Նիկոլ Փաշինեան Մոսկուայի Մէջ Պիտի Մասնակցի ԵԱՏՄ Նախագահութեան՝ Հայաստանի Փոխանցման Արարողութեան

ՀՀ վարչապետ Նիկոլ Փաշինեան, Յունուար 24-ին, պիտի մեկնի Մոսկուա։ Եւրասիական տնտեսական յանձնաժողովի շտաբ-բնակարանին մէջ նախատեսուած է անոր ելոյթը: Այս մասին կը յայտնեն Եւրասիական տնտեսական յանձնաժողովի մամուլի ծառայութենէն:

«ՀՀ վարչապետ Նիկոլ Փաշինեանի ելոյթը նախատեսուած է Յունուար 25-ին, Մոսկուայի մէջ, Եւրասիական տնտեսական միութեան յարկին տակ՝ 2019-ի նախագահութիւնը Ռուսիայէն Հայաստանին անցնելուն առիթով»,- նշուած է հաղորդագրութեան մէջ:

Scroll Up