Կիպրոսի Պաշտպանութեան Նախարարը Այցելեց Հայոց Ցեղասպանութեան Յուշահամալիր եւ Թանգարան

Պաշտօնական այցով Երեւան ժամանած Կիպրոսի Հանրապետութեան պաշտպանութեան նախարար Սաւաս Անգելիտիսի գլխաւորած պատուիրակութիւնը Փետրուար 13-ի առաւօտեան այցելեց Հայոց Ցեղասպանութեան յուշահամալիր եւ թանգարան:

Ինչպէս  կը տեղեկացնէ թանգարանի լրատուական ծառայութիւնը, Կիպրոսի պաշտպանութեան նախարարը յարգանքի տուրք մատուցած է անմեղ զոհերու յիշատակին, այցելած է Հայոց ցեղասպանութեան թանգարան, ծանօթացած ցուցադրութեան, գրառում կատարած  Պատուաւոր հիւրերու յուշամատեանին մէջ:

ՀՑԹԻ հիմնադրամի տնօրէն Յարութիւն Մարութեան բարձրաստիճան հիւրին յանձնած է Մխիթարեան Միաբանութեան Միաբան Հայր Վահան ծայրագոյն վարդապետ Օհանեանի եւ աւստրալահայ Արա Քեթիպեանի կազմած 1890-1922 թթ․ ամերիկեան մամուլին մէջ հրատարակուած Հայոց Ցեղասպանութեան մասին յօդուածներու երկու հատոր:

Scroll Up