Հենրիխ Մխիթարեան Չի Մեկնիր Պաքու. Պաշտօնական

Հայաստանի ազգային հաւաքականի եւ Լոնտոնի «Արսենալ»-ի կիսապաշտպան Հենրիխ Մխիթարեան չի մեկնիր Պաքու:

«Մենք մանրակրկիտ ուսումնասիրած ենք Մխիթարեանի մասնակցութեան բոլոր տարբերակները, բայց անոր եւ անոր ընտանիքին հետ քննարկումներէն յետոյ որոշած ենք, որ Միքին չի մեկնիր խումբին հետ Պաքու:

Մենք այս մասին նամակ  գրած էինք Ուեֆա-ին` յայտնելով մեր խորը մտահոգութիւններն իրավիճակին վերաբերեալ: Միքին մեր առանցքային ֆութպոլիստներէն էր այս եզրափակիչի ճանապարհին եւ ասիկա շատ մեծ կորուստ է մեզի համար:

Կը ցաւինք, որ ֆութպոլիստը պիտի կորսնցնէ այսպիսի խոշոր մրցաշարի եզրափակիչ խաղը:

Միքին կը շարունակէ մարզումները», – ըսուած է «Արսենալ»-ի տարածած պաշտօնական հաղորդագրութեան մէջ:

Յիշեցնենք` մայիս 29-ին Պաքուի մէջ պիտի կայանայ Եւրոպայի Լիկայի եզրափակիչ հանդիպումը «Չելսի»-ի ու «Արսենալ»-ի միջեւ:

Scroll Up