Նիքոլա Ազնաւուր Նիկոլ Փաշինեանին Ներկայացուց «Ազնաւուր» Հիմնարկի Ծրագիրները

Վարչապետ Նիկոլ Փաշինեան Չորեքշաբթի, 20 Փետրուարին ընդունեց Շարլ Ազնաւուրի զաւակը՝ Նիքոլա Ազնաւուրը, որ «Ազնաւուր» հիմնարկի համահիմնադիրն է:

Փաշինեան փափաք յայտնեց տեղեկանալու հիմնարկի ծրագիրներուն մասին, թէ ինչ կը ծրագրուի իրականացնել՝ «Շարլ Ազնաւուրի ժառանգութիւնը նաեւ Հայաստանի մէջ պահպանելու եւ Հայաստանը որպէս ազնաւուրեան կարեւոր կեդրոններէն մէկը դարձնելու նպատակով եւ իմաստով»:

Նիքոլա Ազնաւուր շնորհակալութիւն  յայտնեց վարչապետ Փաշինեանին ջերմ ընդունելութեան համար եւ վարչապետին պատմեց «Ազնաւուր» հիմնարկի գործունէութեան եւ յետագայ ծրագիրներուն մասին:

Scroll Up