«Վերածնունդ» Միջազգային Մրցոյթ-Փառատօնին Համազգայինի Բ. Կանաչեան Քոլեճի Կիթառահարներու Անսամպլը Առաջին Տեղը Գրաւեց

13 Ապրիլ 2019-ին, Համազգայինի Բարսեղ Կանաչեան Երաժշտական Քոլէճի Կիթառահարներու համոյթը ղեկավարութեամբ՝ Մկրտիչ Միքայէլեանի, իր մասնակցութիւնը բերաւ արուեստի «Վերածնունդ» միջազգային մրցոյթ-փառատօնին, որ տեղի ունեցաւ Երեւանի Սայաթ Նովա երաժշտական դպրոցին մէջ։

Մրցոյթին համոյթը  առաջին տեղը գրաւեց, լառային գործիքներու՝ կիթառի խումբերու բաժինին մէջ, ներկայացնելով երեք տարբեր գործեր։ Մրցոյթի դատական կազմը կը բաղկանար վաստակաշատ կիթառահարներէ՝ Տիմիդրի Իյարիոնով, Մկրտիչ Միքայէլեան եւ Յակոբ Ջաղացպանեան։

 Խումբը նաեւ հրաւիրուեցաւ Գոհար Համոյթի Երաժշտական դպրոցը, Գիւմրի, ուր ելոյթ ունեցաւ, ներկայութեամբ դպրոցի շնորհալի աշակերտներուն եւ հմուտ ուսուցիչներուն։ Ապա, տեղի ունեցաւ մասնագիտական դասընթացք մը (masterclass), որուն ընթացքին Պրն. Մկրտիչ Միքայէլեան գործնական ցուցմունքներ եւ թելադրանքներ փոխանցեց դպրոցի կիթառի աշակերտներուն։

Scroll Up