Մայք Սարեան Մեծ Ներդրում Կ’ունենայ ՀՀ Մարզերու Բժշկական Հաստատութիւններու Արդիականացման Գործին ՄԷջ

Հոկտեմբեր 30-ին սփիւռքի նախարարի պաշտօնակատար Մխիթար Հայրապետեան ընդունեց Ամերիկայի առողջապահական ոլորտի յայտնի ներկայացուցիչ, ԱՄՆ 15 նահանգներու 46 հիւանդանոց ներառող խոշորագոյն ցանցի ղեկավար, բարերար Մայք Սարեանը եւ անոր օգնական Միսաք Քեշիշեանը:
Ողջունելով Մայք Սարեանը առաջին անգամ Հայաստան այցելութեան առթիւ` Մխիթար Հայրապետեան նշեց, որ ան հպարտութիւն է ոչ միայն Հայաստանի, հայ ժողովուրդի, ամերիկահայերու, այլեւ ամերիկեան հասարակութեան համար: 2017 թուականին հէնց Մայք Սարեան ընդգրկուեցաւ ԱՄՆ առողջապահութեան ոլորտի 25 լաւագոյն գործադիր տնօրէններու ցանկին մէջ: «Ձեր յաջողութեան պատմութիւնն այնչափ ոգեւորիչ է: Մեզի համար շատ կարեւոր է սփիւռքի մէջ հայապահպանութեան հարցը, լեզուն եւ մշակոյթը, սակայն միեւնոյն ժամանակ մեր հայրենակիցները պէտք է ընելուզուին իրենց բնակութեան երկիրներու հասարակութիւններուն եւ ըլլան լաւ քաղաքացիներ: Անոնք շատ յաճախ նաեւ Հայաստանի ու այդ երկիրներու երկկողմ յարաբերութիւններու համար երաշխիք են»,-նշեց նախարարի պաշտօնակատարը:
Մայք Սարեան, շարունակելով Մխիթար Հայրապետեանի խօսքը, շեշտեց, որ ունենալով տասնամեակներու աշխատանքային փորձ առողջապահութեան ոլորտին մէջ եւ մասնագիտական զբաղուածութիւն, մշտապէս տեղեակ է ամերիկահայ համայնքին, Հայաստանին, հայերը յուզող հարցերուն: «Պատրաստ եմ աջակցելու Հայաստանին, կանգնելու նոր կառավարութեան եւ հայ ժողովուրդի թիկունքին, որ յաջողինք իւրաքանչիւր հարցի մէջ: Իմացէք, որ ունիք լաւ բարեկամ` յանձին ինձ»,-ընդգծեց Մայք Սարեան:
Ան կը ցանկայ նպաստել Հայաստանի մարզերու զարգացման ու մարզային եւ գիւղական բժշկական հաստատութիւններու արդիականացման:

Scroll Up