Էսթոնիոյ Հայկական Դպրոցի Սաները Միջազգային Փառատօնին Ներկայացուցած Են Հայկական Մշակոյթը

Էսթոնիոյ  Թալլին եւ Թարտու քաղաքներու «Մաշտոց» կիրակնօրեայ դպրոցը` տնօրէն Ճաննա Շահբազեանի նախաձեռնութեամբ, ապրիլի վերջին մասնակցած է «Կովկասեան ռիթմեր» միջազգային փառատօնին, ուր «Երազանք» երաժշտական անսամպլի կրտսեր խումբը (ուսուցիչ` Ռուզաննա Համբարձումեան) հանդէս  եկած է «Ջան գարուն» եւ «Գարուն» երգերով, իսկ աւագ խումբը` «Մշոյ գորանի» պարով, հայկական ազգագրական «Տայք» պարախումբը ներկայացուցած է «Կարնոյ քոչարի» եւ «Պապուրի» պարերը:

Ինչպէս «Հայերն այսօր»-ին կը  յայտնեն դպրոցէն, փառատօնին հայկական մշակոյթը ներկայացուցած է նաեւ Սլաւոնական միութեան «Սլաւեանկա» կանանց ակադեմիկական երգչախումբը` հայկական կիրակնօրեայ դպրոցի շրջանաւարտներու մենակատարմամբ (գլխաւոր խմբավար եւ գեղարուեստական ղեկավար Ռուսաստանի վաստակաւոր արուեստագէտ Կլոչկովա Ալինա Իվանովնա, խմբավար Գոհար Յովակիմեան, նուագակցող Օլգա Կուլիկովա: Երգչախումբը կատարած է Կոնստանտին Օրբէլեանի «Կեչիների աղմուկը», Է. Յովհաննիսեանի «Էրեբունի-Երեւան» եւ Ստեփան Լուսիկեանի «Նոր Հայաստան» ստեղծագործութիւնները: Երգչախումբի հետ համագործակցութիւնն արդէն բաբարեկամական բնոյթ կը  կրէ՝ պարբերաբար կազմակերպուող միասնական համերգներու շնորհիւ:

Scroll Up