Գրասնոտարի Մէջ Տեղի Կ՛ունենան Հայկական Ֆիլմերու Օրեր

ՌԴ Գրասնոտար քաղաքի «Կուբանկինօ» դահլիճին մէջ մարտ 19-24 կ’իրականացուին թեմատիկ ֆիլմերու ցուցադրութիւններ: Ծրագիրին ընդգրկուած են հայ ճանչցուած բեմադրիչներու ֆիլմերը, ինչպէս նաեւ մարզի ֆիլմի գործիչներէն մէկուն աշխատանքներէն:

«Հայերն այսօր»-ը, յղում կատարելով sarsochi.ru կայք-էջին, կը յայտնէ, որ մարտ 19-ին` Հայկական ֆիլմի օրերու բացման ժամանակ, պիտի ցուցադրուի Սարիկ Անդրէասեանի «Երկրաշարժ» ֆիլմը: Մարտ 20-ին պիտի ցուցադրուի Մարի Սահակեանի «Դա ես չեմ» ժապաւէնը, մարտ 21-ին` բեմադրիչներ Արկադի Գրիգորեանի եւ Մհեր Մկրտչեանի «Պապ 005» ֆիլմը, 22-ին` բեմադրիչ Էռնեստ Յարութիւնեանի «Արշալոյս» ժապաւէնը, 23-ին հանդիսատեսը դարձեալ հնարաւորութիւն կ’ունենայ դիտելու «Դա ես չեմ» ֆիլմը: Հայկական ֆիլմի օրերը կ’եզրափակուին մարտ 24-ին` Սարիկ Անդրէասեանի «Չներուածը» ժապաւէնի ցուցադրութեամբ:

 

 

Scroll Up