Օնթարիոյի Վարչապետ Տակ Ֆորտ այցելեց Թորոնթոյի Հայ կեդրոն

Հորիզոն- Յունուար 11-ին Թորոնթոյի Հայ Կեդրոն այցելեց Օնթարիոյի Վարչապետ Տակ Ֆորտ եւ հանդիպեցաւ հայ համայնքի ներկայացուցիչներուն հետ։ Թորոնթոյի Հայ Կեդրոնն ու Օնթարիոյի հայ Առաքելական, Կաթողիկէ եւ Աւետարանական հոգեւորականները ներկայացնող պատուիրակութիւնը դիմաւորեց վարչապետին, որուն կ՛ընկերակցէր նաեւ Օնթարիոյի Ազգային ժողովի հայ պարտգամաւոր Արիս Պապիկեան։ Վարչապետ Ֆորտ այս առիթով շնորհաւորեց Հայ Առաքելական եկեղեցւոյ Սուրբ Աստուածայայտնութեան տօնը։

 Վարչապետ Ֆորտ իր այցելութիւնը եզրափակեց Թորոնթոյի Հայ Կեդրոնի ներկայացուցիչներուն հետ հանդիպումով մը, որուն ընթացքին քննարկուեցան թորոնթոհայ համայնքին առնչուող շարք մը հարցեր։ 

Scroll Up