ԱՄՆ Քոնկրէսականները Յարգանքի Տուրք Մատուցած Են Ծիծեռնակաբերդի Յուշահամալիրին ՄԷջ

Հայաստան այցելած ԱՄՆ քոնկրէսականները ՀՀ ԱԺ պատգամաւորներ, Հայաստան-ԱՄՆ բարեկամական խումբի անդամներ Գայեանէ Աբրահամեանի եւ Յովհաննէս Յովհաննիսեանի ուղեկցութեամբ ապրիլ 17-ին այցելած են Ծիծեռնակաբերդի 1915 թուականի Հայոց ցեղասպանութեան զոհերու յուշահամալիր:

Ինչպէս «Հայերն այսօր»-ին կը յայտնեն Ազգային ժողովի մամլոյ ծառայութենէն, Ներկայացուցիչներու պալատի ժողովրդավարական գործընկերութեան յանձնախումբի անդամ քոնկրէսականները ծաղիկներ  խոնարհած են Մեծ եղեռնի յիշատակը յաւերժացնող անմար կրակին մօտ, լռութեամբ յարգած Սուրբ նահատակներու յիշատակը:

Անոնք այցելած են Հայոց ցեղասպանութեան թանգարան-հիմնարկ, ծանօթացած 20-րդ դարու առաջին արհաւիրքը հաւաստող վաւերագիրներուն, դիտած ցուցանմուշները, գրառում կատարած «պատուաւոր հիւրերու» յուշամատեանին մէջ:

Թանգարան-հիմնարկի տնօրինութիւնը քոնկրէսականներուն նուիրած է Հայոց ցեղասպանութեան վերաբերեալ անգելէն լեզուով գիրքեր:

 

Scroll Up