Ռուսաստանաբնակ Հայ Եղբայրները Ներդրում Կատարած Են Կոտայքի Մարզին Մէջ

Ռուսաստան բնակող եղբայրներ Սերկօ եւ Սամուէլ  Ստեփանեանները շուրջ 100մլն. դրամի ներդրում  կատարած են Հայաստանի մէջ: Անո նք հովանաւորած են Կոտայքի մարզի Նոր Երզնկա համայնք տանող 3 քմ ճանապարհի կառուցումը, որ անկախացումէն ի վեր չէր վերանորոգուած:

Ճանապարհի հանդիսաւոր բացումը տեղի կ՛ունենայ մայիս 24-ին, ժամը` 12:00-ին: Բացման պիտի մասնակցին  շարք մը բարձրաստիճան պաշտօնեաներ:

Սերկօ Ստեփանեան Տիւմէնի «УК  АРСИБ-Агро» ՍՊԸ-ի գլխաւոր տնօրէնն է:

Սերկօ Ստեփանեան Տիւմէնի մարզի «Հայաստան» հայկական մշակութալուսաւորչական հասարակական կազմակերպութեան խորհուրդի անդամ է: Ան մշակած է հասարակական կազմակերպութեան զարգացման հեռանկարային ծրագիրը մինչեւ 2021 թ.: Ծրագիրի ռազմավարութեան ծիրէն ներս բացուած է  Տիւմէնի Մեսրոպ Մաշտոցի անուան հայկական մշակոյթի կեդրոնը, ուր կը յաճախեն  աւելի քան 200 հայ մանուկներ եւ երիտասարդներ: 2016-ի մայիսէն «Ռոսարմ» ոչ առեւտրային կազմակերպութեան նախագահն է, որ ստեղծուած է Ռուսաստանի եւ Հայաստանի միջեւ գործարար ու մշակութային կապերու ամրապնդման նպատակով:

Scroll Up