Հայոց Ցեղասպանութեան Նուիրուած Յուշարձան Քալամաթայի Մէջ

Քալամաթայի (Յունաստան) քաղաքապետական խորհուրդը՝ իր նիստին ընթացքին՝ որոշեց Հայոց Ցեղասպանութեան նուիրուած յուշարձան մը կանգնեցնել իր քաղաքին մէջ:

Ըստ «Ազատ օր»-ի՝ Քալամաթայի քաղաքապետ պրն. Փանաեոթիս Նիքաս՝ քաղաքի հայ համայնքի ներկայացուցիչներուն ներկայութեամբ յայտարարեց, թէ յուշարձանը Հայաստանէն պիտի բերուի ու պիտի զետեղուի «Սուրբ Նիկողայոս» եկեղեցւոյ դիմացի պուրակին մէջ։ Յիշեցնենք, որ եկեղեցին քաղաքի յոյն ուղղափառ Առաջնորդին կողմէ յատկացուած է հայ համայնքին՝ եկեղեցական արարողութիւններ կատարելու համար:

Պրն. քաղաքապետը աւելուց, թէ յուշարձանի կանգնեցման այս որոշումը առնուած է՝ նկատի ունենալով, որ Քալամաթայի մէջ հայ համայնքը տարիներու ընթացքին աշխոյժ ներկայութիւն եղած է:

Scroll Up