Լոնտոնի ՄԷջ Լոյս Տեսած Է Րաֆֆի Պետրոսեանի «Տրաւմա Ու Ճկունութիւն. Թուրքիոյ Ծպտեալ, Բացայայտ Ու Այլեւս Չթաքնուող Հայերը» Վերնագիրով Յօդուածներու Ժողովածուն

2019 թ. լոյս  տեսած է Րաֆֆի Պետրոսեանի հեղինակած յօդուածներու ժողովածուն` «Տրաւմա ու ճկունութիւն. Թուրքիոյ ծպտեալ, բացայայտ  ու այլեւս չթաքնուող հայերը» վերնագիրով: Գիրքը հրատարակուած է Լոնտոնի Կոմիտասի անուան հիմնարկին կողմէ: Այդ մասին կը հաղորդէ Akunq.net-ը:

Ժողովածուի նախաբանի հեղինակներն են փաստաբան ու «Մեծ մայրս» գիրքի հեղինակ Ֆեթհիյէ Չեթինն ու ԱՄՆ Մասաչուսէթս նահանգի Քլարգ համալսարանի պատմութեան բաժինի փրոֆ. Թաներ Աքչամը:

Վերոնշեալ գիրքին մէջ զետեղուած են հեղինակի յօդուածները, որոնց մէջ կը ներկայացուին Թուրքիոյ մէջ տեղի ունեցած այն իրադարձութիւնները, որոնք մեծապէս ազդած են Թուրքիոյ` հայկական ինքնութիւնը չթաքցնող հայերու, ծպտեալ հայերու, ինչպէս նաեւ` ինքնութիւնը բացայայտած ու վերջերս իրենց արմատներուն վերադարձած հայերու կեանքին վրայ:

Ինչպէս կը նշէ հեղինակը, 1915 թ. կատարուած Ցեղասպանութեան ժամանակ իրենց պատմական հայրենիքին մէջ 1.5 միլիոն հայերու բնաջնջումէն բացի, հազարաւոր հայ որբեր բռնի ձուլման ենթարկուեցան ու իսլամացուեցան` կազմելով «Ծպտեալ հայեր»-ը` Ցեղասպանութեան ողջ մնացած զոհերը:  Գրեթէ հարիւր տարի անց որոշակի իրադարձութիւններ քաջալերեցին ծպտեալ հայերու թոռներուն` վերագտնելու իրենց հայկական արմատներն ու մշակոյթը:

Յօդուածներէն մաս մը կը ներկայացնէ այդ իրադարձութիւններն ու հեղինակին կատարած դերն այդ հարցով: Որոշ յօդուածներ ալ կը ներկայացնեն քիչ յայտնի պատմական փաստեր հայերու ու ծպտեալ հայերու, Թուրքիոյ ճարտարապետութեան ու մշակոյթի մէջ հայերու ունեցած ներդրումներու մասին, որոնք մինչեւ օրս կը ժխտուին Թուրքիոյ պետութեան կողմէ ու դեռեւս անյայտ են թուրք հասարակութեան:

Հարկ է նշել, որ բոլոր յօդուածներուն մէջ կայ մէկ ընդհանրութիւն. ատիկա այն ցաւն  է, որ ապրած են հայերը: Բացի այդ` անոնք ունին եւս մէկ ընդհանուր թեմա` բնազդային ճկունութիւնը, յարմարուողականութիւնն ու հանճարը, որոնց շնորհիւ անոնք ողջ մնացին` չնայած բոլոր դժուարութիւններուն:

Գիրքը կարելի է ձեռք բերել Amazon.com կայքէն, books@gomidas.org  եւ անմիջապէս հեղինակէն:

 

 

 

 

Scroll Up