Հայ Մանկաբարձ-Կնոջաբանը Աննախադէպ Վիրահատութիւն Կատարած Է Մոսկուայի

Մարտ 6-ին առաջին անգամ Ռուսաստանի մէջ` Վ. Ի. Գուլաքովի անուան մանկաբարձութեան  եւ կնոջաբանութեան ազգային գիտահետազօտական կեդրոնին մէջ, ՌԴ առողջապահութեան եւ ընկերային զարգացման նախարարութեան գլխաւոր մանկաբարձ-կնոջաբան, ակադեմիկոս Լէյլա Ադամեան 36-ամեայ կնոջ վերարտադրողական կարողութեան վերականգնման եզակի վիրահատութիւն  կատարած է: Հիւանդին մօտ առկայ եղած է ձուարաններու վաղաժամ անբաւարարութիւն:

«Հայերն այսօր»-ը, յղում կատարելով Գուլաքովի անուան Մանկաբարձութեան եւ կնոջաբանութեան  ազգային գիտահետազօտական կեդրոնի մամուլի ծառայութեան, կը յայտնէ, որ վիրահատական միջամտութիւնն իրականացուած է ճափոնական մեթոտի համաձայն, որ կիրառութեան մէջ դրուած է 2010 թուականէն եւ փորձարկուած է աշխարհի 5 երկրի` Սպանիոյ, Լեհաստանի, Չինաստանի, Մեքսիկայի եւ Ճափոնի մէջ:

Նման վիրահատական միջամտութիւն թոյլ կու տայ 40-45 տարեկան կանանց, որոնց մօտ ձուարաններու վաղաժամ անբաւարարութիւն կը սկսի, ունենալ սեփական երեխաներ:

Scroll Up