռքի նախարարութեան ծրագիրները, ինչպէս նաեւ Հայոց ցեղասպանութեան 100-րդ տարելիցին ընդառաջ նախատեսուող ձեռնարկները: Ելոյթէն ետք նախարարը պատասխանեց համայնքի ներկայացուցիչներուն հետաքրքրող հարցերուն: Հնչած հարցերը կը վերաբերէին հայաբնակ Քեսապի մէջ տեղի ունեցած ողբերգական իրադարձութիւններուն, հայոց ցեղասպանութեան 100-րդ տարելիցին ընդառաջ ձեռնարկները համակարգող պետական յանձնաժողովի եւ տարածաշրջանային յանձնախումբերու գործունէութեան: Հարցեր հնչեցին նաեւ հայ ինքնութեան եւ հայոց լեզուի պահպանման ուղղութեամբ ՀՀ սփիւռքի նախարարութեան կողմէ իրականացուող աշխատանքներու վերաբերեալ:

Scroll Up