Մխիթար Հայրապետեան Ընդունած Է «Գալուստ Կիւլպէնկեան» Հիմնադրամի Ներկայացուցիչները

Հոկտեմբեր 29-ին ՀՀ սփիւռքի նախարարի պաշտօնակատար Մխիթար Հայրապետեան ընդունած է Լիզպոնի «Գալուստ Կիւլպէնկեան» հիմնադրամի հայկական համայնքներու բաժանմունքի տնօրէն Ռազմիկ Փանոսեանը եւ «Գալուստ Կիւլպէնկեան» հիմնադրամի հայաստանեան գրասենեակի ներկայացուցիչ, քաղաքագէտ Համազասպ Դանիէլեանը:

Հանդիպման ընթացքին Մխիթար Հայրապետեան ներկայացուցած է սփիւռքի նախարարութեան պատկերացումները, որոնք կը վերաբերին սփիւռքի հետ իրականացուելիք նոր քաղաքականութեան:

Քննարկուած են նաեւ նախարարութեան եւ հիմնադրամի միջեւ ընթացիկ գործակցութիւնն առաւել բազմակողմանի դարձնելուն եւ այն ընդլայնելուն առնչուող հարցեր:
Յառաջիկային կը ներկայացուին երկկողմ բանակցութիւններու արդիւնքները:

Scroll Up