«Հայաստան-Եգիպտոս․ Ապագայ» Խորագիրով Գիտաժողով Գահիրէի ՄԷջ

Ապրիլ 14-ին Գահիրէի մէջ տեղի ունեցաւ գիտաժողով «Հայաստան-Եգիպտոս․ապագայ» խորագիրով: Գիտաժողովին մասնակցեցան Եգիպտոսի մէջ ՀՀ դեսպան Կարէն Գրիգորեան, Հայաստանի մէջ Եգիպտոսի նախկին դեսպան Թարըք Մաաթին (Tareq Maaty), ցեղասպանագէտներ Մոհամետ Ռիֆաաթը (Muhammad Refaat) եւ Սալեհ Զահրետինը (Saleh Zahredeen)  շարք մը եգիպտացի մտաւորականներ, միջազգային իրաւունքի, պատմութեան եւ իրաւագիտութեան մասնագէտներ, Գահիրէի Համալսարանի բանասիրութեան բաժանմունքի հայագիտական կեդրոնի նախկին եւ ներկայ տնօրէնները, հայ համայքնի ներկայացուցիչներ, լրագրողներ:

Ինչպէս «Հայերն այսօր»-ին կը յայտնեն ԱԳՆ մամլոյ ծառայութենէն, Եգիպտոսի մէջ ՀՀ դեսպան Կարէն Գրիգորեան հանդէս եկաւ Հայ-եգիպտական ժամանակակից յարաբերութիւններու մասին զեկոյցով:

Գիտաժողովի ընթացքին ցուցադրուեցան եգիպտացի ֆիլմի բեմադրիչներ Միրիամ Զաքիի (Myriam Zaki) եւ Մոհամետ Հանաֆիի (Mohamed Hanafi) նկարահանած «Ով սպաննեց հայերը» վաւերագրական ֆիլմը:

Scroll Up