Սուրիահայերը Տեղեկատուութիւն Կը Ստանան «Մէկ Պատուհան» Սկզբունքով

«Սուրիահայերու հիմնախնդիրները համակարգող կեդրոն» հասարակական կազմակերպութիւնը «Հայկական կարիտաս»-ի,Աւստրիական կարմիր խաչի, Հայկական կարմիր խաչի, ՓՄՁ համագործակցութեան ընկերակցութեան հետ յառաջիկային «Սուրիահայերու եւ տեղացիներու դիմակայութեան բարձրացում» ծրագիրի ծիրէն ներս Հայաստանի մէջ հաստատուած սուրիահայերու  համար տեղեկատուական նոր ծրագիր կ՛իրականացնեն:

Ինչպէս «Հայերն այսօր»-ի հետ զրոյցին ըսաւ  կազմակերպութեան նախագահ Ճորճ Բարսեղեանը, այս նախաձեռնութեան նպատակն է սուրիահայերուն հնարաւորութիւն ստեղծել մէկ պատուհանի սկզբունքով տեղեկանալ Հայաստանի մէջ պետական կառոյցներու, միջազգային, հասարակական կազմակերպութիւններու կողմէ իրենց ուղղուած ծրագիրները:

«Կեդրոնը մանրամասն պիտի հաւաքագրէ իւրաքանչիւր ծրագիրի վերաբերեալ տեղեկատուութիւն, որոնց մասին սուրիահայ ընտանիքներուն պիտի տեղեկացնենք սփիւռքի նախարարութեան կայք-էջի եւ համապատասխան գրքոյկներու միջոցով (աւելցնենք միայն, որ այս պահուն տեղեկատուութիւնը հասանելի է նախարարութեան համապատասխան էջին վրայ- Հ.Ա): Ատոնք սուրիահայերուն բաժնելէ բացի, նաեւ կ’ուղղորդենք եւ խորհրդատուութիւն կու տանք անոնց»,-ընդգծեց Ճորճ Բարսեղեան` աւելցնելով, որ շուտով գրքոյկները տպարանէն իրենց մօտ կ՛ըլլան եւ կը կարենան կազմակերպել բաժանման գործընթացքը:

Աւելցնենք, որ սոյն հրատարակութիւնը տպագրուած է «Սուրիահայերու եւ տեղացիներու դիմակայունութեան բարձրացում» (ԻՐԻՍ) ծրագիրի ծիրէն ներս:  «Իրիս» ծրագիրի նպատակն է ունենալ ներդրում  Ընդելուզում ազգային քաղաքականութեան մէջ, որ ուղղուած է Հայաստանի մէջ սուրիահայերու արժանապատիւ կեանքի ապահովման` ամբողջական պաշտպանութեան եւ ընդելուզման միջոցով:

 Ծրագիրի տեւողութիւնը  2018թ-ի յուլիսէն  2021թ-ի յունիսն է:

Ֆինանսաւորողն է Եւրոպական միութիւն տարածաշրջանային Թրասթ Ֆոնդը` «Մատատ», Աւստրիական զարգացման համագործակցութիւնը եւ Աւստրիական կարմիր խաչը:

 

Scroll Up