Թուրքիան Իրականացուցած Է Հայոց Ցեղասպանութիւնը` Իսրայէլի Վարչապետի Որդին` Էրտողանին

Իսրայէլի վարչապետ Բենեամին Նեթանեահուի որդին` Եաիր  Նեթանեահուն, արձագանքած է հօր թուիթերեան գրառման, ուր Իսրայէլի վարչապետը Թուրքիոյ նախագահ Ռեճէպ Էրտողանին կը համարէ «բռնապետ»:

«Հայերն այսօր»-ը, յղում կատարելով Rusarminfo.ru-ին, կը նշէ, որ Եաիր Նեթանեահուն իր թուիթերեան էջին վրայ գրած է. «Ես անոր (Էրտողանին-խմբ.) կ՛ուզեմ նաեւ յիշեցնել բոլոր այն ցեղասպանութիւններուն մասին, որոնք Թուրքիան իրականացուցած է հայերու, հրեաներու եւ ասորիներու նկատմամբ: Այդ պետութիւնը փոքր Ասիոյ մէջ քրիստոնեաներու էթնիկ զտում իրականացուցած է»:

Վերջինս աւելցուցած է նաեւ, որ ներկայիս Սթամպուլի պատմական անունը Կոստանդնուպոլիս է, որ եղած է Բիւզանդիոյ մայրաքաղաքը եւ ուղղափառ քրիստոնեաներու կեդրոնն աւելի քան 1000 տարի մինչ «թուրքերու գրաւումը»:

Scroll Up