Օփերայի Երգիչ Ատամ Պարրոն Ներկայացուցած Է Շառլ Ազնաւուրին Նուիրուած Նոր Երգը. տեսանիւթ

«Հայերն այսօր»-ը նախապէս տեղեկացուցած էր, որ երգահան, ՀՀ վաստակաւոր արուեստագէտ Արա Գէորգեան հոկտեմբեր 1-ին, լսելով Շառլ Ազնաւուրի մահուան լուրը, մէկ գիշերուան ընթացքին անոր  յիշատակին նուիրուած «Մեր Շառլը» երգը  գրած էր, որ կը կատարէ երգչուհի Մաշա Մնջոյեանը:

Արա Գէորգեան որոշած էր երգը նաեւ անգլերէն եւ ֆրանսերէն ձայնագրել, որոնք պէտք է կատարէին ամերիկահայ եւ ֆրանսահայ երգիչ-երգչուհիները:

Երգի ֆրանսերէն տարբերակը Արա Գէորգեանն առաջարկած էր ֆրանսաբնակ օփերայի երգիչ Ատամ Պարրոյին:

«Ինծի համար, որքան ալ մեծ ըլլայ ցանկութիւնս, միշտ դժուար է երգել այն պահերուն, երբ շուրջս արհաւիրք է ու մահ: Ուրախ եմ մեծ շանսոնյէի ծննդեան օրը ներկայացնել  քանի մը ամիս առաջ Հայաստանի մէջ   ձայնագրած երգը:  Այնչափ շնորհակալ եմ Արա Գէորգեանին` ինծի յիշելու եւ վստահելու համար: Ես փորձած եմ մեր մեծ կորուստի ցաւը փոխանցել ձայնի միջոցով»,-«Հայերն այսօր»-ի հետ զրոյցին ըսաւ Ատամ Պարրոն:

Աւելցնենք, որ ֆրանսերէն բառերը գրած է  Զաւէն Յարութիւնեան:

 

 

Scroll Up