Մեսրոպ Արք. Մութաֆեան Պոլսոյ Հայ Համայնքի Սիւներէն Մէկն Էր. Բաբգէն Տէր Գրիգորեան

ՀՀ սփիւռքի նախարարի պարտականութիւնները կատարող Բաբգէն Տէր Գրիգորեանը ցաւակցած է Պոլսոյ Հայոց պատրիարք Մեսրոպ արքեպիսկոպոս Մութաֆեանի մահուան կապակցութեամբ, որ «Հայերն այսօր»-ը կը ներկայացնէ ստորեւ.

– Սրտի խոր ցաւով տեղեկացայ, որ Պոլսոյ Սուրբ Փրկիչ Ազգային հիւանդանոցին մէջ իր մահկանացուն  կնքած է Պոլսոյ Հայոց պատրիարք ամենապատիւ Տ. Մեսրոպ արք. Մութաֆեան:

1998 թուականէն ըլլալով Պոլսոյ հայոց 84-րդ գահակալը, հայ համայնքի սիւներէն ու յենարաններէն մէկը` իր նուիրեալ գործունէութեամբ դարձաւ օրինակ եւ իր հարուստ գիտելիքները ներդրեց ստանձնած առաքելութեան ճանապարհին:

Խառնիխուռն, դժուարին ժամանակներուն մէջ մեծ հայորդին Պոլսոյ Հայոց Պատրիարքի պատուաբեր աթոռին մէջ կրցաւ միասնական պահել հայ համայնքը, ըլլալ թիկունք ու աջակից:

Մէկ անգամ եւս կը ցաւակցիմ Մեսրոպ արքեպիսկոպոս Մութաֆեանի հարազատներուն, Պոլսոյ Հայոց պատրիարքարանին, տեղի հայ համայնքին:

Scroll Up