Հոլանտայի Հայ Համայնքը Բողոքի Հանրահաւաք-Ցոյց Կը Կազմակերպէ Հաագայի ՄԷջ

Հոլանտահայ կազմակերպութիւններու  միութիւնը, Հոլանտայի Հայ դատի յանձնախումբը փետրուար 27-ին Հաագայի մէջ կը կազմակերպէ հանրահաւաք-ցոյց` ի յիշատակ Սումգայիթի, Գանձակի եւ Պաքուի հայ նահատակներուն:

Ինչպէս «Հայերն այսօր»-ին կը յայտնեն Աբովեան մշակութային կեդրոնէն, մեկնարկը պիտի տրուի Խաղաղութեան պալատին մօտէն, որմէ ետք  հանրահաւաքի մասնակիցները բողոքի քայլարշաւ պիտի իրականացնեն դէպի Ատրպէյճանի դեսպանատուն:

Ցոյցի նպատակն է ոգեկոչել Սումգայիթ, Գանձակ, Պաքու եւ այլ քաղաքներու մէջ 1988, 1990 թթ. Ատրպէյճանի կողմէ իրականացուած հայերու ջարդերու հետեւանքով զոհուածներու յիշատակը, ինչպէս նաեւ բողոքի ձայնը բարձրացնել ընդդէմ Ատրպէյճանի կողմէ Արցախի եւ Հայաստանի դէմ շարունակուող յարձակումներուն:

 

Scroll Up