Հայաստանի Հանրապետութեան 100-ամեակի Եզրափակիչ Հանդիսութիւն Յունաստանի Մէջ

Հայաստանի Հանրապետութեան 100-ամեակի եզրափակիչ պաշտօնական հանդիսութիւնը, Յունաստանի մէջ, տեղի պիտի ունենայ Դեկտեմբեր 3-ի երեկոյեան ժամը 8-ին, Գոքինիոյ Ս. Յակոբ Եկեղեցւոյ մէջ։ Այս մասին կը հաղորդէ «Ազատ օր»-ը։

Հանդիսութիւնը պիտի հովանաւորէ Յունաստանի մշակութային եւ մարզական նախարարութիւնը, ներկայութեամբ՝ Մշակոյթի նախարարուհի տիկ. Միրսինի Զորպայի, իսկ պիտի նախագահէ Գերաշնորհ Տ. Գեղամ Ս. Արք. Խաչերեան, Առաջնորդ Յունաստանի Հայոց Թեմի։

100-ամեակի եզրափակիչ ձեռնարկը կազմակերպած է Յունաստանի Հայոց Թեմի Ազգ. վարչութիւնը։

Հանդիսութիւնը պիտի վարէ՝ տիկ. Արաքսի Աբէլեան, ելոյթ պիտի ունենայ Աթէնքի Պետական Սէմֆոնիք նուագախումբը, ղեկավարութեամբ՝ Մաէսթրօ պրն. Նիքոս Խալիասասի,
մենակատարութեամբ՝ պրն. Տիմիթրիս Ղուզիոսի (թաւջութակ), մասնակցութեամբ՝ սոփրանօ տիկ. Սիրանոյշ Չալըքեանի։

Scroll Up