Երուսաղէմի ՄԷջ Ուխտագնացութիւն Կատարուած Է Դէպի «Պարոն Տէր» Կալուած

Երուսաղէմի Սրբոց Յակոբեանց միաբանութիւնը եւ սաղիմահայութիւնը մայիսի 18-ին ուխտագնացութիւն  կազմակերպած էին «Պարոն Տէր» կալուածին մէջ գտնուող 2015 թ. Հայոց ցեղասպանութեան 100-րդ տարելիցին նուիրուած Յիշատակի պուրակ:

«Հայերն այսօր»-ի տեղեկացմամբ, պուրակի խաչքարին առջեւ կատարուած է հոգեհանգստեան կարգ Ս. Աթոռի պատրիարքներու, միաբաններու ու եկեղեցական սպասաւորներու եւ բոլոր հայ ննջեցեալներու համար, որմէ յետոյ ներկաներուն օրուան պատգամը փոխանցած է հանդիսապետ Գերշ. Տ. Սեւան Արք. Ղարիբեան:

Ուխտագնացութեան աւարտին ներկաներուն բաժնուած է մատաղ:
Աւելցնենք, որ արդէն ամէնամեայ դարձած այս ուխտագնացութիւնը Յիշատակի պուրակի հիմնումէն յետոյ չորրորդ անգամ կը կազմակերպուէր:

Այն հաստատուած է Երուսաղէմի Հայոց Պատրիարք Ամենապատիւ Տէր Նուրհան արքեպիսկոպոս Մանուկեանի կողմէ եւ գրանցուած  Երուսաղէմի Եկեղեցական օրացոյցին մէջ:

Scroll Up