Ողիմպիական Ախոյեան Արթուր Ալեքսանեանի Եւ Ծանրամարտի Եւրոպայի Ախոյեան Սիմոն Մարտիրոսեանի Նուէրը Հալէպահայ Փոքրիկներուն

Մարդասիրական ականազերծման եւ փորձագիտական կեդրոնը (ՀԱՓԿ) հանդէս  եկած է հետաքրքիր նախաձեռնութեամբ, որուն ծիրէն ներս խաղալիքներ եւ գունազարդ գիրքեր  պիտի ուղարկուին Սուրիոյ Հալէպ քաղաքի փոքրիկներուն:

Ինչպէս կը հաղորդէ «Հայերն այսօր»-ը,  «Մենք ձեզ հետ ենք» մարդասիրական նախաձեռնութեան միացած են Յունահռոմէական ոճի ըմբշամարտի  Ողիմպիական խաղերու, Եւրոպայի եւ աշխարհի ախոյեան Արթուր Ալեքսանեան եւ ծանրամարտի Եւրոպայի կրկնակի ախոյեան Սիմոն Մարտիրոսեան:

Խաղալիքները պիտի փոխանցուին Սուրիոյ Հալէպ քաղաքի հայ համայնքի երեխաներուն:

Աւելցնենք, որ նախաձեռնութեան արդէն միացած են նաեւ Ազգային ժողովի պատգամաւորներ, պետական ու մշակութային գործիչներ, քաղաքացիներ ու բազմաթիւ դպրոցականներ:

 

Scroll Up