Մաքրոն Ապրիլ 24-ը Հայոց Ցեղասպանութեան Զոհերու Յիշատակի Օր Հռչակած է

Ֆրանսայի Նախագահ Էմանուէլ Մաքրոն Ապրիլի 24-ը յայտարարած է Հայոց ցեղասպանութեան յիշատակի ազգային օր: Այս մասին ան յայտարարած է Փարիզի մէջ հայ համայնքի ամէնամեայ ընթրիքի ժամանակ: «Ֆրանսան գիտէ,  թէ ինչպէս առերեսուիլ պատմութեան: Այն առաջիններէն էր, որ 1915թ. հայ ժողովուրդի զանգուածային սպանութիւններն անուանեց ցեղասպանութիւն, իսկ  2001թ. ճանչցաւ օրէնքի ուժով»,-«Արմէնպրես»-ի հաղորդմամբ` ըսած է Ֆրանսայի նախագահը:

Ան աւելցուցած է, որ ապրիլ 24-ը Հայոց ցեղասպանութեան յիշատակի օր հռչակելու գործընթացն աւարտին կը հասցուի յառաջիկայ շաբաթներուն ընթացքին:

Ֆրանսայի հայկական կազմակերպութիւններու համակարգող խորհուրդի հրաւիրած ընթրիքին Մաքրոն նաեւ յարգանքի տուրք  մատուցած է աշխարհահռչակ շանսոնյէ Շառլ Ազնաւուրի յիշատակին:

Scroll Up